ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ମାଟିର ଜଣେ କୃତି ସନ୍ତାନ ଗୋଦାବରୀଶ ମହାବିଦ୍ୟାଳୟର ପ୍ରାକ୍ତନ ରସାୟନ ବିଜ୍ଞାନ ବିଭାଗର ଅଧ୍ୟାପକ ତଥା ଓଡ଼ିଶାର ବିଭିନ୍ନ ମହାବିଦ୍ୟାଳୟରେ ଅଧ୍ୟକ୍ଷ ଭାବେ କାର୍ଯ୍ୟ କରିଥିବା ସ୍ୱର୍ଗତ ଡ଼ଃ ମୃତ୍ୟୁଞ୍ଜୟ ଶତପଥୀଙ୍କ ଦ୍ୱାଦଶାହ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି। ଶିକ୍ଷାବିତ୍ ଗୋଲଖ ବିହାରୀ ପରିଡ଼ାଙ୍କ ସଭାପତିତ୍ବରେ ଏବଂ ଚିଲିକା ସାହିତ୍ୟ ସମାଜ ସଭାପତି ବାଳମୁକୁନ୍ଦ ଦାସଙ୍କ ସଂଯୋଜନାରେ ଡ଼ଃ ଶତପଥୀଙ୍କ ସ୍ମୃତିଚାରଣ ସଭା ବିଭିନ୍ନ ଶିକ୍ଷାବିତ୍, ବୁଦ୍ଧିଜୀବୀ, ସାହିତ୍ୟିକ, ସାମ୍ବାଦିକ ଏବଂ ବନ୍ଧୁ ଓ ପରିବାର ବର୍ଗଙ୍କ ଗହଣରେ ଅନୁଷ୍ଠିତ ହୋଇଯାଇଛି।
ରାଜ୍ୟ କଂଗ୍ରେସ କମିଟି ସଭାପତି ଭକ୍ତଚରଣ ଦାସ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। କଂଗ୍ରେସ ରାଷ୍ଟ୍ରୀୟ ସମ୍ପାଦକ କ୍ରିଷ୍ଟୋଫର ତିଲକ, ପୂର୍ବତନ ମନ୍ତ୍ରୀ ପ୍ରସାଦ ହରିଚନ୍ଦନ, କଂଗ୍ରେସ ବରିଷ୍ଠ ନେତା ନବଜ୍ୟୋତି ପଟ୍ଟନାୟକ, ମାନସ ଚୌଧୁରୀ, ଭାରତୀୟ ଜନତା ପାର୍ଟି ରାଜ୍ୟ ସାଧାରଣ ସମ୍ପାଦକ ଡ଼ଃ ଯତୀନ ମହାନ୍ତି, ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଷ୍ଣୁ ଦାସ ଏବଂ ବିଭିନ୍ନ ସଂଗଠନ ତଥା ରାଜନୈତିକ ଦଳର ଅନେକ ନେତା ଉପସ୍ଥିତ ରହି ସ୍ମୃତି ଚାରଣ କରି ଶୋକ ସନ୍ତପ୍ତ ପରିବାରଙ୍କୁ ସମବେଦନା ଜଣାଇଥିଲେ।
ସ୍ୱତନ୍ତ୍ର ନିମନ୍ତ୍ରିତ ଅତିଥି ଭାବେ ଚିଲିକା ନିର୍ବାଚନ ମଣ୍ଡଳୀ ପ୍ରାକ୍ତନ ବିଧାୟକ ରଘୁନାଥ ସାହୁ, ଚିଲିକା ଆଞ୍ଚଳିକ ବିକାଶ ପରିଷଦ ସଂପାଦକ ସୁଶୀଲ କୁମାର ନନ୍ଦ, କାର୍ଯକାରୀ ସଭାପତି ଫକୀର ମୋହନ ଷଡ଼ଙ୍ଗୀ, ବିଭିନ୍ନ ଗଣମାଧ୍ୟମର ପ୍ରତିନିଧିମାନେ ଉକ୍ତ ସଭାରେ ଯୋଗଦେଇ ସ୍ୱର୍ଗତ ଶତପଥୀଙ୍କ ସ୍ମୃତି ଚାରଣ କରିଥିଲେ।
ଉକ୍ତ ସଭାରେ ଅତିଥି ଭାବେ ଯୋଗ ଦେଇ ବାଣପୁର ବରିଷ୍ଠ ନାଗରିକ ସଂଘ ସଭାପତି ଡ଼.ଚିନ୍ତାମଣି ମିଶ୍ର, ବର୍ଷୀୟାନ କବି ପୁରୁଷୋତ୍ତମ ମହାପାତ୍ର, ବାଣପୁର ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷ ମିଟୁ ନାୟକ, ପ୍ରାକ୍ତନ ଅଧ୍ୟକ୍ଷ ନୃସିଂହ ଚରଣ ପ୍ରଧାନ, ପ୍ରାକ୍ତନ ଅଧ୍ୟକ୍ଷ ସଂଗ୍ରାମ କେଶରୀ ସାହୁ, କୋରାପୁଟ ବିଶ୍ୱ ବିଦ୍ୟାଳୟର ଓଡ଼ିଆ ବିଭାଗ ପ୍ରଫେସର ତଥା ଗବେଷକ ଡକ୍ଟର ସତ୍ୟ ଷଡ଼ଙ୍ଗୀ, ଗ୍ରାମୀଣ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ସର୍ବେଶ୍ଵର ଷଡ଼ଙ୍ଗୀ, ପନ୍ତା କୂଳିଆ କବି ଦିଗମ୍ବର ବିଶ୍ୱାଳ, କ୍ୟାପଟେନ ତଥା ଅବସରପ୍ରାପ୍ତ ଅଧ୍ୟକ୍ଷ ଭବାନୀ ପ୍ରସାଦ ହୋତା, ଖୋର୍ଦ୍ଧା ଜିଲ୍ଲା ପରିଷଦର ଉପାଧ୍ୟକ୍ଷ ଗୋପୀନାଥ ମହାରଣା, ସ୍ୱର୍ଗତ ଶତପଥୀଙ୍କ କନିଷ୍ଠ ଭ୍ରାତା ଚନ୍ଦ୍ର ଶେଖର ଶତପଥୀ ପ୍ରମୁଖ ଯୋଗଦାନ କରି ଦିବଂଗତ ଆତ୍ମାର ସ୍ମୃତି ଚାରଣ କରିଥିଲେ।
ଅନ୍ୟ ମାନଙ୍କ ମଧ୍ୟରେ ତାଙ୍କର ସୁପୁତ୍ର ଲଲାଟେନ୍ଦୁ ଶତପଥି, ସମାଜ ସେବୀ ଅନନ୍ତ ଚରଣ ଖଟେଇ, ପ୍ରଭାତ କୁମାର ବେହେରା, ନାଟ୍ୟକାର ଭିକାରୀ ଚରଣ ପ୍ରଧାନ, ରବିନ୍ଦ୍ରନାଥ ମାନସିଂହ, ସାମ୍ବାଦିକ ବ୍ରଜକିଶୋର ଜେନା, ସାମ୍ବାଦିକ ତଥା ଆଇନଜୀବୀ ଅଶୋକ କୁମାର୍ ପାଇକରାୟ, ସାମ୍ବାଦିକ ଗୋବିନ୍ଦ ଚନ୍ଦ୍ର ଜାଲି, ଶିକ୍ଷାବିତ୍ ଲକ୍ଷ୍ମୀ ଚରଣ ପ୍ରଧାନ, ବିଷ୍ଣୁପ୍ରିୟା ବାରିକ, ପ୍ରମୁଖଙ୍କ ସହିତ ତାଙ୍କର ଅନ୍ୟାନ ବଂଧୁ ଓ ପରିବାର ବର୍ଗ ସ୍ୱର୍ଗତ ଆତ୍ମାଙ୍କ ଉଦ୍ଦେଶ୍ୟରେ ଶ୍ରଦ୍ଧା ସୁମନ ଅର୍ପଣ କରିବା ସହିତ ସ୍ମୃତି ଚାରଣ କରିଥିଲେ।
ସ୍ୱର୍ଗତ ଶତପଥୀଙ୍କ କନ୍ୟା ପ୍ରାଧ୍ୟାପିକା ଅସୀମା ଶତପଥୀ ଧନ୍ୟବାଦ ଅର୍ପଣ କରିଥିଲେ।
