ରମେଶ ମହାନ୍ତି
ଜଗତସିଂହପୁର: କୁଜଙ୍ଗ ବ୍ଲକ ଅନ୍ତର୍ଗତ ପଙ୍କପାଳ ସ୍ଥିତ ଶ୍ରୀ ସତ୍ୟସାଇ ଜ୍ଞାନ ବିକାଶ ବିଦ୍ୟାଳୟର ୧୦ମ ଶ୍ରେଣୀର ଛାତ୍ରୀ ସିଦ୍ଧିକା ସାହୁଙ୍କୁ ଅନ୍ତରାଷ୍ଟ୍ରୀୟ ମାନବାଧିକାର ପରିଷଦ ତରଫରୁ ମାନପତ୍ର ପ୍ରଦାନ କରାଯାଇଛି। ଅନ୍ତରାଷ୍ଟ୍ରୀୟ ମାନବାଧିକାର ପରିଷଦର ରାଜ୍ୟ ସହ-ସମ୍ପାଦକ ଅଶିତ ରଞ୍ଜନ ରାଉତରାୟ ତାଙ୍କୁ ମାନପତ୍ର ପଦାନ କରି ସମ୍ମାନିତ କରିଛନ୍ତି।
ସିଦ୍ଧିକା ସାହୁ ସି.ବି.ଏସ୍.ଇ ବାର୍ଷିକ ପରିକ୍ଷାରେ ସର୍ବାଧିକ ୯୬.୪ ପ୍ରତିଶତ ମାର୍କ ରଖିଥିବାରୁ ତାଙ୍କୁ ଏହି ମାନପତ୍ର ପ୍ରଦାନ କରି ସମ୍ମାନିତ କରାଯାଇଛି।
ଏଥିସହିତ ସର୍ବାଧିକ ମାର୍କ ରଖି ବିଦ୍ୟାଳୟକୁ ଗୌରବାନ୍ବିତ କରିଥିବାରୁ ପ୍ରଥମେ ବିଦ୍ୟାଳୟ ତରଫରୁ ସିଦ୍ଧିକାଙ୍କୁ ସମ୍ମାନିତ କରାଯିବା ସହିତ ପାରାଦ୍ୱୀପ ସ୍ମାଇଲ୍ ଚାରିଟେବୁଲ୍ ଟ୍ରଷ୍ଟ ପକ୍ଷରୁ ମଧ୍ୟ ତାଙ୍କୁ ମାନପତ୍ର ପ୍ରଦାନ କରାଯାଇ ସମ୍ମାନିତ କରାଯାଇଛି।