ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲାରେ ବିଶେଷ ସାରାଂଶ ସଂଶୋଧନ-୨୦୨୪ ର ଶୁଭାରମ୍ଭ ହୋଇଯାଇଛି। ଏହାକୁ ଖୋର୍ଦ୍ଧା ଷ୍ଟାଡିୟମରେ ଉପଜିଲ୍ଲାପାଳ ଦିପ୍ତୀରଞ୍ଜନ ସେଠି ଉଦଘାଟନ କରିଥିଲେ। ଏହି ଉପଲକ୍ଷେ ଏକ ପଥ ଉତ୍ସବ ଏବଂ ୱାକାଥନ ସଚେତନତା ରାଲିର ଆୟୋଜନ କରାଯାଇଥିଲା।
ଉକ୍ତ ରାଲି ପଲ୍ଲାହାଟରୁ ବାହାରି ଖୋର୍ଦ୍ଧା ଷ୍ଟାଡିୟମରେ ସମାପ୍ତ ହୋଇଥିଲା। ଏଥିରେ ଖୋର୍ଦ୍ଧା ତହସିଲଦାର, ବିଡିଓ, ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ, ସିଡିପିଓ, ସମସ୍ତ ବି.ଏଲ଼.ଓ, ମୁଁ ବି ମିତା କ୍ୟାମ୍ପସ ଆମ୍ଵାସାଡର, ପି.ଏନ.କଲେଜ ଏବଂ ମହିଳା ମହାବିଦ୍ୟାଳୟର ଛାତ୍ର ଛାତ୍ରୀ ମାନେ ସାମିଲ ହୋଇଥିଲେ।
ଷ୍ଟାଡିୟମ ଠାରେ ଜୁମ୍ଵୋ ଆକ୍ଟ , ଓଡ଼ିଶା, ଘୋଡ଼ା ନାଚ ଏବଂ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।