ଭୁବନେଶ୍ୱର: ସେପ୍ଟେମ୍ବର ୧ ତାରିଖରେ ଓଡ଼ିଶା ଅଭିଭାବକ ମହାସଂଘର ଏକ ଉଚ୍ଚ ସ୍ତରୀୟ ସାଙ୍ଗଠନିକ ବୈଠକ ସ୍ଥାନୀୟ ଭୁବନେଶ୍ୱରସ୍ଥ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ସଂଗଠନକୁ ଅଧିକ କ୍ରିୟାଶୀଳ କରିବା ଏବଂ ବିଭିନ୍ନ ସମସ୍ୟାର ତୁରନ୍ତ ସମାଧାନ ନିମନ୍ତେ ଏକ ସ୍ୱତନ୍ତ୍ର ” ଟାସ୍କ ଫୋର୍ସ କମିଟି ” ବା STF Committee ଗଠନ କରାଯାଇ ବିଭିନ୍ନ ବିଭାଗ ନିମନ୍ତେ କର୍ମକର୍ତ୍ତା ମାନଙ୍କୁ କାର୍ଯ୍ୟଭାର ହସ୍ତାନ୍ତର କରାଯାଇଛି।
ନୂତନ କମିଟିରେ ଅଧ୍ୟକ୍ଷ ବାସୁଦେବ ଭଟ୍ଟ, ସହ ଅଧ୍ୟକ୍ଷ ପ୍ରସନ୍ନ ବିଷୋୟୀ, ଭୂମୋହନ ପଟ୍ଟନାୟକ, ସ୍ଵପ୍ନେନ୍ଦୁ ସାମନ୍ତରାୟ, ସାଧାରଣ ସଂପାଦକ ଅଶୋକ ପାଇକରାୟ, ଡଃ ସତ୍ୟଜିତ ଦାସ୍, ପ୍ରଦୀପ୍ତ ମିଶ୍ର, ସୁର୍ଯ୍ୟ ନାରାୟଣ ଜେନା। ଉପାଧ୍ୟକ୍ଷ ଭାବେ କାର୍ତ୍ତିକ ସାହୁ, ଅଶୋକ ପଟ୍ଟନାୟକ ଏବଂ ରଞ୍ଜନ ଦାସଙ୍କୁ ଭିନ୍ନ ଭିନ୍ନ ଦାୟିତ୍ୱ ଅର୍ପଣ କରାଯାଇଛି ବୋଲି ମହାସଂଘର ପ୍ରବକ୍ତା ତଥା ସାଧାରଣ ସମ୍ପାଦକ ପ୍ରଦୀପ୍ତ ମିଶ୍ର ଗଣମାଧ୍ୟମ କୁ ଅବଗତ କରାଇଛନ୍ତି।