Categories
ଆଜିର ଖବର

ଚୀନ୍‌ରେ କାରଖାନାରେ ବିସ୍ଫୋରଣ ଘଟି ୭ ମୃତ

ଆଜି ଚୀନର ଜୀୟାଙ୍ଗସୁ ଅଞ୍ଚଳରେ ଏକ କାରଖାନାରେ ବିସ୍ଫୋରଣ ଘଟି ଘଟଣାସ୍ଥଳରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ, ଅନ୍ୟ ୫ ଜଣ ଗୁରୁତର ଆହତ ହୋଇଛନ୍ତି। ପ୍ରାଥମିକ ଆକଳନ ଅନୁଯାୟୀ, କାରଖାନାରେ ବ୍ୟବହାର କରାଯାଉଥିବା ଗ୍ୟାସ ଲିକ ହେବା ଫଳରେ ଏହି ବିସ୍ଫୋରଣ ଘଟିଥିଲା। ସକାଳ ପ୍ରାୟ ୭ଟାରେ ଏହି ବିସ୍ଫୋରଣ ହୋଇଥିବା ଜଣାପଡିଛି। କାରଖାନାରୁ ବାହାରୁଥିବା ବଳକା ସାମଗ୍ରୀ ରଖାଯାଇଥିବା ଷ୍ଟୋରରେ ବିସ୍ଫୋରଣ ଘଟିବା ଫଳରେ ଆହତ ୫ଜଣକୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି।  ମାର୍ଚ୍ଚ ୨୧ରେ ଜୀୟାଙ୍ଗସୁ ଅଞ୍ଚଳରେ ଥିବା ଏକ ରାସାୟନିକ କାରଖାନାରେ ବିସ୍ଫୋରଣ ଘଟି ୭୮ଜଣଙ୍କ ମୃତ୍ୟୁ ହୋଇଥିଲା।

Categories
ଆଜିର ଖବର

ପର୍ଯ୍ୟଟକ ବସ୍‌ରେ ନିଆଁ, 26 ମୃତ

ବେଜିଂରେ ପର୍ଯ୍ୟଟକଙ୍କ ଏକ ବସ୍‌ରେ ଅଗ୍ନିକାଣ୍ଡ ଘଟି ୨୬ଜଣଙ୍କ ପ୍ରାଣହାନି ଘଟିଥିବା ବେଳେ ୨୮ ଜଣ ଆହତ ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛନ୍ତି। ତନ୍ମଧ୍ୟରୁ ୫ ଜଣ ଗୁରୁତର ଅବସ୍ଥାରେ ରହିଥିବା ଜଣାପଡିଛି। ବେଜିଂର ହ୍ୟୁନାନ୍‌ ପ୍ରଦେଶରେ ଶୁକ୍ରବାର ଏହି ଦୁର୍ଘଟଣା ଘଟିଛି। ୫୯ ସିଟ୍‌ର ଏହି ବସ୍‌ରେ ୫୩ ଜଣ ଯାତ୍ରୀ ଏବଂ ୨ ଜଣ ଡ୍ରାଇଭର ଯାତ୍ରା କରୁଥିବା ସମୟରେ ଏହି ଦୁର୍ଘଟଣା ଘଟିଥିଲାେ। ବସ୍‌ରେ ଥିବା ଯାତ୍ରୀଙ୍କ ମଧ୍ୟରୁ ଅର୍ଦ୍ଧାଧିକ ବିଦେଶୀ ନାଗରିକ ରହିଥିବା ଜଣାପଡିଛି। ଦୁଇ ଡ୍ରାଇଭରଙ୍କୁ ଗିରଫ କରାଯାଇ ଦୁର୍ଘଟଣାର କାରଣ ସମ୍ପର୍କରେ ଅନୁସନ୍ଧାନ ଜାରି ରହିଥିବା ଜଣାପଡିଛି। ଗୋଟିଏ ଦିନ ପୂର୍ବରୁ ଏକ ରାସାୟନିକ ଫ୍ୟାକ୍ଟ୍ରିରେ ଘଟିଥିବା ବିସ୍ଫୋରଣରେ ୬୪ ଲୋକ ମୃତାହତ ହେବା ସହିତ ୬୪୦ରୁ ଅଧିକ ଲୋକ ଆହତ ହାେଇଥିଲେ।

Categories
ଆଜିର ଖବର

ମାସୁଦ୍‌କୁ ଚୀନ୍‌ର ସୁରକ୍ଷା ପ୍ରସଙ୍ଗ : ମୋଦିଙ୍କୁ କଟାକ୍ଷ କଲେ ରାହୁଲ୍‌ କହିଲେ, ଚୀନ୍‌କୁ ଡରୁଛନ୍ତି ମୋଦି ମୁହଁରୁ ଗୋଟିଏ ବି ଶବ୍ଦ ବାହାରୁନି

ଚୀନ୍‌ ପୁଣିଥରେ ମାସୁଦ୍‌ ଅଜ୍‌ହର୍‌କୁ ବିଶ୍ବ ଆତଙ୍କୀ ଘୋଷିତ ହେବାକୁ ଦେଲା ନାହିଁ। ଚୀନ୍‌ ନିଜର ଭିଟୋ ବଳ ପ୍ରୟୋଗ କରି ମାସୁଦ୍‌କୁ ସୁରକ୍ଷା ଦେଲା। ଏହି ଘଟଣା ପରେ କଂଗ୍ରେସ ଅଧ୍ୟକ୍ଷ ରାହୁଲ୍‌ ଗାନ୍ଧି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରି କହିଛନ୍ତି ଯେ, ମୋଦି ଚୀନ୍‌ର ରାଷ୍ଟ୍ରପତି ଚୀନିପିଙ୍ଗଙ୍କୁ ଡରୁଛନ୍ତି ଓ ଚୀନ୍‌ର ବିରୋଧରେ ତାଙ୍କ ମୁହଁରୁ ଗୋଟିଏ ବି ଶବ୍ଦ ବାହାରୁନାହିଁ ।  ରାହୁଲ୍‌ ଗାନ୍ଧି ଟ୍ବିଟ୍‌ କରି କହିଛନ୍ତି ,‘ ଦୁର୍ବଳ ମୋଦି ଚିନ୍‌ପିଙ୍ଗ୍‌କୁ ଡରୁଛନ୍ତି, ଯେତେବେଳ ଚୀନ୍‌ ଭାରତ ବିରୋଧରେ ପାଦ ବଢାଉଛି, ସେତେବେଳେ ତାଙ୍କ ମୁହଁରୁ ଶବ୍ଦ ବାହାରୁନି’,  ଆହୁରି ମଧ୍ୟ କହିଛନ୍ତି ଯେ, ‘ମୋଦିଙ୍କ ଚୀନ୍‌ କୁଟନୀତି : ଗୁଜୁରାଟରେ ଚିନ୍‌ପିଙ୍ଗ୍‌ଙ୍କ ସହ ଏକାଠି ଝୁଲିବା, ଦିଲ୍ଲୀରେ ଆଲିଙ୍ଗନ କରିବା ଓ ଚୀନ୍‌ରେ ତାଙ୍କ ଆଗରେ ମୁଣ୍ଡ ନୁଆଁଇବା’ । ଚୀନ୍‌ ଦ୍ବାରା ମାସୁଦ୍‌ ଉପରେ ରୋକ୍‌କୁ ବିଦେଶ ମନ୍ତ୍ରଣାଳୟ ନିରାଶ ହୋଇଛି । ମନ୍ତ୍ରଣାଳୟ ତରଫରୁ ଏହି ଉପରେ କାର୍ଯ୍ୟାନୁଷ୍ଠାନ ନେବା ପାଇଁ ପ୍ରଚେଷ୍ଟା ଜାରି ରହିବ ବୋଲି ସ୍ପଷ୍ଟ କରିଛି ।