ଅକଲ୍ୟାଣ୍ଡ : ନ୍ୟୁଜିଲାଣ୍ଡ ଗସ୍ତରେ ରହିଥିବା ଭାରତୀୟ ଦଳ ଦ୍ବିତୀୟ ମ୍ୟାଚ୍ରେ ଭାରତ ଏ ବିଜୟୀ ହୋଇଛି । ପୃଥ୍ବୀ ଶ‘ଙ୍କ 150 ରନ୍ ବଳରେ ଭାରତ 372 ରନ୍ ସଂଗ୍ରହ କରିଥିବା ବେଳେ ନ୍ୟୁଜିଲ୍ୟାଣ୍ଡ ବିଜୟ ଠାରୁ 12 ରନ୍ ପଛରେ ରହିଥିଲା । ଟସ୍ ଜିତି ଭାରତ ପ୍ରଥମେ ବ୍ୟାଟିଂ କରିଥିବା ବେଳେ ପୃଥ୍ବୀ ଶ 100 ବଲ୍ର ସମ୍ମୁଖୀନ ହୋଇ 150 ରନ୍ କରିଥିଲେ । ପୃଥ୍ବୀଙ୍କ ଇନିଂସରେ 22ଟି ଚୌକା ଏବଂ 2ଟି ଛକ୍କା ସାମିଲ ଥିଲା । ଅନ୍ୟ ମାନଙ୍କ ମଧ୍ୟରେ ବିଜୟ ଶଙ୍କର 41 ଟି ବଲ୍ରୁ 6 ଚୌକା ସହାୟତାରେ 58 ରନ୍ ସଂଗ୍ରହ କରିଥିଲେ । ଜବାବରେ ନ୍ୟୁଜିଲାଣ୍ଡ ଜ୍ୟାକ୍ ବଏଲ୍ଙ୍କ130 ରନ୍ ସତ୍ତ୍ବେ ବିଜୟ ଠାରୁ 12 ରନ୍ ଦୂରରେ ରହିଥିଲା । ଭାରତ ପକ୍ଷରୁ ଇଶାନ ପୋରେଲ୍ ଏବଂ କୃଣାଲ ପାଣ୍ଡ୍ୟା ଦୁଇଟି ଲେଖାଏଁ ଓ୍ବିକେଟ୍ ଅକ୍ତିଆର କରିଥିବା ବେଳେ ମହମ୍ମଦ ସିରାଜ ଏବଂ ଅକ୍ଷର ପଟେଲ ଗୋଟିଏ ଲେଖାଏଁ ଓ୍ବିକେଟ୍ ଅକ୍ତିଆର କରିଥିଲେ । (ଏଜେନ୍ସୀ)
