The Samikhsya Odia
ଭୁବନେଶ୍ବର: ନିର୍ବାଚନ ପାଖେଇ ଆସୁଥିବାରୁ ପ୍ରଦେଶ କଂଗ୍ରେସ ବେଶ ଚଳଚଞ୍ଚଳ ହୋଇପଡିଛି। ଆଜି ଓଡିଶାର ସମସ୍ତ ଲୋକସଭା ନିର୍ବାଚନ ମଣ୍ଡଳି ପାଇଁ ଏଆଇସିସି ତରଫରୁ ସଂଯୋଜକ ନିଯୁକ୍ତ ହୋଇଛନ୍ତି। ଏମାନେ ସେହି ନିର୍ବାଚନ ମଣ୍ଡଳିର ସଂଗଠନ ଦାୟିତ୍ବରେ ରହିବେ। ଏଥିରେ ଯେଉଁମାନଙ୍କ ନାମ ଅଛି ସେମାନେ ହେଲେ..
ଆଜି ଏଆଇସିସି ତରଫରୁ ବିଭିନ୍ନ ରାଜ୍ୟର ଲୋକସଭା ପାଇଁ ଏହି ସଂଯୋଜକଙ୍କ ନାମ ଘୋଷଣା କରାଯାଇଛି। ସେହି ଅନୁସାରେ ଓଡିଶାର 21ଟି ନିର୍ବାଚନ ମଣ୍ଡଳି ପାଇଁ ନୂଆଦିଲ୍ଲୀରୁ ଏହି ତାଲିକା ପ୍ରକାଶ କରାଯାଇଛି।
ଭୁବନେଶ୍ୱର: ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଜିଲ୍ଲା, ବ୍ଲକ ଓ ନଗର କଂଗ୍ରେସ ସଭାପତିମାନଙ୍କ ବୈଠକରେ ଓଡ଼ିଶା ପ୍ରଭାରୀ ଡ. ଅଜୟ କୁମାର ଉପସ୍ଥିତ ଥିବା ଜିଲ୍ଲା, ବ୍ଲକ ଓ ନଗର କଂଗ୍ରେସ କମିଟି ସଭାପତି ମାନଙ୍କୁ ସେମାନଙ୍କର ଆଗାମୀ କାର୍ଯ୍ୟକ୍ରମ ସମ୍ପର୍କରେ ପଚାରିବା ସହ ସେମାନେ ଜିଲ୍ଲା ଠାରୁ ବୁଥସ୍ତରରେ ପର୍ଯ୍ୟନ୍ତ ଯେଉଁ କାର୍ଯ୍ୟକ୍ରମ ସବୁ ସମ୍ପନ୍ନ କରିଛନ୍ତି ସେ ବିଷୟରେ ସବିଶେଷ ତଥ୍ୟ ଦେବାକୁ କହିଥିଲେ। ଯଥାଶୀଘ୍ର ଜିଲ୍ଳାଠାରୁ ବୁଥ ସ୍ତର ପର୍ଯ୍ୟନ୍ତ କମିଟିର ଏକ ପୂର୍ଣ୍ଣାଙ୍ଗ ରିପୋର୍ଟ ପ୍ରଦାନ କରିବାକୁ ସେ କହିଥିଲେ।
“ଦେଶପାଇଁ ଦାନ” କାର୍ଯ୍ୟକ୍ରମରେ ସମସ୍ତ କଂଗ୍ରେସ କର୍ମୀ ଯେପରି ଅଂଶଗ୍ରହଣ କରିବାକୁ ଆହ୍ୱାନ ଦେଇଥିଲେ। କଂଗ୍ରେସ ପକ୍ଷରୁ ରାଜ୍ୟବ୍ୟାପି ଏକ ୨୦ ଦିନିଆ ଜନସମ୍ପର୍କ ଯାତ୍ରା କରାଯିବ। ଏକ ସ୍ୱତନ୍ତ୍ର ବସ ଯୋଗେ କଂଗ୍ରେସର ବରିଷ୍ଠ ନେତୃବର୍ଗ ଯାଇ ତୃଣମୂଳ ସ୍ତରର କର୍ମୀମାନଙ୍କ ସହ ଆଲୋଚନା କରିବେ ଏବଂ ମୋଦି ଓ ନବୀନ ସରକାରର ଜନବିରୋଧି ନୀତ ଓ କାର୍ଯ୍ୟକ୍ରମ ସମ୍ପର୍କରେ ସଚେତନ କରାଇବେ।
ସେ ଭୁବନେଶ୍ୱରରେ ଅଧିକ ଦିନ ରହି ଦଳର କାର୍ଯ୍ୟକ୍ରମକୁ ତଦାରଖ କରିବେ। ସେ ଏଥର ଲୋକସଭା ନିର୍ବାଚନ ଲଢ଼ିବେ ନାହିଁ, କଂଗ୍ରେସ ସଭାପତି ମାଲିକାର୍ଜ୍ଜୁନ ଖଡ଼ଗେ ଓ ସମ୍ମାନନୀୟ ରାହୁଲ ଗାନ୍ଧୀ ତାଙ୍କୁ ଯେଉଁ ଗୁରୁ ଦାୟୀତ୍ୱ ଦେଇଛନ୍ତି ତାହାକୁ ସେ ନିଷ୍ଠାର ସହ ସମ୍ପାଦନ କରିବେ ବୋଲି କହିଥିଲେ। ସେ କହିଥିଲେ ବୁଥସ୍ତରର ଜଣେ ସାଧାରଣ କର୍ମୀ ମୋତେ ବିନା ଦ୍ୱିଧାରେ ସାକ୍ଷାତ କରି ସଂଗଠନ ସମ୍ପର୍କରେ ଜଣାଇପାରିବେ।
ପିସିସି ସଭାପତି ଶ୍ରୀ ପଟ୍ଟନାୟକ କହିଥିଲେ ଯେ ମୋଦି ଓ ନବୀନ ଶାସନରେ ସାଧାରଣ ଜନତା ଅତିଷ୍ଠ। ୨୦୨୪ ବର୍ଷଟି ପରିବର୍ତନର ବର୍ଷ ହେବ। କଂଗ୍ରେସ ଦଳ ଏ ଦେଶରେ ବ୍ରିଟିଶ ରାଜକୁ ଖତମ କରିଛି। ମୋଦି ରାଜ ଓ ନବୀନ ରାଜର ବେଳକାଳ ସରିଆସୁଛି । ଶ୍ରୀ ପଟ୍ଟନାୟକ ଦୁନିଆରେ ଘଟିଥିବା ବିଭିନ୍ନ ଗୁରୁତ୍ୱପୂର୍ଣ୍ଣ ଐତିହାସିକ ଘଟଣାବଳୀର ଉଦାହରଣ ଦେଇ କହିଥିଲେ ଯେ ଓଡ଼ିଆ ଲୋକ ବହୁ ଅସମ୍ଭବ କଥାକୁ ସମ୍ଭବ କରିଛନ୍ତି।
ଉଦାହରଣସ୍ୱରୂପ ୧୨ ବର୍ଷର ଧର୍ମପଦ କୋଣାର୍କ ମୁଣ୍ଡିମାରିବା ଘଟଣା, ୧୨ ବର୍ଷର ବାଜି ରାଉତର ବିରତ୍ୱ କଥା ସମସ୍ତେ ଜାଣନ୍ତି। ଏଣୁ ଏହି ଭ୍ରଷ୍ଟାଚାରୀ ଶାସନକୁ କ୍ଷମତାଚ୍ୟୁତ କରିବା ବଡ଼କଥା ନୁହେଁ। ନବୀନ ସରକାର ଏ ରାଜ୍ୟରେ ଚାଷୀ, ଯୁବକ, ଛାତ୍ର, ମହିଳା, ଓବିସି, ଆଦିବାସୀ ଓ ଦଳିତ ସମସ୍ତ ବର୍ଗଙ୍କୁ ଉପେକ୍ଷା କରିଛନ୍ତି। ନିର୍ବାଚନ ଅତି ନିକଟତର। ସମସ୍ତଙ୍କୁ ନିଷ୍ଠାର ସହ କାର୍ଯ୍ୟକରିବାକୁ ଶ୍ରୀ ପଟ୍ଟନାୟକ ଆହ୍ୱାନ ଦେଇଥିଲେ।
ଏହି କାର୍ଯ୍ୟକ୍ରମରେ ଶରତ ରାଉତ, ପ୍ରଚାର କମିଟି ଅଧ୍ୟକ୍ଷ ଶ୍ରୀ ବିଜୟ ପଟ୍ଟନାୟକ, ସୁରେଶ କୁମାର ରାଉତରାୟ, ତାରା ପ୍ରସାଦ ବାହିନୀପତି, ସନ୍ତୋଷ ସିଂ ସାଲୁଜା, ସପ୍ତଗିରି ଉଲ୍ଲାକା, ଶିବାନନ୍ଦ ରାୟ, ରମେଶ ଜେନା, ରାଜନ ଏକ୍କା, ଅଧିରାଜ ମୋହନ ପାଣିଗ୍ରାହୀ, ଦାସରଥି ଗମାଙ୍ଗୋ, ରଣଜିତ ପାତ୍ର, ୟାସିର ନୱାଜ, ଜିଲ୍ଲା କଂଗ୍ରେସ ସଭାପତି ସୁରେଶ କୁମାର ମହାପାତ୍ର, ମାନସ ଚୌଧୁରୀ, ବିଶ୍ୱଜିତ ଦାଶ,ସଂଜୀବ ଗିରି, ହେମନ୍ତ ଦାସ ପ୍ରମୁଖ ଅନ୍ୟାନ୍ୟ ଜିଲ୍ଲା କଂଗ୍ରେସ ସଭାପତି, ବ୍ଲକ କଂଗ୍ରେସ ସଭାପତ, ନଗର କଂଗ୍ରେସ ସଭାପତି ପ୍ରମୁଖ ତୃଣମୂଳସ୍ତରର ସଂଗଠନ ସମ୍ପର୍କରେ ନିଜର ବକ୍ତବ୍ୟ ରଖିଥିଲେ।
ଭୁବନେଶ୍ୱର: ଓଡିଶା ପାଇଁ ନବନିଯୁକ୍ତ କଂଗ୍ରେସ ପ୍ରଭାରୀ ଡ ଅଜୟ କୁମାର ଓଡିଶା ଆସିବେ। ଏହାକୁ ନେଇ ଦଳ ବେଶ ଉତ୍ସାହିତ ହୋଇପଡିଛି। ନୂଆବର୍ଷରେ ନୂଆ ପ୍ରଭାରୀ କିଛି ଗୁରୁମନ୍ତ୍ର ଦେବେ ବୋଲି ଦଳ ବଡ ଆଶାବାଦୀ ହୋଇପଡିଛି। ତାଙ୍କ ଦିଗଦର୍ଶନରେ ଦଳ ଓଡିଶାରେ ଭଲ ଫଳ କରିବା ନେଇ ଉତ୍ସାହିତ ହୋଇପଡିଛି କଂଗ୍ରେସ।
ପ୍ରଦେଶ କଂଗ୍ରେସ କମିଟ ସୂଚନା ଅନୁସାରେ ପ୍ରଭାରୀ ପୂର୍ବତନ ସାଂସଦ ଡ. ଅଜୟ କୁମାର ୩ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି। ସେ ଆସନ୍ତା ଜାନୁଆରୀ ୬ ତାରିଖରୁ ୮ ତାରିଖ ପର୍ଯ୍ୟନ୍ତ ଓଡିଶାରେ ରହି ଦଳର ସାଂଗଠନିକ ବୈଠକ କରିବେ।
ସେହି ସୂଚନା ଅନୁସାରେ ଡ. ଅଜୟ କୁମାର ୬ ତାରିଖ ଦିନ ୧୧ ଟାରେ ଭୁବନେଶ୍ୱର ବିମାନ ବନ୍ଦନରରେ ପଂହଚିବା ପରେ ତାଙ୍କୁ ବିମାନବନ୍ଦର ଠାରୁ ଓଡ଼ିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଶରତ ପଟ୍ଟନାୟକଙ୍କ ନେତୃତ୍ୱରେ ଏକ ଶୋଭାଯାତ୍ରାରେ କଂଗ୍ରେସ ଭବନ ପର୍ଯ୍ୟନ୍ତ ଅଣାଯିବ। ପରେ କଂଗ୍ରେସ ଭବନ ଠାରେ ଡ. କୁମାରଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯିବ।
ଉକ୍ତ ଦିନ ୧୨ଟା ୩୦ ସମୟରେ ପିସିସି କାର୍ଯ୍ୟାଳୟ ଠାରେ ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ଏବଂ ଅପରାହ୍ନ ୪ ଟାରେ ପିସିସି ପଲିଟିକାଲ ଆଫେୟାର୍ସ କମିଟି ବୈଠକ ଓ ସନ୍ଧ୍ୟା ୬ ଟାରେ ୨୦୧୭ ଓ ୨୦୨୨ ନିର୍ବାଚନର ନିର୍ବାଚିତ ଜିଲ୍ଲା ପରିଷଦ ସଭ୍ୟ ଓ ଏନ୍.ଏ.ସି /ମ୍ୟୁନିସ୍ପାଲଟି/ ମହାନଗର ନିଗମର ନିର୍ବାଚିତ କାଉନ୍ସିଲର / କର୍ପୋରେଟର ମାନଙ୍କ ବୈଠକରେ ଡ. ଅଜୟ କୁମାର ଯୋଗଦେବେ। ସେହିପରି ଜାନୁଆରୀ ୭ ତାରିଖ ଦିନ ଡ. କୁମାର ଦିନ ୧୦ଟା ସମୟରେ ପିସିସି ଇସ୍ତାହାର କମିଟି, ପ୍ରଚାର କମିଟି, ପ୍ରୋଗ୍ରାମ ଇମ୍ପ୍ଲିମେଂଟେସନ, ପବ୍ଲିସିଟି ଓ ପବ୍ଳିକେସନ କମିଟିର ଅଧ୍ୟକ୍ଷ ମାନଙ୍କର ବୈଠକରେ ଯୋଗଦେବେ।
ସେହିଦିନ ୧୧ଟାରେ ଡ. ଅଜୟ କୁମାର ସାମ୍ବାଦିକ ସମ୍ମିଳନୀରେ ଉଦ୍ବୋଧନ ଦେବେ। ଏହାପରେ ଜିଲ୍ଲା,ବ୍ଲକ ଓ ନଗର କଂଗ୍ରେସ କମିଟି ସଭାପତି ମାନଙ୍କର ବୈଠକରେ ଯୋଗଦେବେ। ୩ ଟା ସମୟରେ ରାଜ୍ୟ ସାମ୍ମୁଖ୍ୟ ସଂଗଠନର ମୁଖ୍ୟ ଏବଂ ୪ ଟା ସମୟରେ ସମସ୍ତ ପ୍ରଦେଶ କଂଗ୍ରେସ ବିଭାଗ ଓ ପ୍ରକୋଷ୍ଠର ମୁଖ୍ୟମାନଙ୍କ ବୈଠକରେ ଯୋଗ ଦେବାର କାର୍ଯ୍ୟକ୍ରମ ରହିଛି।
ପରେ ୫ ଟା ଠାରୁ ବରିଷ୍ଠ କଂଗ୍ରେସ ନେତୃବୃନ୍ଦ ଓ କର୍ମୀମାନଙ୍କ ସହ ଆଲୋଚନା କରିବେ। ସେହିପରି ସନ୍ଧ୍ୟା ୭ ଟା ସମୟରେ ଡ. ଅଜୟ କୁମାର ଶ୍ରୀ ଜଗନ୍ନାଥ ଦର୍ଶନ ନିମନ୍ତେ ପୁରୀ ଅଭିମୁଖେ ଯାତ୍ରା କରିବେ ଏବଂ ୮ ତାରିଖ ସକାଳେ ଓଡ଼ିଶାରୁ ପ୍ରତ୍ୟାବର୍ତନ କରିବା କାର୍ଯ୍ୟକ୍ରମ ରହିଛି। ସମସ୍ତ ବର୍ଗର ନେତୃବୃନ୍ଦଙ୍କୁ ନିର୍ଦ୍ଧାରିତ ସମୟରେ ବୈଠକରେ ଯୋଗ ଦେବା ନିମନ୍ତେ ପତ୍ର ମାଧ୍ୟମରେ ଓ ଟେଲିଫୋନ ଯୋଗେ ପିସିସି ତରଫରୁ ଅନୁରୋଧ କରାଯାଇଛି।
ନୂଆଦିଲ୍ଲୀ: କଂଗ୍ରେସ ଦଳରେ ନିଯୁକ୍ତ ହୋଇଥିବା ୧୨ ଜଣ ନୂଆ ସାଧାରଣ ସମ୍ପାଦକଙ୍କ ମଧ୍ୟରୁ ଅନ୍ୟାନ୍ୟ ପଛୁଆ ବର୍ଗର ମାତ୍ର ଜଣେ ନେତାଙ୍କୁ ସ୍ଥାନ ମିଳିଛି। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଶନିବାର ୧୨ ଜଣ ସାଧାରଣ ସମ୍ପାଦକ ଓ ୧୨ ଜଣ ପ୍ରଭାରୀଙ୍କୁ ନିଯୁକ୍ତ କରିଛନ୍ତି। ସେମାନଙ୍କ ମଧ୍ୟରୁ ଅଧାରୁ ଅଧିକ ଉଚ୍ଚ ଜାତିର ନେତା।
ଏଭଳି ସ୍ଥିତିରେ ଜାତିଗତ ଜନଗଣନା ଓ ଓବିସି ଅଂଶଗ୍ରହଣକୁ ନେଇ ରାହୁଲ ଗାନ୍ଧି ଦେଇଥିବା ବୟାନକୁ ଉଲ୍ଲେଖ କରାଯାଉଛି। କୁହାଯାଉଛି ଯେ କଂଗ୍ରେସରେ ବଡ଼ ପଦ ପାଇଁ ଦୌଡ଼ରେ ରାହୁଲ ଓବିସିମାନଙ୍କୁ ଅଧିକାର ଦେଇ ପାରିନାହାନ୍ତି।
ଏହାବ୍ୟତୀତ କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ଉତ୍ତରପ୍ରଦେଶ କଂଗ୍ରେସର ପ୍ରଭାରୀ ପଦରୁ ମୁକ୍ତ କରାଯାଇଛି। ତାଙ୍କୁ ସାଧାରଣ ସମ୍ପାଦକଭାବେ ନିଯୁକ୍ତି ଦିଆଯାଇଛି। ସଚିନ ପାଇଲଟଙ୍କୁ ଛତିଶଗଡ଼ କଂଗ୍ରେସ ପ୍ରଭାରୀ ନିଯୁକ୍ତ କରାଯାଇଛି। ରମେଶ ଚେନ୍ନିଥାଲାଙ୍କୁ ମହାରାଷ୍ଟ୍ରର ପ୍ରଭାରୀ ଦାୟିତ୍ୱ ଦିଆଯାଇଛି।
କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେ ଯେଉଁ ନେତାମାନଙ୍କୁ ସାଧାରଣ ସମ୍ପାଦକଭାବେ ନିଯୁକ୍ତ କରିଛନ୍ତି ସେମାନେ ହେଲେ ମୁକୁଲ ବାସନିକ, ପ୍ରିୟଙ୍କା ଗାନ୍ଧୀ ଭଦ୍ରା (ବିଭାଗ ବିହୀନ), ଜିତେନ୍ଦ୍ର ସିଂହ, ରଣଦୀପ ସିଂହ ସୁରଜେୱାଲା, ଦୀପ ବାବରିଆ, ସଚିନ ପାଇଲଟ, ଅବିନାଶ ପାଣ୍ଡେ, କୁମାରୀ ଶୈଲଜା, ଜିଏ ମୀର, ଦୀପଦାସ ମୁନ୍ସି, ଜୟରାମ ରମେଶ ଏବଂ କେସି ବେଣୁଗୋପାଳ। ବରିଷ୍ଠ ନେତା କେସି ବେଣୁଗୋପାଳ କଂଗ୍ରେସର ସଂଗଠନ ମହାସଚିବ ମଧ୍ୟ ରହିବେ।
କଂଗ୍ରେସ ଅଧ୍ୟକ୍ଷ ରମେଶ ଚେନ୍ନିଥାଲାଙ୍କୁ ମହାରାଷ୍ଟ୍ର, ମୋହନ ପ୍ରକାଶଙ୍କୁ ବିହାର, ଚେଲ୍ଲାକୁମାରଙ୍କୁ ମେଘାଳୟ, ମିଜୋରାମ ଏବଂ ଅରୁଣାଚଳ ପ୍ରଦେଶ ପାଇଁ ଚେଲ୍ଲାକୁମାର, ଓଡ଼ିଶା ପାଇଁ ଅଜୟ କୁମାରଙ୍କୁ (ତାମିଲନାଡୁ ଏବଂ ପୁଡୁଚେରୀ ପାଇଁ ଅତିରିକ୍ତ ଦାୟିତ୍ୱ ଦିଆଯାଇଛି), ଭରତ ସିଂହ ସୋଲାଙ୍କିଙ୍କୁ ଜମ୍ମୁ ଓ କଶ୍ମୀର ପାଇଁ, ରାଜୀବ ଶୁକ୍ଳାଙ୍କୁ ହିମାଚଳ ପ୍ରଦେଶ ଏବଂ ଚଣ୍ଡିଗଡ଼ ପାଇଁ ଅତିରିକ୍ତ ଦାୟିତ୍ୱ ଦିଆଯାଇଛି।
ସେହିପରି ରାଜସ୍ଥାନ ପାଇଁ ସୁଖଜିନ୍ଦର ସିଂହ ରନ୍ଧାୱା, ପଞ୍ଜାବ ପାଇଁ ଦେବେନ୍ଦ୍ର ଯାଦବ, ଗୋଆ ପାଇଁ ମାଣିକରାଓ ଠାକରେ, ଦାମନ ଓ ଦିଉ, ଦାଦରା ଓ ନଗର ହାଭେଲି, ତ୍ରିପୁରା, ସିକିମ, ମଣିପୁର ଓ ନାଗାଲାଣ୍ଡ ପାଇଁ ଗିରିଶ ଚୋଡନକର, ଆନ୍ଧ୍ରପ୍ରଦେଶ ଓ ଆଣ୍ଡାମାନ ଓ ନିକୋବର ପାଇଁ ମଣିକମ ଟାଗୋରଙ୍କୁ ଦାୟିତ୍ୱ ଦିଆଯାଇଛି।
ଗୁରଦୀପ ସିଂ ସପପାଲଙ୍କୁ ପ୍ରଶାସନିକ ଦାୟିତ୍ୱ ଦିଆଯାଇଛି। କୋଷାଧ୍ୟକ୍ଷ ପଦ ବଜାୟ ରଖିଛନ୍ତି ଅଜୟ ମାକେନ। ମିଲିନ୍ଦ ଦେଓରା ଏବଂ ବିଜୟ ଇନ୍ଦର ସିଙ୍ଗଲାଙ୍କୁ ଯୁଗ୍ମ କୋଷାଧ୍ୟକ୍ଷ ଭାବେ ନିଯୁକ୍ତ କରାଯାଇଛି।
ନୂଆଦିଲ୍ଲୀ: ନିକଟରେ କଂଗ୍ରେସ ଇଣ୍ଡି ମେଣ୍ଟର ଦଳମାନଙ୍କ ସହ ଆଗାମୀ ସାଧାରଣ ନିର୍ବାଚନ ପାଇଁ ଆସନ ବୁଝାମଣା ନେଇ ଏକ ୫ ଜଣିଆ ଜାତୀୟ ମେଣ୍ଟ କମିଟି ଗଠନ କରିଥିଲା । ଆସନ ବୁଝାମଣା ପୂର୍ବରୁ ବିଭିନ୍ନ ରାଜ୍ୟ କଂଗ୍ରେସର ବରିଷ୍ଠ ନେତାଙ୍କ ସହ ଆଲୋଚନା କରିବାକୁ ଏହି କମିଟି ନିଷ୍ପତ୍ତି ନେଇଛି ।
ଏଥିପାଇଁ ଦଳର ପ୍ରତିଷ୍ଠା ଦିବସ ଡିସେମ୍ବର ୨୮ରେ ହେବାକୁ ଥିବା ନାଗପୁର ରାଲି ପରେ ଏହି କମିଟି ରାଜ୍ୟ ୟୁନିଟମାନଙ୍କଠାରୁ ମତାମତ ନେବ । ଖାଲି ସେତିକି ନୁହେଁ, ରାଜ୍ୟର ବରିଷ୍ଠ ନେତାଙ୍କ ସହ ଆଲୋଚନା ପରେ କମିଟି ଜାନୁଆରି ପ୍ରଥମ ସପ୍ତାହରେ ସହଯୋଗୀ ଦଳମାନଙ୍କ ସହ ଆସନ ବଣ୍ଟନ ନେଇ ଚୂଡ଼ାନ୍ତ ଆଲୋଚନା କରିବ ।
୫ ଜଣିଆ କମିଟି ଗଠନ
ଆଗାମୀ ଲୋକସଭା ନିର୍ବାଚନ ପାଇଁ ଦଳ ମଙ୍ଗଳବାର (ଡିସେମ୍ବର ୧୯) ୫ ଜଣିଆ କମିଟି ଗଠନ କରିଥିଲା । ମୋହନ ପ୍ରକାଶଙ୍କ ନେତୃତ୍ୱରେ ଏହି କମିଟି ଗଠନ କରାଯାଇଛି । ଏହି କମିଟିରେ ଦୁଇ ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏବଂ ଭୂପେଶ ବାଘେଲଙ୍କୁ ମଧ୍ୟ ସାମିଲ କରାଯାଇଛି ।
ଏହାବ୍ୟତୀତ ପୂର୍ବତନ କେନ୍ଦ୍ରମନ୍ତ୍ରୀ ସଲମାନ ଖୁର୍ସିଦ ଏବଂ ମୁକୁଲ ୱାସନିକଙ୍କୁ ମଧ୍ୟ ଏହି କମିଟିରେ ସାମିଲ କରାଯାଇଛି । ଏହି କମିଟିର ଉଦ୍ଦେଶ୍ୟ ହେଉଛି ୨୦୨୪ ସଂସଦୀୟ ନିର୍ବାଚନ ପାଇଁ ଆସନ ବଣ୍ଟନ ନେଇ ମେଣ୍ଟ ସହଯୋଗୀଙ୍କ ସହ ଆଲୋଚନା କରିବା ।
କଂଗ୍ରେସ ମଧ୍ୟ ଏକ ଇସ୍ତାହାର କମିଟି ଗଠନ କରିଛି।
ଏତଦ୍ ବ୍ୟତୀତ ୨୦୨୪ ଲୋକସଭା ନିର୍ବାଚନ ପାଇଁ ପ୍ରସ୍ତୁତିକୁ ଦୃଷ୍ଟିରେ ରଖି କଂଗ୍ରେସ ଶୁକ୍ରବାର (ଡିସେମ୍ବର ୨୨) ଏକ ଇସ୍ତାହାର କମିଟି ଗଠନ କରିଛି, ଏହି କମିଟିର ନେତୃତ୍ୱ ନେବେ ପି ଚିଦାମ୍ବରମ୍ । ଟିଏସ୍ ସିଂହଦେଓଙ୍କୁ ଏହାର ଆବାହକ କରାଯାଇଛି । ପ୍ରିୟଙ୍କା ଗାନ୍ଧି, ସିଦ୍ଧରମୈୟା ଓ ଶଶି ଥରୁରଙ୍କ ଭଳି ନେତାଙ୍କୁ ମଧ୍ୟ ଏହି କମିଟିରେ ସାମିଲ କରାଯାଇଛି ।
ଲୋକସଭା ନିର୍ବାଚନ ପାଇଁ ପ୍ରସ୍ତୁତ ହେଉଛି କଂଗ୍ରେସ
ନିକଟରେ ମଧ୍ୟପ୍ରଦେଶ, ରାଜସ୍ଥାନ ଓ ଛତିଶଗଡ଼ ବିଧାନସଭା ନିର୍ବାଚନରେ ପରାଜୟ ପରେ କଂଗ୍ରେସ ଆସନ୍ତା ବର୍ଷ ହେବାକୁ ଥିବା ଲୋକସଭା ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିଛି । ଏହି କ୍ରମରେ କଂଗ୍ରେସ ହାଇକମାଣ୍ଡ ଉତ୍ତରପ୍ରଦେଶ, ଓଡ଼ିଶା ଓ ପଶ୍ଚିମବଙ୍ଗରେ ଦଳୀୟ ନେତାଙ୍କ ବୈଠକ କରିଥିଲେ ।
ନୂଆଦିଲ୍ଲୀ: ଆସନ୍ତା ବର୍ଷ ହେବାକୁ ଥିବା ଲୋକସଭା ନିର୍ବାଚନ ପୂର୍ବରୁ କଂଗ୍ରେସ ବଡ଼ ଧରଣର ଅଦଳବଦଳ କରିଛି। ପ୍ରିୟଙ୍କା ଗାନ୍ଧି ଭଦ୍ରାଙ୍କୁ ୟୁପି କଂଗ୍ରେସର ଏଆଇସିସି ପ୍ରଭାରୀ ପଦରୁ ମୁକ୍ତ କରାଯାଇଛି। ଏହାବ୍ୟତୀତ ସଚିନ ପାଇଲଟଙ୍କୁ ଛତିଶଗଡ଼ କଂଗ୍ରେସର ପ୍ରଭାରୀ ଭାବେ ନିଯୁକ୍ତ କରାଯାଇଛି। ରମେଶ ଚେନ୍ନିଥାଲାଙ୍କୁ ଏଆଇସିସି ମହାରାଷ୍ଟ୍ର ପ୍ରଭାରୀ କରାଯାଇଛି।
ଅବିନାଶ ପାଣ୍ଡେଙ୍କୁ ୟୁପି କଂଗ୍ରେସ ସାଧାରଣ ସମ୍ପାଦକ ପଦ ଦିଆଯାଇଛି। ପ୍ରିୟଙ୍କା ଗାନ୍ଧି ଭଦ୍ରା ବିନା କୌଣସି ବିଭାଗରେ ସାଧାରଣ ସମ୍ପାଦକ ପଦରେ ରହିବେ। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଶନିବାର ତାଙ୍କ ଦଳରେ ଏହି ବଡ଼ ପରିବର୍ତ୍ତନ କରିଛନ୍ତି। ଏଥିପାଇଁ ସେ ୧୨ ଜଣ ସାଧାରଣ ସମ୍ପାଦକ ଓ ୧୨ ଜଣ ରାଜ୍ୟ ପ୍ରଭାରୀଙ୍କୁ ନିଯୁକ୍ତି ଦେଇଛନ୍ତି। ଦଳର ସଂଗଠନ ସାଧାରଣ ସମ୍ପାଦକ କେସି ବେଣୁଗୋପାଳ ଏହି ସୂଚନା ଦେଇଛନ୍ତି।
ଏମାନଙ୍କ ମଧ୍ୟରେ ସବୁଠାରୁ ପ୍ରମୁଖ ନାମ ହେଉଛି ପ୍ରିୟଙ୍କା ଗାନ୍ଧି ଭଦ୍ରା। ତାଙ୍କୁ ମହାସଚିବଭାବେ ବଜାୟ ରଖାଯାଇଛି। କିନ୍ତୁ ବର୍ତ୍ତମାନ ତାଙ୍କୁ କୌଣସି ରାଜ୍ୟ କିମ୍ବା ଅନ୍ୟ କୌଣସି ଦାୟିତ୍ୱ ଦିଆଯାଇନାହିଁ। ଗତ ପାଞ୍ଚବର୍ଷ ଧରି ସେ ଉତ୍ତରପ୍ରଦେଶର ପ୍ରଭାରୀ ଭୂମିକାରେ ଅଭିନୟ କରୁଥିଲେ।
ପ୍ରିୟଙ୍କା ଗାନ୍ଧିଙ୍କ ସ୍ଥାନରେ ଦଳର ସାଧାରଣ ସମ୍ପାଦକ ଅବିନାଶ ପାଣ୍ଡେଙ୍କୁ ଉତ୍ତରପ୍ରଦେଶର ନୂଆ ପ୍ରଭାରୀ ଭାବେ ନିଯୁକ୍ତ କରାଯାଇଛି। ଡ. ଅଜୟ କୁମାରଙ୍କୁ ଓଡ଼ିଶା ଦାୟିତ୍ୱ ସମେତ ତାମିଲନାଡ଼ୁ ଓ ପଣ୍ଡିଚେରୀର ଅତିରିକ୍ତ ଦାୟିତ୍ୱରେ ଅଛନ୍ତି।
ଯୁବବର୍ଗଙ୍କ ଉପରେ କଂଗ୍ରେସର ଫୋକସ ବଢ଼ିଲା
କଂଗ୍ରେସର ଏହି ପରିବର୍ତ୍ତନ ଏପରି ସମୟରେ କରାଯାଇଛି ଯେତେବେଳେ ଛୋଟ ବଡ଼ ସମସ୍ତ ରାଜନୈତିକ ଦଳ ଆଗାମୀ ଲୋକସଭା ନିର୍ବାଚନ ୨୦୨୪ ପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି । ସେପଟେ ବିରୋଧୀ ଇଣ୍ଡି ମେଣ୍ଟର ସହଯୋଗୀ ଦଳମଧ୍ୟରେ ଆସନ ବଣ୍ଟନ ପ୍ରକ୍ରିୟା ତୀବ୍ର ହେବାରେ ଲାଗିଛି। ବିଧାନସଭା ନିର୍ବାଚନରେ ଖରାପ ପ୍ରଦର୍ଶନରୁ ଶିକ୍ଷା ନେଇ କଂଗ୍ରେସ ଯୁବ ଓ ନୂଆ ଚେହେରାଙ୍କୁ ପ୍ରାଥମିକତା ଦେବାରେ ବ୍ୟସ୍ତ ରହିଛି ।
ନିକଟରେ ଶେଷ ହୋଇଥିବା ରାଜସ୍ଥାନ ବିଧାନସଭା ନିର୍ବାଚନରେ ଅଶୋକ ଗେହଲଟ ଓ ସଚିନ ପାଇଲଟଙ୍କ ମଧ୍ୟରେ ମତଭେଦର ପରିଣାମ ଭୋଗିବାକୁ ପଡ଼ିଥିଲା। ଲୋକସଭା ନିର୍ବାଚନ ପୂର୍ବରୁ ଦଳ ଯେକୌଣସି ପ୍ରକାର ଆଭ୍ୟନ୍ତରୀଣ କନ୍ଦଳକୁ ଶେଷ କରିବାକୁ ଚାହୁଁଛି। ଛତିଶଗଡ଼ କଂଗ୍ରେସର ପ୍ରଭାରୀଭାବେ ସଚିନ ପାଇଲଟଙ୍କ ନିଯୁକ୍ତିକୁ ଏହା ସହ ଯୋଡ଼ାଯାଉଛି।
ରାଜସ୍ଥାନର ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କୁ ସାଧାରଣ ସମ୍ପାଦକ ଓ ଛତିଶଗଡ଼ ପ୍ରଭାରୀ ଭାବେ ନିଯୁକ୍ତ କରାଯାଇଛି। ସାଧାରଣ ସମ୍ପାଦକ କୁମାରୀ ଶୈଳଜାଙ୍କୁ ଛତିଶଗଡ଼ରୁ ହଟାଇ ଉତ୍ତରାଖଣ୍ଡ ପ୍ରଭାରୀ ଦାୟିତ୍ୱ ଦିଆଯାଇଛି। ସୁଖଜିନ୍ଦର ସିଂ ରନ୍ଧାୱା ରାଜସ୍ଥାନର ଦାୟିତ୍ୱରେ ରହିବେ।
ପ୍ରିୟଙ୍କା ଗାନ୍ଧି ଭଦ୍ରାଙ୍କୁ କାହିଁକି ଦାୟିତ୍ୱରୁ ମୁକ୍ତ କରାଗଲା ?
ପ୍ରିୟଙ୍କା ଗାନ୍ଧି ଭଦ୍ରାଙ୍କୁ ୟୁପି କଂଗ୍ରେସ ପ୍ରଭାରୀ ପଦରୁ ମୁକ୍ତ କରିବାର ସ୍ପଷ୍ଟ କାରଣ ରହିଛି। ତାଙ୍କୁ ଦଳର ଷ୍ଟାର ପ୍ରଚାରକଭାବେ ପ୍ରାର୍ଥୀ କରାଯିବ। ଲୋକସଭା ନିର୍ବାଚନ ପ୍ରଚାରରେ ସେ ରାଲି କରିବାର ସମ୍ଭାବନା ରହିଛି।
କଂଗ୍ରେସ ସାଂସଦ ସୟଦ ନସିର ହୁସେନଙ୍କୁ ଦଳର ସଭାପତି ମଲ୍ଲିକାର୍ଜୁନ ଖଡଗେଙ୍କ କାର୍ଯ୍ୟାଳୟର ପ୍ରଭାରୀ ଭାବେ ନିଯୁକ୍ତ କରାଯାଇଛି। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଦଳର ନେତା ପ୍ରଣବ ଝାଙ୍କୁ ଏଆଇସିସି ସମ୍ପାଦକ, ଯୋଗାଯୋଗ ପ୍ରଭାରୀଭାବେ ନିଯୁକ୍ତ କରିଛନ୍ତି।
ବେଣୁଗୋପାଳ ସଂଗଠନ ସାଧାରଣ ସମ୍ପାଦକଭାବେ ଦାୟିତ୍ୱ ତୁଲାଇବେ। ସେହିପରି ସାଧାରଣ ସମ୍ପାଦକ ଜୟରାମ ରମେଶ ମଧ୍ୟ ଦଳର ଯୋଗାଯୋଗ ବିଭାଗ ଦାୟିତ୍ୱରେ ରହିବେ। ଅଜୟ ମାକେନ ଦଳର କୋଷାଧ୍ୟକ୍ଷ ଭୂମିକାରେ ରହିବେ। ତାଙ୍କ ସହ ଦୁଇ ନେତା ମିଲିନ୍ଦ ଦେଓରା ଓ ବିଜୟ ଇନ୍ଦ୍ର ସିଂଲାଙ୍କୁ ଯୁଗ୍ମ କୋଷାଧ୍ୟକ୍ଷ ଦାୟିତ୍ୱ ଦିଆଯାଇଛି।
ରଣଦୀପ ସିଂ ସୁରଜେୱାଲାଙ୍କୁ ମଧ୍ୟପ୍ରଦେଶ ଦାୟିତ୍ୱରୁ ହଟାଇ ଦିଆଯାଇଛି। ଏବେ ସେ କେବଳ କର୍ଣ୍ଣାଟକ ଦାୟିତ୍ୱରେ ରହିବେ। ତାଙ୍କ ସ୍ଥାନରେ ଜିତେନ୍ଦ୍ର ସିଂହଙ୍କୁ ମଧ୍ୟପ୍ରଦେଶ ପ୍ରଭାରୀଭାବେ ଅତିରିକ୍ତ ଦାୟିତ୍ୱ ଦିଆଯାଇଛି।
ଭୁବନେଶ୍ୱର: ଭୁବନେଶ୍ୱର ଜିଲ୍ଳା କଂଗ୍ରେସ ପକ୍ଷରୁ ସଭାପତି ଶ୍ରୀ ବିଶ୍ୱଜିତ ଦାଶଙ୍କ ନେତୃତ୍ୱରେ ପୁରୀ ମେନ ରୋଡ଼ ଗଙ୍ଗୁଆ ବ୍ରିଜ ଠାରୁ କପିଳେଶ୍ୱର ମନ୍ଦିର ପର୍ଯ୍ୟନ୍ତ ରାସ୍ତା ନିର୍ମାଣ ପାଇଁ ସାମନ୍ତରାୟପୁର ଛକଠାରେ ଏକ ବିକ୍ଷୋଭ ଏବଂ ରାସ୍ତାରୋକ ହୋଇଥିଲା। ଏହି ପରିପ୍ରେକ୍ଷୀରେ ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ଶ୍ରୀ ଦାଶ କହିଛନ୍ତି ଯେ ଦୀର୍ଘଦିନ ହେଲା ଏହି ରାସ୍ତା ନିର୍ମାଣ ପାଇଁ କପିଳେଶ୍ୱର ଗ୍ରାମବାସୀ ଏବଂ ଏ ଅଂଚଳର ସାଧାରଣ ଜନତା କ୍ରମାଗତ ଭାବେ ଦାବି କରିଆସୁଛନ୍ତି।
୨୦୦୭ ମସିହାରେ ତତ୍କାଳନୀନ କପିଳେଶ୍ୱର ମନ୍ଦିର ଟ୍ରଷ୍ଟ ବୋର୍ଡ ପକ୍ଷରୁ ଉକ୍ତ ରାସ୍ତା ନିର୍ମାଣ ପାଇଁ ବିଭାଗୀୟ ଅଧିକାରୀ ମାନଙ୍କ ଦୃଷ୍ଟି ଆକର୍ଷଣ କରାଯାଇଥିଲା। ଉକ୍ତ ରାସ୍ତା କେବେ କରାଯିବ ଏହାର ନିର୍ଦ୍ଦିଷ୍ଟ ସମୟ ପ୍ରଶାସନ ଜଣାଇବାପାଇଁ କପିଳେଶ୍ୱର, ସୁନ୍ଦରପଦା, ସମାନ୍ତରାପୁର, ନୂଆଗାଁ, ଇଟିପୁର, ଜୟପୁର ଓ ଭୁବନେଶ୍ୱରର ବାସିନ୍ଦା ମାନେ ଦାବି କରୁଛନ୍ତି । ସରକାର ଏହି ଦାବିକୁ ଉପେକ୍ଷା କଲେ ଆନ୍ଦୋଳନ ତୀବ୍ରତର ହେବ ବୋଲି ଶ୍ରୀ ରାଉତରାୟ ଚେତାଇ ଦେଇଥିଲେ। ଏହି ଅବସରରେ ପୁରୀ ଭୁବନେଶ୍ୱର ମୁଖ୍ୟରାସ୍ତାକୁ ସାମନ୍ତରାୟପୁର ଠାରେ ପ୍ରାୟ ଦୁଇଘଂଟା ଧରି ଅବରରୋଧ କରାଯାଇଥିଲା।
ଭୁବନେଶ୍ବର: ରାଜନୈତିକ ମଞ୍ଚରେ ପଦାର୍ପଣ କରି ପୁରା ନେତାଙ୍କ ପରି ଭାଷଣ ଦେଲେ କାର୍ତ୍ତିକ ପାଣ୍ଡିଆନ। ଦୁଇଦିନିଆ ଗଂଜାମ ଗସ୍ତ କାଳରେ ସେ ଆଜି ଛତ୍ରପୁରରେ ଏକ ଜନସମାବେଶକୁ ସମ୍ବୋଧିତ କରିଛନ୍ତି। ଏଥିରେ ସେ ସିଧା ବିରୋଧୀଙ୍କୁ ଟାର୍ଗେଟ କରିଛନ୍ତି।
ସେ ବିରୋଧୀ ବୋଲି ନାଁ ନ ନେଇ କହିଛନ୍ତି ଯେ, ଓଡିଶାର ଯେଉଁ ରୂପାନ୍ତରିକରଣ ହେଉଛି ତାହା କେତେକଙ୍କ ଆଖିକୁ ଦେଖାଯାଉ ନାହିଁ। ସେମାନେ ଭଲ ଭାବରେ ଦେଖିଲେ ଜାଣିପାରିବେ ଯେ, ଓଡିଶା କିପରି ବିକାଶ ହେଉଛି। ସେ କହିଥିଲେ ପୁରୀର ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଯାଇ ଦେଖନ୍ତୁ, କିପରି ଦେଖାଯାଉଛି ନିଜେ ହୃଦୟଙ୍ଗମ କରନ୍ତୁ।
ମା ସମଲେଶ୍ବରୀ, ମା ତାରାତାରିଣୀ, ମା ଚଣ୍ଡି ମନ୍ଦିରର କିପରି ରୂପାନ୍ତରିକରଣ ହୋଇଛି ତାହା ଗୋଟିଏ ଗୋଟିଏ ପ୍ରମାଣ ବୋଲି ସେ କହିଥିଲେ। ଏଥିସହିତ ବିଜୁସ୍ବାସ୍ଥ୍ୟ କଲ୍ୟାଣ ଯୋଜନା, ମିଶନଶକ୍ତି, ଆହାର ଏବଂ ସ୍କୁଲ ରୂପାନ୍ତରିକରଣ ଆଜି ଓଡିଶା ବିକାଶର ଏକ ଏକ ମାଇଲ ଖୁଣ୍ଟ।
ସେହିପରି ନେତାଙ୍କ ପରି ପାଣ୍ଡିଆନ ଭାଷଣ ମଝିରେ ଲୋକଙ୍କୁ ପ୍ରଶ୍ନ ମଧ୍ୟ ପଚାରିଥିଲେ। କେଉଁମାନେଙ୍କର ବିଏସକେୱା କାର୍ଡ ନାହିଁ ହାତ ଟେକ ବୋଲି କହିଥିଲେ। ଏଥିରେ ଶହଶହ ଦର୍ଶକଙ୍କ ମଧ୍ୟରୁ ତିନି ଚାରିଜଣ ହାତ ଟେକିଥିଲେ। ସେହିପରି ଆହାର କେନ୍ଦ୍ରରେ କେତେ ଟଙ୍କାରେ ଖାଇବା ମିଳୁଛି ବୋଲି ସେ ପଚାରିଥିଲେ।
ଏସବୁ କାର୍ଯ୍ୟ କେବଳ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ବାରା ସମ୍ଭବ ହୋଇପାରିଛି। ସେ ସବୁବେଳେ ଆମକୁ ଗରିବର ବିକାଶ କଥା ଚିନ୍ତା କର ବୋଲି କହିଆସୁଛନ୍ତି। ସେହି ଅନୁସାରେ ଆମେମାନେ କାମ କରୁଛୁ। ଏଥିରେ ଆପଣମାନଙ୍କର ମଧ୍ୟ ବେଶ ସହଯୋଗ ରହିଛି ବୋଲି ସେ କହିଥିଲେ।
ପାଣ୍ଡିଆନ ଆଜି ଗସ୍ତ ଶେଷ କରି ଭୁବନେଶ୍ବର ଫେରିବାର କାର୍ଯ୍ୟକ୍ରମ ରହିଛି।
ଭୁବନେଶ୍ୱର: ସାମୁଦ୍ରିକ ଝଡ଼ ମିଜୋମ ପ୍ରଭାବରେ ଦକ୍ଷଣି ଓଡ଼ିଶା ସମେତ ଅନ୍ୟାନ୍ୟ ଜିଲ୍ଲାଗୁଡ଼ିକରେ ଧାନ, କପା ଓ ଅନ୍ୟାନ୍ୟ ପନିପରିବା ଫସଲ ବିପୁଳ ଭାବରେ ପ୍ରଭାବିତ ହୋଇଛି। ବର୍ଷା ଓ ବାତ୍ୟା ପୂର୍ବରୁ ସରକାର କେବଳ ଚାଷୀଙ୍କୁ ସତର୍କତା ସୂଚନା ଆଦେଶାବଳୀ ଜାରି କରିବା ଛଡ଼ା ଫସଲ ସୁରକ୍ଷା ପାଇଁ କୌଣସି ଜରୁରୀକାଳୀନ ସହାୟତା ଯୋଗାଇ ନଦେବା ଫଳରେ ଫସଲର ପ୍ରଭୃତ କ୍ଷୟକ୍ଷତି ଘଟିଛି ବୋଲି ଅଭିଯୋଗ କରିଛି କଂଗ୍ରେସ।
ଆଜି ଓଡ଼ିଶା ପ୍ରଦେଶ କିଷାନ କଂଗ୍ରେସ ପକ୍ଷରୁ ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ପିସିସି କିଷାନ କଂଗ୍ରେସ ରାଜ୍ୟ ଅଧ୍ୟକ୍ଷ ଶ୍ରୀ ଅମିୟ କୁମାର ପଟ୍ଟନାୟକଏହି ଅଭିଯୋଗ କରିଛନ୍ତି। ସେ କହିଛନ୍ତି ଯେ, ଏହି ବାତ୍ୟାରେ ସବୁଠାରୁ ଧାନ ଫସଲରେ ବ୍ୟାପକ କ୍ଷତି ହୋଇଛି। କଟା ହୋଇପଡ଼ିଥିବା ଧାନ, ବର୍ଷା ଜଳରେ ଭିଜି ଗଜା ହେଲାଣି।
ଧାର କରଜ କରି ଚାଷ କରିଥିବା ଚାଷୀ ଅମଳ ସମୟରେ ଫସଲ ହରାଇବାରୁ ମାନସିକ ଦୁଶ୍ଚିନ୍ତାରେ ସମ୍ମୁଖୀନ। ଅପର ପକ୍ଷରେ ସରକାର ଧର୍ମକୁ ଆଖିଠାର ପରି ଫସଲ କ୍ଷୟକ୍ଷତିର ଅନୁଧ୍ୟାନ ଆସନ୍ତା ୧୨ ତାରିଖ ସୁଦ୍ଧା ଆକଳନ କରିବା ପରେ ଯେଉଁ କୃଷି ଇନପୁଟ ସହାୟତା ଦେବେ ତାହା ସମୁଦ୍ରକୁ ଶଙ୍ଖେ ଓ ଚାଷୀର ତତ୍କ୍ଷଣାତ କ୍ଷତିଭରଣାରେ ଏହା ସହାୟକ ହୋଇପାରିବ ନାହିଁ ବୋଲି ସେ କହିଛନ୍ତି।
ତୁରନ୍ତ ପ୍ରତି କ୍ଷେତ୍ରସ୍ତରରୁ ଚାଷୀଙ୍କ ବାସ୍ତବ ସ୍ଥିତି ଅନୁଧ୍ୟାନ କରି କ୍ଷତିଗ୍ରସ୍ତ ଚାଷୀଙ୍କୁ ପ୍ରତି ଏକର ପିଛା ୨୫ ହଜାର ଟଙ୍କା କ୍ଷତିପୂରଣ ସହାୟତା, ଚାଷୀଙ୍କ ଠାରୁ ସଂପୂର୍ଣ୍ଣ କୃଷି ଋଣ ଛାଡ଼, ପ୍ରଚଳିତ କୃଷି ଇନପୁଟର ସବସିଡର ଦେଢ଼ ଗୁଣା ବୃଦ୍ଧି, ପନିପରିବା କ୍ଷତିଗ୍ରସ୍ତ ଚାଷୀଙ୍କୁ ଶତପ୍ରତିଶତ ସହାୟତା ଓ ଚଳିତ ରବି ଚାଷପାଇଁ ମାଗଣାରେ ଆଳୁ, ପିଆଜ, ତୈଳବୀଜ ଓ ଡାଲିଜାତୀୟ ବିହନ ୭୦ପ୍ରତିଶତ ରିହାତିରେ ଯୋଗାଇ ଦେବାକୁ କଂଗ୍ରେସ ଦଳ ପକ୍ଷରୁ ଶ୍ରୀ ପଟ୍ଟନାୟକ ରାଜ୍ୟ ସରକାରଙ୍କ ପାଖରେ ଦୃଢ଼ ଦାବି କରିଛନ୍ତି।
ଏହି ସାମ୍ବାଦିକ ସମ୍ମିଳନୀରେ ପିସିସି ମୁଖପାତ୍ର ରଶ୍ମି ମହାପାତ୍ର ଓ ମନୋରଞ୍ଜନ ଦାଶ ଉପସ୍ଥିତ ଥିଲେ। ଏହି ମର୍ମରେ ପ୍ରଦେଶ କିଷାନ କଂଗ୍ରେସ ପକ୍ଷରୁ ଚାଷୀଙ୍କ ସ୍ୱାର୍ଥ ରକ୍ଷା ପାଇଁ ସ୍ୱତନ୍ତ୍ର ରିଲିଫ କମିଶନର ତଥା ରାଜସ୍ୱ ବିଭାଗ ପ୍ରମୁଖ ଶାସନ ସଚିବଙ୍କୁ ଶ୍ରୀଯୁକ୍ତ ପଟ୍ଟନାୟକ ଏକ ଦାବିପତ୍ର ପ୍ରଦାନ କରିଛନ୍ତି।
ଭୁବନେଶ୍ୱର : କଂଗ୍ରେସର ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ପୂର୍ବତନ ସାଂସଦ ତଥା ବିଜେପି ନେତା ଜୟରାମ ପାଙ୍ଗି, ଅବସର ପ୍ରାପ୍ତ ପ୍ରଶାସନିକ ଅଧିକାରୀ ପ୍ରଫୁଲ କୁମାର ପରିଡ଼ା, ଅବସରପ୍ରାପ୍ତ ପୁଲିସ୍ କର୍ମଚାରୀ ହେମସାଗର ନନ୍ଦ, ପୂର୍ବତନ ବିଧାୟକ ରଞ୍ଜିତ ଭିତିରିଆ, କେନ୍ଦ୍ରାପଡ଼ାର ସମାଜସେବୀ ସିଦ୍ଧାର୍ଥ ଦାସ, ହିନ୍ଦୋଳର ସମାଜସେବୀ ଗୋବର୍ଦ୍ଧନ ଶେଖର ନାୟକ, ନବରଙ୍ଗପୁର ଜିଲ୍ଲାର ଭାରତୀୟ ଜନତାପାର୍ଟି ତେନ୍ତୁଳୀଖୁଂଟିର ବରିଷ୍ଠ ନେତା ମଦନ ମୋହନ ମାଝୀ, ନବ ଭତରା, ରାଜମୋହନ ଜାନି, ନବରଙ୍ଗପୁର ବ୍ଲକର ବରିଷ୍ଠ ବିଜେଡ଼ି ନେତା ସୋରଜ ମହାକୁଡ଼, ସୁନାଧର ଜାନି, ପ୍ରବିଣ କୁମାର ସିଂ, ମୁକୁର କୁମାର ମଣ୍ଡଳ, ଚନ୍ଦ୍ର ଭତରା, ଆଦି ବିଶିଷ୍ଟ ବ୍ୟକ୍ତିମାନେ ନିଜର ସମର୍ଥକଙ୍କ ସହ ଆଜି କଂଗ୍ରେସ ଦଳରେ ଯୋଗଦେଇଛନ୍ତି।
ଏହି ଉପଲକ୍ଷେ ଆୟୋଜିତ ଏକ ମିଶ୍ରଣ ପର୍ବ କାର୍ଯ୍ୟକ୍ରମରେ ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଶରତ ପଟ୍ଟନାୟକ, ପୂର୍ବତନ ସଭାପତି ନିରଞ୍ଜନ ପଟ୍ଟନାୟକ, ଜୟଦେବ ଜେନା, ପ୍ରସାଦ ହରିଚନ୍ଦନ, ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ, ମିଡିଆ ସେଲ ଅଧ୍ୟକ୍ଷ ଗଣେଶ୍ୱର ବେହେରା, ବରିଷ୍ଠ ଉପସଭାପତି ଶିବାନନ୍ଦ ରାୟ, ନବରଙ୍ଗପୁର ଜିଲ୍ଲା ସଭାପତି ମନୋରଞ୍ଜନ ତ୍ରିପାଠୀ, ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ଶ୍ରୀ ବିଶ୍ୱଜିତ ଦାଶ, କଟକ ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀ, ଜାନକୀ ବଲ୍ଲଭ ପଟ୍ଟନାୟକ, ସୁବ୍ରତ ମହାପାତ୍ର, ମନିଷା ତ୍ରିପାଠୀ, ପ୍ରକାଶ ମିଶ୍ର ଓ ଅନ୍ୟମାନେ ଉପସ୍ଥିତ ଥିଲେ।
ନୂତନ ଭାବେ କଂଗ୍ରେସ ଦଳରେ ଯୋଗଦାନ କରିଥିବା ସମସ୍ତ ଅତିଥିମାନଙ୍କୁ ପୁଷ୍ପଗୁଚ୍ଛ, କଂଗ୍ରେସ ଦଳର ଉତରୀୟ ପ୍ରଦାନ କରି ପ୍ରଦେଶ କଂଗ୍ରେସ ସଭାପତି ଶ୍ରୀ ଶରତ ପଟ୍ଟନାୟକ ଏବଂ ବରିଷ୍ଠ ନେତୃବର୍ଗ ସେମାନଙ୍କୁ କଂଗ୍ରେସ ଦଳରେ ଗ୍ରହଣ କରିନେଇଥିଲେ।
ଶ୍ରୀ ଜୟରାମ ପାଙ୍ଗି ନିଜ ପ୍ରତିକ୍ରିୟାରେ କହିଥିଲେ କଂଗ୍ରେସ ଦଳ ହେଉଛି ମୋ ବାପାଙ୍କର ଦଳ, ମୁଁ ଏବେ ଆମ ଘରକୁ ଫେରିଛି। ଫେରିବାରେ ବହୁ ବିଳମ୍ବ ହୋଇଛି କିନ୍ତୁ ରାସ୍ତା ହୁଡ଼ି ନାହିଁ । କଂଗ୍ରେସ ହିଁ ଏକମାତ୍ର ଦଳ ଯେକି ଭାରତବର୍ଷର ବିବିଧତା, ଐକ୍ୟତା, ଶାନ୍ତି, ସଂହତି ରକ୍ଷାକରିବାରେ ସମର୍ଥ। କଂଗ୍ରେସ ଦଳ ହିଁ ଏକମାତ୍ର ରାଜନୈତିକ ଦଳ ଯିଏକି ଆଦିବାସୀ ବର୍ଗର ସ୍ୱାର୍ଥ ରକ୍ଷା କରିବା ପାଇଁ ସମସ୍ତ ଆଇନ କାନୁନ ସହିତ ସମସ୍ତ ସାମ୍ବିଧାନିକ ବ୍ୟବସ୍ଥା କରିଛି । ରାହୁଲ ଗାନ୍ଧୀଙ୍କର ଭାରତ ଯୋଡ଼ ଯାତ୍ରା, ଘୃଣା, ହିଂସା ଓ ଦ୍ୱେଷ ବଦଳରେ ପ୍ରେମକୁ ବାଂଟିବା ମଣିଷ ସମାଜକୁ ଭଲ ପାଇବା ମୋତେ ବହୁ ଭାବରେ ପ୍ରଭାବିତ କରିଛି।
ଆସନ୍ତା ଦିନରେ ରାଜ୍ୟ ଏବଂ କେନ୍ଦ୍ରରେ କଂଗ୍ରେସ ସରକାର ଗଠନ କରିବାପାଇଁ ଆମେ ସମସ୍ତେ ବହୁ ପରିଶ୍ରମ କରିବୁ। ନୂତନ ଭାବରେ ଯୋଗଦେଇଥିବା ବ୍ୟକ୍ତିମାନେ କଂଗ୍ରେସର ନୀତି ଆଦର୍ଶ ଏବଂ ପ୍ରଦେଶ କଂଗ୍ରେସ ସଭାପତି ଶ୍ରୀ ଶରତ ପଟ୍ଟନାୟକ ନେତୃତ୍ୱ ପ୍ରତି ଅଗାଢ଼ ବିଶ୍ୱାସ ରଖି ଆସନ୍ତା ଦିନରେ କଂଗ୍ରେସକୁ ଶକ୍ତିଶାଳୀ କରିବାପାଇଁ ଶପଥ ନେଉଛୁ।
ଭୁବନେଶ୍ୱର: ଶ୍ରୀମନ୍ଦିରର ଚାରିଦ୍ୱାର ଖୋଲିବା, ରତ୍ନ ଭଣ୍ଡାରର ଗଣତି, ମଣତି ଓ ମରାମତି, ବେଦାନ୍ତ ବିଶ୍ୱବିଦ୍ୟାଳୟ ପାଇଁ ଅଧିକୃତ ଅମୃତମଣୋହୀ ଜମି ଏବଂ ଚାଷୀଙ୍କ ଜମିକୁ ଫେରସ୍ତ କରିବା ସମେତ ୬ ଗୋଟି ଦାବିକୁ ନେଇ ରାଜ୍ୟ କଂଗ୍ରେସ କରିବ ତୁଳସୀ ଯାତ୍ରା। ଏ ନେଇ କଂଗ୍ରେସ ଭବନରେ ଆୟୋଜିତ ସାମ୍ବାଦିକ ସମ୍ମଳିନୀରେ କହିଛନ୍ତି ସଭାପତି ଶରତ ପଟ୍ଟନାୟକ।
ଚଳିତ ମାସ ଶେଷସୁଦ୍ଧା “ତୁଳସୀ ଯାତ୍ରା”ରେ ଶ୍ରୀକ୍ଷେତ୍ର ଯାଇ ପ୍ରତିବାଦ ସ୍ୱରୂପ ମହାପ୍ରଭୁଙ୍କୁ ଅର୍ପଣ କରାଯିବ। ରାଜ୍ୟର ସମସ୍ତ ପୁରପଲ୍ଲୀରୁ ବ୍ଲକ ପର୍ଯ୍ୟନ୍ତ ଏବଂ ସହର ବଜାରର ସାଧାରଣ ଜନତାଙ୍କ ସହଯୋଗରେ ତୁଳସୀ ସଂଗ୍ରହ କରାଯାଇ ରାଜ୍ୟ କଂଗ୍ରେସ ପକ୍ଷରୁ ଶ୍ରୀକ୍ଷେତ୍ରକୁ ତୁଳସୀ ଯାତ୍ରା କରାଯିବ ବୋଲି ସେ କହିଛନ୍ତି।
ରାଜ୍ୟର ସମସ୍ତ ବ୍ଲକ ଓ ନଗରର ସାଧାରଣ ଜନତା, ଜଗନ୍ନାଥ ପ୍ରେମୀ, ଭକ୍ତ, ଶ୍ରଦ୍ଧାଳୁ, ଯୁବକ ଯୁବତୀ, ଛାତ୍ର ଛାତ୍ରୀ, ହବିଷ୍ୟାଳି, ଭକ୍ତ, ମଉସା ମାଉସୀ, ଭାଇ ଭଉଣୀ ଙ୍କ ଠାରୁ ତୁଳସୀ ସଂଗ୍ରହ କରାଯିବ। ଜିଲ୍ଲା କଂଗ୍ରେସ ସଭାପତିଙ୍କ ତତ୍ୱାବଧାନରେ ନଗର ଏବଂ ବ୍ଲକ ସଭାପତିମାନେ ବୁଥ, ୱାର୍ଡ ଓ ପଂଚାୟତ ସଭାପତିଙ୍କ ଜରିଆରେ ତୁଳସୀ ସଂଗ୍ରହ କରିବେ।
ପ୍ରତି ବ୍ଲକ ଓ ନଗର କଂଗ୍ରେସ କମିଟି ପକ୍ଷରୁ ଗୋଟିଏ ଲେଖାଏଁ ଗାଡ଼ିରେ ସଂଗୃହୀତ ତୁଳସୀକୁ ଭୁବନେଶ୍ୱର ସ୍ଥିତ ପ୍ରଦେଶ କଂଗ୍ରେସ କାର୍ଯ୍ୟାଳୟକୁ ଅଣାଯିବ। ସାରା ରାଜ୍ୟରୁ ସଂଗୃହୀତ ତୁଳସୀ ସହ ସଜ ତୁଳସୀ ନେଇ ପ୍ରଦେଶ କଂଗ୍ରେସ ସଭାପତି ଶ୍ରୀ ଶରତ ପଟ୍ଟନାୟକ ନେତୃତ୍ୱରେ ଶ୍ରୀକ୍ଷେତ୍ରକୁ ତୁଳସୀ ଯାତ୍ରା କରାଯିବ।
ପୂର୍ବରୁ କଂଗ୍ରେସ ଏହି ଦାବୀ ନେଇ ଦୁଇଥର ଆନ୍ଦୋଳନ କରିସାରିଛି। ପ୍ରଥମେ ପୁରୀରେ ବିଶାଳ ଶୋଭାଯାତ୍ରାରେ ଯାଇ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କୁ ଉକ୍ତ ଦାବି ସମ୍ବଳିତ ଏକ ସ୍ମାରକପତ୍ର ରାଜ୍ୟପାଳଙ୍କ ଉଦ୍ଦେଶ୍ୟରେ ପ୍ରଦାନ କରାଯାଇଥିଲା। ପରବର୍ତୀ ସମୟରେ ସମସ୍ତ ବ୍ଲକ, ସଦର ମହକୁମାରେ ଜଗନ୍ନାଥ ମନ୍ଦିର ସମ୍ମୁଖରେ ସାଧାରଣ ଜନତା ଓ କଂଗ୍ରେସ ନେତୃବୃନ୍ଦମାନେ “ସଂକୀର୍ତନ ସତ୍ୟାଗ୍ରହ” କାର୍ଯ୍ୟକ୍ରମ ମାଧ୍ୟମରେ ସେମାନଙ୍କର ପ୍ରତିବାଦ ଜଣାଇଥିଲେ। ତଥାପି ରାଜ୍ୟ ସରକାର ଶ୍ରୀମନ୍ଦିରର ଚାରିଦ୍ୱାର ଖୋଲିବାପାଇଁ କୌଣସି ନିଷ୍ପତି ନେଉନାହାନ୍ତି।
ଏହି ବୈଠକରେ ପିସିସି ସଭାପତି ଶ୍ରୀଯୁକ୍ତ ପଟ୍ଟନାୟକଙ୍କ ସମେତ ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନ, ରାମଚନ୍ଦ୍ର ଖୁଂଟିଆ, ଅନନ୍ତ ପ୍ରସାସ ସେଠୀ, ସୁରେଶ କୁମାର ରାଉତରାୟ, ଶରତ ରାଉତ, ପଂଚାନନ କାନୁନଗୋ, ଜଗନ୍ନାଥ ପଟ୍ଟନାୟକ, ବିଜୟଲକ୍ଷ୍ମୀ ସାହୁ, ଗଣେଶ୍ୱର ବେହେରା, ପଂଚାନନ ଦାସ, ଲଲାଟେନ୍ଦୁ ମହାପାତ୍ର, ଯଜ୍ଞେଶ୍ୱର ବାବୁ ଯୋଗ ଦେଇଥିଲେ।
ସେହିପରି ଶିବାନନ୍ଦ ରାୟ, ବିଭୁତି ଭୂଷଣ ମିଶ୍ର, ଜାନକୀ ବଲ୍ଲଭ ପଟ୍ଟନାୟକ, ଶୁଭେନ୍ଦୁ ମହାନ୍ତି, ମନୋରଞ୍ଜନ ଦାଶ, ବିଶ୍ୱଜିତ ଦାଶ, ସୁରେଶ ମହାପାତ୍ର, ରବିନ୍ଦ୍ର କୁମାର ମଲ୍ଲିକ, ଆର୍ଯ୍ୟ କୁମାର ଜ୍ଞାନେନ୍ଦ୍ର, ଉଦ୍ଧବ କର, ଅମିୟ ପଟ୍ଟନାୟକ, ଶ୍ରୀନିବାସ ରାଉତରାୟ, ଚିନ୍ମୟ ସୁନ୍ଦର ଦାସ, ଜିତେନ୍ଦ୍ର ବିଶ୍ୱାଳ ପ୍ରମୁଖ ଏହି ବୈଠକରେ ଆଲୋଚନାରେ ଅଂଶଗ୍ରହଣ କରିଥିଲେ ବୋଲି ପିସିସି ମୁଖପାତ୍ର ଶ୍ରୀ ପ୍ରଶାନ୍ତ ଶତପଥି ଜଣାଇଛନ୍ତି।
ଭୁବନେଶ୍ୱର : ପୁରୀ ଶ୍ରୀଜଗନ୍ନାଥ ମନ୍ଦିରର ଚାରି ଦ୍ୱାରା ଖୋଲିବା, ରତ୍ନ ଭଣ୍ଡାରର ଗଣତି, ମଣତି, ମରାମତି ଏବଂ ବେଦାନ୍ତ କମ୍ପାନୀ ଦ୍ୱାରା ଅଧିଗ୍ରହଣ କରାଯାଇଥିବା ଜଗନ୍ନାଥଙ୍କ ଅମୃତମଣୋହି ଜମି ଓ ଚାଷୀଙ୍କ ଚାଷ ଜମିକୁ ତୁରନ୍ତ ଫେରସ୍ତ କରିବା ଦାବିରେ କଂଗ୍ରେସ ଦଳ ପକ୍ଷରୁ ଆସନ୍ତା ନଭେମ୍ବର ୯ ତାରିଖ ଗୁରୁବାର ସକାଳ ୯ ଘଟିକା ଠାରୁ ଦିବା ୧୨ ଘଂଟିକା ପର୍ଯ୍ୟନ୍ତ ରାଜ୍ୟ ସମସ୍ତ ବ୍ଲକ, ଏନ୍.ଏସ୍.ସି, ମ୍ୟୁନିସ୍ପାଲଟି ଓ ମହାନଗରରେ ଥିବା ଜଗନ୍ନାଥ ମନ୍ଦିର ସମ୍ମୁଖରେ ପ୍ରଦୀପ ପ୍ରଜ୍ୱଳନ କରି “ସଂକ୍ରୀର୍ତନ ସତ୍ୟାଗ୍ରହ” କରାଯିବ ବୋଲି ପିସିସି ସଭାପତି ଶ୍ରୀ ଶରତ ପଟ୍ଟନାୟକ ଆହ୍ୱନ ଦେଇଛନ୍ତି।
ଏହି ପରିପ୍ରେକ୍ଷୀରେ ଭୁବନେଶ୍ୱର ଜିଲ୍ଲା କଂଗ୍ରେସ କମିଟି ପକ୍ଷରୁ କଂଗ୍ରେସ ଭବନରେ ଏକ ସମ୍ବାଦିକ ସମ୍ମିଳନୀ ଆୟୋଜିତ ହୋଇଯାଇଛି। ଉକ୍ତ ସାମ୍ବାଦିକ ସମ୍ମଳନୀରେ ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ଶ୍ରୀ ବିଶ୍ୱଜିତ୍ ଦାସ କହିଥିଲେ ଯେ ଆସନ୍ତା ନଭେମ୍ବର ୯ ତାରିଖ ଗୁରୁବାର ୯ ଘଟିକା ଠାରୁ ଦିବା ୧୨ ଘଟିକା ପର୍ଯ୍ୟନ୍ତ ସଚ୍ଚିବାଳୟର ପଛପଟେ ଥିବା ମହାପ୍ରଭୁ ଶ୍ରୀ ଜଗନ୍ନାଥଙ୍କ ମନ୍ଦିର ସମ୍ମୁଖରେ ପ୍ରଦୀପ ପଜ୍ୱଳନ କରି ସଂକୀର୍ତନ ସତ୍ୟାଗ୍ରହ କାର୍ଯ୍ୟକ୍ରମ କରାଯିବ।
ଉକ୍ତ ସଂକୀର୍ତନ ସତ୍ୟାଗ୍ରହ କାର୍ଯ୍ୟକ୍ରମରେ ଭୁବନେଶ୍ୱର ଜିଲ୍ଲା କଂଗ୍ରେସର ବରିଷ୍ଠ ନେତୃବର୍ଗ, କର୍ମକର୍ତା, ଜିଲ୍ଲା ସାମୁଖ୍ୟ ଓ ପ୍ରକୋଷ୍ଠର ନେତୃବୃନ୍ଦ, ଜଗନ୍ନାଥ ପ୍ରେମୀ, ଶୁଭେଚ୍ଛୁ ଏବଂ ଜନସାଧାରଣଙ୍କୁ ଯୋଗ ଦେବା ପାଇଁ ଶ୍ରୀ ଦାସ ନିବେଦନ କରିଛନ୍ତି।
ଜିଲ୍ଲା କଂଗ୍ରେସର ମୁଖପାତ୍ର ଶ୍ରୀମତୀ ଜୟଶ୍ରୀ ପାତ୍ର କହିଛନ୍ତି ଯେ ସରକାର ବିଭିନ୍ନ ପଂଚାୟତରେ ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ପାଇଁ ହଜାର ହଜାର କୋଟି ଟଙ୍କା ଖର୍ଚ୍ଚ କରୁଛନ୍ତି ବୋଲି କହୁଥିବାବେଳେ କାହିଁକି ଜଗନ୍ନାଥ ମନ୍ଦିରର ଚାରି ଦ୍ୱାର ଖୋଲୁ ନାହାନ୍ତି? କାର୍ତିକ ମାସରେ ଭକ୍ତମାନେ ଜଗନ୍ନାଥଙ୍କୁ ଦର୍ଶନ ନ କରି ପାରି ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି।
କଂଗ୍ରେସ ଉପରୋକ୍ତ ୬ ଦାବିକୁ ପୂରଣ ନ ହେଲା ପର୍ଯ୍ୟନ୍ତ ବିଭିନ୍ନ ପର୍ଯ୍ୟାୟରେ ରାଜ୍ୟ ସରକାରଙ୍କ ବିରୁଦ୍ଦରେ ଜାରି ରଖିବ। ସର୍ବଶେଷରେ ବ୍ଲକ କଂଗ୍ରେସ ସଭାପତି ଅଶୋକ ଦାସ ଧନ୍ୟବାଦ ଅର୍ପଣ କରିଥିଲେ।
ଭୁବନେଶ୍ୱର: ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ଶ୍ରୀ ବିଶ୍ୱଜିତ ଦାଶଙ୍କ ନିର୍ଦ୍ଦେଶକ୍ରମେ ବରିଷ୍ଠ ବ୍ଲକ କଂଗ୍ରେସ ସଭାପତି ଶ୍ରୀ ଅଶୋକ ଦାସଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳୀ ପଦ୍ମକେଶରୀପୁର ଗ୍ରାମରେ ଶାନ୍ତି ଫେରାଇ ଆଣିବା ପାଇଁ ଭୁବନେଶ୍ୱର ପୋଲିସ କମିଶନରଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି।
ଏଠାରେ ଉଲ୍ଲେଖ୍ୟ ଯୋଗ୍ୟ ଯେ ଭୁବନେଶ୍ୱର ଉତ୍ତର ନିର୍ବାଚନ ମଣ୍ଡଳୀ ଅନ୍ତର୍ଗତ ମଂଚେଶ୍ୱର ଥାନା ଅଧିନରେ ଥିବା ଇଂଜଣା ଗ୍ରାମ ପଂଚାୟତର ପଦ୍ମକେଶରୀପୁର ଗ୍ରାମରେ ଗତ ପଂଚାୟତ ନିର୍ବାଚନ ପରବର୍ତୀ ସମୟରେ ଘଟିଥିବା ହିଂସାର ସମାଧାନ ହୋଇନଥିଲା। କ୍ରମେ କ୍ରମେ ଏହି ହିଂସା ଲାଗିରହି ଆଜି ଗୋଷ୍ଠି ସଂଘର୍ଷରେ ପରିଣତ ହୋଇଛି।
ଗତ ପ୍ରାୟ ଏକମାସ ତଳେ ଦୁଇ ଗୋଷ୍ଠି ମଧ୍ୟରେ ସଂଘର୍ଷ ହୋଇଥିଲା। ତତ୍କାଳୀନ ଥାନା ଅଧିକାରୀ କିଛି ବ୍ୟକ୍ତିଙ୍କୁ ଗିରଫକରି ଜେଲ ହାଜତକୁ ପଠାଇଥିଲେ। ଏହି ଦଶହରା ସମୟରେ ଗିରଫ ହୋଇଥିବା ବ୍ୟକ୍ତିମାନେ ଜାମିନରେ ଆସିବାପରେ ପୁନ୍ନର୍ବାର ବଡ଼ଧରଣର ଗୋଷ୍ଠି ସଂଘର୍ଷ ଘଟିଛି। ବୋମା ମାଡ଼, ଟେକାପଥର ମାଡ଼, ରକ୍ତାକ୍ତ ସଂଘର୍ଷ ହୋଇଛି। ପୋଲିସ ପ୍ରାୟ ୭୭ ଜଣଙ୍କୁ ଗିରଫ କରି ଜେଲକୁ ପଠାଇଛି। ଏହାଦ୍ୱାରା ଏହି ଗ୍ରାମ ପୋଲିସ ଗିରଫଦାରୀ ଭୟରେ ଗ୍ରାମ ପୁରୁଷ ଶୂନ୍ୟ ହୋଇପଡ଼ିଛି।
ଏକ ମାସ ବିତିଯାଇଥିଲେ ବି ଆଜି ପର୍ଯ୍ୟନ୍ତ ଏହାର ଏକ ଆପୋସ ଶାନ୍ତିପୂର୍ଣ୍ଣ ସମାଧାନ ପାଇଁ ପୋଲିସ କିମ୍ବା ପ୍ରଶାସନ ତରଫରୁ କୌଣସି ଉଦ୍ୟମ କରାଯାଇ ନାହିଁ। ଯାହାଫଳରେ ଏ ଘଟଣାର ପୁନରାବୃତି ଘଟୁଛି। ଏଭଳି ହିଂସାଦ୍ୱାରା ଗ୍ରାମର ମହିଳା ଓ ଶିଶୁମାନେ ଅଧିକ କ୍ଷତିଗ୍ରସ୍ତ ହେଉଛନ୍ତି। କେବଳ ଗିରଫଦାରୀ ଏହାର ଏକ ସ୍ଥାୟୀ ସମାଧାନ ଆଦୌ ନୁହେଁ। ସେଥିପାଇଁ ଏକ ଶାନ୍ତି କମିଟ ଗଠନ କରାଯାଉ ବୋଲି ସେମାନେ ଦାବୀ କରିଛନ୍ତି।
ଏହି ପ୍ରତିନିଧି ମଣ୍ଡଳୀରେ ମହିଳା କଂଗ୍ରେସ ସଭାନେତ୍ରୀ ଗୀତାଞ୍ଜଳି ମହାନ୍ତି, ଜିଲ୍ଲା ସାଧାରଣ ସଂପାଦକ ଅକ୍ଷୟ ଦାସ, ବ୍ଲକ ସଭାପତି ମନୋରଞ୍ଜନ ଜେନା, ବ୍ରହ୍ମାନନ୍ଦ ସାହୁ, ରାଜ୍ୟ ମହିଳା କଂଗ୍ରେସ ସାଧାରଣ ସମ୍ପାଦିକା ଶ୍ରୀୟା ସ୍ମିତା ପଣ୍ଡା, ଜିଲ୍ଲା ଓବିସିସି ସେଲର ମୁଖ୍ୟ ପ୍ରସନ୍ନ ନାୟକ, ଦେବାଶିଷ ଦାସ, ସୁବାସ ସାହୁ ଓ ସଂଜୟ ସେଠୀ ପ୍ରମୁଖ ଉପସ୍ଥିତ ଥିଲେ।
ଭୁବନେଶ୍ୱର: ଆସନ୍ତା ନଭେମ୍ବର ମାସ ୯ ତାରିଖ ଗୁରୁବାର ଦିନ ରାଜ୍ୟର ସମସ୍ତ ବ୍ଲକ, ଏନଏସି, ମୁନିସିପାଲଟି ଓ ମହାନଗର ନିଗମ ରେ ଥିବା ଜଗନ୍ନାଥ ମନ୍ଦିର ସମ୍ମୁଖରେ ପ୍ରଦେଶ କଂଗ୍ରେସ ଦିନ ୯ ଟାରୁ ୧୨ ଟା ପର୍ଯ୍ୟନ୍ତ ପ୍ରଦୀପ ପ୍ରଜ୍ଜ୍ୱଳନ କରି ସଂକୀର୍ତନ ସତ୍ୟାଗ୍ରହ କରିବ। ଏକ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି ପ୍ରଦେଶ କଂଗ୍ରେସ ସଭାପତି ଶରତ ପଟ୍ଟନାୟକ।
ସେ କହିଛନ୍ତି ଯେ, ପବିତ୍ର କାର୍ତିକ ମାସରେ ସାରା ଓଡ଼ିଶା ଏବଂ ଓଡ଼ିଶା ବାହାରୁ ଲକ୍ଷ ଲକ୍ଷ ହବିଷ୍ୟାଳି ଓ ଭକ୍ତମାନେ ଜଗନ୍ନାଥ ଦର୍ଶନ ପାଇଁ ପୁରୀକୁ ଆସୁଛନ୍ତି । ଦିନ ଦିନ ଧରି ଅପେକ୍ଷା କଲା ପରେ ମଧ୍ୟ ଜଗନ୍ନାଥଙ୍କୁ ଦର୍ଶନ କରିପାରୁ ନାହାନ୍ତି । ଭକ୍ତଙ୍କ ଭାବାବେଗକୁ ଦୃଷ୍ଟିରେ ରଖି କଂଗ୍ରେସ ଏହି ପଦକ୍ଷେପ ଗ୍ରହଣ କରିଛି ବୋଲି ଶରତ ପଟ୍ଟନାୟକ କହିଛନ୍ତି।
ଏହି ସାମ୍ବାଦିକ ସମ୍ମିଳନୀରେ ପୂର୍ବତନ ସଭାପତି ପ୍ରସାଦ ହରିଚନନ୍ଦନ, ପିସିସି ଗଣମାଧ୍ୟମ ବିଭାଗର ଅଧ୍ୟକ୍ଷ ଶ୍ରୀ ଗଣେଶ୍ୱର ବେହେରା, ପିସିସି ଇସ୍ତାହାର କମିଟି ଅଧ୍ୟକ୍ଷ ଶ୍ରୀ ପଂଚାନନ କାନୁନଗୋ, ପିସିସି ବରିଷ୍ଠ ଉପସଭାପତି ଶ୍ରୀ ଶିବାନନ୍ଦ ରାୟ, ପୁରୀ ଜିଲ୍ଲା କଂଗ୍ରେସ ସଭାପତି ଜୟୀରାମ ପଟ୍ଟନାୟକ, ବିନାୟକ ଦାସ ମହାପାତ୍ର, ସୁଜିତ ମହାପାତ୍ର, ଲଲାଟେନ୍ଦୁ ଦାଶ, ମିତ୍ରଭାନୁ ମହାପାତ୍ର, ନିରଞ୍ଜନ ରଥ ପ୍ରମୁଖ ଉପସ୍ଥିତ ଥିଲେ ।
ଭୁବନେଶ୍ୱର: ଓଡ଼ିଶା ପ୍ରଦେଶ କଂଗ୍ରେସ ପକ୍ଷରୁ ପିସିସି ସଭାପତି ଶ୍ରୀ ଶରତ ପଟ୍ଟନାୟକଙ୍କ ନେତୃତ୍ୱରେ ଆଜି ପୁରୀଠାରେ ପ୍ରଭୁ ଶ୍ରୀ ଜଗନ୍ନାଥ ମନ୍ଦିରର ଚାରିଦ୍ୱାର ଖୋଲିବା, ରତ୍ନ ଭଣ୍ଡାରରେ ଥିବା ଶ୍ରୀ ଜୀଉ ମାନଙ୍କର ମୂଲ୍ୟବାନ ରତ୍ନ ଅଳଙ୍କାରର ଗଣତି, ମଣତି ଓ ମରାମତି, ବେଦାନ୍ତ ଦ୍ୱାରା ଅଧିଗ୍ରହଣ କରାଯାଇଥିବା ଜମି ଫେରାଇବା ଏବଂ ପୁରୀ ବାସିନ୍ଦାଙ୍କ ଜମିର ସ୍ଥାୟୀ ସମାଧାନ ଦାବିରେ ଏକ ବିଶାଳ ଜନ ସମାବେଶ ଅନୁଷ୍ଠିତ ହୋଇଯାଇଛି।
ଏହି ଉପଲକ୍ଷେ ପ୍ରଦେଶ କଂଗ୍ରେସ କମିଟି ପକ୍ଷରୁ ଆୟୋଜିତ ସମାବେଶରେ ହଜାର ହଜାର କଂଗ୍ରେସ ନେତୃବୃନ୍ଦ, କର୍ମୀ ପୁରୀ ଶରଧାବାଲିଠାରେ ଏକତ୍ରିତ ହୋଇଥିଲେ। ଏହି କାର୍ଯ୍ୟକ୍ରମରେ ଉପସ୍ଥିତ ଜନସମାବେଶକୁ ଉଦ୍ବୋଧନ ଦେଇ ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଶରତ ପଟ୍ଟନାୟକ କହିଲେ ଯେ ପ୍ରତିଦିନ ଜଗନ୍ନାଥ ମନ୍ଦିରକୁ ପ୍ରତିଦିନ ହଜାର ହଜାର ଭକ୍ତ ଓଡ଼ିଶା ଏବଂ ଓଡ଼ିଶା ବାହାରୁ ଜୀଉ ମାନଙ୍କର ଦର୍ଶନ ଉଦ୍ଦେଶ୍ୟରେ ଆସିଥାନ୍ତି।
ହେଲେ ମନ୍ଦିର ଭିତରକୁ ଗୋଟିଏ ଦ୍ୱାର ଦେଇ ଯିବାର ବ୍ୟବସ୍ଥା ଥିବାରୁ ଭକ୍ତମାନେ ଘଂଟା ଘଂଟା ଧରି ଅପେକ୍ଷା କରିବାକୁ ବାଧ୍ୟ ହୁଅନ୍ତି। ହଜାର ହଜାର ଶ୍ରଦ୍ଧାଳୁ, ଦର୍ଶନାର୍ôଥ ଦର୍ଶନ ନିମନ୍ତେ ଘଂଟା ଘଂଟା ଖରା ବର୍ଷାରେ ଧାଡ଼ିରେ ଛିଡ଼ା ହୋଇ ଯନ୍ତ୍ରଣା ଭୋଗ କରୁଛନ୍ତି। ଅନେକ ତୀର୍ଥଯାତ୍ରୀ, ଦର୍ଶନାର୍ଥିମାନେ ଦୀର୍ଘ ସମୟ ଧାଡ଼ିରେ ଛିଡ଼ା ହୋଇଥିôବା ବେଳେ ଚେତାଶୂନ୍ୟ ହୋଇପଡ଼ୁଛନ୍ତି। ମୃତ୍ୟୁବରଣ କରୁଥିବାର ନଜିର ମଧ୍ୟ ରହିଛି। ଶିଶୁ ଓ ବୃଦ୍ଧଙ୍କ କଥା କହିଲେ ନ ସରେ।
ଶ୍ରୀମନ୍ଦିର ପ୍ରକଳ୍ପର କାର୍ଯ୍ୟ ଚାଲୁଥିବା ଦର୍ଶାଇ ମନ୍ଦିର ପ୍ରଶାସନ ଓ ରାଜ୍ୟ ସରକାର ଏଥିନିମନ୍ତେ ଉଦାସିନ ରହୁଛନ୍ତି। ମାତ୍ର ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଏହି ଦ୍ୱାରଗୁଡିକ ନିକଟରେ ଚାଲୁନାହିଁ। ପବିତ୍ର କାର୍ତିକ ମାସ ଆସୁଥିବାରୁ ଭକ୍ତ ମାନଙ୍କର ସଂଖ୍ୟା ବୃଦ୍ଧି ପାଇବ। ଏଣୁ ରାଜ୍ୟ ସରକାର ଭକ୍ତମାନଙ୍କ ପାଇଁ ତୁରନ୍ତ ଶ୍ରୀ ମନ୍ଦିରର ଚାରି ଦ୍ୱାର ଖୋଲିବାକୁ ଶ୍ରୀ ପଟ୍ଟନାୟକ ଦାବି କରିଥିଲେ।
ସେହିଭଳି ଦୀର୍ଘଦିନ ଧରି ରତ୍ନଭଣ୍ଡାର ଚାବି ହଜିବା ବାହାନାରେ ଆଜିପର୍ଯ୍ୟନ୍ତ ଭିତର ରତ୍ନଭଣ୍ଡାର ଖୋଲାଯାଉ ନାହିଁ। ଉଚ୍ଚନ୍ୟାୟାଳୟଙ୍କ ନିର୍ଦ୍ଦେଶ ସତ୍ୱେ ଏବଂ ଭକ୍ତମାନଙ୍କର ଭାବାବେଗକୁ ବେଖାତିର କରି ରାଜ୍ୟ ସରକାର ରତ୍ନଭଣ୍ଡାର ଖୋଲୁନଥିବା ଘୋର ପରିତାପର ବିଷୟ। ଫଳରେ ସଙ୍କଟାପନ୍ନ ଅବସ୍ଥାରେ ଥିବା ରତ୍ନଭଣ୍ଡାରର ଗଣତି, ମଣତି ଓ ମରାମତି ହୋଇପାରୁନାହିଁ।
ଅନ୍ୟପକ୍ଷରେ ରତ୍ନ ଭଣ୍ଡାରର କାନ୍ଥ ଓ ଛାତରୁ ପାଣି ଝରୁଥିବାର କେବଳ ଅଭିଯୋଗ ହେଉନାହିଁ, ଭାରତୀୟ ପ୍ରତ୍ନତାତ୍ୱିକ ସର୍ବକ୍ଷେଣ ସଂସ୍ଥା ମଧ୍ୟ ମତ ଦେଇଛନ୍ତି। ତୁରନ୍ତ ରତ୍ନଭଣ୍ଡାର ଖୋଲିବା ସହିତ ଏହାର ଗଣତି, ମଣତି ଓ ମରାମତି କରାଯିବା ପାଇଁ ଶ୍ରୀ ପଟ୍ଟନାୟକ ଦାବି କରିଥିଲେ।
ପୁରୀରେ ବସବାସ କରୁଥିବା ପ୍ରାୟ ୮୦ ହଜାର ପରିବାରଙ୍କର ଭୂ ସମ୍ପତିର ମାଲିକାନା ସତ୍ୱ ଜଗନ୍ନାଥ ମହାପ୍ରଭୁଙ୍କ ନାମରେ ଅଛି। ସେମାନେ ଏହି ସମ୍ପତିକୁ ବିଭିନ୍ନ ମଠମାନଙ୍କ ଠାରୁ ତତ୍କାଳୀନ ଆଇନ ଅନୁଯାୟୀ କିଣିଥିଲେ । ମାତ୍ର ଏବେବି ସେହି ସମ୍ପତି ସୁପ୍ରିମକୋର୍ଟଙ୍କ ରାୟ ଅନୁଯାୟୀ ମହାପ୍ରଭୁ ଜଗନ୍ନାଥଙ୍କ ନାମରେ ଅଛି। ସରକାର ପନୁଃରାୟ ଏହି ସତ୍ୱକୁ ସେହି ପରିବାରମାନଙ୍କୁ ଦେବାକୁ ଶ୍ରୀ ପଟ୍ଟନାୟକ ଦାବି କରିଛନ୍ତି।
ପୁରୀରେ ଭୂମିହିନ ଓ ବାସହିନ ସେବାୟତଙ୍କୁ ସରକାର ଆଜି ପର୍ଯ୍ୟନ୍ତ ଘର ଖଣ୍ଡେ ଯୋଗାଇ ଦେବାପାଇଁ ଘର ଖଣ୍ଡେ ଯୋଗାଇଦେଲେ ନାହିଁ। କିନ୍ତୁ ପୁରୀରେ ବିଭିନ୍ନ ବଡ଼ ବଡ଼ କମ୍ପାନୀଙ୍କୁ ଶହ ଶହ ଏକର ଯୋଗାଇଦେଲେ। ଏହି ଭୂମିହୀନ ସେବାୟତଙ୍କୁ ଘର କରିବା ପାଇଁ ଆବଶ୍ୟକ ଜମି ଓ ଆର୍ଥିକ ସହାୟତା ଯୋଗାଇ ଦେବା ପାଇଁ ଶ୍ରୀ ପଟ୍ଟନାୟକ ଦାବି କରିଛନ୍ତି । ସରକାରଙ୍କ ପକ୍ଷରୁ ଉଚ୍ଛେଦ କରାଯାଇଥିବା ମଠ ଆଉ ମନ୍ଦିର ଓ ଐତିହ୍ୟମାନଙ୍କର ଯଥାଶୀଘ୍ର ଯଥୋଚିତ ପୁନଃସ୍ଥାପନ କରାଯାଉ।
ସାରା ଭାରତ ବର୍ଷରେ ବେଦାନ୍ତ ଗୋଟିଏ ବି ବିଦ୍ୟାଳୟ ଖୋଲିନଥିବା ବେଳେ ରାଜ୍ୟ ବିଜେଡ଼ି ସରକାର ହଜର ହଜାର ଏକକରୁ ଅଧି ଜମି ଏପରିକି ଚାଷୀମାନଙ୍କର ଚାଷ ଜମିକୁ ବେଦାନ୍ତ ବିଶ୍ୱବିଦ୍ୟାଳୟ ପାଇଁ ଅନିମିତ ଭାବେ ଅଧିଗ୍ରହଣ କରିଥିଲେ । ନଦୀନାଳ, ଜଙ୍ଗଲ ଏପରିକି ଗୋଚର ଓ ଶ୍ମସାନ ଜମିକୁ ଛାଡ଼ିନଥିଲେ। ସୁପ୍ରିମ୍କୋର୍ଟ ଏହି ଅଧିଗ୍ରହଣ ବେଆଇନ ବୋଲି ଦର୍ଶାଇଛନ୍ତି।
ରାଜ୍ୟ ସରକାର ୨୨ ମୌଜାର ନିରୀହ ଚାଷିମାନଙ୍କର ଚାଷ ଜମି ତୁରନ୍ତ ଫେରାଇ ଦିଅନ୍ତୁ। ସର୍ବୋଚ୍ଚ ନ୍ୟାୟାଳୟ ବିଜେପି ଓ ବିଜେଡ଼ି ସରକାରଙ୍କୁ ଏହି ରାୟରେ ତୀବ୍ର ଭର୍ତ୍ସନା କରିବା ସହ ଅନୀଲ ଅଗ୍ରୱାଲ ଫାଉଣ୍ଡେସନକୁ ଜୋରିମନା ରାଶି ପୈଠ ପାଇଁ ନିର୍ଦ୍ଦେଶ ଦେଇଛନ୍ତି।
ଜମିର ମାଲିକାନା ମୂଳସ୍ଥିତିବାନ ଚାଷୀମାନଙ୍କୁ ପ୍ରଦାନ କରିବା ପାଇଁ ସରକାର ଆର୍ଥିକ ଭାର ବହନ କରିବା ସହ ବିହିତ ବ୍ୟବସ୍ଥା କରିବା ପାଇଁ ପ୍ରଦେଶ କଂଗ୍ରେସ କମିଟି ଦାବି କରୁଛି। ଏହି ଅବସରରେ ଶ୍ରୀ ପଟ୍ଟନାୟକ ରାଜ୍ୟ ସରକାରଙ୍କୁ ଚେତାବନୀ ଦେଇଛନ୍ତି ଯେ ଯଦି ସରକାର କାର୍ତିକ ମାସ ପୂର୍ବରୁ ଏହି ଉପରୋକ୍ତ ସମସ୍ୟାର ସମାଧାନ ପାଇଁ ପଦକ୍ଷେପ ଗ୍ରହଣ ନକରନ୍ତି ତେବେ ଆନ୍ଦୋଳନ ତୀବ୍ରତର ଏବଂ ବ୍ୟାପକ ହେବ।
ହଜାର ହଜାର କଂଗ୍ରେସ ନେତୃବୃନ୍ଦ, କର୍ମୀ ଓ ସାଧାରଣ ଜନତା ଶରଧା ବାଲି ଠାରୁ ବିଶାଳ ଶୋଭାଯାତ୍ରାରେ ଶ୍ରୀ ମନ୍ଦିର କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲେ ଏବଂ ପ୍ରଦେଶ କଂଗ୍ରେସ ସଭାପତି ଶ୍ରୀ ଶରତ ପଟ୍ଟନାୟକଙ୍କ ନେତୃତ୍ୱରେ ଏକ ୨୦ ଜଣିଆ କଂଗ୍ରେସ ପ୍ରତିନିଧି ଦଳ ଉପରୋକ୍ତ ଦାବିରେ ରାଜ୍ୟପାଳଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ଶ୍ରୀମନ୍ଦିର ମୁଖ୍ୟ ପ୍ରଶାସନ ଅଧିକାରୀଙ୍କୁ ପ୍ରଦାନ କରିଥିଲେ।
ଆଜିର ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କଂଗ୍ରେସ ନେତୃବୃନ୍ଦ ସର୍ବଶ୍ରୀ ଜୟଦେବ ଜେନା, ପ୍ରସାଦ ହରିଚନ୍ଦନ, ସୁରେଶ କୁମାର ରାଉତରାୟ, ତାରା ପ୍ରସାଦ ବାହିନିପତି, ଶରତ ରାଉତ, ବିଜୟ ପଟ୍ଟନାୟକ, ଶିବାନନ୍ଦ ରାୟ, ରାମଚନ୍ଦ୍ର ଖୁଂଟିଆ, ପୁରୀ ଜିଲ୍ଲା କଂଗ୍ରେସ କମିଟି ସଭାପତି ଜୟ ନାରାୟଣ ପଟ୍ଟନାୟକ, ଅନନ୍ତ ପ୍ରସାଦ ସେଠୀ, ପ୍ରମୁଖ ହଜାର ହଜାର କଂଗ୍ରେସ କର୍ମୀ ଏହି ସମାବେଶରେ ଅଂଶଗ୍ରହଣ କରିଥିଲ ।
ଭୁବନେଶ୍ୱର: ଏକାମ୍ର ନିର୍ବାଚନ ମଣ୍ଡଳୀର ମହାବୀର ନଗରରୁ ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ଶ୍ରୀ ବିଶ୍ୱଜିତ ଦାଶଙ୍କ ନେତୃତ୍ୱରେ ଜିଲ୍ଲାର ବହୁ ନେତା ତଥା କଂଗ୍ରେସ କର୍ମୀ ଓ ଶୁଭେଚ୍ଛୁମାନେ ନିର୍ଦ୍ଧାରିତ “ଘରେ ଘରେ କଂଗ୍ରେସ- ଘରେ ଘରେ ହାତ” କାର୍ଯ୍ୟକ୍ରମ ପଦଯାତ୍ରା ଆରମ୍ଭ କରାଯାଇଛି।
କଂଗ୍ରେସ ନେତୃବର୍ଗ ଏବଂ କର୍ମୀମାନେ ଘରକୁ ଘର ଯାଇ ସେ ଅଂଚଳର ଜନସାଧାରଣଙ୍କୁ ୨୩ ବର୍ଷର ବିଜେଡ଼ି ସରକାରର ପ୍ରତିଶ୍ରୁତି ଓ ପ୍ରତାରଣା ଏବଂ କେନ୍ଦ୍ରର ୧୦ ବର୍ଷର ସରକାରର ତୁହାକୁ ତୁହା ମିଛି ପ୍ରତିଶ୍ରୁତି ଛଡ଼ା ରାଜ୍ୟ ଓ ଦେଶରେ ଜନସାଧାରଣଙ୍କ ମଙ୍ଗଳ ପାଇଁ କିଛି ଗୋଟିଏ ବୋଲି କାମ କରିନାହାନ୍ତି। ରାଜ୍ୟରେ ଏକ ଅଭାବନୀୟ ପରିସ୍ଥିତି ଆଜି ସୃଷ୍ଟି ହୋଇଛି। ଲୋକଙ୍କ ଦ୍ୱାରା ନିର୍ବାଚିତ ବିଜୁଜନତା ଦଳର ସାଂସଦ, ବିଧାୟକ ଓ ବରିଷ୍ଠ ନେତୃଗଣଙ୍କର କୌଣସି କ୍ଷମତା ନାହିଁ।
ଏମାନେ ସମସ୍ତେ ନିର୍ଦ୍ଧିଷ୍ଟ ଗୋଟିଏ ସରକାରୀ କର୍ମଚାରୀ ଦ୍ୱାରା ପରିଚାଳିତ। ଯେତେ ସବୁ ପ୍ରତିଶ୍ରୁତି ବିଜେଡ଼ି ସରକାର ଦୀର୍ଘ ୨୩ ବର୍ଷ ଭିତରେ ଜନସାଧାରଣଙ୍କୁ ଦେଇଥିଲେ ସେସବୁ ଗୁଡ଼ିକ ମିଛ ପ୍ରତିଶ୍ରୁତି ଥିଲା ବୋଲି ଜନସାଧାରଣଙ୍କୁ ବୁଝାଇଥିଲେ। ଘରକୁ ଘର ଯାଇ କଂଗ୍ରେସର ପ୍ରଚାରପତ୍ର ଦେଇଥିଲେ। କଂଗ୍ରେସ ସରକାର ଆସିଲେ ସେ ଅଂଚଳର ନିଶ୍ଚିତ ବିକାଶ ଘଟିବ ବୋଲି ସ୍ଥିର ପ୍ରତିଶ୍ରୁତି ଦେଇଥିଲେ। ପଦଯାତ୍ରା ଶିଶୁପାଳଗଡ଼ ପଂଚାୟତ ପାଖରେ ସମାପ୍ତ ହୋଇଥିଲା।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜଟଣୀ ବିଧାୟକ ଶ୍ରୀ ସୁରେଶ କୁମାର ରାଉତରାୟ, ଶିବାନନ୍ଦ ରାୟ, କିଶୋର ଜେନା, ଚିନ୍ମୟ ସୁନ୍ଦର ଦାସ, ସୁବ୍ରତ ମହାପାତ୍ର, ପ୍ରଶାନ୍ତ ଚମ୍ପତି, ଦେବରାଜ ମିଶ୍ର, ଅଶୋକ ଦାସ, ଇନ୍ଦ୍ରଜିତ ପରିଡ଼ା, ପ୍ରଶନ୍ନ ନାୟକ, ଦେବୀପ୍ରସାଦ ସ୍ୱାଇଁ, ସୌମେନ୍ଦ୍ର ମହାନ୍ତି, ବିପିନ ବିହାରି ରାଉତ, ପ୍ରଭାତ ପ୍ରତାପ ସିଂ, ମନୋରଞ୍ଜନ ବଟୁ, ଶ୍ରୀୟାସ୍ମିତା ପଣ୍ଡା, ଜୟଶ୍ରୀ ପାତ୍ର, ପୁଷ୍ପିତା ଦାସ, ରଶ୍ମି ମହାପାତ୍ର,ରିନା ସାହୁ, ସଂକୁନା କହଁର, ସେକ ତାକୱିନ, କ୍ଷୀରୋଦ ବେହେରା, ମହମ୍ମଦ ସାହାଦୁଲ୍ଲା, ଖଗେଶ୍ୱର ମଲ୍ଲିକ, ପ୍ରଶନ୍ନ ପାଇକରାୟ ପ୍ରମୁଖ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ ।
ଭୁବନେଶ୍ୱର: ଲୋକସଭା ଓ ବିଧାନସଭାରେ ମହିଳାମାନଙ୍କ ପାଇଁ ୩୩ ଭାଗ ସ୍ଥାନ ସଂରକ୍ଷଣ ଉଦ୍ଦେଶ୍ୟରେ ମୋଦି ନେତୃତ୍ୱାଧିନ ବିଜେପି ସରକାର ପ୍ରଣୟନ କରିଥିବା ନାରୀ ବନ୍ଦନ ଅଧିନୀୟମ ବସ୍ତୁତଃ ଅର୍ଥହୀନ। ନାରୀ ବନ୍ଦନ ନାମରେ ନାରୀ ସଂରକ୍ଷଣ ବ୍ୟବସ୍ଥାକୁ କାର୍ଯ୍ୟକାରୀ ନ କରାଇବା ମହିଳାମାନଙ୍କ ପ୍ରତି ଘୋର ଅବିଚାର ବୋଲି ଅଖିଳ ଭାରତ କଂଗ୍ରେସ ମୁଖପାତ୍ର ତଥା ସାଂସଦ ଶ୍ରୀମତୀ ରଞ୍ଜିତ ରଞ୍ଜନ ଆଜି ଭୁବନେଶ୍ୱର କଂଗ୍ରେସ ଭବନ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ମତବ୍ୟକ୍ତ କରିଛନ୍ତି।
ଶ୍ରୀମତୀ ରଞ୍ଜିତ ରଞ୍ଜନ ଦେବୀ କଟାକ୍ଷ କରିଥିଲେ ଯେ ଆମେ ପୋଷ୍ଟ ଡେଟେଡ ଚେକ ବିଷୟରେ ଜାଣିଥିଲୁ କିନ୍ତୁ ପୋଷ୍ଟ ଡେଟେଡ ବିଲ କାନ କେବେ ଶୁଣିନଥିଲା ଯାହା ପ୍ରଧାନମନ୍ତ୍ରୀ ମୋଦି ମହାଶୟ ଦେଶବାସୀଙ୍କ ଆଗରେ ରଖିଛନ୍ତି। ମୋଦି ସରକାର ଏହି ମହିଳା ସଂରକ୍ଷଣ ବିଲ- ୨୦୨୩ ରେ ଯୋଡ଼ିଏ ସର୍ତ ରଖିଛନ୍ତି। ପ୍ରଥମରେ ଏହି ବିଲ ରାଷ୍ଟ୍ରପତିଙ୍କ ଅନୁମୋଦନ କ୍ରମେ ଆଇନରେ ପରିଣତ ହେଲେ ମଧ୍ୟ ୨୦୨୪ ରେ କାର୍ଯ୍ୟକାରୀ ହେବ ନାହିଁ।
୨୦୨୬ ପରେ ହେବାକୁଥିବା ଜନଗଣନା ପରେ ଓ ଦ୍ୱିତୀୟରେ ଲୋକସଭା ଏବଂ ବିଧାନସଭା ଆସନ ଗୁଡ଼ିକର ସୀମା ପୁନଃ ନିର୍ଦ୍ଧାରଣ ପରେ ଏହାର କାର୍ଯ୍ୟକାରୀ କରାଯିବ। ସୁତରାଂ କେଉଁ ନିର୍ଦ୍ଦିଷ୍ଟ ବର୍ଷ ବା ତାରିଖରେ ମହିଳାମାନଙ୍କୁ ଉଭୟ ଲୋକସଭା ଓ ବିଧାନସଭାରେ ୩୩ ଭାଗ ସଂରକ୍ଷଣ ମିଳିବ ତାହା କେନ୍ଦ୍ର ସରକାର କହିବାକୁ ଅକ୍ଷମ ।
ଯଦି ସଂସଦରେ ପାରିତ ବିଧେୟକ କେବେ କାର୍ଯ୍ୟକାରୀ ହେବ ସରକାର କହିବାକୁ ଅସମର୍ଥ ତେବେ ସ୍ୱତନ୍ତ୍ର ଅଧିବେଶ ଆହୁତ କରାଗଲା କାହିଁକି? ଏହା କ’ଣ ବହୁ ଆଡମ୍ବରେ ଲଘୁକ୍ରିୟା ନୁହେଁ କି? ଏହା ପଛରେ ନାରୀ ବନ୍ଦନା ନାମରେ ମହିଳାମାନଙ୍କୁ ସଂରକ୍ଷଣରୁ ବଂଚିତ କରିବା ଅଭିସନ୍ଧି ନାହିଁ କି ବୋଲି ସାଂସଦ ଶ୍ରୀମତୀ ରଞ୍ଜିତା ଦେବୀ କେନ୍ଦ୍ର ସରକାରଙ୍କୁ ପ୍ରଶ୍ନ କରିଛନ୍ତି।
ସେ ଉଲ୍ଲେଖ କରିଥିଲେ ଯେ ମହିଳାମାନଙ୍କ ପାଇଁ ୩୩ ପ୍ରତିଶତ ସ୍ଥାନ ସଂରକ୍ଷଣ କଂଗ୍ରେସର ମାନସ ସନ୍ତାନ। ସଂରକ୍ଷଣ ବ୍ୟବସ୍ଥାର ଇତିବୃତି ବାବଦରେ ବର୍ଣ୍ଣନା କରି ସାଂସଦ ମହୋଦୟା କହିଥିଲେ ଯେ ୧୯୮୯ ରେ ରାଜୀବ ଗାନ୍ଧୀ ସମ୍ବିଧାନ ସଂଶୋଧନ କରି ସାରା ଭାରତବର୍ଷର ତ୍ରିସ୍ତରୀୟ ପଂଚାୟତ ଅନୁଷ୍ଠାନ ମାନଙ୍କରେ ୩୩ ପ୍ରତିଶତ ମହିଳା ସଂରକ୍ଷଣ ବିଧେୟକ ଲୋକସଭାରେ ପାରିତ କରିଥିଲେ।
କିନ୍ତୁ ଦୁର୍ଭାଗ୍ୟକୁ ଏହି ବିଲଟି ରାଜ୍ୟ ସଭାରେ ମାତ୍ର ୭ ଖଣ୍ଡ ଭୋଟରେ ପରାଜିତ ହେବା ପରେ ଆଇନରେ ପରିଣତ ହୋଇପାରି ନ ଥିଲା। ସେତେବେଳେ ବିଜେପିର ତୁଙ୍ଗ ନେତା ଲାଲ କୃଷ୍ଣ ଆଡଭାନୀ ଓ ରାମ ଜେଠାମାଳିନୀ ରାଜୀବ ଗାନ୍ଧୀଙ୍କର ଏହି ନିଷ୍ପତିକୁ ବିରୋଧ କରିଥିଲେ। ସୌଭାଗ୍ୟକୁ ୧୯୮୧ ମସିହାରେ ନରସିଂହ ରାଓଙ୍କ ନେତୃତ୍ୱରେ କଂଗ୍ରେସ ସରକାର କେନ୍ଦ୍ରରେ କ୍ଷମତାସୀନ ହେଲାପରେ ସମ୍ବିଧାନର ୭୩ ଓ ୭୪ ତମ ସଂଶୋଧନ କରାଯାଇ ମହିଳମାନଙ୍କ ସଂରକ୍ଷଣ କାର୍ଯ୍ୟକାରୀ କରାଯାଇଥିଲା।
୨୦୦୯ ରେ ମନମୋହନ ସିଂହଙ୍କ ନେତୃତ୍ୱରେ ଉପା ସରକାର କ୍ଷମତାସୀନ ହେଲାପରେ ୨୦୧୦ ମାର୍ଚ୍ଚରେ ୩୩ ପ୍ରତିଶତ ସ୍ଥାନ ସଂରକ୍ଷଣ ବିଧେୟକ ରାଜ୍ୟ ସଭାରେ ମଧ୍ୟ ପାରିତ ହୋଇଥିଲା। ମହିଳା ସଂରକ୍ଷଣ ବ୍ୟବସ୍ଥା କାର୍ଯ୍ୟକାରୀ କରିବାପାଇଁ ଜନଗଣନା ଓ ସୀମା ପୁନଃ ନିର୍ଦ୍ଧାରଣର କୌଣସି ଆବଶ୍ୟକତା ନାହିଁ କେବଳ ସମୟ ଟାଳିବା ପାଇଁ ପ୍ରଧାନମନ୍ତ୍ରୀ ମୋଦି ଆଡମ୍ବରପୂର୍ଣ୍ଣ ସ୍ୱତନ୍ତ୍ର ଅଧିବେଶନ ଡାକି ଦେଶବାସୀଙ୍କୁ ଏବଂ ବିଶେଷକରି ମହିଳାମାନଙ୍କୁ ଭୁଆଁ ବୁଲାଇଛନ୍ତି। କେବଳ ମହିଳମାନଙ୍କ ଭୋଟ ହାତେଇବା ଏହା ଏକ ଅଭିନବ ପରିକଳ୍ପନା କରିଛନ୍ତି।
କେବଳ ମଣିପୁର, ହରିୟାଣା, ଉତ୍ତର ପ୍ରଦେଶରେ ଘଟିଥିବା ଅମାନବୀୟ ମହିଳା ହିଂସା, ମହିଳା ନିର୍ଯ୍ୟାତନା, ମହିଳା ଧର୍ଷଣ ବିରୋଧରେ ଦେଶବାସୀ ସୃଷ୍ଟି ହୋଇଥିବା ପ୍ରତିକ୍ରିୟାରୁ ନଜର ଏଡ଼ାଇବା ହିଁ ସରକାରଙ୍କର ମୂଳ ଲକ୍ଷ୍ୟ ।
ଶ୍ରୀମତୀ ରଞ୍ଜିତ ରଞ୍ଜନ ଆଗାମୀ ସାଧାରଣ ନିର୍ବାଚନରେ ମହିଳା ସଂରକ୍ଷଣ ବ୍ୟବସ୍ଥା ଲାଗୁ କରିବା ଓ ସଂରକ୍ଷିତ ମହିଳା ଆସନ ମଧ୍ୟରେ ପଛୁଆବର୍ଗ ମହିଳମାନଙ୍କୁ ଅର୍ନ୍ତଭୁକ୍ତ କରିବାକୁ ଆହ୍ୱାନ ଦେଇଥିଲେ।
ଏହି ସାମ୍ବାଦିକ ସମ୍ମିଳନୀରେ ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଶରତ ପଟ୍ଟନାୟକ , କଂଗ୍ରେସ ବିଧାୟକ ଦଳ ନେତା ଶ୍ରୀ ନରସିଂହ ମିଶ୍ର, ମିଡିଆ ଅଧ୍ୟକ୍ଷ ଶ୍ରୀ ଗଣେଶ୍ୱର ବେହେରା , ବିଧାୟକ ତାରାପ୍ରସାଦ ବାହିନିପତି, ଅନନ୍ତ ପ୍ରସାଦ ସେଠୀ, ବିଜୟଲକ୍ଷ୍ମୀ ସାହୁ ଓ ବନ୍ଦୀତା ପରିଡ଼ା ଉପସ୍ଥିତ ଥିଲେ।
ନୂଆଦିଲ୍ଲୀ: ଦେଶରେ ‘ଗୋଟିଏ ଦେଶ, ଗୋଟିଏ ନିର୍ବାଚନ’ ନେଇ ବିତର୍କ ଚାଲିଛି। ଶନିବାର ଦିନ ‘ଗୋଟିଏ ଦେଶ, ଗୋଟିଏ ନିର୍ବାଚନ’ ଅଧ୍ୟୟନ ପାଇଁ କେନ୍ଦ୍ର ସରକାର ଏକ ୮ ଜଣିଆ କମିଟି ଗଠନ କରିଥିଲେ। ଏହି କମିଟିର ମୁଖ୍ୟ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଆଜି କାର୍ଯ୍ୟରେ ଦେଖିବାକୁ ମିଳିଥିଲା। ସେ ଆଇନ ମନ୍ତ୍ରଣାଳୟର ଅଧିକାରୀମାନଙ୍କୁ ଭେଟିଥିଲେ। ଏହି ପ୍ରସଙ୍ଗରେ ରାଜନୈତିକ ବିରୋଧୀ ଦଳଗୁଡିକ ବିରୋଧ କରୁଥିବା ବେଳେ ବିଜୁ ଜନତା ଦଳର ଆଭିମୁଖ୍ୟ କ’ଣ ରହିଛି ଆସନ୍ତୁ ଜାଣିବା….
ମଲ୍ଲିକାର୍ଜୁନ ଖଡଗେ କ’ଣ କହିଥିଲେ?:
ଏହାକୁ ବିରୋଧ କରି କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ କହିଛନ୍ତି ଯେ ମୋଦୀ ସରକାର ଚାହୁଁଛନ୍ତି ଯେ ଗଣତାନ୍ତ୍ରିକ ଭାରତ ଧୀରେ ଧୀରେ ଏକଛତ୍ରବାଦୀ ଶାସନରେ ପରିଣତ ହେଉ। ଗୋଟିଏ ରାଷ୍ଟ୍ର, ଗୋଟିଏ ନିର୍ବାଚନ ଉପରେ ଏକ କମିଟି ଗଠନ କରିବାର ଏହି ନାଟକ ହେଉଛି ଭାରତର ସଙ୍ଘିୟ ବ୍ୟବସ୍ଥାକୁ ନଷ୍ଟ କରିବା ପାଇଁ ଏକ ଷଡଯନ୍ତ୍ର।
ବିଜେପି ନେତାମାନେ ସମର୍ଥନ କରୁଛନ୍ତି:
ବିଜେପି ନେତା ତଥା ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ‘ଗୋଟିଏ ଦେଶ, ଗୋଟିଏ ନିର୍ବାଚନ’କୁ ସମର୍ଥନ କରୁଥିବାବେଳେ ଏହା ଗଣତନ୍ତ୍ରର ସମୃଦ୍ଧି ଏବଂ ଏହାର ସ୍ଥିରତାକୁ ନିଶ୍ଚିତ କରିବ ବୋଲି କହିଛନ୍ତି। ସେ ଏହାକୁ ଆଜିର ଆବଶ୍ୟକତା ବୋଲି କହିଛନ୍ତି ଏବଂ ଏଥିପାଇଁ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଜଣାଇଛନ୍ତି। ଦେଶରେ ସ୍ଥିରତା ଗୁରୁତ୍ୱପୂର୍ଣ୍ଣ ବୋଲି ମୁଖ୍ୟମନ୍ତ୍ରୀ କହିଛନ୍ତି। ସେହିଭଳି ଏକ ଗଣତାନ୍ତ୍ରିକ ବ୍ୟବସ୍ଥାରେ ସରକାରଙ୍କ ସ୍ଥିରତା ସହିତ ବିକାଶ ପାଇଁ ଏକ ଗତିଶୀଳ ସରକାର ମଧ୍ୟ ଆବଶ୍ୟକ। ଏହି ଦୃଷ୍ଟିକୋଣରୁ, ‘ଗୋଟିଏ ଦେଶ, ଗୋଟିଏ ନିର୍ବାଚନ’ ଏକ ପ୍ରଶଂସନୀୟ ପ୍ରୟାସ।
ଅଖିଳେଶ ଯାଦବ କ’ଣ କହିଥିଲେ?
ସମାଜବାଦୀ ପାର୍ଟି ମୁଖ୍ୟ ତଥା ପୂର୍ବତନ ୟୁପି ମୁଖ୍ୟମନ୍ତ୍ରୀ ଅଖିଳେଶ ଯାଦବ କହିଛନ୍ତି ଯେ, ପ୍ରତ୍ୟେକ ବଡ କାମ କରିବା ପୂର୍ବରୁ ଏକ ପରୀକ୍ଷଣ କରାଯାଇଥାଏ। ଏହି ଆଧାରରେ ଆମେ ପରାମର୍ଶ ଦେଉଛୁ ଯେ ଗୋଟିଏ ଦେଶ, ଗୋଟିଏ ନିର୍ବାଚନ, ବିଜେପି ସରକାର ଚଳାଇବା ପୂର୍ବରୁ ଏଥର ଲୋକସଭା ସହିତ ଉତ୍ତରପ୍ରଦେଶରେ ଏକାଠି ହୋଇଥିବା ଲୋକସଭା-ବିଧାନସଭା ନିର୍ବାଚନକୁ ଦେଖନ୍ତୁ, ଏଠାରେ ଦେଶର ସର୍ବାଧିକ ଲୋକସଭା ଏବଂ ବିଧାନସଭା ଆସନ ରହିଛି।
ସେ ଆହୁରି ମଧ୍ୟ କହିଛନ୍ତି ଯେ, ଗୋଟିଏ ପଟେ ନିର୍ବାଚନ ଆୟୋଗର ଦକ୍ଷତାର ଫଳାଫଳ ମଧ୍ୟ ସାମ୍ନାକୁ ଆସିବ ଏବଂ ଜନମତ ମଧ୍ୟ। ଏହା ସହିତ ବିଜେପି ମଧ୍ୟ ଜାଣିପାରିବ ଯେ ଲୋକମାନେ କିପରି ବିଜେପି ଉପରେ ଅସନ୍ତୁଷ୍ଟ ଅଛନ୍ତି ଏବଂ କ୍ଷମତାରୁ ହଟାଇବା ପାଇଁ ସେମାନେ କେତେ ଉତ୍ସାହିତ ଅଛନ୍ତି?
ବିଜେଡି ସମର୍ଥନ କରିଛି:
ଓଡିଶାର ଶାସକ ବିଜେଡି କେନ୍ଦ୍ରକୁ ସମର୍ଥନ କରି କହିଛି ଯେ, ଯଦି ଲୋକସଭା ଏବଂ ବିଧାନସଭା ନିର୍ବାଚନକୁ ଏକାସାଙ୍ଗରେ ଆୟୋଜନ କରାଯାଏ ତେବେ ତାଙ୍କର ନିଷ୍ପତ୍ତି ଦେଶ ସହିତ ରହିବ। ପୂର୍ବତନ ମନ୍ତ୍ରୀ ତଥା ବିଜେଡି ବିଧାୟକ ବଦ୍ରିନାରାୟଣ ପାତ୍ର କହିଛନ୍ତି ଯେ, ଏକକାଳୀନ ନିର୍ବାଚନ ପାଇଁ ଦଳ ଚିନ୍ତିତ ନୁହେଁ। ଆମର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସର୍ବଦା କହିଛନ୍ତି ଯେ, ରାଜ୍ୟରେ ଅନ୍ୟ ରାଜନୈତିକ ଦଳ ଅପେକ୍ଷା ନିର୍ବାଚନକୁ ସାମ୍ନା କରିବା ପାଇଁ ବିଜେଡି ଭଲ ପ୍ରସ୍ତୁତ।
YSRCP ମଧ୍ୟ ସମର୍ଥନ କରିଛି:
ଆନ୍ଧ୍ରପ୍ରଦେଶର ଶାସକ YSR କଂଗ୍ରେସ ପାର୍ଟି (YSRCP) ସାଧାରଣ ସମ୍ପାଦକ ଭି ବିଜୟସାଇ ରେଡ୍ଡୀ ଗୋଟିଏ ରାଷ୍ଟ୍ର, ଗୋଟିଏ ନିର୍ବାଚନକୁ ସମର୍ଥନ କରିଛନ୍ତି। ସେ କହିଛନ୍ତି ଯେ, ଗୋଟିଏ ରାଷ୍ଟ୍ର, ଗୋଟିଏ ନିର୍ବାଚନରେ ଅନେକ ସକରାତ୍ମକ ଦିଗ ରହିଛି, ସବୁଠାରୁ ବଡ କଥା ହେଉଛି ଏହା ହଜାର ହଜାର କୋଟି ଟଙ୍କା ସଞ୍ଚୟ ହୋଇପାରିବ। ରାଜ୍ୟରେ ଲୋକସଭା ଓ ବିଧାନସଭା ନିର୍ବାଚନ ଏକକାଳୀନ ଅନୁଷ୍ଠିତ ହେଉଥିବାରୁ ଏହା ଆନ୍ଧ୍ରପ୍ରଦେଶ ଉପରେ କୌଣସି ପ୍ରଭାବ ପକାଇବ ନାହିଁ।
ଭୁବନେଶ୍ୱର: ଆଜି ଓଡ଼ିଶା ପ୍ରଦେଶ କଂଗ୍ରେସ ଅନୁସୂଚିିତ ଜାତି ଓ ଜନଜାତି ବିଭାଗର ଏକ ମିଳିତ କାର୍ଯ୍ୟକାରିଣୀ ବୈଠକ ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଶରତ ପଟ୍ଟନାୟକଙ୍କ ଅଧ୍ୟକ୍ଷତାରେ କଂଗ୍ରେସ ଭବନ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଥିଲା ।
ଏହି ବୈଠକରେ ମୁଖ୍ୟ ଅତିଥିଭାବେ ଯୋଗ ଦେଇ ଅଖିଳ ଭାରତ କଂଗ୍ରେସ କମିଟି ଏସ୍.ସି.,ଏସ୍.ଟି., ଓ.ବି.ସି ଓ ସଂଖ୍ୟାଲଘୁ ବିଭାଗର ସଂଯୋଜକ ଶ୍ରୀ କେ. ରାଜୁ କହିଲେ ଯେ, ଓଡ଼ିଶାର ୧୪୭ ଟି ବିଧାନ ସଭା ନିର୍ବାଚନ ମଣ୍ଡଳୀ ମଧ୍ୟରୁ ସଂରକ୍ଷିତ ଥିବା ୫୭ ଟି ଅନୁସୂଚୀତ ଜାତି ଓ ଜନଜାତି ବର୍ଗଙ୍କ ପାଇଁ ନେତୃତ୍ୱ ବିକାଶ ମିଶନ ଗଠନ କରାଯାଇଛି ।
୩୩ ଗୋଟି କଂଗ୍ରେସ ସାଂଗଠାନିକ ଜିଲ୍ଲାର ସଭାପତିଙ୍କ ଅଧ୍ୟକ୍ଷତାରେ ଜିଲ୍ଲା ସ୍ତରୀୟ ନେତୃତ୍ୱ ବିକାଶ କମିଟି ଗଠନ କରାଯିବା ପାଇଁ ଶ୍ରୀ ରାଜୁ ପ୍ରକାଶ କରିଥିଲେ । ଏହି କମିଟି ଗୁଡ଼ିକ ସଂରକ୍ଷିତ ନିର୍ବାଚନ ମଣ୍ଡଳୀ ଗୁଡ଼ିକରେ ନୂତନ ନେତୃତ୍ୱ ସୃଷ୍ଟି ଏବଂ ଉକ୍ତ ବର୍ଗର କଂଗ୍ରେସ କର୍ମୀ ଓ ନେତାଙ୍କୁ ଦଳରେ ଯେପରି ଅଧିକ ପ୍ରାଧାନ୍ୟ ମିଳିବ ସେ ଦିଗରେ ଶ୍ରୀ ରାଜୁ ଆଲୋକପାତ କରିଥିଲେ ।
ଅଖିଳ ଭାରତ କଂଗ୍ରେସ କମିଟି ଅନୁସୂଚୀତ ଜାତି ବିଭାଗ ଅଧ୍ୟକ୍ଷ ଶ୍ରୀ ରାଜେଶ ଲିଲୋଠିଆ କହିଲେ ଯେ, ଅନୁସୂଚୀତ ଜାତିଙ୍କ ପାଇଁ ସଂରକ୍ଷିତ ଥିବା ୨୪ ଟି ବିଧାନ ସଭା ନିର୍ବାଚନ ମଣ୍ଡଳୀରେ ପ୍ରାର୍ଥୀ ଚୟନବେଳେ ରାଜ୍ୟ ନିର୍ବାଚନ କମିଟି ପ୍ରକୃତ ନେତୃତ୍ୱ ଆବେଦନକୁ ଉପଯୁକ୍ତ ବିଚାର କରାଯିବାର ଆବଶ୍ୟକତା ବୋଲି କହିଥିଲେ । ସାଂପ୍ରତିକ ସ୍ଥିତିରେ ରାଜ୍ୟରେ ବିଜେଡ଼ି ସରକାର କେନ୍ଦ୍ର ବିଜେପି ପାଖରେ ଶରଣ ପଶିଥିଲାବେଳେ ସାଧାରଣ ଲୋକେ ରାଜ୍ୟ ସରକାରଙ୍କ ଉପରେ ଖପ୍ପା ଅଛନ୍ତି ।
ଅଖିଳ ଭାରତ କଂଗ୍ରେସ ଆଦିବାସୀ ବିଭାଗ ଅଧ୍ୟକ୍ଷ ଶ୍ରୀ ଶିବାଜୀ ରାଓ ମୋଘେ ଆହ୍ୱାନ ଦେଇ କହିଥିଲେ ଯେ ଆଦିବାସୀ ଓ ଦଳୀତ ନେତାମାନଙ୍କୁ ଅନ୍ୟ ନେତା ଓ କର୍ମକର୍ତାମାନେ ଉପଯୁକ୍ତ ସମ୍ମାନ ଦେଲେ ସେମାନଙ୍କ ଅଧିକରୁ ଅଧିକ ଆଗ୍ରହ ପ୍ରକାଶ କରି ଦଳରେ ସାମିଲ ହେବେ ଏବଂ ଦଳରୁ ଅଭିମାନରେ ଚାଲିଯାଇଥିବା ନେତାମାନେ ମଧ୍ୟ ଆଉଥରେ ଆମ ସହ ସାମିଲ ହେବେ ।
ରାଜ୍ୟର ଅନୁସୂଚିତ ଜାତି ଓ ଜନଜାତିଙ୍କ ପାଇଁ ସଂରକ୍ଷିତ ବିଧାନସଭା ନିର୍ବାଚନ ମଣ୍ଡଳୀରେ ନେତୃତ୍ୱ ବିକାଶ ଲକ୍ଷ କାର୍ଯ୍ୟକ୍ରମକୁ ବୁଥ୍ସ୍ତର ପର୍ଯ୍ୟନ୍ତ ନିଆଯିବ। ବିଶେଷ କରି ଗ୍ରାମାଂଚଳରେ ଥିବା ଉପରୋକ୍ତ ଭୋଟର ମାନଙ୍କୁ କଂଗ୍ରେସର ତ୍ୟାଗ ଓ ବଳିଦାନ ସଂପର୍କରେ ଅବଗତ କରାଯାଇ କଂଗ୍ରେସ ପ୍ରତି ସେମାନଙ୍କର ମନୋଭାବର ପରିବର୍ତନ କରାଯିବ।
ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀଯୁକ୍ତ ଶରତ ପଟ୍ଟନାୟକ ତାଙ୍କ ବକ୍ତବ୍ୟରେ କହିଥିଲେ ଯେ, ଦୀର୍ଘ ୨୩ ବର୍ଷର ଶାସନ ଭିତରେ ଉଭୟ ବିଜେଡ଼ି ଓ ବିଜେପି ସରକାର ଆଦିବାସୀ ଓ ଦଳୀତ ଓ ଅନୁସୂଚୀତ ଜାତିଙ୍କ ଉପରେ ଅତ୍ୟନ୍ତ ଅକଥନୀୟ ଅମାନବୀୟ ଅତ୍ୟାଚାର କରିଛନ୍ତି। ଆଜି ପର୍ଯ୍ୟନ୍ତ କଳିଙ୍ଗନଗରର ମାଟିରୁ ଆଦିବାସୀ ମାନଙ୍କ ରକ୍ତର ଦାଗ ଲିଭିନାହିଁ, ମାଇକାଂଚ ଓ ରାଇଘର ଘଟଣା ମନରୁ ଲିଭିନାହିଁ।
ପୂର୍ବତନ ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟ୍ଟନାୟକ, ଜୟଦେବ ଜେନା, ପ୍ରସାଦ ହରିଚନ୍ଦନ, ବିଧାୟକ ଦଳର ନେତା ନରସିଂହ ମିଶ୍ର, ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ, ସୁଶିଳା ତିରିଆ, ଭୂଜବଳ ମାଝୀ, ଡଃ ରାମଚନ୍ଦ୍ର ଖୁଂଟିଆ, ଅନନ୍ତ ସେଠୀ, ନକୁଳ ନାୟକ, ତାରାବାହିନୀ ପତି, ସନ୍ତୋଷ ସିଂ ସାଲୁଜା, ସୁରେଶ କୁମାର ରାଉତରାୟ, ଦାଶରଥି ଗମାଙ୍ଗୋ, ଅଧିରାଜ ମୋହନ ପାଣିଗ୍ରାହି, ନିମାଇଁ ସରକାର, ସୁରେଶ ମହାପାତ୍ର, ଜଗନ୍ନାଥ ପଟ୍ଟନାୟକ, ଶରତ ରାଉତ, ବାଙ୍କନିଧି ବେହେରା ଯୋଗ ଦେଇଥିଲେ।
ସେହିପରି ହଳଧର ସେଠୀ, ଦୁର୍ଯ୍ୟଧନ ଗରଦିଆ, ରାଜନ ଏକ୍କା, ରମେଶ ଜେନା, ଅମୀର ଚାନ୍ଦ ନାୟକ, ଅମୀତା ବିଶ୍ୱାଳ, ପ୍ରତିମା ମଲ୍ଲୀକ, ମଧୁମିତା ପଣ୍ଡା, ରଞ୍ଜିତା ହେମ୍ବ୍ରମ୍, ମାନସ ମଲ୍ଲିକ, କନକଲତା ମଲ୍ଲିକ, ଜାନକୀ ମଲ୍ଲିକ ପ୍ରମୁଖ ଉଦ୍ବୋଧନ ଦେଇ ଅନୁସୂଚୀତ ଜାତି ଓ ଜନଜାତି ବର୍ଗ କଂଗ୍ରେସକୁ ଯେପରି ଆକୃଷ୍ଠ ହେବେ ସେ ସଂପର୍କରେ ପରାମର୍ଶ ଦେବେ । ବୈଠକରେ ପ୍ରାରମ୍ଭରେ ଆମ୍ବେଦକର ଓ ଅନ୍ୟ ମହାପୁରୁଷ ମାନଙ୍କ ପ୍ରତିମୂର୍ତିରେ ମାଲ୍ୟାର୍ପଣ ପରେ ସଭାଗୃହରେ ପ୍ରଦୀପ ପ୍ରଜ୍ଜୋଳନ କରାଯାଇ ଆଜିର କାର୍ଯ୍ୟକ୍ରମକୁ ଉଦ୍ଘାଟନ କରାଯାଇଥିଲା ।
ଏହାପରେ ଅନୁସୂଚୀତ ଜାତି ବିଭାଗ ଅଧ୍ୟକ୍ଷ ଶ୍ରୀ ବାଙ୍କନିଧି ବେହେରା ଅନୁସୂଚୀତ ଜାତିର ପରଲୋକ ଗମନ କରିଥିବା ନେତା ଶ୍ରୀ ରିପୁନାଥ ସେଠ୍, ସଂଗ୍ରାମ କେଶରୀ ଜେନା, ଅନାଦି ଦାସ, ଅର୍ଜ୍ଜୁନ ଦାସ, କହ୍ଲେଇ ଚରଣ ସେଠୀ ଓ ଅଭୟ ମଲ୍ଲିକ ଙ୍କ ଉଦ୍ଦ୍ୟେଶରେ ଶୋକ ପ୍ରସ୍ତାବ ଆଗତ କରିଥିଲେ। ବୈଠକରେ ଗଭୀର ଶୋକ ପ୍ରକଟ କରାଯିବା ସହ ସ୍ୱର୍ଗତ ଆତ୍ମାର ସଦ୍ଗତି ନିମନ୍ତେ ୨ ମିନିଟ୍ ନୀରବ ପ୍ରାର୍ଥନା କରାଯାଇଥିଲା। ପରେ ଶ୍ରୀ ଲିଲୋଠିଆ ଉପସ୍ଥିତ ସମସ୍ତଙ୍କୁ ଭାରତର ସମ୍ବିଧାନର ମୁଖବନ୍ଧ ପାଠ କରାଇଥିଲେ। ଶେଷରେ ପ୍ରଦେଶ କଂଗ୍ରେସ, ଆଦିବାସୀ ବିଭାଗ ଅଧ୍ୟକ୍ଷ ଶ୍ରୀ ଭୁଜବଳ ମାଝୀ ଧନ୍ୟବାଦ ଅର୍ପଣ କରିଥିଲେ।
ଭୁବନେଶ୍ବର: ଏଥର ଓଡିଶାରେ କଂଗ୍ରେସ ଆସିବ। ଏହିପରି ନାରା ଦେଉଥିବା ଓଡିଶା କଂଗ୍ରେସ ପାଇଁ ଲାଗିଛି ଏକ ବଡ ଧକ୍କା। କାରଣ ଗତକାଲି କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ ତାଙ୍କର ନୂଆ ଟିମ ଗଠନ କରିଛନ୍ତି। ହେଲେ ଦୁଃଖର କଥା ସେଥିରେ ଓଡିଶାର କୌଣସି ନେତାଙ୍କ ନାମ ନାହିଁ। କେବଳ ଭକ୍ତ ଦାସଙ୍କୁ ସ୍ଥାୟୀ ଆମନ୍ତ୍ରିତ ସଦସ୍ୟରେ ସ୍ଥାନିତ କରାଯାଇଛି। ହେଲେ କାର୍ଯ୍ୟକାରୀ କମିଟରେ କେହି ନାହାଁନ୍ତି। ଫଳରେ ଓଡିଶା କଂଗ୍ରେସ ପ୍ରତି କେନ୍ଦ୍ର କଂଗ୍ରେସ କେତେ ଗୁରୁତ୍ବ ଦେଉଛି ତାହା ବୁଝି ହେଉଛି।
ଗତକାଲି ପ୍ରକାଶିତ ନୂଆ ତାଲିକାରେ କଂଗ୍ରେସ କାର୍ଯ୍ୟକାରୀ କମିଟ ବା ସିଡବ୍ଲୁସି ରେ ୩୯ ଜଣ ସଦସ୍ୟ ରହିଛନ୍ତି। ଏହି କମିଟକୁ ଖୋଦ ସଭାପତି ଖାର୍ଗେ ମନୋନିତ କରି ନିଯୁକ୍ତ ଦେଇଛନ୍ତି। ଏହି କମିଟ ହେଉଛି ଦଳର ସର୍ବୋଚ୍ଚ କମିଟ। ଏହିମାନେ ନୀତି ନିର୍ଦ୍ଧାରଣ କରିଥାନ୍ତି। ସେଥିପାଇଁ ଏହି କମିଟରେ ଖୋଦ ସଭାପତି ସହିତ ରାହୁଳ ଗାନ୍ଧି, ସୋନିଆ ଗାନ୍ଧି, ପ୍ରିୟଙ୍କା ଗାନ୍ଧି, ଅମ୍ବିକା ସୋନୀ ପ୍ରମୁଖ ଆଗଧାଡିର ନେତା ରହିଛନ୍ତି। ହେଲେ ଓଡିଶାର କେହି ବି ଜଣେ ସ୍ଥାନ ପାଇ ନାହାଁନ୍ତି।
ବିଶେଷ ସୁତ୍ରରୁ ପ୍ରକାଶ ଯେ, କୁଆଡେ ସିଡବ୍ଲୁସି ର ସଦସ୍ୟ ହେବା ପାଇଁ କଂଗ୍ରେସ ନେତା ନିରଞ୍ଜନ ପଟ୍ଟନାୟକ ଜୋରଦାର ଲବି କରିଥିଲେ। ତାଙ୍କ ପାଇଁ ଏକ ବଡ ଗୋଷ୍ଠୀ ଦିଲ୍ଲୀରେ ଡେରା ପକାଇ ବିଭିନ୍ନ ନେତାଙ୍କୁ ଭେଟି ନିରଂଜନଙ୍କୁ ନେବା ପାଇଁ ଅନୁରୋଧ କରିଥିଲେ। ଏପରିକି ଖୋଦ ପ୍ରଦେଶ ସଭାପତି ଶରତ ପଟ୍ଟନାୟକ ମଧ୍ୟ ତାଙ୍କ ପାଇଁ ଲବି କରିଥିଲେ। ହେଲେ ଶେଷ ମୁର୍ହୁତରେ ତାହା ସଫଳ ହୋଇପାରିଲା ନାହିଁ।
ଏଥିରୁ ସ୍ପଷ୍ଟ ହୋଇଛି ଯେ, ଜାତୀୟ କଂଗ୍ରେସ ଓଡିଶା କଂଗ୍ରେସକୁ ସେତେ ଗୁରୁତ୍ବ ମନେ କରୁ ନାହିଁ। ସେମାନେ ବୋଧହୁଏ ଜାଣିସାରିଲେଣି ଯେ, ଓଡିଶାରେ କଂଗ୍ରେସର କିଛି ହେବ ନାହିଁ। ସେଥିପାଇଁ ସେମାନେ ଓଡିଶାର କୌଣସି ନେତାଙ୍କୁ ଗୁରୁତ୍ବ ଦେଲେ ନାହିଁ। ବର୍ତ୍ତମାନ ଗତ କିଛି ବର୍ଷ ଧରି ଜାତୀୟ କଂଗ୍ରେସ ଓଡିଶା କଂଗ୍ରେସକୁ ଅଣଦେଖା କରି ଆସିଛୁ।
ପୂର୍ବରୁ ଏହି କାର୍ଯ୍ୟକାରୀ କମିଟରେ ରାମଚନ୍ଦ୍ର ଖୁଣ୍ଟିଆ, ଜୟନ୍ତି ପଟ୍ଟନାୟକ, ସୁଶୀଳା ତିରିଆଙ୍କ ପରି ନେତା ସ୍ଥାନ ପାଇଛନ୍ତି। ହେଲେ ଗତ କିଛି ବର୍ଷ ଧରି କଂଗ୍ରେସର ଓଡିଶା ପ୍ରତି ଫୋକସ ନାହିଁ। ତେବେ ଜଣେ ଓଡିଶା କଂଗ୍ରେସ ନେତାଙ୍କ କହିବା ଅନୁସାରେ ଖୁବ ଶିଘ୍ର ଖାର୍ଗେ ଦଳର ସାଧାରଣ ସଂପାଦକ ଏବଂ ସଂପାଦକ ସହିତ ବିଭିନ୍ନ ରାଜ୍ୟର ପ୍ରଭାରୀଙ୍କ ନାମ ଘୋଷଣା କରିବେ। ସେତେବେଳେ ଓଡିଶା ନେତାଙ୍କ ନାମ ରହିବ ବୋଲି ସେ ଆଶା ପ୍ରକଟ କରିଛନ୍ତି।
ନୂଆଦିଲ୍ଲୀ: ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଜନ୍ମ ବାର୍ଷିକୀରେ କଂଗ୍ରେସ ଦଳ ଆଜି ତାହାର ସର୍ବୋଚ୍ଚ କର୍ମକର୍ତ୍ତା ସଦସ୍ୟଙ୍କ ନାମ ଘୋଷଣା କରିଛି। କଂଗ୍ରେସ ସଭାପତି ଭାବେ ମଲ୍ଲିକାର୍ଜୁନ ଖାର୍ଗେ ନିର୍ବାଚିତ ହେବା ପରେ ସେ ଏହି ନୂଆ କମିଟ ଗଠନ କରିଛନ୍ତି। ଏହି ବର୍ଷ ଶେଷରେ ପାଞ୍ଚୋଟି ରାଜ୍ୟରେ ବିଧାନସଭା ନିର୍ବାଚନ ଅଛି। ତାପୂର୍ବରୁ କଂଗ୍ରେସ କାର୍ଯ୍ୟକାରୀ କମିଟି ସହ ଅନ୍ୟ କମିଟ ଘୋଷଣା କରାଯାଇଛି।
ତେବେ ଏହି କମିଟରେ କଂଗ୍ରେସ ରାଜସ୍ଥାନର ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କୁ ସିଡବ୍ଲୁସିରେ ସ୍ଥାନିତ କରାଯାଇଛି। ସେହିପରି କଂଗ୍ରେସ ସଭାପତି ପାଇଁ ଖାର୍ଗେ ସହ ଲଢେଇ କରିଥିବା ଶଶି ଥରୁର ମଧ୍ୟ ଏଥିରେ ସ୍ଥାନ ପାଇଛନ୍ତି। ସେହିପରି ଦୀପା ଦାସ ମୁନ୍ସି ଏବଂ ସୟଦ ନାସିର ହୁସେନଙ୍କୁ ସିଡବ୍ଲୁସିରେ ପ୍ରଥମ ଥର ପାଇଁ ପ୍ରବେଶ କରିଛନ୍ତି।
ଶ୍ରୀମତୀ ଦାଶ ମୁନସି ପଶ୍ଚିମବଙ୍ଗର ପୂର୍ବତନ ସାଂସଦ ତଥା ଭେଟେରାନ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ସ୍ୱର୍ଗତ ପ୍ରିୟ ରଂଜନ ଦାସ ମୁନସିଙ୍କ ପତ୍ନୀ। ସେହିପରି ଶ୍ରୀମତୀ ହୁସେନ୍ ଜଣେ ରାଜ୍ୟସଭା ସଦସ୍ୟ ଯିଏକି ପୂର୍ବରୁ କଂଗ୍ରେସର ଜାତୀୟ ଗଣମାଧ୍ୟମ ପ୍ୟାନେଲିଷ୍ଟ ଭାବରେ କାର୍ଯ୍ୟ କରିଥିଲେ।
ଶଶି ଥରୁର ତାଙ୍କର ଟୁଇଟରରେ ଏକ ପୋଷ୍ଟରେ କହିଛନ୍ତି ଯେ ତାଙ୍କୁ ମନୋନୀତ କରାଯାଇଥିବାରୁ ଦଳର ସଭାପତିଙ୍କ ଏହି ନିଷ୍ପତ୍ତି ତାଙ୍କୁ ସମ୍ମାନିତ କରିଛି। ସେ କହିଛନ୍ତି ଯେ ଏହି କମିଟରେ ମୋତେ ସାମିଲ କରିଥିବାରୁ ସଭାପତିଙ୍କୁ ଧନ୍ୟବାଦ ଜଣାଉଛି।
ନୂଆ କମିଟକୁ ନେଇ ପୂର୍ବରୁ ଦଳର ସାଧାରଣ ସଂଗଠନ ସମ୍ପାଦକ କେ ସି ଭେନୁଗୋପାଲ କହିଥିଲେ ଯେ ଦଳର ନୂଆ କର୍ମକର୍ତ୍ତାଙ୍କ ବୟସ ପଚାଶ ବର୍ଷରୁ କମ୍ ହେବ। ହେଲେ ବର୍ତ୍ତମାନ ମୋଟ 39 ଜଣ ସିଡବ୍ଲ୍ୟୁସି ସଦସ୍ୟଙ୍କ ମଧ୍ୟରୁ କେବଳ ତିନିଜଣଙ୍କର ବୟସ ପଚାଶ ବର୍ଷରୁ କମ୍ ବୟସ ରହିଛି। ସେମାନେ ହେଲେ ସଚିନ୍ ପାଇଲଟ୍, ଗୋରଭ ଗୋଗୋଇ ଏବଂ କମଲେଶ୍ୱର ପଟେଲ।
ଏହି ନୂଆ କମିଟକୁ ଦଳର ସଭାପତି ମଲ୍ଲିକାର୍ଜୁନ ଖାର୍ଗେ ମନୋନୀତ କରିଛନ୍ତି। ଏଥିପାଇଁ କୌଣସି ନିର୍ବାଚନ କରାଯାଇ ନାହିଁ। ଗତ ଫେବୃୟାରୀରେ ରାୟପୁରରେ ହୋଇଥିବା କଂଗ୍ରେସ ପରିଚାଳନା କମିଟ ବୌଠକରେ ସିଡବ୍ଲ୍ୟୁସି ସଦସ୍ୟ ମନୋନିତ ନେଇ ଆଲୋଚନା ହୋଇଥିଲେ। ଏଥିରେ ସଭାପତି ଖାର୍ଗେ ତାଙ୍କ ହିସାବରେ ନେତାଙ୍କୁ ମନୋନିତ କରିବା ପାଇଁ ସର୍ବ ସମ୍ମତି କ୍ରମେ ନିଷ୍ପତି ଗ୍ରହଣ କରାଯାଇଥିଲା।
ତେବେ ସେତେବେଳେ ସେହି ନିଷ୍ପତିକୁ ଅଜୟ ମାକେନ୍, ଅଭିଷେକ ମନୁ ସିଂହଭି ଏବଂ ଦିଗବିଜୟ ସିଂଙ୍କ ପରି ନେତାମାନେ ନିର୍ବାଚନ କରାଯାଇ ସଦସ୍ୟ ବଛାଯାଉ ବୋଲି ଦାବୀ କରିଥିଲେ।