ନୂଆଦିଲ୍ଲୀ: କ୍ରିକେଟ୍ ର ସବୁଠାରୁ ବଡ ମହାକୁମ୍ଭ ତଥା ଦିନିକିଆ ବିଶ୍ୱକପ୍ ର କାର୍ଯ୍ୟସୂଚୀ ଆଇସିସି ଘୋଷଣା କରିଛି। ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ଡିଫେଣ୍ଡିଂ ଚାମ୍ପିଅନ୍ ଇଂଲଣ୍ଡ ଏବଂ ରନର୍ସ ଅପ୍ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯିବ। ଏଥି ସହିତ ଟିମ୍ ଇଣ୍ଡିଆ ଅଷ୍ଟ୍ରେଲିଆ ବିପକ୍ଷରେ ପ୍ରଥମ ମ୍ୟାଚ୍ ଅକ୍ଟୋବର ୮ ତାରିଖରେ ଚେନ୍ନାଇରେ ଖେଳିବ। ଏହି ସମୟରେ ଭାରତୀୟ ଅଧିନାୟକ ରୋହିତ ଶର୍ମାଙ୍କ ପ୍ରତିକ୍ରିୟା ଦିନିକିଆ ବିଶ୍ୱକପ କାର୍ଯ୍ୟସୂଚୀ ପରେ ଆସିଛି। ସେ କ’ଣ କହିଛନ୍ତି ଜାଣନ୍ତୁ…
ଭାରତୀୟ ଅଧିନାୟକ ରୋହିତ ଶର୍ମା କହିଛନ୍ତି ଯେ, “ଘରେ ବିଶ୍ୱକପ ଖେଳିବା ଏକ ବଡ଼ ଅନୁଭୂତି ହେବ। ୧୨ ବର୍ଷ ପୂର୍ବେ ଭାରତ ଏଠାରେ ଜିତିଥିଲା। ଖେଳ ବର୍ତ୍ତମାନ ବଦଳିଥିବାରୁ ଏହି ବିଶ୍ୱକପ୍ ଅତ୍ୟନ୍ତ ପ୍ରତିଯୋଗୀ ହେବାକୁ ଯାଉଛି। ଆମେ ଅକ୍ଟୋବର ଏବଂ ନଭେମ୍ବରରେ ଭଲ ପ୍ରସ୍ତୁତି କରିବାକୁ ଅପେକ୍ଷା କରିଛୁ। ”
ବିଶ୍ୱକପ୍-୨୦୨୩ ରେ ଭାରତର ମ୍ୟାଚ୍ ସୂଚୀ:
ଅକ୍ଟୋବର ୮ ତାରିଖ- ଭାରତ ବନାମ ଅଷ୍ଟ୍ରେଲିଆ- ଚେନ୍ନାଇ।
ଅକ୍ଟୋବର ୧୧ ତାରିଖ- ଭାରତ ବନାମ ଆଫଗାନିସ୍ତାନ- ଦିଲ୍ଲୀ।
ଅକ୍ଟୋବର ୧୫ ତାରିଖ- ଭାରତ ବନାମ ପାକିସ୍ଥାନ- ଅହମ୍ମଦାବାଦ।
ଅକ୍ଟୋବର ୧୯ ତାରିଖ- ଭାରତ ବନାମ ବାଂଲାଦେଶ- ପୁଣେ।
ଅକ୍ଟୋବର ୨୨ ତାରିଖ- ଭାରତ ବନାମ ନ୍ୟୁଜିଲ୍ୟାଣ୍ଡ- ଧର୍ମଶାଳା।
ଅକ୍ଟୋବର ୨୯ ତାରିଖ- ଭାରତ ବନାମ ଇଂଲଣ୍ଡ- ଲକ୍ଷ୍ନୌ।
ନଭେମ୍ବର ୨ ତାରିଖ– ଭାରତ ବନାମ ଯୋଗ୍ୟତା ୨- ମୁମ୍ବାଇ।
ନଭେମ୍ବର ୫ ତାରିଖ- ଭାରତ ବନାମ ଦକ୍ଷିଣ ଆଫ୍ରିକା- କୋଲକାତା।
ନଭେମ୍ବର ୧୧ ତାରିଖ- ଭାରତ ବନାମ ଯୋଗ୍ୟତା ୧- ବେଙ୍ଗାଲୁରୁ।