Tag: Congress

ଭୁବନେଶ୍ବର: ଆଜି ରାତିରେ କଂଗ୍ରେସ ନେତା ଏବଂ ପୋଲିସ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି। ବିଧାନସଭା ଭିତରେ ଧାରଣାରେ ବସିଥିବା କଂଗ୍ରେସ ସଦସ୍ୟଙ୍କୁ ଦେଖିବା ପାଇଁ କଂଗ୍ରେସର ପୂର୍ବତନ ବିଧାୟକ ପଶିବାକୁ ଉଦ୍ୟମ କରିଥିଲେ। ହେଲେ ପୋଲିସ ତାଙ୍କୁ ଭିତରକୁ ଛାଡି ନ ଥିଲା। ଫଳରେ ବିଧାନସଭା ଆଗରେ ପୋଲିସ ଓ କଂଗ୍ରେସ କର୍ମିଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲେ। ଯାହାକୁ ନେଇ ରାଜ୍ୟ ରାଜନୀତି ବେଶ ସରଗରମ ହୋଇପଡିଛି।

କଂଗ୍ରେସର ପୂର୍ବତନ ବିଧାୟକ ତଥା ପୂର୍ବତନ ବିରୋଧୀ ଦଳର ନେତା ନରସିଂହ ମିଶ୍ର, ଜୟଦେବ ଜେନା, ନିରଞ୍ଜନ ପଟ୍ଟନାୟକ ଏବଂ ସଭାପତି ଭକ୍ତ ଦାସ ବିଧାନସଭାକୁ ପ୍ରବେଶ କରିବା ପାଇଁ ଚାହିଁଥିଲେ। ହେଲେ ତାଙ୍କୁ ପୋଲିସ ଅଟକାଇଥିଲା। ସେମାନଙ୍କ ଅଭିଯୋଗ ହେଲା ଯେ, ଗୃହ ଭିତରେ କଂଗ୍ରେସ ସଦସ୍ୟ ଧାରଣ ଦେଇଛନ୍ତି। ସେମାନେ ଖାଇଲେ କି ନାହିଁ, କେମିତି ସ୍ବାସ୍ଥ୍ୟ ଅବସ୍ଥା ରହିଛି ତାହା ଜାଣିବା ପାଇଁ ଆମେ ବିଧାନସଭାକୁ ଯାଉଥିଲୁ। ହେଲେ ପୋଲିସ କଣ ପାଇଁ ଅଟକାଇଲା ବୋଲି ପ୍ରଶ୍ନ କରିଛନ୍ତି ଜୟଦେବ ଜେନା।

ଏପଟେ ପରିସ୍ଥିତି ଜଟିଳ ହେଉଥିବାରୁ ପୋଲିସ ବିଧାନସଭା ଚାରିପଟେ 163 ଧାରା ଲାଗୁ କରିଛନ୍ତି। ଫଳରେ ଧାରଣରେ ବସିରହିଥିବା କଂଗ୍ରେସ କର୍ମିଙ୍କୁ ପୋଲିସ ଉଠାଇ ନେଇଛି। ବର୍ତ୍ତମାନ ସୁଦ୍ଧା ବିଧାନସଭା ଆଗରେ ଉତ୍ତେଜନା ଲାଗି ରହିଥିବାର ଜଣାପଡିଛି।

ଭୁବନେଶ୍ୱର: ଓଡ଼ିଶା ପ୍ରଦେଶ କଂଗ୍ରେସ କମିଟି ଡାକରାରେ ଆଗାମୀ ୨୭ ତାରିଖ ଦିନ ଅନୁଷ୍ଠିତ ହେବାକୁ ଥ‌ିବା ବିଧାନସଭା ଘେରାଉ କାର‌୍ୟ୍ୟକ୍ରମକୁ ସଫଳ କରିବା ଏବଂ ଜିଲ୍ଲାରୁ ଯେପରି ବହୁ ସଂଖ୍ୟାରେ କଂଗ୍ରେସ ନେତୃବୃନ୍ଦ ଓ କର୍ମୀମାନେ ଯୋଗଦେବେ ସେଥ‌ିପାଇଁ ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଭକ୍ତଚରଣ ଦାସ ପ୍ରତ୍ୟେକ ଜିଲ୍ଲା ନିମନ୍ତେ ପର୍ଯ୍ୟବେକ୍ଷକ ଓ ପ୍ରବକ୍ତା ନିଯୁକ୍ତି କରିଛନ୍ତି ।

ଖୁବଶ୍ରୀଘ୍ର ଏହି ପର୍ଯ୍ୟବେକ୍ଷକ ଓ ପ୍ରବକ୍ତାମାନେ ସଂପୃକ୍ତ ଜିଲ୍ଲା ସଭାପତିଙ୍କୁ ଯୋଗାଯୋଗ କରି ଜିଲ୍ଲା ଗସ୍ତ କରିବେ ଏବଂ ବହୁ ସଂଖ୍ୟାରେ କଂଗ୍ରେସ କର୍ମୀମାନଙ୍କୁ କାର‌୍ୟ୍ୟକ୍ରମରେ ଯୋଗଦେବା ପାଇଁ ବିହିତ ବ୍ୟବସ୍ଥା ଗ୍ରହଣ କରିବେ । ସେହିପରି ପ୍ରବକ୍ତାମାନେ ସ୍ଥାନୀୟ ଗଣମାଧ୍ୟମଙ୍କ ଜରିଆରେ ଏହି ବାର୍ତାକୁ ଜନାସଧାରଣଙ୍କ ନିକଟରେ ପଂହଚାଇବାକୁ ଶ୍ରୀ ଦାସ ନିର୍ଦ୍ଦେଶ ଦେଇଛନ୍ତି।

ଏହି ପରିପ୍ରେକ୍ଷୀରେ ଅନୁଗୁଳ ଜିଲ୍ଲା ପାଇଁ ଯଥାକ୍ରମେ ପର‌୍ୟ୍ୟବେକ୍ଷକ ଭାବେ ଅମିୟ ପଟ୍ଟନାୟକ ଓ ପ୍ରବକ୍ତାଭାବେ ଜୟଶ୍ରୀ ପାତ୍ର ନିଯୁକ୍ତି ପାଇଥିବା ବେଳେ ବାଲେଶ୍ଵର ପାଇଁ ପଦ୍ମାକର ଗୁରୁ, ବନ୍ଦିତା ପରିଡ଼ା, ବରଗଡ଼- ଆକବର ଖାନ, ଘାସିରାମ ମାଝୀ, ଭଦ୍ରକ ଅଜିତ ଜେନା, ପଦ୍ମାକର ଗୁରୁ, ଭୁବନେଶ୍ୱର- ମହମ୍ମଦ ଇମଦାଦ, ପଂଚାନନ କାନୁନଗୋ, ବଲାଙ୍ଗୀର- ସୁଜିତ ପାଢ଼ୀ, ନକୁଳ ନାୟକ, ବୌଦ୍ଧ- ସଂଗ୍ରାମ କେଶରୀ ମହାନ୍ତି, ହମିଦ ହୁସେନ, କଟକ-ଅମରେଶ ପରିଡ଼ା, ବିଜୟଲକ୍ଷ୍ମୀ ସାହୁ, କଟକ ସିଟି- କିଶୋର ଜେନା, ବିଜୟଲକ୍ଷ୍ମୀ ସାହୁ, ଦେବଗଡ଼-ବଲବିର ସିଂ, ମନୋଜ ବିଶ୍ୱାଳ, ଢ଼େଙ୍କାନାଳ-ଚିନ୍ମୟ ସୁନ୍ଦର ଦାସ, ବିଶ୍ୱଜିତ ଦାସ, ଗଞ୍ଜାମ ପୂର୍ବ- ପ୍ରଦୀପ୍ତ କୁମାର ଦାସ, ସୋନାଲି ସାହୁ, ଗଞ୍ଜାମ ପଶ୍ଚିମ- ବିଜୟ କୁମାର ପ୍ରଧାନ, ସୋନାଲି ସାହୁ, ଗଜପତି- ଦୁର୍ଗା ପଣ୍ଡା, ସଂଗ୍ରାମ ମହାନ୍ତି, ଜଗତସିଂହପୁର-ଶ୍ରୀନିବାସ ରାଉତରାୟ, ଗିରିବାଳା ବେହେରା, ଯାଜପୁର-ଚିନ୍ମୟ ପ୍ରସାଦ ବେଉରା, ସୁଦର୍ଶନ ଦାସ, ଝାରସୁଗୁଡ଼ା- ସତ୍ୟନାରାୟଣ ଦେବତା, ପ୍ରକାଶ ମିଶ୍ର, କଳାହାଣ୍ଡି-ମନୋରଞ୍ଜନ ତ୍ରିପାଠୀ, ଅଜିତ ଦାସ, କନ୍ଧମାଳ- ଡ. ଲଲାଟେନ୍ଦୁ ମହାପାତ୍ର, ଅମରେଶ ପରିଡ଼ା, କେନ୍ଦ୍ରାପଡ଼ା-ମନୋଜ ବିଶ୍ୱାଳ, ୟାସିର ନୱାଜ, କେନ୍ଦୁଝର- ଶିବାନନ୍ଦ ରାୟ, ନିଶିକାନ୍ତ ମିଶ୍ର, ଖୋର୍ଦ୍ଧା- ଜୟଶ୍ରୀ ପାତ୍ର, ଅମିୟ ପାଣ୍ଡବ, କୋରାପୁଟ- ଅଜିତ ଦାସ, ରଜନୀ ମହାନ୍ତି, ମୟୁରଭଞ୍ଜ ପୂର୍ବ- ତରୁଣ ମିଶ୍ର, ବିଶ୍ୱରଞ୍ଜନ ମହାନ୍ତି, ମୟୁରଭଞ୍ଜ ପଶ୍ଚିମ-ଜାନକୀ ବଲ୍ଲଭ ପଟ୍ଟନାୟକ, ବିଶ୍ୱରଞ୍ଜନ ମହାନ୍ତି, ମାଲକାନଗିରି- ଦ୍ବାରିକା ମହାପାତ୍ର, କୃଷ୍ଣଚନ୍ଦ୍ର ଶଗରିଆ, ନବରଙ୍ଗପୁର-ବଳଭଦ୍ର ମାଝୀ, ଦୁର୍ଗା ପଣ୍ଡା, ନୂଆପଡ଼ା- ମୁରଲିଧର ନାୟକ, ସମରେନ୍ଦ୍ର ମିଶ୍ର, ନୟାଗଡ଼- ମାନସ ଆଚାର‌୍ୟ୍ୟ, ଅମ୍ରିତା ଦାସ, ପୁରୀ- ଅଭିଳାଷ ମାଣିଆ, ପ୍ରଶାନ୍ତ ଶତପଥୀ, ରାୟଗଡ଼ା- ଦ୍ରୌପଦୀ ମାଝୀ, ବଳଭଦ୍ର ମାଝୀ, ରାଉରକେଲା- ରାଜୁ ଷଡ଼ଙ୍ଗୀ, ରବିନ୍ଦ୍ର ପଣ୍ଡା, ସମ୍ବଲପୁର- ହମିଦ ହୁସେନ, ସସ୍ମିତା ବେହେରା, ସୁବର୍ଣ୍ଣପୁର- ଗଣେଶ ସାହୁ- ଆକବର ଖାନ, ସୁନ୍ଦରଗଡ଼-ସିୟାରାମ ଦାସ, ବିଜୟାନନ୍ଦ ଚାଉଳିଆ ନିଯୁକ୍ତି ଦିଆଯାଇଛି ବୋଲି ପିସିସି କାର‌୍ୟ୍ୟାଳୟ ସୂତ୍ରରୁ ପ୍ରକାଶ ।

ଭୁବନେଶ୍ୱର: ଓଡ଼ିଶା ପ୍ରଭାରୀ ଅଜୟ କୁମାର ଲଲ୍ଲୁ ଏବଂ ସହ ପ୍ରଭାରୀ ଶାହାନାଜ୍ ଚୌଧୁରୀ ଓ ରୋଜାନିଲ୍ ତିର୍କୀ, ବିଧାୟକ ଦଳର ନେତା ରାମଚନ୍ଦ୍ର କାଡ଼ାମ୍ ପ୍ରମୁଖ ୨୦ଟି ଜିଲ୍ଲାର ସଭାପତି, ବରିଷ୍ଠ ନେତୃବର୍ଗ, ବିଭିନ୍ନ ପ୍ରକୋଷ୍ଠ ଓ ବିଭାଗର ଅଧିକାରୀ ତଥା ଗତ ନିର୍ବାଚନରେ କଂଗ୍ରେସ ଦଳର ବିଧାନସଭା ପ୍ରାର୍ଥୀ ଓ ଲୋକସଭାର ପ୍ରାର୍ଥୀ ସହିତ ଛାତ୍ର କଂଗ୍ରେସ, ଯୁବ କଂଗ୍ରେସ ଓ ମହିଳା କଂଗ୍ରେସଙ୍କ ସହିତ କିଭଳି ଭାବେ ପଞ୍ଚାୟତରୁ ବ୍ଲକ, ବ୍ଲକରୁ ଜିଲ୍ଲାସ୍ତର ପର୍ଯ୍ୟନ୍ତ କଂଗ୍ରେସ ସଂଗଠନକୁ ଅଧିକ ଶକ୍ତିଶାଳୀ ଓ ମଜଭୁତ କରାଯିବ ସେଥିପାଇଁ ସମସ୍ତଙ୍କ ପାଖରୁ ଖୋଲା ମନ ଓ ହୃଦୟରେ ତଥ୍ୟ ସଂଗ୍ରହ କରିଲେ।

ଜିଲ୍ଲାର ନେତୃବର୍ଗଙ୍କୁ ଶ୍ରୀ ଲଲ୍ଲୁ ଗୁରୁମନ୍ତ୍ର ଦେଇ କହିଛନ୍ତି ଲୋକଙ୍କ ସହିତ, ଲୋକଙ୍କ ପାଇଁ ଓ ରାଜ୍ୟର ସ୍ୱାର୍ଥ ପାଇଁ କଂଗ୍ରେସ ନେତୃବର୍ଗ ସବୁବେଳେ ଲଢ଼ିବା ଉଚିତ୍। ଓଡ଼ିଶାରେ ଏକ ବଡ଼ ଶୂନ୍ୟସ୍ଥାନ ସୃଷ୍ଟି ହୋଇଛି। ଏ ଶୂନ୍ୟସ୍ଥାନକୁ କଂଗ୍ରେସ ହିଁ କେବଳ ପୂରଣ କରିପାରିବ । ପୂର୍ବରୁ କଂଗ୍ରେସ ସରକାର ସମୟରେ ସବୁକ୍ଷେତ୍ରରେ ବିକାଶ ହୋଇଥିଲା। ଏପରିକି ଶିକ୍ଷା, ସ୍ୱାସ୍ଥ୍ୟ, ନିଯୁକ୍ତି, ଶିଳ୍ପ ଓ କୃଷିକ୍ଷେତ୍ରରେ ବହୁ ପ୍ରଗତି ହୋଇଥିଲା।

ଓଡ଼ିଶାର ଜନସାଧାରଣ କଂଗ୍ରେସର ସରକାର ଦେଖିବାକୁ ଚାହୁଁଛନ୍ତି। ତେଣୁ ପ୍ରତ୍ୟେକ କଂଗ୍ରେସ କର୍ମୀ ନିଷ୍ଠାପର ଭାବରେ ରାଜ୍ୟର ବୃହତର ସ୍ୱାର୍ଥ ଦୃଷ୍ଟିକୋଣରୁ କାମ କରିବାକୁ ପଡ଼ିବ । ରାଜ୍ୟର ପ୍ରଗତି କଂଗ୍ରେସର ଏକମାତ୍ର କାମ୍ୟ। ଡବଲ ଇଞ୍ଜିନ ସରକାର ଆସୁ ଆସୁ ଡବଲ ଦୁର୍ନିତି କରିସାରିଲାଣି। ଏହାର ପର୍ଦ୍ଦାଫାସ କରାଯିବ। ଏ ରାଜ୍ୟରେ ଆଦିବାସୀ ଓ ଦଳିତ ପରିବାରର ମହିଳାମାନେ ଆଦୌ ସୁରକ୍ଷିତ ନୁହଁନ୍ତି। ଯେଉଁ ପ୍ରତିଶ୍ରୁତି ଦିଆଯାଇଥିଲା ତାହା କେବଳ କଲମ, କାଗଜରେ ରହିଛି। ଆସନ୍ତା ଦିନରେ କଂଗ୍ରେସ ପଞ୍ଚାୟତ ଠାରୁ ଆରମ୍ଭ କରି ରାଜ୍ୟ ରାଜଧାନୀରେ ଡବଲ ଇଞ୍ଜିନ ସରକାର, ଦୁର୍ନିତ, ଅପରାଗତା ଓ ଲୁଟ୍ ବିରୁଦ୍ଧରେ ଲଢ଼େଇ କରିବ।

ଆଜିର କାର୍ଯ୍ୟକ୍ରମରେ କଟକ, କଟକ ନଗର, ସୁନ୍ଦରଗଡ଼, କଳାହାଣ୍ଡି, ନୂଆପଡ଼ା, ମୟୁରଭଞ୍ଜ (ପୂର୍ବ), ମୟୁରଭଞ୍ଜ (ପଶ୍ଚିମ), ବଲଙ୍ଗୀର, ବରଗଡ଼, ସୁବର୍ଣ୍ଣପୁର, ସମ୍ବଲପୁର, ଝାରସୁଗୁଡ଼ା, କୋରାପୁଟ, ନବରଙ୍ଗପୁର, ମାଲକାନାଗିରି, ରାୟଗଡ଼ା, ଯାଜପୁର, କେନ୍ଦ୍ରାପଡ଼ା, ଦେଓଗଡ଼ ଓ କେନ୍ଦୁଝର ପ୍ରମୁଖ ଜିଲ୍ଲାର ଜିଲ୍ଲାର ସଭାପତି, ବରିଷ୍ଠ ନେତୃବୃନ୍ଦମାନେ ଯୋଗ ଦେଇଥିଲେ ।