Tamil Nadu Election: ଆଜି ସକାଳୁ ତାମିଲନାଡୁ ବିଧାନସଭା ପାଇଁ ଚାଲିଛି ମତଦାନ। ଗୋଟିଏ ପର୍ଯ୍ୟାୟରେ ଏହି ନିର୍ବାଚନ ଅନୁଷ୍ଠିତ ହେଉଛି। ଏଥିରେ 234ଟି ଆସନ ପାଇଁ ସକାଳୁ ମତଦାନ ପକ୍ରିୟା ଆରମ୍ଭ ହୋଇଯାଇଛି। ନିର୍ବାଚନ କମିଶନରଙ୍କ ସୂଚନା ଅନୁସାରେ ଆଜି ସକାଳ 9ଟା ସୁଦ୍ଧା ତାମିଲନାଡୁରେ 13.8 ପ୍ରତିଶତ ଭୋଟିଂ ହୋଇଥିବାର ଜଣାପଡିଛି।
ତାମିଲନାଡୁରେ ମୁଖ୍ୟତଃ ଏଆଇଡିଏମକେ ଏବଂ ଡିଏମକେ ମଧ୍ୟରେ ତୀବ୍ର ପ୍ରତିଯୋଗୀତା ହେଉଛି। ଏଥର ତାମିଲନାଡୁ ବିଧାନସଭା ପାଇଁ 3 ହଜାର 9ଶହ 98 ଜଣ ପ୍ରାର୍ଥୀ ପ୍ରତିଦ୍ବନ୍ଦିତା କରୁଛନ୍ତି। ଭାରତର ପ୍ରଖ୍ୟାତ ଅଭିନେତା ରଜନୀକାନ୍ତ ଆଜି ସକାଳୁ ନିଜର ମତାଧିକାର ସାବସ୍ତ କରିଛନ୍ତି।
