ନୂଆଦିଲ୍ଲୀ: ସୋମାଲିଆର ରାଜଧାନୀ ମୋଗାଦିଶୁରେ ଦୁଇଟି କାର ବିସ୍ଫୋରଣରେ ଅତି କମରେ ୧୦୦ ଜଣଙ୍କର ମୃତ୍ୟୁ ଘଟିଛି। ଏହି ଘଟଣା ଶିକ୍ଷା ମନ୍ତ୍ରଣାଳୟ ବାହାରେ ଘଟିଛି। ସୋମାଲିଆର ରାଷ୍ଟ୍ରପତି ହାସନ ଶେଖ ଏକ ବିବୃତ୍ତିରେ କହିଛନ୍ତି ଯେ ୩୦୦ ଲୋକ ଆହତ ହୋଇଛନ୍ତି।
ଅକ୍ଟୋବର ୨୯ ତାରିଖ ଶନିବାର ଦିନ ସୋମାଲିଆର ରାଜଧାନୀ ମୋଗାଦିଶୁରେ ଦୁଇଟି କାର ବୋମା ବିସ୍ଫୋରଣ ହୋଇଥିଲା ଯେଉଁଥିରେ ୩୦ ଜଣଙ୍କର ମୃତ୍ୟୁ ହୋଇଥିବା ବେଳେ ବର୍ତ୍ତମାନ ମୃତ୍ୟୁ ସଂଖ୍ୟା ୧୦୦ କୁ ବୃଦ୍ଧି ପାଇଛି। ଏଥି ସହିତ ଏପର୍ଯ୍ୟନ୍ତ କୌଣସି ଆତଙ୍କବାଦୀ ସଂଗଠନ ଏହି ଆକ୍ରମଣ ପାଇଁ ଦାୟୀ ବୋଲି ଦାବି କରିନାହାଁନ୍ତି।