ସମୀକ୍ଷା ବ୍ୟୁରୋ
ଭୁବନେଶ୍ବର: ସର୍ବାଧିକ ଆଙ୍ଗୁଠି ପାଇଁ ଗିନିଜ୍ ବୁକ୍ ତାଲିକାରେ ସାମିଲ ହୋଇଛନ୍ତି ଓଡିଶାର ଜଣେ ମହିଳା। ଗଞ୍ଜାମର କଡପଡାର ଜନୈକ ମହିଳା ଜଣକ ଗିନିଜ୍ ବୁକ୍ରେ ନିଜ ନାମ ପଞ୍ଜୀକରଣ କରିଛନ୍ତି। ନିଜ ଗ୍ରାମରେ ଉକ୍ତ ମହିଳାଙ୍କୁ ଡାହାଣୀ ବୋଲି କୁହାଯାଉଥିବାରୁ ସେ ଘରୁ ବାହାରନ୍ତି ନାହିଁ।
ମହିଳାଙ୍କର ସମୁଦାୟ ୩୧ଟି ଆଙ୍ଗୁଳି ରହିଛି। ୬୫ ବର୍ଷୀୟା ଏହି ବୃଦ୍ଧାଙ୍କର ପାଦରେ ୧୯ଟି ଏବଂ ହାତରେ ୧୨ଟି ଆଙ୍ଗୁଳି ରହିଛି। ପୂର୍ବରୁ ଗୁଜରାଟର ଦେବେନ୍ଦ୍ର ସୂତାର ୨୮ଟି ଆଙ୍ଗୁଳି ପାଇଁ ଗିନିଜ୍ ବୁକ୍ ରେକର୍ଡରେ ସାମିଲ ହୋଇଥିଲେ।