ତିରୁଅନନ୍ତପୁରମ୍, କେରଳର କୋଝିକୋଡା ବିମାନ ବନ୍ଦରରେ ଘଟିଥିବା ଏୟାର ଇଣ୍ଡିଆ ବିମାନ ଦୁର୍ଘଟଣାରେ ପାଇଲଟଙ୍କ ସହିତ 14 ଜଣ ମୃତ୍ୟୁବରଣ କରିଥିବା ବେଳେ ବହୁ ଆହତ ହୋଇଛନ୍ତି। ଆହତମାନଙ୍କୁ ସ୍ଥାନୀୟ ହସପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ମୃତ୍ୟୁବରଣ କରିଥିବା ପାଇଲଟଙ୍କ ନାମ ହେଉଛି କ୍ୟାପେଟନ ଦୀପକ ସେଠ୍। ସେ ଦୁବାଇରୁ 190 ଜଣ ଯାତ୍ରୀ ନେଇ ଆସୁଥିଲେ। ଏହି ଏୟାର ଇଣ୍ଡିଆର ବିମାନ IX1344 ଠିକ୍ ସଂଧ୍ୟା 7ଟା 40ରେ କୋଝିକୋଡା ବିମାନବନ୍ଦରରେ ଦୁର୍ଘଟଣା ଗସ୍ତ ହୋଇଥିଲା। ଏହି ସମୟରେ ବିମାନ ବନ୍ଦରରେ ପ୍ରବଳ ବର୍ଷା ହେଉଥିଲା। ଫଳରେ ବିମାନ ଅବତରଣ ବେଳେ ସମସ୍ୟା ଉପୁଜିଥିବାରୁ ବିମାନ ଦୁର୍ଘଟଣା ହୋଇଛି ବୋଲି ଜଣାପଡିଛି।
ଦୁର୍ଘଟଣାରେ ମୃତ୍ୟୁବରଣ କରିଥିବା ପାଇଲଟ କ୍ୟାପେଟନ ଦୀପକ ସେଟ୍ ତେବେ ବିମାନ ଦୁର୍ଘଟଣା ସଂପର୍କରେ ଫ୍ଲାଇଟ ଟ୍ରାକର ୱେବସାଇଟରୁ ବହୁ ରୋଚକ ଜନକ ତଥ୍ୟ ହସ୍ତଗତ ହୋଇଛି। ଏହି ଟ୍ରାକରରୁ ଜଣାପଡିଛି ଯେ, ପାଇଲଟ ବିମାନ ବନ୍ଦର ଉପରେ ବହୁ ସମୟ ଧରି ଉଡାଣ କରିଥିଲେ। ପରେ ସେ ତଳକୁ ତଳକୁ ବିମାନ ଅବତରଣ ପାଇଁ ଆଣିଥିଲେ। ହେଲେ ଅବତରଣ ନ ହେବାରୁ ସେ ପୁଣି ବିମାନକୁ ହଠାତ ଉପରକୁ ନେଇ ଯାଇଥିଲେ। ବିମାନ ଭିତରେ ଥିବା ପ୍ରତ୍ୟେକ୍ଷ ଦର୍ଶିକ କହିବା କଥା ଯେ, ପାଇଲଟ ବିମାନକୁ ବିମାନ ବନ୍ଦର ନିକଟରେ ତଳକୁ ପୁଣି ହଠାତ ଉପରକୁ, ଏହିପରି ବହୁ ଥର କରିଛନ୍ତି। ଏପରି ବାରମ୍ବାର କରିବା ଦ୍ବାରା ଆମେ ମଧ୍ୟ ଭୟଭିତ ହୋଇପଡିଥିଲୁ ବୋଲି ପ୍ରତ୍ୟେକ୍ଷଦର୍ଶୀ କହିଛନ୍ତି। ହେଲେ ଯେତେବେଳେ ବିମାନ ରନୱେ ଛୁଇଁଲା ସେତେବେଳେ ବିରାଟ ଶଦ୍ଦ କରି ବିମାନ ଫାଟିଗଲା ପରି ଲାଗିଲା। ଭୟଭିତ ଭାବେ ଏହି କଥା ବର୍ଣ୍ଣନା କରିଛନ୍ତି ଏହି ବିମାନ ଯାତ୍ରୀ।
ପ୍ରକୃତ ପକ୍ଷେ କୋଝିକୋଡା ବିମାନ ବନ୍ଦରଟି ପୃଥିବାରେ ଥିବା ବହୁ ବିପଦ ପୂର୍ଣ୍ଣ ବିମାନ ବନ୍ଦର ମଧ୍ୟରୁ ଗୋଟିଏ। କାରଣ ଏହି ବିମାନ ବନ୍ଦରଟି ଏକ ପାହାଡ ଉପରେ ଅବସ୍ଥିତ। ଏହି ବିମାନ ବନ୍ଦରକୁ ସାଧାରଣତଃ ଟେବୁଲଟପ ବିମାନ ବନ୍ଦର ବୋଲି କୁହାଯାଇଥାଏ। ରନୱେକୁ ଘେରିକରି ରହିଛି ପାହାଡ। ଏପରି ବିମାନ ବନ୍ଦରରେ ପାଇଲଟମାନେ ବହୁ ସାବଧାନତାର ସହ ବିମାନ ଉଠାଣ ଓ ଅବତରଣ କରାଇଥାନ୍ତି। ଦୁର୍ଘଟଣାଗସ୍ତ ହୋଇଥିବା ଏହି ବିମାନଟି ଅବତରଣ କରିବାରେ ସେହିପରି ସମସ୍ୟା ଦେଖାଦେଇଥିଲା। ଅନ୍ୟପଟେ ପ୍ରବଳ ବର୍ଷା ମଧ୍ୟ ଦାଉ ସାଜିଲା। ଫଳରେ ବିମାନଟି ପ୍ରାୟ 34 ଫୁଟ ଉପରୁ ତଳକୁ ଖସି ପଡିଛି ବୋଲି ଜଣାପଡିଛି।
ବିମାନ ଦୁର୍ଘଟଣା ପରେ ଯାତ୍ରୀଙ୍କ ପରିବାର ବର୍ଗଙ୍କୁ ଖବର ଦେବା ପାଇଁ ଏକ ହେଲପ ଲାଇନ ଜାରୀ କରାଯାଇଛି। ତାହା ହେଲା କୋଝିକୋଡ ବିମାନ ବନ୍ଦର ହେଲପ ଲାଇନ ନମ୍ବର ହେଲା 0495-2376901 ଏବଂ 0483-2719493। ସେହିପରି ସାରଜାହ ବିମାନ ବନ୍ଦର ହେଲପ ଲାଇନ ହେଲା 0097165970303
