The Samikhsya Odia
Bidita Bag has joined a campaign that highlights the importance of consent of women, and spreads awareness against rape. The “Babumoshai Bandookbaaz” actress took to Instagram on Friday to create a series of posts on Instagram that speak about the brutality of rape and how it affects a woman physically and emotionally.
BENGALURU, NOV 29 (UNI) :- Congress leader D K Shivkumar during an election campaign for Congress candidate Shivraj for the upcoming bye Election at Mahalakshmi Layout in Bengaluru on Friday. UNI PHOTO SLP12U
କ୍ରମାଗତ ଦ୍ବିତୀୟ ଦିନ ପାଇଁ ଉତ୍ତର ଓଡିଶା ଗସ୍ତରେ ରହି ପ୍ରଚାର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ବାରିପଦା, କପ୍ତିପଦା ଏବଂ ମୋରଡାରେ ପ୍ରଚାର କରିଛନ୍ତି ମୁଖ୍ୟମନ୍ତ୍ରୀ। ପ୍ରଚାର ପୂର୍ବରୁ ମୁଖ୍ୟମନ୍ତ୍ରୀ ପ୍ରଥମେ ବାରିପଦାର ଜଗନ୍ନାଥ ମନ୍ଦିର ଯାଇ ଶ୍ରୀଜିଉଙ୍କ ଦର୍ଶନ କରିଥିଲେ। ଏହା ପରେ କପ୍ତିପଦାରେ ଦଳ ପକ୍ଷରୁ ଆୟୋଜିତ ଏକ ଜନସଭାରେ ସାମିଲ ହୋଇଥିଲେ ନବୀନ। ଏହି ଅବସରରେ ନବୀନ ନିଜ ଅଭିଭାଷଣରେ କାଳିଆ ଯୋଜନାର ସଫଳତା ବଖାଣିବା ସହ କେନ୍ଦ୍ରକୁ ସିଧାସଳଖ ଟାର୍ଗେଟ୍ କରିଛନ୍ତି। କାଳିଆ ଯୋଜନାରେ ୪୦ ଲକ୍ଷ ଚାଷୀ ଉପକୃତ ହେଲେଣି କିନ୍ତୁ କେନ୍ଦ୍ରର ବିଜେପି ସରକାର ଏହାକୁ ବନ୍ଦ କରିବାକୁ ଚକ୍ରାନ୍ତ କରୁଛି ବୋଲି ଅଭିଯୋଗ କରିଛନ୍ତି ନବୀନ। ମୁଁ ଥିବା ପର୍ଯ୍ୟନ୍ତ କାଳିଆକୁ କେହି ବନ୍ଦ କରିପାରିବେ ନାହିଁ ବୋଲି ଦମ୍ଭ ଦେଖାଇବା ସହ ବିଜୁ ଜନତା ଦଳ ପୁନର୍ବାର କ୍ଷମତାକୁ ଆସିଲେ ସରକାର ଗଠନର ପ୍ରଥମ ଦିନରେ ହିଁ କାଳିଆର ଦୁଇଟି କିସ୍ତିର ଟଙ୍କା ଚାଷୀଙ୍କୁ ମିଳିବ ବୋଲି ପ୍ରତିଶ୍ରୁତି ଦେଇଛନ୍ତି ମୁଖ୍ୟମନ୍ତ୍ରୀ। ଏହାପରେ କପ୍ତିପଦା ନିର୍ବାଚନୀ ସଭାରୁ ବି କେନ୍ଦ୍ରକୁ କଡା ଭାଷାରେ ସମାଲୋଚନା କରିଥିଲେ ନବୀନ। ନିର୍ବାଚନ ସମୟରେ କେନ୍ଦ୍ରର ବଡ ବଡ ନେତା ଓଡିଶା ଧାଇଁ ଆସୁଛନ୍ତି ହେଲେ ବିପର୍ଯ୍ୟୟ ବେଳେ ସେମାନଙ୍କର କାହାର ବି ଦେଖାମିଳେନି ବୋଲି ନବୀନ କହିଛନ୍ତି। ମୁଖ୍ୟମନ୍ତ୍ରୀ ଆହୁରୀ ମଧ୍ୟ କହିଛନ୍ତି ଯେ, ମୟୂରଭଂଜ ମେଡିକାଲ କଲେଜ ପ୍ରତିଷ୍ଠା ପାଇଁ ରାଜ୍ୟ ସରକାର ୮୦ ପ୍ରତିଶତ ଅର୍ଥ ଖର୍ଚ୍ଚ କରିଥିବା ବେଳେ କେନ୍ଦ୍ର ସରକାର ମାତ୍ର ୨୦ ପ୍ରତିଶତ ଅର୍ଥ ଦେଇଛନ୍ତି। ସେହିପରି ଚଳିତ ଲୋକସଭା ନିର୍ବାଚନରେ କୌଣସି ଦଳ ସଂଖ୍ୟା ଗରିଷ୍ଠତା ହାସଲ କରି ପାରିବେ ନାହିଁ ଏବଂ ବିଜେଡି ସରକାର ଗଠନରେ ପ୍ରମୁଖ ଭୂମିକା ଗ୍ରହଣ କରିବ ବୋଲି ନବୀନ କହିଥିଲେ।
ପଶ୍ଚିମବଙ୍ଗର ତିନିଟି ଜିଲ୍ଲାରେ ପାଞ୍ଚଟି ଲୋକସଭା ଆସନ ପାଇଁ ସାତ ପର୍ଯ୍ୟାୟ ବିଶିଷ୍ଟ ନିର୍ବାଚନରେ ତୃତୀୟ ପର୍ଯ୍ୟାୟ ଏପ୍ରିଲ ୨୩ ଭୋଟ ପାଇଁ ଆଜି ସନ୍ଧ୍ୟାରେ ପ୍ରଚାର ଶେଷ ହେଉଛି। ଏପ୍ରିଲ ୨୩ ରେ ପାଞ୍ଚଟି ଲୋକସଭା ଆସନ ବାଲୁରାଘାଟ,ଉତ୍ତର ମାଲଦା,ଦକ୍ଷିଣ ମାଲଦା ,ଜାଙ୍ଗିପୁର ଏବଂ ମୁର୍ଶିଦାବାଦ ରେ ଭୋଟ ଗ୍ରହଣ କରାଯିବ। ଏହି ନିର୍ବାଚନ ମଣ୍ଡଳୀ ଗୁଡିକ ରେ ଭାରତୀୟ ଜନତା ପାର୍ଟି ,ଅଲ ଇଣ୍ଡିଆ ତୃଣମୂଳ କଂଗ୍ରେସ ,ଭାରତୀୟ ଜାତୀୟ କଂଗ୍ରେସ ଏବଂ ବାମ ପନ୍ଥୀ ଦଳ ଗୁଡିକ ନିଜର ପ୍ରାର୍ଥୀ ଦେଇଛନ୍ତି। ଏହି ପାଞ୍ଚଟି ଆସନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ,କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ,ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ ଏବଂ ବାମପନ୍ଥୀ ଦଳଗୁଡିକ ର ଶୀର୍ଷ ନେତାଗଣ ହାଇଭୋଲଟେଜ୍ ପ୍ରଚାର କରିଛନ୍ତି । ତେବେ ଏହି ହାଇଭୋଲେଟେଜ୍ ପ୍ରଚାର କେବଳ ମୋଦୀ ଏବଂ ମମତା ମଧ୍ୟରେ ସୀମିତ ରହିଛି। ଦୁର୍ନୀତିରୁ ନେଇ ଜାତିଆଣ ବାଦ, ଏନଆରସି ରୁ ଆରମ୍ଭ କରି ଚିଟଫଣ୍ଡ ଦୁର୍ନୀତିରୁ ନେଇ ସୁରକ୍ଷା ପର୍ଯ୍ୟନ୍ତ ଥିବା ମୁଦ୍ଦାଗୁଡିକୁ ଦଳମାନେ ପ୍ରଚାରରେ ସାମିଲ କରିଛନ୍ତି। ତୃଣମୂଳ କଂଗ୍ରେସ ମୁଖ୍ୟ ମୋଦୀଙ୍କୁ ହରାଇବାକୁ ଆହ୍ଵାନ ଦେଇଥିବା ବେଳେ ମୋଦୀ ମଧ୍ୟ ତାଙ୍କ ଦଳ ସପକ୍ଷରେ ମତଦାନ କରିବାକୁ ଲୋକଙ୍କୁ କହିଛନ୍ତି।
ବାଲାଘାଟରେ ପ୍ରମୁଖ ସ୍ରୋତରେ ଥିବା ଦଳ ଯଥା ଏଆଇଟିଏମ୍ସି, ବିଜେପି, ,ଆରଏସ୍ପି, କଂଗ୍ରେସକୁ ମିଶାଇ ୧୩ ଜଣ ପ୍ରତିଯୋଗୀ ରହିଛନ୍ତି। କିନ୍ତୁ ମୁଖ୍ୟ ଲଢେଇ ଟିଏମ୍ସି ଓ ବିଜେପି ମଧ୍ୟରେ ହେବ। ୨୦୧୪ ଲୋକସଭା ନିର୍ବାଚନରେ ତୃଣମୂଳ କଂଗ୍ରେସ ପ୍ରାର୍ଥୀ ଅର୍ପିତା ଘୋଷ ରିଭଲ୍ଯୁସନାରୀ ସୋସିଆଲିଷ୍ଟ ପାର୍ଟି ର ବିମଲେନ୍ଦୁ ସରକାରକୁ ହରାଇ ସେହି ନିର୍ବାଚନ ମଣ୍ଡଳୀକୁ ବାମପନ୍ଥୀ ଙ୍କ ହାତ ରୁ ଛଡାଇ ଆଣିଥିଲେ। ରିଭଲ୍ଯୁସନାରୀ ସୋସିଆଲିଷ୍ଟ ପାର୍ଟି ସେହି ଆସନ କୁ ନିଜ କବ୍ଜା ରେ ରଖିଥିଲା ଯାହା ୧୯୭୭ ରୁ ୨୦୦୯ ଯାଏଁ ଜନଜାତି ପ୍ରାର୍ଥୀ ପାଇଁ ସଂରକ୍ଷିତ ଥିଲା। ପୂର୍ବ ଲୋକସଭା ନିର୍ବାଚନରେ ଟିଏମସିର ଅର୍ପିତା ଘୋଷ ଆରଏସପି ର ବିମଲେନ୍ଦୁ ସରକାର ଙ୍କୁ ୧,୦୬,୯୬୪ ଭୋଟ ରେ ପରାସ୍ତ କରିଥିଲେ। ସେହି ଭୋଟ ରେ ଟି ଏମ ସି ୩୯.୮୫ ପ୍ରତିଶତ ଭୋଟ ଏବଂ ଆର ଏସ ପି ୨୯.୪୫ ପ୍ରତିଶତ ଭୋଟ ପାଇଥିଲା ଏବଂ ବିଜେପି ୨୧.୭୦ ପ୍ରତିଶତ ଓ କଂଗ୍ରେସ ୭.୮୫ ପ୍ରତିଶତ ଭୋଟ ପାଇଥିଲା।
ବହୁଜନ ସମାଜ ପାର୍ଟି ନେତ୍ରୀ ମାୟାବତୀ ଏବଂ ବିଏସ୍ପି ପ୍ରତିଷ୍ଠାତା ମୁଲାୟମ ସିଂ ଯାଦବ ଏବଂ ଅଖିଳେଶ ଯାଦବଙ୍କ ସହିତ ଗୋଟିଏ ମଞ୍ଚରେ ନଜର ଆସିଛନ୍ତି। ମହାମେଣ୍ଟରେ ଉଭୟ ଦଳ ଏକତ୍ର ନିର୍ବାଚନ ଲଢୁଥିବା ବେଳେ ଉତ୍ତର ପ୍ରଦେଶର ମଣିପୁରୀରେ ଏକତ୍ର ନିର୍ବାଚନ ପ୍ରଚାର କରିଛନ୍ତି ଏହି ତିନି ନେତା। ବିଜେପିକୁ କ୍ଷମତାରୁ ଦୂରେଇ ରଖିବା ପାଇଁ ଦୁଇ ରାଜନୈତିକ ଶତ୍ରୁ ଏକତ୍ର ଗୋଟିଏ ମଞ୍ଚରେ ନଜର ଆସିଥିବା ବେଳେ ମୁଲାୟମ ଦଳୀୟ କର୍ମୀଙ୍କୁ ମାୟାଙ୍କ ପାଦ ଛୁଇଁବାକୁ ନିର୍ଦ୍ଦେଶ ଦେଉଥିବା ଦେଖା ଯାଇଥିଲା। ମୈନେପୁରୀରୁ ମୁଲାୟମ ନିର୍ବାଚନ ଲଢିବାକୁ ଯାଉଥିବା ବେଳେ ମାୟାଙ୍କ ପ୍ରଚାର ଦଳିତ ଭୋଟରଙ୍କୁ ଦଳ ଆଡକୁ ଆକୃଷ୍ଟ କରିବ ବୋଲି ରାଜନୈତିକ ସମୀକ୍ଷକ ମତ ଦେଇଛନ୍ତି। ଉଭୟ ନେତାଙ୍କ ମଧ୍ୟରେ ବନ୍ଧୁତା ମହାମେଣ୍ଟରେ ରହିଥିବା ପ୍ରାର୍ଥୀଙ୍କ ପାଇଁ ସୁବିଧା ଜନକ ହେବ। ୧୯୯୫ ମସିହାରେ ମାୟା ଏବଂ ମୁଲାୟମ୍ଙ୍କ ମଧ୍ୟରେ ହୋଇଥିବା ବିବାଦ ଯୋଗୁଁ ଉଭୟ ଦଳ ମେଣ୍ଟ କରି ପାରୁନଥିବା ବେଳେ ଅଖିଳେଶ ବିଜେପିକୁ କ୍ଷମତାରୁ ହଟାଇବା ପାଇଁ ମାୟାଙ୍କ ସହ ହାତ ମିଶାଇଥିଲେ। ଏହାକୁ ପ୍ରାରମ୍ଭରୁ ବିରୋଧ କରିଥିଲେ ମଧ୍ୟ ଶେଷରେ ମୁଲାୟମ ଏହି ମେଣ୍ଟକୁ ସମର୍ଥନ କରୁଥିବା ଦେଖାଦେଇଛି।
ମଧ୍ୟପ୍ରଦେଶର ମୁଖ୍ୟ ନିର୍ବାଚନର ଅଧିକାରୀ କଂଗ୍ରେସର ‘ଚୌକିଦାର ଚୋର’ ବିଜ୍ଞାପନ ଉପରେ ପ୍ରତିବନ୍ଧକ ଲଗାଇଛନ୍ତି। ଯୁଗ୍ମ ମୁଖ୍ୟ ନିର୍ବାଚନ ଅଧିକାରୀ ରାତେଶ କୌଲ ବୁଧବାର ଦିନ ରାଜ୍ୟର ସମସ୍ତ ଜିଲ୍ଲାପାଳଙ୍କୁ ଏହି ବିଜ୍ଞାପନର ପ୍ରସାରଣ ବନ୍ଦ କରିବାକୁ ନିର୍ଦେଶ ଦେଇଛନ୍ତି। ଲୋକସଭା ନିର୍ବାଚନ ପାଇଁ କଂଗ୍ରେସର ‘ଚୌକିଦାର ଚୋର’ ବିଜ୍ଞାପନର ଆଞ୍ଚଳିକ ଗଣମାଧ୍ୟମରେ ପ୍ରସାରଣ ବନ୍ଦ କରିବାକୁ କୁହାଯାଇଛି। ଏହା ପୂର୍ବରୁ ସୁପ୍ରିମକୋର୍ଟ ମଧ୍ୟ ‘ଚୌକିଦାର ଚୋର’ କୁ ନେଇ ରାହୁଲ ଗାନ୍ଧୀଙ୍କୁ ଜବାବ ମାଗିଛନ୍ତି। ଭାରତୀୟ ଜନତା ପାର୍ଟି ତରଫରୁ ‘ଚୌକିଦାର ଚୋର ହୖ’ ବିଜ୍ଞାପନକୁ ନେଇ ନିର୍ବାଚନ ପଦାଧିକାରୀଙ୍କ କାର୍ଯ୍ୟାଳୟରେ ଅଭିଯୋଗ କରାଯାଇଥିଲା। ବିଜ୍ଞାପନଟି ଅପମାନଜନକ ଓ ଆପତ୍ତିଜନକ ବୋଲି ଏହି ଅଭିଯୋଗରେ କୁହାଯାଇଥିଲା। ନିର୍ବାଚନ ଆୟୋଗଙ୍କ ଗଣମାଧ୍ୟମ ପ୍ରାମାଣିକତା ଏବଂ ପର୍ଯ୍ୟବେକ୍ଷଣ କମିଟି ବିନା ଅନୁମତିରେ ଏହି ବିଜ୍ଞାପନର ପ୍ରସାରଣ କରାଯାଉଥିବା ଅଭିଯୋଗ କରାଯାଇଥିଲା। ଅଭିଯୋଗ ଆଧାରରେ ନିର୍ବାଚନ ଅଧିକାରୀ କାର୍ଯ୍ୟାନୁଷ୍ଠାନ ନେବା ପୂର୍ବକ ଏହି ବିଜ୍ଞାପନ ଉପରେ ପ୍ରତିବନ୍ଧକ ଲଗାଇଛନ୍ତି।
ନିର୍ବାଚନ ଆୟୋଗ ଆଜି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ତଥା ବିଜେପି ନେତା ଯୋଗୀ ଆଦିତ୍ୟନାଥ ଓ ବହୁଜନ ସମାଜବାଦୀ ପାର୍ଟି ସୁପ୍ରିମୋ ମାୟାବତୀଙ୍କ ନିର୍ବାଚନୀ ପ୍ରଚାର ଉପରେ ପ୍ରତିବନ୍ଧକ ଲଗାଇଛନ୍ତି। ଯୋଗୀଙ୍କ ନିର୍ବାଚନୀ ପ୍ରଚାର ଉପରେ ୭୨ ଘଣ୍ଟା (୩ ଦିନ) ଏବଂ ବହୁଜନ ସମାଜବାଦୀ ପାର୍ଟି (ବିଏସ୍ପି) ଅଧ୍ୟକ୍ଷା ମାୟାବତୀଙ୍କ ପ୍ରଚାର ଉପରେ ୪୮ ଘଣ୍ଟା (୨ ଦିନ)ର ପ୍ରତିବନ୍ଧକ ଲଗାଇଛି। ମଙ୍ଗଳବାର ସକାଳ ୬ଟାରୁ ଏହି ପ୍ରତିବନ୍ଧକ ଲାଗୁ ହେବ। ଯୋଗୀ ଏବଂ ମାୟାବତୀଙ୍କ ବିରୋଧରେ ନିର୍ବାଚନ ଆଦର୍ଶ ଆଚରଣବିଧି ଉଲ୍ଲଙ୍ଘନ ଅଭିଯୋଗ ରହିଥିଲା। ଉଭୟ ଉତ୍ତେଜକ ଭାଷଣ ଦେଇଥିବାର ଅଭିଯୋଗ ମଧ୍ୟ ରହିଥିଲା। ସୂଚନାଯୋଗ୍ୟ ଏନେଇ ସୁପ୍ରିମକୋର୍ଟରେ ଏକ ଜନସ୍ବାର୍ଥ ମାମଲା ଦାଏର କରାଯାଇଥିଲା। ଏଥିରେ ନେତାମାନେ ଜାତି, ଧର୍ମ ଆଧାରରେ ଘୃଣା ପ୍ରସାରଣ କରୁଥିବାର ଟିପ୍ପଣୀମାନ ଦେଉଛନ୍ତି ବୋଲି ଅଭିଯୋଗ କରାଯାଇଥିଲା। ଏଭଳି ଘୃଣ୍ୟ ରାଜନୀତି କରୁଥିବା ବ୍ୟକ୍ତିବିଶେଷ ତଥା ରାଜନୈତିକ ଦଳ ଉପରେ କାର୍ଯ୍ୟାନୁଷ୍ଠାନ ନେବାକୁ ଦାବି କରାଯାଇଥିଲା। ସୁପ୍ରିମକୋର୍ଟ ଏହି ମାମଲାରେ ଅସନ୍ତୋଷ ବ୍ୟକ୍ତ କରିବା ସହ ଉଭୟ ନେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ନିର୍ବାଚନ ଅୟୋଗଙ୍କୁ କହିଥିଲେ। ସୁପ୍ରିମ୍କୋର୍ଟଙ୍କ ନିର୍ଦ୍ଦେଶ ପରେ ଇସି ଆଜି ଯୋଗୀ ଓ ମାୟାଙ୍କ ନିର୍ବାଚନୀ ପ୍ରଚାର ଉପରେ ପ୍ରତିବନ୍ଧକ ଲଗାଇଛନ୍ତି।
ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ଆଜି ରାୟଗଡ଼ା ଓ ଗୁଣୁପୁର ଗସ୍ତ କରିଛନ୍ତି। ଏଠାରେ ରୋଡ୍ ଶୋ’ କରିଥିଲେ ଏବଂ ରୋଡ୍ ଶୋ’ ପରେ ଏକ ସାଧାରଣ ସଭାରେ ନବୀନ ଉଦ୍ବୋଧନ ଦେଇଥିଲେ। ଏଠାରେ ନବୀନ ପଟ୍ଟନାୟକ କେନ୍ଦ୍ରକୁ ଟାର୍ଗେଟ୍ କରିଥିଲେ। ବିଜେଡ଼ି ସରକାର ଗରିବଙ୍କ ପାଇଁ ଆହାର ଯୋଜନା କରିଛି, କିନ୍ତୁ ଗରିବଙ୍କୁ ଟଙ୍କିକିଆ ଚାଉଳ ଦେବାକୁ କେନ୍ଦ୍ର ମନା କଲା। ସେହିପରି ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ମହିଳାଙ୍କୁ ୭ଲକ୍ଷ ଟଙ୍କା ରାଜ୍ୟ ସରକାର ଦେଇଛନ୍ତି। ପାନୀୟ ଜଳ ପାଇଁ କେନ୍ଦ୍ର ଏକ ହଜାର କୋଟି ଟଙ୍କା ଦେଉଥିବାବେଳେ ରାଜ୍ୟ ସରକାର ଖର୍ଚ୍ଚ କରିଛି ୧୨ ହଜାର କୋଟି ଟଙ୍କା। ସବୁବେଳେ ରାଜ୍ୟକୁ ଅବହେଳା କରିଆସିଛି କେନ୍ଦ୍ର। ସାଢେ ୪ କୋଟି ଓଡ଼ିଆ ହେଉଛନ୍ତି ମୋ ପରିବାର, ଶେଷ ନିଃଶ୍ବାସ ଯାଏ ସେବା କରିବି ବୋଲି କହି ଭୋଟ୍ ପାଇଁ ଅପିଲ୍ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।
( ମୋବାଇଲରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
ନିର୍ବାଚନର ବିଗୁଲ୍ ବାଜିସାରିଛି ଆଉ ଛଅ ଦିନରେ ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବ। ଏହି ଅବସରରେ ଓଡ଼ିଶାରେ ପ୍ରମୁଖ ରାଜନୈତିକ ଦଳମାନଙ୍କର ହାଇଭୋଲେଟଜ୍ ଡ୍ରାମା ଦେଖିବାକୁ ମିଳୁଛି। ବିଜେଡିର ଷ୍ଟାର ପ୍ରଚାରକରେ ଏଥର ସାମିଲ୍ ହୋଇ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ଜୋରସୋର୍ରେ ପ୍ରଚାର ଅଭିଯାନ ଚଳାଇଛନ୍ତି। ସେହିପରି ଅନ୍ୟ ଦୁଇ ରାଜନୈତିକ ଦଳର ପ୍ରଚାର ମଧ୍ୟ ବେଶ୍ ଜୋର୍ସୋର୍ରେ ଚାଲିଛି। ଉପକୂଳ ଓଡ଼ିଶାକୁ ହାତେଇବାକୁ ଏବେ ଦୁଇ ପ୍ରମୁଖ ରାଜନୈତିକ ଦଳଙ୍କ ମଧ୍ୟରେ ଚାଲିଛି ଜୋର୍ସୋର୍ର ପ୍ରତିଦ୍ବନ୍ଦ୍ବିତା। ଉଭୟ ବିଜେପି ଓ କଂଗ୍ରେସର ବଡ଼ ବଡ଼ ନେତା ଓଡ଼ିଶାରେ ନିର୍ବାଚନୀ ପ୍ରଚାର ଚଲାଇଛନ୍ତି। ଦୁଇ ତାରିଖରେ ମୋଦି କଳାହାଣ୍ଡି ଗସ୍ତ କରିଥିବାବେଳେ ଆସନ୍ତା ୬ ତାରିଖରେ ପ୍ରଧାନମନ୍ତ୍ରୀ ମୋଦି ଓ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓଡ଼ିଶା ଆସିବେ। ମୋଦି ସୁନ୍ଦରଗଡ଼ରେ ଏକ ଜନସଭାରେ ଯୋଗଦେବାର କାର୍ଯ୍ୟକ୍ରମ ରହିଥିବାବେଳେ ଯୋଗୀ ବ୍ରହ୍ମପୁରଠାରେ ଆୟୋଜିତ ହେବାକୁ ଥିବା ଏକ ସାଧାରଣ ସଭାରେ ଉଦ୍ବୋଧନ ଦେବେ। ସେହିପରି ୭ ତାରିଖରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହା ପୁରୀ ଗସ୍ତ କରିବେ। ସେହିପରି କଂଗ୍ରେସ ଅଧ୍ୟକ୍ଷ ରାହୁଲ୍ ଗାନ୍ଧି ଆସନ୍ତା ୯ ତାରିଖରେ ଓଡ଼ିଶା ଗସ୍ତ କରିବେ ବୋଲି ସୂଚନା ରହିଛି। ତେବେ ଏଥର ରାହୁଲ୍ ଦକ୍ଷିଣ ଓଡ଼ିଶାରେ ପ୍ରଚାର କରିବେ ବୋଲି ଜଣାପଡିଛି।
( ମୋବାଇଲ୍ ରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଡାଇନଲୋଡ ପରେ ଇଂରାଜୀ କିମ୍ବା ଓଡିଆ ଭାଷା ବାଛି ସବମିଟ୍ କରନ୍ତୁ, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
ବିହାରର ପୂର୍ବତନ ମୁଖ୍ୟମନ୍ତ୍ରୀ ରାବ୍ରି ଦେବୀ ଆଜୀବନ ଜେଲ୍ ଭୋଗୁଥିବା ନାବାଳିକା ଦୁଷ୍କର୍ମକାରୀ ରାଜବଲ୍ଲଭ ଯାଦବଙ୍କ ପତ୍ନୀ ବିଭା ଦେବୀଙ୍କ ପାଇଁ ଭୋଟ ଭିକ୍ଷା କରୁଛନ୍ତି। ଗୁରୁବାର ଦିନ ନାବାଦାଠାରେ ଆୟୋଜିତ ଏକ ରାଲିରେ ସାଂସଦ ପ୍ରାର୍ଥୀ ବିଭା ଦେବୀଙ୍କୁ ଭୋଟ୍ ଦେଇ ଜିତାଇବା ପାଇଁ ପ୍ରାର୍ଥନା କରିଛନ୍ତି। ବିଭା ଦେବୀ ନଓ୍ବାଦ ଆସନରୁ ପ୍ରାର୍ଥୀ ହୋଇଛନ୍ତି। ଏହି ପ୍ରଚାର ସମୟରେ ରାବ୍ରି ଦେବୀ କହିଛନ୍ତି ଯେ, ରାଜବଲ୍ଲଭ ଯାଦବ ନିର୍ଦ୍ଦୋଷ, ଯାଦବ ପରିବାରକୁ ବଦନାମ କରାଯିବା ପାଇଁ ଏପରି ଷଡଯନ୍ତ୍ର କରାଯାଇଛି। ୨୦୧୬ ଫେବୃଆରୀ ୬ ତାରିଖରେ ନାବାଳିକା ଜଣଙ୍କୁ ଦୁଷ୍କର୍ମ କରାଯାଇଥିଲା। ପୀଡ଼ିତାର ବୟାନ ଆଧାରରେ ଗତ ଡିସେମ୍ବର ମାସରେ ପାଟନା ହାଇକୋର୍ଟ ରାଜବଲ୍ଲଭ ଯାଦବ ଏବଂ ନାବାଳିକା ଦୁଷ୍କର୍ମ ଘଟଣାରେ ସମ୍ପୃକ୍ତ ଅନ୍ୟ ୬ ଜଣଙ୍କୁ ଦଣ୍ଡାଦେଶ ଦିଆଯାଇଛି। ପକ୍ସୋ ଆକ୍ଟରେ ଦୋଷୀ ହୋଇଥିବା ରାଜବଲ୍ଲଭଙ୍କୁ ଆଜୀବନ ଜେଲ୍ ସହ ୫୦,୦୦୦ଟଙ୍କାର ଜୋରିମାନା ମଧ୍ୟ ହୋଇଥିଲା। ୨୦୧୬ ଫେବୃଆରୀ ୧୪ରେ ଆରଜେଡି ତାଙ୍କୁ ଦଳରୁ ବହିଷ୍କୃତ କରିଥିଲା।
ପ୍ରାଧନମନ୍ତ୍ରୀ ନରେନ୍ଦ୍ର ମୋଦୀ ଦିଲ୍ଲୀର ତାଲକଟୋରା ଷ୍ଟାଡିୟମରେ ମୁଁ ବି ଚୌକିଦାର ଅଭିଯାନ ଅନ୍ତର୍ଗତରେ ସାରା ଦେଶର ପାଞ୍ଚଶହ ଜାଗାରେ ସାଧାରଣ ଲୋକଙ୍କୁ ସମ୍ବୋଧିତ କରିଛନ୍ତି। ଏହି ଅବସରରେ ମୋଦୀ କହିଛନ୍ତି ଗତ ପାଞ୍ଚ ବର୍ଷର ସଫଳତାରେ ଜନତାଙ୍କ ଭାଗିଦାରୀ ରହିଛି ବୋଲି କହିଛନ୍ତି। ପିଏମ ନରେନ୍ଦ୍ର ମୋଦୀ କହିଛନ୍ତି ଯେ ଜନତା ଚୌକିଦାର ହୋଇଛନ୍ତି ସେଥିପାଇଁ ସ୍ୱଚ୍ଛତା ଆନ୍ଦୋଳନ ଆଜି ସାରା ଦେଶରେ ବ୍ୟାପିଛି। କର୍ତ୍ତବ୍ୟ ଏବଂ ଅଧୀକାର ମଧ୍ୟରେ ସନ୍ତୁଳନ ରହିବା ଦରକାର। ପିଏମ ମୋଦୀ କହିଛନ୍ତି ଚୌକିଦାର ଅର୍ଥ ଟୋପୀ ପିନ୍ଧି ୱିସିଲ ବଜାଇବା ନୁହେଁ। କିନ୍ତୁ କଂଗ୍ରେସର କେତେକ ନେତା ନିଜର ମନ୍ଦ ବୁଦ୍ଧି ପାଇଁ ଏହା ଭାବୁଛନ୍ତି। ୨୦୧୯ ରେ ଯେତେବେଳେ ସେ ଶପଥ ଗ୍ରହଣ କରିବେ, ସେହି ସମୟରେ ସେ ଏକାକୀ ଶପଥ ଗ୍ରହଣ କରିବେନି,୧୩୦କୋଟି ଭାରତୀୟ ସେହି ଶପଥ ନେବେ ବୋଲି ମୋଦି କହିଛନ୍ତି।