The Samikhsya Odia
ମେଲବୋର୍ଣ୍ଣ : ଅଷ୍ଟ୍ରେଲିଆର ଜଙ୍ଗଲ ନିଆଁ ସହାୟତା ପ୍ରଦାନ ପାଇଁ ଖେଳାଯାଇଥିବା କ୍ରିକେଟ୍ ମ୍ୟାଚ୍ରେ 7.7 ମିଲିୟନ୍ ଡଲାରର ଅର୍ଥରାଶି ସଂଗୃହୀତ ହୋଇଛି । ଏହି ମ୍ୟାଚ୍ ପାଇଁ ସଚିନ ତେନ୍ଦୁଲକର, ବ୍ରାୟାନ୍ ଲାରା, ଓ୍ବାସିମ୍ ଆକ୍ରମ୍, ରିକି ପଣ୍ଟିଂ, ଆଡାମ ଗିଲକ୍ରିଷ୍ଟ ଏବଂ ଯୁବରାଜ ସିଂଙ୍କ ପରି ଖେଳାଳି ଫେରିଥିଲେ । ଏହା ସହିତ ଏହି ମ୍ୟାଚ୍ରେ ଅଷ୍ଟ୍ରେଲିଆ ମହିଳା ଦଳର କିଛି ସଦସ୍ୟ ମଧ୍ୟ ଏହି ମ୍ୟାଚ୍ ଖେଳିଥିଲେ । ଏହି ମ୍ୟାଚ୍ ବ୍ୟତିତ ସଚିନ୍ ଅଷ୍ଟ୍ରେଲିଆ ମହିଳା ଦଳ ସହିତ ଏକ ମ୍ୟାଚ୍ ଖେଳିଥିଲେ । (ଏଜେନ୍ସି)
ମେଲବୋର୍ଣ୍ଣ : ଅଷ୍ଟ୍ରେଲିଆର ଜଙ୍ଗଲ ନିଆଁରେ ପୀଡିତଙ୍କ ସହାୟତା ପାଇଁ ଏକ କ୍ରିକେଟ୍ ମ୍ୟାଚ୍ ଅନୁଷ୍ଠିତ ହୋଇଛି । ପୂର୍ବତନ ଅନ୍ତର୍ଜାତୀୟ ଖେଳାଳି ମାନଙ୍କୁ ନେଇ ଏହି ମ୍ୟାଚ୍ ଆୟୋଜିତ ହୋଇଛି । 10 ଓଭର ବିଶିଷ୍ଟ ଏହି ମ୍ୟାଚ୍ରେ ଉଭୟ ଦଳରେ ଜଣେ ଲେଖାଏଁ ମହିଳା ଖେଳାଳି ରହିଥିଲେ । ଏହି ମ୍ୟାଚ୍ରେ ପଣ୍ଟିଂ ଏକାଦଶ 1 ରନ୍ରେ ବିଜୟୀ ହୋଇଛି । ପଣ୍ଟିଂ ଏକାଦଶ ପକ୍ଷରୁ ଜଷ୍ଟିନ୍ ଲାଙ୍ଗର, ମାଥ୍ୟୁ ହେଡେନ୍ ଏବଂ ବ୍ରାଏନ୍ ଲାରା ଖେଳୁଥିବା ବେଳେ ଗ୍ରୀଲକ୍ରିଷ୍ଟ ଏକାଦଶ ପକ୍ଷରୁ ସେନ୍ ଓ୍ବାଟସନ୍, ଯୁବରାଜ ସିଂ ଏବଂ ଆଣ୍ଡ୍ର୍ୟୁ ସାଇମଣ୍ଡସ୍ ଖେଳିଥିଲେ । ପଣ୍ଟିଂ ଏକାଦଶ ପକ୍ଷରୁ ବ୍ରାଏନ୍ ଲାରା ସର୍ବାଧିକ 30 ରନ୍ ସଂଗ୍ରହ କରିଥିବା ବେଳେ ରିକି ପଣ୍ଟିଂ 26 ରନ୍ ସଂଗ୍ରହ କରିଥିଲେ । ଜବାବରେ ସେନ୍ ଓ୍ବାଟସନ୍ 30 ଏବଂ ସାଇମଣ୍ଡସ୍ 29 ରନ୍ ସଂଗ୍ରହ କରିଥିବା ବେଳେ ଦଳ ବିଜୟ ଠାରୁ 1 ରନ୍ ପଛରେ ରହିଯାଇଥିଲା ।