ନୂଆଦିଲ୍ଲୀ: ପଞ୍ଜାବର ଖଡୁର ସାହିବରୁ ସ୍ୱାଧୀନ ସାଂସଦ ଅମୃତପାଲ ସିଂ ଚଣ୍ଡିଗଡ଼ ବିମାନବନ୍ଦରରେ ଅଭିନେତ୍ରୀ କଙ୍ଗନା ରନାୱତଙ୍କୁ ଚାପୁଡ଼ା ମାରିଥିବା ସିଏସ୍ଏଫ୍ କନଷ୍ଟେବଳଙ୍କୁ ସମର୍ଥନ କରିଛନ୍ତି। ଅମୃତପାଲ ତାଙ୍କୁ ଚାପୁଡ଼ା ମାରିଥିବା ସିଏସ୍ଏଫ୍ କନଷ୍ଟେବଳ କୁଲବିନ୍ଦର କୌରଙ୍କୁ ସାହସୀ ବୋଲି ପ୍ରଶଂସା କରିଛନ୍ତି।
କୁଲବିନ୍ଦର କୌରଙ୍କ ସମର୍ଥନରେ ସୋସିଆଲ ମିଡିଆ ପ୍ଲାଟଫର୍ମ X ରେ ଅମୃତପାଲ ପୋଷ୍ଟ କରିଛନ୍ତି। ଏଥିରେ ଅମୃତପାଲ ଲେଖିଛନ୍ତି ଯେ, ଆମେ ଆମର ଭଉଣୀ କୁଲବିନ୍ଦର କୌରଙ୍କ ସମର୍ଥନରେ ଏକତାର ସହ ଛିଡ଼ା ହୋଇଛୁ। କୁଲୱିନ୍ଦରଙ୍କ ସାହସ ପଞ୍ଜାବର ଝିଅମାନଙ୍କର ଶକ୍ତିର ଏକ ଉଦାହରଣ।
ସ୍ୱାଧୀନ ସାଂସଦ ଅମୃତପାଲ ସିଂ ଲେଖିଛନ୍ତି ଯେ, କଙ୍ଗନା ରନାୱତ ଶିଖ ସମ୍ପ୍ରଦାୟ, ଆମ କୃଷକ ଏବଂ ପଞ୍ଜାବର ମାଆମାନଙ୍କୁ ବାରମ୍ବାର ଅପମାନିତ ଓ ହଇରାଣ କରିଛନ୍ତି। ଆମ ସମ୍ପ୍ରଦାୟ ପ୍ରତି ଅସମ୍ମାନକୁ କୁଲୱିନ୍ଦର ଜବାବ ଦେଇଛନ୍ତି।
