The Samikhsya Odia
ସମୀକ୍ଷା ବ୍ୟୁରୋ
ଭୁବନେଶ୍ବର : ବାଲେଶ୍ୱର ଜିଲ୍ଲାରୁ ପୁନର୍ବାର ବ୍ରାଉନସୁଗାର ଜବତ କରାଯାଇଛି । ଜଳେଶ୍ୱରସ୍ଥିତ ଶେଖବାଡରେ ପୋଲିସ ଏବଂ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ଜଣଙ୍କୁ ଗିରଫ କରାଯାଇଛି । ଗିରଫ ବ୍ୟକ୍ତିଙ୍କ ନିକଟରୁ ପୋଲିସ୍ 50 ଗ୍ରାମ ବ୍ରାଉନ୍ ସୁଗାର ଜବତ କରିଛି । ଗିରଫ ଅଭିଯୁକ୍ତଙ୍କ ଘର ଶେଖବାଡ଼ ଅଞ୍ଚଳରେ ବୋଲି ଜଣାପଡିଛି । ଭୋର ସାଢ଼େ ଚାରିଟା ବେଳେ ପୋଲିସ ଏବଂ ଅବକାରୀ ବିଭାଗ ପକ୍ଷରୁ ଏହି ଚଢ଼ଉ କରାଯାଇଥିଲା । ଜବତ ବ୍ରାଉନସୁଗରର ମୂଲ୍ୟ ଅନ୍ତର୍ଜାତୀୟ ବଜାରରେ ପ୍ରାୟ 5 ଲକ୍ଷ ଟଙ୍କା ହେବ ବୋଲି ପୋଲିସ ପକ୍ଷରୁ କୁହାଯାଇଛି ।
ସମୀକ୍ଷା ବ୍ୟୁରୋ
ଭୁବନେଶ୍ବର, 25/12 : 40 ଗ୍ରାମ ବ୍ରାଉନସୁଗାର ସହିତ ଜଣେ ଯୁବକଙ୍କୁ ଗିରଫ କରାଯାଇଛି । ଜଟଣୀରୁ ଗିରଫ ଯୁବକଙ୍କ ନିକଟରୁ ଗୋଟିଏ କାର୍, ଏକ ଲକ୍ଷ 10 ହଜାର ଟଙ୍କା ଏବଂ ମୋବାଇଲ୍ ଜବତ କରାଯାଇଛି । ବ୍ରାଉନ ସୁଗାର୍ ସହିତ ଯୁବକ ଜଣକ ଆସୁଥିବା ନେଇ ବିଶ୍ବସ୍ତ ସୂତ୍ରରୁ ଖବର ପାଇ ଜଟଣୀ ପୋଲିସ୍ ପକ୍ଷରୁ ଚଢାଉ କରାଯାଇଥିଲା । ଜଟଣ ପୋଲିସ୍ ଏବଂ କ୍ୟୁଏଟି ପକ୍ଷରୁ ମିଳିତ ଭାବରେ ଚଢାଉ କରାଯାଇ ମୁଖ୍ୟ ଅଭିଯୁକ୍ତଙ୍କୁ ଗିରଫ କରାଯାଇଛି । ଘଟଣା ସମ୍ପର୍କରେ ଅଧିକ ସୂଚନା ପାଇଁ ପୋଲିସ୍ର ତଦନ୍ତ ଜାରି ରହିଛି ।
ବୁଧବାର ସକାଳୁ ହଳଦିଆପଡ଼ିଆ ବସ୍ତି ଅଂଚଳରେ ଅବକାରୀ ବିଭାଗ ଚଢ଼ାଉ କରି ୪୫ ଗ୍ରାମ ବ୍ରାଉନସୁଗାର ଜବତ ସହ ଚାଲାଣକାରୀଙ୍କୁ ଗିରଫ କରିଛି। ବିଭିନ୍ନ ଅପରାଧ ସହ ମାଦକ ଦ୍ରବ୍ୟ ଚୋରା ଚାଲାଣକାରୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଭୁବନେଶ୍ୱର ହଳଦିଆପଡ଼ିଆ ବସ୍ତି ଅଂଚଳରେ ଥିବା ଏକ ଆଡ୍ଡାରୁ ଏକ କାର ଯୋଗେ ବ୍ରାଉନସୁଗାର ଚାଲାଣ ବେଳେ ଅବକାରୀ ବିଭାଗ ଚଢାଉ କରି ୪୫ ବ୍ରାଉନସୁଗାର ଜବତ କରିଛି। ଜବତ ହୋଇଥିବା ୪୫ ଗ୍ରାମ ବ୍ରାଉନସୁଗାରର ଆନୁମାନିକ ମୂଲ୍ୟ ପ୍ରାୟ ୫ ଲକ୍ଷ ଟଙ୍କା ହୋଇଥିବା ସୂଚନା ମିଳିଛି। ଅଧିକ ତଥ୍ୟ ସହ ଏହି ଚାଲାଣରେ କାହା ଲିଙ୍କ ରହିଛି ଖୋଳତାଡ଼ ଆରମ୍ଭ କରିଛି ପୋଲିସ। ଏହି ଡ୍ରଗ୍ସ ଜବତ ଜରାଜଧାନୀ ଧୀରେ ଧୀରେ ଡ୍ରଗ୍ସ ମାଫିଆଙ୍କ ଦ୍ବାରା କବଳିତ ହେଉଛି ବୋଲି କୁହାଯାଇଛି।