Tag: ହତ୍ୟା ଉଦ୍ୟମ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥପୁର ଥାନା ଅର୍ନ୍ତଗତ ସୁବାସ ନଗର ପ୍ରଥମ ଗଳିରେ ରହୁଥିବା ବରିଷ୍ଠ ନାଗରିକ ତଥା ଦିବ୍ୟାଙ୍ଗ ବ୍ୟକ୍ତି ହରିହର ସାହୁଙ୍କୁ ଗତ ୨୮ ତାରିଖ ରାତିରେ ଦୁଇ ଯୁବକ ଆସି ଗାଳିଗୁଲଜ କରିବା ସହ ମାଡ଼ ମାରିଥିଲେ ଓ କିରୋସିନି ଢାଳି ହତ୍ୟା ଉଦ୍ୟମ କରିଥିଲେ। ଠିକ୍ ସେତିକିବେଳେ ସ୍ଥାନୀୟ ଲୋକ ପହଞ୍ଚି ଯିବାରୁ ଯୁବକ ମାନେ ଘଟଣାସ୍ଥଳରୁ ଚମ୍ପଟ୍ ମାରିଥିଲେ। ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ଡାକ୍ତରଖାନାକୁ ଚିକିତ୍ସା ପାଇଁ ଭର୍ତ୍ତି କରିଥିଲେ। ଅବସ୍ଥା ଗୁରୁତର ହେବାରୁ ତାକୁ କଟକ ସ୍ଥାନାନ୍ତର କରାଯାଇଛି।

ଗୁରୁତର ହରିହରଙ୍କ ଝିଅ ମଧୁସ୍ମିତା ସାହୁ ଥାନାରେ ଏତଲା ଦାଏର କରିଥିଲେ ଓ ପୋଲିସ ଅଭିଯୋଗ ଗ୍ରହଣ କରି ଗୁରୁତର ସହ ତଦନ୍ତ କରି ଜାଣିବାକୁ ପାଇଲେ ଯେ ତଳ ଘରେ ଭଡ଼ାରେ ରହୁଥିବା ସୋରଡ଼ା ଅମ୍ରୁତୁଲୁ ଅଞ୍ଚଳର ଜନୈକା ମହିଳା ସୁଦେଷ୍ଣା ଯେନା ଏହି ଘଟଣାର ମୁଖ୍ୟ ଷଡ଼ଯନ୍ତ୍ରକାରୀ। ବଳିଷ୍ଠ ପ୍ରମାଣକୁ ଆଧାର କରି ପୋଲିସ ଉକ୍ତ ମହିଳାକୁ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅର୍ନ୍ତଗତ ଖରିଡା ଗ୍ରାମର ମିନାକ୍ଷୀ ମହାରଣା ନାମ୍ନୀ ଜନୈକା ବୋହୁକୁ ଅଧିକ ଯୌତୁକ ଦାବି କରି ମାନସିକ, ଶାରୀରିକ ନିର୍ଯ୍ୟାତନା ଅଭିଯୋଗ ହିଞ୍ଜିଳି ଥାନାରେ ଅଭିଯୋଗ ହୋଇଛି। ପୋଲିସ ଅଭିଯୋଗ ଗ୍ରହଣ କରି ମାମଲା ନଂ ୩୩୫/୨୫ ଅନୁଯାୟୀ ଏକ ମକଦ୍ଦମା ରୁଜୁ କରି ଶାଶୁ, ନଣନ୍ଦ, ଦିଅର, ଶ୍ଵଶୁର ଓ ସ୍ଵାମୀଙ୍କ ନାମରେ ଅଭିଯୋଗ ଗ୍ରହଣ କରି ତଦନ୍ତ ଆରମ୍ଭ କରିଛନ୍ତି।

ସୁଚନା ଥାଊକି କବିସୂର୍ଯ୍ୟ ନଗର ଥାନା ଅର୍ନ୍ତଗତ ଚାଙ୍ଗୁଡିଆପଦର ନୁଆ ଗାଁ ର ହାଡୁ ମହାରଣା ଝିଅ ମିନାକ୍ଷୀ ହିଞ୍ଜିଳି ଥାନା ଅର୍ନ୍ତଗତ ଖରିଡା ଗ୍ରାମର ଭଗବାନ ମହାରଣା ପୁଅ ସନ୍ତୋଷ ସହ ଗତ ୫ ବର୍ଷ ପୂର୍ବେ ବୈଦୀକ ରିତୀରେ ବାହା ହେଇଥିଲା ଓ ବାହାଘର ସମୟରେ ବନ୍ଧୁ ବାନ୍ଧବ ଙ୍କ ଉପସ୍ଥତିରେ ଯୌତୁକ ପାଇଁ ନଗଦ ଏକଲକ୍ଷ ଓ ୭ ଭରି ସ୍ବର୍ଣ୍ଣ ଅଳଙ୍କାର ସହ ଘର କରଣା ଆସବାବପତ୍ର ଓ ବାସନ କୁଶନ ଇତ୍ୟାଦି ଲକ୍ଷାଧିକ ଟଙ୍କାର ସାମଗ୍ରୀ ପ୍ରଦାନ କରିଥିଲେ। କିନ୍ତୁ ବାହାଘର କିଛି ମାସ ପରେ ମିନାକ୍ଷୀ ଉପରେ ଆରମ୍ଭ ହେଲା ଅଧିକ ଯୌତୁକ ନିମନ୍ତେ ଶାରୀରିକ ଓ ମାନସିକ ନିର୍ଯ୍ୟାତନା।

ଏହିଭଳି ପରିସ୍ଥିତିରେ ନିର୍ଯ୍ୟାତିତ ମିନାକ୍ଷୀ ଅତିଷ୍ଠ ହୋଇ ଭାଇ ଘରକୁ ଚାଲି ଯାଇଥିଲା ଓ କିଛି ମାସ ପରେ ତା’ର ଏକ କନ୍ୟା ସନ୍ତାନ ଜନ୍ମ ହୋଇଥିଲା। ଶ୍ଵଶୁର ଘର ଲୋକେ ତା ଭାଇ ଘରକୁ ଯାଇ ବୁଝାସୁଝା କରି ଘରକୁ ନେଇଗଲେ।

ପୁଣି ଦ୍ଵିତୀୟ ସନ୍ତାନ ପ୍ରସବ ପାଇଁ ମିନାକ୍ଷୀ ବାପା ଘରକୁ ଯାଇ ପୁଣି ଏକ କନ୍ୟା ସନ୍ତାନ ପ୍ରାପ୍ତି ହୋଇ ଶ୍ଵଶୁର ଘରକୁ ଯେତେବେଳେ ଆସିଲେ ତାକୁ ଘର ବାରଣ୍ଡାରେ ଅଟକ୍ ରଖି ଶାଶୁ, ନଣନ୍ଦ, ଦିଅର, ଶ୍ଵଶୁର ଓ ସ୍ବାମୀ ପ୍ରମୁଖ ଘରକୁ ପୁରାଇଲେ ନାହିଁ ଓ ଦ୍ଵିତୀୟ କନ୍ୟା ସନ୍ତାନ ହେତୁ ଘୃଣା କରି ମିନାକ୍ଷୀ ପିନ୍ଧିଥିବା ସୁନା ଅଳଂକାର ଛଡ଼ାଇ ନେବା ସହ ତା’ର ତଣ୍ଟିଚିପି ହତ୍ୟା ଉଦ୍ୟମ କରିଥିଲେ। ଏହି ଭଳି ପରିସ୍ଥିତିରେ ମିନାକ୍ଷୀ ନିଜକୁ ଅସୁରକ୍ଷିତ ମନେ କରି ଥାନା ର ଦ୍ଵାରସ୍ଥ ହୋଇ ଥିଲା।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତକାଲି ସନ୍ଧ୍ୟାରେ ଟାଉନ ଥାନା ନିକଟରେ ଠିକାଦାର ଧୀରେଶ୍ ଚୌଧୁରୀଙ୍କୁ ହତ୍ୟା ଉଦ୍ୟମ ଘଟଣା ଅଭିଯୋଗ କୁ ନେଇ ଟାଉନ ଥାନା ପୋଲିସ୍ ର ତତକାଳ ଉଦ୍ୟମ ଯୋଗୁଁ ୩ ଅଭିଯୁକ୍ତ ତଥା ପ୍ରକାଶ ରାଓ, ଏମ୍ ନବୀନ ଓ ହରିପ୍ରସାଦ ପ୍ରମୁଖ ଙ୍କୁ ଭାରତୀୟ ନ୍ୟାୟ ସଂହିତା ର ବିଭିନ୍ନ ଦଫାରେ ଗିରଫ କରି କୋର୍ଟ ଚାଲାଣ କରିଛନ୍ତି। ଅଭିଯୁକ୍ତ ଯୁବକ ମାନେ ନିକଟସ୍ଥ କାମ୍ପ ସାହିର।

ଗତକାଲି ଏହି ଅଭିଯୁକ୍ତ ମାନେ ମୀନା ବଜାର ମେଳା ପରିସରରେ ଠିକାଦାର ଚୌଧୁରୀକୁ ଦାଦା ବଟି ମାଗିଥିଲେ ଓ ସେ ମନା କରିବାରୁ ତାକୁ ଭୁଜାଲିରେ ଆକ୍ରମଣ କରି ଗୁରୁତର ଅବସ୍ଥାରେ ଛାଡି ଦେଇଥିଲେ। ଏହି ଘଟଣା କୁ ନେଇ ଗୁରୁତର ଠିକାଦାର ଚୌଧୁରୀଙ୍କ ପତ୍ନୀ ରୁକ୍ମିଣୀ ଚୌଧୁରୀଙ୍କ ଏତଲା କ୍ରମେ ଟାଉନ ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ଘଟଣା ର ତଦନ୍ତ କରି ଅଭିଯୁକ୍ତ ତିନି ଯୁବକ କୁ ଉଠେଇ ଆଣି ଗିରଫ କରି କୋର୍ଟ ଚାଲାଣ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଆସ୍କା ଥାନା ଅର୍ନ୍ତଗତ ପିତ୍ତଳ ସନ୍ତୋଷ ପୁର ଗ୍ରାମର ବିଷ୍ଣୁ ପ୍ରିୟା ସ୍ୱାଇଁ ନାମ୍ନି ଜଣେ ମହିଳାଙ୍କ ଅଭିଯୋଗକୁ ଭିତ୍ତି କରି ପୂର୍ବତନ ସରପଞ୍ଚଙ୍କ ସହ ଦୁଇ ପୁଅ ଗିରିଫ କରାଯାଇଛି। ମହିଳାଜଣଙ୍କ ଉତ୍ତରେଶ୍ୱର ମନ୍ଦିରକୁ ଯାଇଥିବାବେଳେ ପୂର୍ବତନ ସରପଞ୍ଚ କୃଷ୍ଣ ଚନ୍ଦ୍ର ମଳିକ ମହିଳାଙ୍କୁ ଅଶ୍ଲୀଳ ଆଚରଣ କରି ତାଙ୍କୁ ଦୁଷ୍କର୍ମ ଉଦ୍ୟମ କରୁଥିଲାବେଳେ ସ୍ଥାନୀୟ ଲୋକେ ସେଠାରେ ପହଞ୍ଚି ଯିବାରୁ ସେ ପଳାଇଥିଲେ। ପରେ ମହିଳା ଜଣକ ତାଙ୍କ ସ୍ୱାମୀ ରଞ୍ଜନ ସ୍ୱାଇଁ, ଭାଇ ବନମାଳୀ ସ୍ୱାଇଁ ଓ ବାପା ପାଣ୍ଡବ ସ୍ୱାଇଁଙ୍କୁ କହିଥିଲେ।

ପରିବାର ଲୋକେ କୃଷ୍ଣ ମଳିକ ପାଖକୁ ଯାଇ ଏହି ବିଷୟରେ ପଚରା ଉଚୁରା କରି ଥିଲେ। ଏଥିରେ କ୍ଷୁବ୍ଧ ହୋଇ ପୂର୍ବ ତନ ସରପଞ୍ଚ କୃଷ୍ଣ ଓ ତାକଂର ଦୁଇ ପୁଅ କାଳି ଚରଣ ଓ ବଳିଆ ଲୁହା ରଡ ଓ ଭୂଜାଲିଧରି ରଂଜନ ସ୍ବାଇଁ ବଜାରରେ ଥିବା ବେଳେ ତାଙ୍କ ଉପରେ ମରଣାନ୍ତକ ଆକ୍ରମଣ କରିଥିଲେ। ଫଳରେ ରଂଜନ ଗୁରୁତର ଆହତ ହେବାରୁ ସ୍ଥାନୀୟ ଲୋକେ ପିତ୍ତଳ ଡାକ୍ତର ଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ସେଠାରେ ପରିସ୍ଥିତି ଗୁରୁତର ଥିବାରୁ ଅଧିକ ଚିକିତ୍ସା ପାଇଁ ତାକୁଂ ବ୍ରହ୍ମପୁର ବଡଡାକ୍ତର ଖାନାକୁ ପଠାଯାଇଥିଲା।

ଘଟଣା ସଂପର୍କରେ ବିଷ୍ଣୁ ପ୍ରିୟାଙ୍କ ଅଭିଯୋଗକୁ ଭିତ୍ତି କରି ଆସ୍କା ପୁଲିସ୍ ଘଟଣାର ତଦନ୍ତ କରିବା ସହ ପୂର୍ବତନ ସରପଞ୍ଚ ଓ ତାଙ୍କ ଦୁଇପୁଅଙ୍କୁ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଦିଗପହଣ୍ଡି ଥାନା ଅର୍ନ୍ତଗତ ବଡଡୁମ୍ବୁଳା ଗ୍ରାମର ରାଜେନ୍ଦ୍ର ଗୌଡ ନାମକ ଜଣେ ଯୁବକ ବାପା ବୃନ୍ଦାବନ ଗୌଡ଼ ଓ ଭାଇ ଶଙ୍କର ଗୌଡକୁ ହତ୍ୟା ଉଦ୍ୟମ କରି ଫେରାର ଥିଲା। ବାପାଙ୍କ ଅଭିଯୋଗ ଗ୍ରହଣ କରି ପୋଲିସ ମାମଲା ନଂ ୨୭୩/୨୪ ଅନୁଯାୟୀ ପୋଲିସ ବିଭିନ୍ନ ସ୍ଥାନରେ ତଲାସୀ ଦୀର୍ଘ ୫ ମାସ ପରେ ଅଭିଯୁକ୍ତ ରାଜେନ୍ଦ୍ର କୁ ଗିରଫ କରି କୋର୍ଟ ଚାଲାଣ କରିଛନ୍ତି।

ସୁଚନା ଅନୁଯାୟୀ ପିତା ବୃନ୍ଦାବନ ଗୌଡ଼ ଝିଅ ବିବାହ କରିବା ପାଇଁ ପ୍ରାୟ ୧୦ ଲକ୍ଷ ଟଙ୍କା ରୁଣ କରିଥିଲେ। କିନ୍ତୁ ବଡ଼ପୁଅ ରାଜେନ୍ଦ୍ର ଭିନ୍ନ ହୋଇ ଆଉ ଗୋଟିଏ ଘରେ ରହି ରୁଣ ବୋଝରୁ ଦୁରେଇ ରହୁଥିଲା। ଏହିଭଳି ପରିସ୍ଥିତିରେ ପିତା ଓ ସାନ ଭାଇ ଶଙ୍କର ଗତ ଜୁଲାଇ ମାସରେ ରାଜେନ୍ଦ୍ର ରହୁଥିବା ଘରକୁ ଯାଇ ରୁଣ ପରିଶୋଧ ବିଷୟରେ ଆଲେଚନା ଅବସରରେ ରାଜେନ୍ଦ୍ର ଏକ ମାରଣାସ୍ତ୍ର ରେ ଉଭୟ ବାପା ଓ ଭାଇକୁ ମାରଣାନ୍ତକ ଆକ୍ରମଣ କରି ଘଟଣାସ୍ଥଳରୁ ଚମ୍ପଟ୍ ମାରିଥିଲା।

ଏହି ପରିସ୍ଥିତିରେ ବାପା ଦିଗପହଣ୍ଡି ଥାନା ରେ ଅଭିଯୋଗ କରିଥିଲେ ଓ ପୋଲିସ ଅଭିଯୋଗ ଗ୍ରହଣ କରି ମାମଲା ରୁଜୁ କରି ଘଟଣାର ତଦନ୍ତ ଚଳାଇଥିବା ବେଳେ ଗତ ଶୁକ୍ରବାର ଦିନ ରାଜେନ୍ଦ୍ର ଗାଁ କୁ ଆସିଥିବା ଖବର ପାଇ ଘର ଉପରେ ଚଢ଼ାଉ କରି ଅଭିଯୁକ୍ତ ରାଜେନ୍ଦ୍ର କୁ ଉଠେଇ ଆଣି ହତ୍ୟା ଉଦ୍ୟମ ଅଭିଯୋଗ ରେ ଗିରଫ କରି କୋର୍ଟ ଚାଲାଣ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବେଗୁନିଆ ପଡ଼ା ଥାନା ଅନ୍ତର୍ଗତ ତିରିଡା ଗ୍ରାମର ପ୍ରଶାନ୍ତ କୁମାର ସେଠି ନାମକ ଜଣେ ଯୁବକକୁ ବେଗୁନିଆ ପଡ଼ା ଥାନା ପୋଲିସ୍ ହତ୍ୟା ଉଦ୍ୟମ ଅଭିଯୋଗରେ ଗିରଫ କରି କୋର୍ଟ ଚାଲାଣ କରିଛନ୍ତି। ଅଭିଯୁକ୍ତ ପ୍ରଶାନ୍ତ ନିକଟସ୍ଥ ବେଗୁନିଆ ପଡ଼ା ଗ୍ରାମର ଅଶାନ୍ତି ସେଠିକୁ ବୈଦିକ ରୀତିରେ ବିବାହ କରି ରହୁଥିଲେ। କିନ୍ତୁ ସେ ଜଣେ ମଦ୍ୟପ ଯୁବକ ଓ ପ୍ରତ୍ୟେକ ଦିନ ମଦ ପିଇ ଘରକୁ ଆସି ସ୍ତ୍ରୀ ଅଶାନ୍ତି କୁ ମାରଧର କରି ଗଣ୍ଡଗୋଳ କରିବା ସହ ଯୌତୁକ ଜନିତ ନିର୍ଯ୍ୟାତନା ଦେଉଥିଲା।

ଗତ ରବିବାର ରାତିରେ ପ୍ରଶାନ୍ତ ମଦରେ ଚୁର୍ ହୋଇ ପତ୍ନୀ କୁ ଏକ କାଠ ଫାଳିଆ ରେ ଆକ୍ରମଣ କରିବାରୁ ଅଶାନ୍ତି ର ମୁଣ୍ଡରେ ଗଭୀର ଆଘାତ ହୋଇଥିଲା। ଏହିଭଳି ପରିସ୍ଥିତି ଅଶାନ୍ତି ବେଗୁନିଆ ପଡ଼ା ଡାକ୍ତରଖାନାକୁ ଯାଇ ଚିକିତ୍ସା ହୋଇ ଆସି ଥାନାରେ ଏତଲା ଦେଇଥିଲେ। ପୋଲିସ ଏତଲା ଗ୍ରହଣ କରି ଫୌଜଦାରୀ ମକଦ୍ଦମାରେ ଅଭିଯୁକ୍ତ ପ୍ରଶାନ୍ତ କୁ ଗିରଫ କରି କୋର୍ଟ ଚାଲାଣ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ସଦର ଥାନା ଅନ୍ତର୍ଗତ ପାଣ୍ଡିଆ ଝୋଳି ଗ୍ରାମର ଗୀତା ବେହେରା ନାମ୍ନୀ ଜଣେ ବୋହୂ ନିଜ ସ୍ବାମୀ ପ୍ରମୋଦ ବେହେରା ନାମରେ ସଦର ଥାନାରେ ଅଭିଯୋଗ କରିଛନ୍ତି। ସ୍ବାମୀ ତଣ୍ଟି ଚିପି ମାରି ଦେବାକୁ ଉଦ୍ୟମ କରୁଥିବାର ସ୍ତ୍ରୀ ଥାନାରେ ଅଭିଯୋଗ କରିଛନ୍ତି।

ଘଟଣାରୁ ପ୍ରକାଶ ଯେ, ନିକଟସ୍ଥ ବାଲିପଡା ଗ୍ରାମର ଗୀତା ୧୦ ବର୍ଷ ତଳେ ପ୍ରମୋଦକୁ ଭଲ ପାଇ ବାହା ହୋଇଥିଲେ ଓ ଉଭୟଙ୍କର ୯ ବର୍ଷର ପୁତ୍ର ସନ୍ତାନ ରହିଛି। କିନ୍ତୁ ଏହି କିଛି ବର୍ଷ ହେଲା ଉଭୟଙ୍କ ମଧ୍ୟରେ ଅଶାନ୍ତି ସହ ପ୍ରମୋଦଙ୍କ ପରିବାର ତାଙ୍କୁ ଶାରୀରିକ, ମାନସିକ ଓ ଯୌତୁକ ନିର୍ଯାତନା ଦେଉଥିବାରୁ ଗୀତା ତାଙ୍କ ବାପ ଘରକୁ ପଳେଇ ଯାଇଥିଲେ।

କିନ୍ତୁ ହଠାତ୍ ଗତ ୨୦ ତାରିଖ ଦିନ ପ୍ରମୋଦ ତାଙ୍କର ଜଣେ ସାଙ୍ଗ ସହିତ ଗୀତାଙ୍କ ବାପା ଘରକୁ ଯାଇ ତାଙ୍କର ମାଁ ସହିତ ଝଗଡ଼ା କରିଥିଲେ ଓ ଗୀତାଙ୍କୁ ତଣ୍ଟି ଚିପି ମାରି ଦେବାକୁ ଉଦ୍ୟମ କରିଥିଲେ। ଏହାପରେ ଗୀତା ବାଧ୍ୟ ହୋଇ ସଦର ଥାନା ପୋଲିସର ଦ୍ଵାରସ୍ଥ ହୋଇଥିଲେ।

ପୋଲିସ ଗୀତାର ଅଭିଯୋଗ ଗ୍ରହଣ କରି ଏତଲା ନଂ ୩୧୮/୨୩ ଅନୁଯାୟୀ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଲାଞ୍ଜିପଲୀ ଢିପ ସାହିର ନରସିଂହ ଶବର ନାମରେ ଜଣେ ଯୁବକ ନିଜ ସ୍ତ୍ରୀ ପାର୍ବତୀ ବାଙ୍ଗାରୀଙ୍କୁ ତଣ୍ଟିଚିପି ହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି। ଏନେଇ ପାର୍ବତୀ ମହିଳା ଥାନାରେ ଏକ ଏତଲା ଦାଏର କରିଛନ୍ତି। ମହିଳା ଥାନା ପୋଲିସ ଏତଲା ଗ୍ରହଣ କରି ନରସିଂହ ବିରୋଧରେ ୯୪/୨୩ ଅନୁଯାୟୀ ମାମଲା ରୁଜୁ କରି ତଦନ୍ତ ଆରମ୍ଭ କରିଛନ୍ତି।

ପ୍ରକାଶ ଥାଉକି ଗତ ଦୁଇ ବର୍ଷ ତଳେ ନରସିଂହ ସହ ପାର୍ବତୀର ବାହା ହୋଇଥିଲା ଓ ଉଭୟଙ୍କର ୭ ମାସର ଏକ ପୁତ୍ର ସନ୍ତାନ ରହିଛି। କିନ୍ତୁ କୌଣସି କଥାକୁ ନେଇ ଉଭୟଙ୍କ ମଧ୍ୟରେ ମତଭେଦ ହେବା ସହ ନରସିଂହ ପାର୍ବତୀଙ୍କୁ ନିର୍ଦ୍ଧୁମ ମାଡ଼ ମାରିବା ସହ ତଣ୍ଟିଚିପି ଜୀବନରେ ମାରିଦେବାକୁ ଉଦ୍ୟମ କରିଥିଲେ। ପାର୍ବତୀ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହୋଇ ଆସିଲା ପରେ ମହିଳା ଥାନାରେ ଅଭିଯୋଗ କରିଛନ୍ତି।

ସୀତାରାମ ଅଗ୍ରୱାଲ
ଚିଲିକା: କାଳୁପଡ଼ା ଜଗାବଳିଆ ଲଜ୍ ରେ ଯୁବକଙ୍କୁ ଆକ୍ରମଣ ପରେ ତୃତୀୟ ମହଲାରୁ ଠେଲି ହତ୍ୟା ଉଦ୍ୟମ କରାଯାଇଥିବା ଅଭିଯୋଗ ହୋଇଛି। ଯୁବକ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି।

ଯୁବକଙ୍କ ଦଦା ଅର୍ଜ୍ଜୁନ ବିଶ୍ଵାଳଙ୍କ ଅଭିଯୋଗ ଅନୁଯାୟୀ, ତାଙ୍କ ପୁତୁରା ନିରଞ୍ଜନ ଗତକାଲି ରାତି ୧୦ ଟା ସମୟରେ ଜଗବଳିଆ ଲଜ୍ ରେ ରହୁଥିବା ଜଣେ ସମ୍ପର୍କୀୟଙ୍କୁ ଦେଖା କରିବାକୁ ଯାଇଥିଲେ। ହେଲେ ଲଜ୍ ମାଲିକ ଏବଂ ତାଙ୍କର ସହଯୋଗୀ ଲଜ୍ ଭିତରକୁ ଯିବା ପାଇଁ ମନା କରିଥିଲେ। କିନ୍ତୁ ନିରଞ୍ଜନ ଏହି ଲଜ୍ ରେ ଦୁଇ ନମ୍ବର ଧନ୍ଦା ଚାଲୁଛି କି, ସେଥିପାଇଁ ମତେ ବାରଣ କରୁଛ ବୋଲି ସେମାନଙ୍କୁ ପ୍ରଶ୍ନ କରିଥିଲେ। ଫଳରେ ସେମାନେ ରାଗି ଯାଇ ତାଙ୍କୁ ଗୋଟିଏ ଘରେ ବାନ୍ଧି ନିରଞ୍ଜନଙ୍କୁ ମାଡ ମାରିଥିଲେ।

ପରିବାର ଲୋକ ସୂଚନା ପାଇ ପହଞ୍ଚିବାରୁ ଲଜ୍ ର ମାଲିକ ଏବଂ ସହଯୋଗୀ ହଠାତ୍ ତାଙ୍କୁ ଜୀବନରୁ ମାରିଦେବା ପାଇଁ ତିନି ମହଲାରୁ ଠେଲି ଦେଇଥିଲେ। ତାଙ୍କୁ ପରିବାର ଲୋକେ ଗୁରୁତର ଅବସ୍ଥାରେ ଉଦ୍ଧାର କରି ଟାଙ୍ଗୀ ହସ୍ପିଟାଲରେ ଭର୍ତ୍ତି କରିଥିଲେ। ହେଲେ ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ଥିବାରୁ ଖୋର୍ଦ୍ଧା ହସ୍ପିଟାଲକୁ ତାଙ୍କୁ ସ୍ଥାନାନ୍ତରିତ କରାଯାଇଛି। ବର୍ତ୍ତମାନ ସେ ଜୀବନ ସହ ସଂଗ୍ରାମ କରୁଛି ବୋଲି ନିରଞ୍ଜନଙ୍କ ଦଦା ଥାନାରେ ଅଭିଯୋଗ କରିଛନ୍ତି।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଜନୈକ ୮ ବର୍ଷର ନାବାଳିକା ଝିଅକୁ ଦୁଇଜଣ ଯୁବକ ତଣ୍ଟିକାଟି ହତ୍ୟା ଉଦ୍ୟମ କରିଥିବାବେଳେ ଲୋକଙ୍କ ହାତରେ ଧରାପଡ଼ି ନିର୍ଦ୍ଧୁମ ଛେଚା ଖାଇବା ପରେ ଥାନାରେ ଜିମା ଦେଇଥିଲେ। ଏଭଳି ଏକ ଅଭାବନୀୟ ଘଟଣା ଗୋଳନ୍ଥରା ଥାନା ଅନ୍ତର୍ଗତ ସୋରଳ ଗ୍ରାମ ଓଡ଼ିଆର୍‌ପି କଲୋନୀରେ ଘଟିଥିଲା।

ତେବେ ଏହାକୁ ନେଇ ପୋଲିସ ତନାଘନା ତଦନ୍ତ ଆରମ୍ଭ କରିଥିଲା। ଆଜି ନାବାଳିକାକୁ ଗଣଦୁଷ୍କର୍ମ ପରେ ହତ୍ୟା ଉଦ୍ୟମ କରାଯାଇଥିଲା ବୋଲି ପୋଲିସ ସ୍ପଷ୍ଟ କରିଛି। ବ୍ରହ୍ମପୁର ଅତିରିକ୍ତ ଏସପି ଏନେଇ ସ୍ପଷ୍ଟ କରିଛନ୍ତି। ଅଭିଯୁକ୍ତ ଦ୍ୱୟ ବଳପୂର୍ବକ ଉଠାଇନେଇ ଗଣଦୁଷ୍କର୍ମ କରିଥିଲେ। ପୀଡ଼ିତା ପ୍ରତିବାଦ କରିବାରୁ ନିର୍ମମ ଭାବରେ ପିଟିଥିଲେ ଏବଂ ଭଙ୍ଗା ଇଟାରେ ମୁଣ୍ଡ ଓ କାନକୁ ଆଘାତ ଦେଇଥିଲେ। ଅଭିଯୁକ୍ତଙ୍କ ନାମରେ ପୋସ୍କୋ ଆକ୍ଟରେ ୩୬୫, ୩୬୬, ୩୭୬ ଡିବି, ୩୦୭, ୩୪ ଆଇପିସି ଅନୁଯାୟୀ ମାମଲା ରୁଜ୍ଜୁ କରାଯାଇଛି।

ଉଲ୍ଲେଖ ଯୋଗ୍ୟ ଯେ,  ବୁଦ୍ଧିଆ ବେହେରାଙ୍କ ନାବାଳିକା ଝିଅ ଘରେ ଏକୁଟିଆ ରହିଥିବାବେଳେ ଦୁଇ ଯୁବକ ଘର ମଧ୍ୟରେ ପଶି ନାବାଳିକାଟିର ତଣ୍ଟିକୁ କାଟି ଦେଇଥିଲେ। ପରିବାର ଲୋକେ ଏବଂ ଗ୍ରାମବାସୀ ଗୁରୁତର ଅବସ୍ଥାରେ ବ୍ରହ୍ମପୁର ବଡ଼ ମେଡ଼ିକାଲ୍‌ରେ ଭର୍ତ୍ତି କରିଥିଲେ। କିନ୍ତୁ ଅବସ୍ଥା ଗୁରୁତର ଥିବାରୁ ତାକୁ କଟକ ମେଡ଼ିକାଲ୍‌କୁ ସ୍ଥାନାନ୍ତର କରାଯାଇଥିଲା।