The Samikhsya Odia
ଆଫଗାନିସ୍ତାନର ଏକ ବିଶ୍ବବିଦ୍ୟାଳୟରେ ବୋମା ବିସ୍ଫୋରଣ ଘଟି ୬ ଜଣଙ୍କର ମୃତ୍ୟୁ ଘଟିଛି। ଆଫଗାନିସ୍ତାନର ମାର୍ଶାଲ ଫହିମ୍ ଜାତୀୟ ପ୍ରତିରକ୍ଷା ବିଶ୍ବବିଦ୍ୟାଳୟ ପରିସରରେ ଏହି ବିସ୍ଫୋରଣ ଘଟିଛି। କାବୁଲରେ ଘଟିଥିବା ଏହି ବିସ୍ଫୋରଣରେ ୬ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୬ଜଣ ଆହତ ହୋଇଛନ୍ତି। ଏହି ଘଟଣାରେ ଦୁଇ ଜଣ ସୁରକ୍ଷାକର୍ମୀ ମଧ୍ୟ ନିହତ ହୋଇଛନ୍ତି। ବିସ୍ଫୋରଣର କାରଣ ସ୍ପଷ୍ଟ ହୋଇନଥିଲେ ମଧ୍ୟ ଏହାର ତଦନ୍ତ ଜାରି ରହିଛି ବୋଲି ପୋଲିସ୍ ପକ୍ଷରୁ କୁହାଯାଇଛି। ଏହି ଆକ୍ରମଣ ଘଟଣାରେ କୌଣସି ସଙ୍ଗଠନ ନିଜକୁ ଦାୟୀ କରି ନାହାନ୍ତି।
ଅରୁଣାଚଳ ପ୍ରଦେଶର ବିଧାୟକ ତିରୋଙ୍ଗ ଅବୋଙ୍କ ସମେତ ଅନ୍ୟ ୧୦ଜଣଙ୍କ ଏକ ବିସ୍ଫୋରଣରେ ମୃତ୍ୟୁ ଘଟିଛି। ଘଟଣାଟି ଅରୁଣାଚଳ ପ୍ରଦେଶର ତିରପ ଜିଲ୍ଲାର ବୋଗାପାନୀ ଗ୍ରାମରେ ଘଟିଛି। ଏଥିରେ ବିଧାୟକଙ୍କ ପରିବାର ସଦସ୍ୟଙ୍କ ସମେତ ଜଣେ ସୁରକ୍ଷାକର୍ମୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ପ୍ରାଥମିକ ତଦନ୍ତରୁ ଏହା ଆତଙ୍କବାଦୀ ଆକ୍ରମଣ ହୋଇଥାଇପାରେ ଅନୁମାନ କରାଯାଉଛି। ଏହି କ୍ରୂର ଘଟଣାକୁ ମେଘାଳୟ ମୁଖ୍ୟମନ୍ତ୍ରୀ କନ୍ନଡ଼ ସଙ୍ଗମା ନିନ୍ଦା କରିଥିବାବେଳେ ସ୍ବରାଷ୍ଟ୍ର ମନ୍ତ୍ରୀ ରାଜନାଥ ସିଂଙ୍କୁ ଦୋଷୀଙ୍କ ବିରୋଧର କାର୍ଯ୍ୟାନୁଷ୍ଠାନ କରିବା ପାଇଁ ଆଗ୍ରହ କରିଛନ୍ତି।
ବିଗତ ପାଞ୍ଚ ବର୍ଷ ମଧ୍ୟରେ ଦେଶରେ ୯୪୨ ଟି ବୋମା ବିସ୍ଫୋରଣ ହୋଇଥିବା ବେଳେ ଏହାକୁ ଶୁଣିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜର କାନ ଖୋଲା ରଖନ୍ତୁ ବୋଲି କହିଛନ୍ତି କଂଗ୍ରେସ ସୁପ୍ରିମୋ ରାହୁଲ ଗାନ୍ଧୀ। ଦୁଇ ଦିନ ତଳେ ପ୍ରଧାନମନ୍ତ୍ରୀ ଦେଇଥିବା ମନ୍ତବ୍ୟକୁ ସମାଲୋଚନା କରିଛନ୍ତି। ଦୁଇଦିନ ତଳେ ମୋଦି କହିଥିଲେ ଦେଶରେ ୨୦୧୪ ପରଠାରୁ କୌଣସି ବିସ୍ଫୋରଣ ହୋଇନାହିଁ। ଗତକାଲି ମହାରାଷ୍ଟ୍ରର ଗଡିଚିରୋଲିରେ ଏକ ବିସ୍ଫୋରଣରେ ୧୬ ସୁରକ୍ଷା କର୍ମୀଙ୍କ ପ୍ରାଣହାନି ପରେ ରାହୁଲ ଟ୍ବିଟ୍ଟର ଜରିଆରେ ପ୍ରଧାନମନ୍ତ୍ରୀଙ୍କୁ ଆକ୍ରମଣ କରିଛନ୍ତି। ରାହୁଲ କହିଛନ୍ତି ୨୦୧୪ ପରଠାରୁ ମୋହରା, ଦାନ୍ତେଓ୍ବାଡେ, ପାଲାମୁ, ଅଉରଙ୍ଗାବାଦ, କୋରାପୁଟକ, ସୁକମା, ଅଓ୍ବାପଲ୍ଲୀ ଏବଂ ଛତିଶଗଡରେ ବିସ୍ଫୋରଣ ଘଟିଛି। ଏହି ସମସ୍ତ ବିସ୍ଫୋରଣରେ ଦେଶ ଏହାର ଅନେକ ସୁରକ୍ଷାକର୍ମୀଙ୍କୁ ହରାଇଛି। ଏହି ସମସ୍ତ ଘଟଣା ଶୁଣିବାକୁ ପ୍ରଧାନମନ୍ତ୍ରୀଙ୍କୁ ନିଜ କାନ ଖୋଲା ରଖିବାକୁ ପଡିବ ବୋଲି ରାହୁଲ କହିଛନ୍ତି। ବରିଷ୍ଠ କଂଗ୍ରେସ ନେତା ପି ଚିଦାମ୍ବରମ୍ କହିଛନ୍ତି, ଏହି ସମସ୍ତ ତଥ୍ୟ ପ୍ରଧାନମନ୍ତ୍ରୀଙ୍କ ସାମ୍ନାରେ କେହି ପଢି ଶୁଣାଇବା ଉଚିତ୍।
ରବିବାର ଇଷ୍ଟରରେ ହୋଇଥିବା ବିସ୍ଫୋରଣର ଦାଗ ଶ୍ରୀଲଙ୍କା ବାସୀଙ୍କ ମନରୁ ଲିଭି ନଥିବା ବେଳେ ପୁଣି ଏକ ବିସ୍ଫୋରଣରେ ୧୫ ଜଣ ନିହତ ହୋଇଛନ୍ତି। ସୈନ୍ଥାମୁର୍ଥୁରେ ଘଟିତ ହୋଇଥିବା ଏହି ବିସ୍ଫୋରଣରେ ୧୫ ଜଣଙ୍କ ପ୍ରାଣହାନି ଘଟିଥିବା ବେଳେ ମୃତକଙ୍କ ମଧ୍ୟରେ ୬ ଜଣ ଶିଶୁ ଏବଂ ୩ ଜଣ ମହିଳା ରହିଛନ୍ତି। ଏହି ଘଟଣାରେ ପୋଲିସର ପାଲଟା ଗୁଳି ଚାଳନାରେ ୨ ଆଇଏସ୍ ଆତଙ୍କବାଦୀ ନିହତ ହୋଇଛନ୍ତି। ଶ୍ରୀ ଲଙ୍କାର ଆମ୍ପରା ଜିଲ୍ଲାରେ ଇଷ୍ଟର ବୋମାମାଡର କିଛି ସନ୍ଦିଗ୍ଧ ଲୁଚି ରହିଥିବାର ଖବର ପାଇ ପୋଲିସ୍ ଚଢାଉ କରିଥିଲା। ଚଢାଉ ସମୟରେ ର୍କିଛି ରାଉଣ୍ଡର ଗୁଳି ଚାଳନା ପରେ ବିସ୍ଫୋରଣ ହୋଇଥିଲା ବୋଲି ମିଲିଟାରୀ ମୁଖପାତ୍ର ସୁମିଥ୍ ଅଟ୍ଟାପଟ୍ଟୁ ସୂଚନା ଦେଇଛନ୍ତି। ନିହତ ୧୫ ଜଣଙ୍କ ମଧ୍ୟରେ କୌଣସି ଆତଙ୍କୀ ଅଛନ୍ତି କି ନା ଏନେଇ କୌଣସି ସୂଚନା ମିଳି ପାରି ନାହିଁ। ଏହି ସ୍ଥାନରୁ ପୋଲିସ୍ ବହୁମାତ୍ରାରେ ବିସ୍ଫୋରକ, ଜିଲୋଟିନ୍, ଏସିଡ୍ ବୋତଲ ପ୍ରଭୃତି ଜବତ କରିଥିଲା। ସୂଚନାଯୋଗ୍ୟ ଯେ, ରବିବାର ଆଇଏସ୍ ଆଇଏସ୍ ପକ୍ଷରୁ କରାଯାଇଥିବା ବିସ୍ଫୋରଣରେ ୨୫୩ ଜଣ ନିହତ ହୋଇଥିବା ବେଳେ ୬୦୦ ରୁ ଅଧିକ ଆହତ ହୋଇଥିଲେ।
ଗତ ରବିବାର ଦିନ ଶ୍ରୀଲଙ୍କାରେ ଭୟଙ୍କର ବିସ୍ଫୋରଣ ଘଟି ୩୫୯ ଲୋକଙ୍କ ପ୍ରାଣହାନି ଘଟିଥିବା ବେଳେ ଆଜି ପୁନର୍ବାର ଏକ ଭୟଙ୍କର ବିସ୍ଫୋରଣ ଘଟିଛି। ଗୁରୁବାର ଘଟିଥିବା ଏହି ବିସ୍ଫୋରଣରେ କୌଣସି ପ୍ରାଣହାନି ଘଟିନଥିବା ବେଳେ କେହି ଆହତ ମଧ୍ୟ ହୋଇନାହାନ୍ତି। ପୋଲିସ୍ ମୁଖପାତ୍ର ରୁଆନ୍ ଗୁଣ ଶେଖରା କହିଛନ୍ତି, କଲମ୍ବୋରୁ ୪୦ କିମି ଦୂର ପୁଗୋଡା ମାଜିଷ୍ଟ୍ରେଟ୍ କୋର୍ଟଙ୍କ ପଛରେ ଏହି ବିସ୍ଫୋରଣ ଘଟିଥିଲା। ଏହି ବିସ୍ଫୋରଣଟି କୋର୍ଟ ପଛରେ ଘଟିଥିବା ବେଳେ ଏହାର ତଦନ୍ତ ଚାଲିଥିବା ପ୍ରକାଶ କରିଛନ୍ତି ରୁଆନ ଗୁଣଶେଖର। ରବିବାରର ବିସ୍ଫୋରଣ ଠାରୁ ଏହା ସମ୍ପୂର୍ଣ୍ଣ ଅଲଗା ଥିଲା ବୋଲି ପୋଲିସ ସୂତ୍ରରୁ ପ୍ରକାଶ। ସୂଚନାଯୋଗ୍ୟ ଯେ ରବିବାର ହୋଇଥିବା ଭୟଙ୍କର ବିସ୍ଫୋରଣରେ ୩୫୯ ପ୍ରାଣହାନି ଘଟିଥିବା ବେଳେ ୬୦୦ରୁ ଅଧିକ ଆହତ ହୋଇଥିଲେ। ଏହି ଘଟଣାରେ ପୋଲିସ୍ ଅନ୍ୟୁନ ୫୮ ଜଣଙ୍କୁ ଗିରଫ କରି ସାରିଛି।
ପାକିସ୍ତାନରେ ଏକ ଶକ୍ତିଶାଳୀ ବୋମା ବିସ୍ଫାେରଣରେ ୧୬ଜଣ ଲୋକଙ୍କ ମୃତ୍ୟୁ ଘଟିଛି। ପାକିସ୍ତାନୀ ସହର କ୍ବେଟାର ଦକ୍ଷିଣ ପଶ୍ଚିମ ଇଲାକାରେ ଏହି ବିସ୍ଫୋରଣ ଘଟିଛି। ସିଆ ସମ୍ପ୍ରଦାୟର ଲୋକ ମାନେ ରହୁଥିବା ଏହି ଅଞ୍ଚଳରେ ବିସ୍ଫୋରଣରେ ଅନ୍ୟୁନ ୧୬ ଜଣ ନିହତ ହୋଇଥିବା ବେଳେ ୩୦ ରୁ ଅଧିକ ଲୋକ ଆହତ ହୋଇଛନ୍ତି। ପୋଲିସ ମୁଖ୍ୟ ଅବ୍ଦୁର ରଜାକ୍ ଶୁକ୍ରବାର ସକାଳୁ ଗଣମାଧ୍ୟମ ଅଧିକାରୀଙ୍କୁ ଏହି ସୂଚନା ଦେଇଛନ୍ତି। କୌଣସି ଆତଙ୍କୀ ସଙ୍ଗଠନ ଏହି ବିସ୍ଫୋରଣ ପାଇଁ ନିଜକୁ ଦାୟୀ କରିନାହାନ୍ତି। ସୁନ୍ନି ଜିହାଦୀ ମାନେ ଅତୀତରେ ଏଭଳି କାଣ୍ଡ ଘଟାଇଥିବାରୁ ଏହି ଘଟଣାରେ ମଧ୍ୟ ସୁନ୍ନି ସଙ୍ଗଠନର ହାତ ରହିଥିବା ନେଇ ରଜାକ ସନ୍ଦେହ ପ୍ରକଟ କରିଛନ୍ତି। ବେଲୁଚିସ୍ତାନର ରାଜଧାନୀ କ୍ବେଟା ପ୍ରାକୃତିକ ଗ୍ୟାସ୍ ଏବଂ ତୈଳରେ ଭରପୁର ରହିଥିବାରୁ ଉଭୟ ଗୋଷ୍ଠୀ ମଧ୍ୟରେ ଏହାକୁ ଅକ୍ତିଆର କରିବା ନେଇ ପ୍ରତିଦ୍ବନ୍ଦିତା ଚଳାଇଛନ୍ତି।
ସୋମାଲିଆର ରାଜଧାନୀ ମୋଗାଦିଶୁରେ ତିନୋଟି କାର୍ ବିସ୍ଫୋରଣ ହୋବ ଫଳରେ ୩୯ ଜଣଙ୍କର ମୃତ୍ୟୁ ହୋଇଥିବାବେଳେ ଏହି ଘଟଣାରେ ୩୦ ଜଣ ଆହତ ହୋଇଛନ୍ତି । ସହାଫୀ ହୋଟେଲ୍ ଓ ସିବିଆଇ କାର୍ଯ୍ୟାଳୟ ପାଖରେ ତିନୋଟି କାର ବିସ୍ଫୋରଣ ହୋଇଥିଲା । ତେବେ ମୃତକଙ୍କ ସଂଖ୍ୟା ବଢିପାରେ, କାରଣ ଏହି ବିସ୍ଫୋରଣରେ ଅନେକ ନିଖୋଜ ରହିଥିବାର ସୂଚନା ରହିଛି । ଅଲକାଏଦା ଆତଙ୍କୀ ସଂଗଠନ ଅଲ୍-ଶବାବ୍ ଏହି ବିସ୍ଫୋରଣ ପାଇଁ ନିଜକୁ ଦାୟୀ କରିଛି । ୨୦୧୮ରେ ଦେଶରେ ସବୁଠାରୁ ବଡ଼ ଆତଙ୍କୀ ଆକ୍ରମଣ ହୋଇଥିଲା, ଏକ ବ୍ୟସ୍ତବହୁଳ ସଡକ ଉପରେ କାର୍ ବମ୍ ବିସ୍ଫୋରଣ କରାଯାଇଥିଲା । ଏଥିରେ ୩୫୮ ଜଣ ମୃତ୍ୟୁବରଣ କରିଥିଲେ ।