Categories
ଆଜିର ଖବର ଜାତୀୟ ଖବର

ଲୋକତନ୍ତ୍ରକୁ ଶେଷ କରିବାକୁ ଚାହୁଁଛି ବିଜେପି : ଗୁଲାମ ନବୀ ଆଜାଦ

ନୂଆଦିଲ୍ଲୀ : ମଧ୍ୟପ୍ରଦେଶରେ ଗତ ଦୁଇ ଦିନ ହେବ ରାଜନୈତିକ ଅସ୍ଥିରତା ବଢି ଚାଲିଛି । ଏବେ କଂଗ୍ରେସ ଭାରତୀୟ ଦଳକୁ ଏନେଇ ଟାର୍ଗେଟ କରିଛି । ଗୁରୁବାର ସଂସଦ ପରିସରରେ ଏକ ସାମ୍ବାଦିକ ସମ୍ମିଳନୀରେ କଂଗ୍ରେସ ନେତା ଗୁଲାମ ନବୀ ଆଜାଦ କହିଛନ୍ତି ଯେ, ବିଜେପି ଦେଶର ଭିନ୍ନ ଭିନ୍ନ ଅଂଶରେ ଲୋକତନ୍ତ୍ରକୁ ଶେଷ କରିବାର କାର୍ଯ୍ୟ କରୁଛି । ଗତ କିଛି ଦିନ ମଧ୍ୟରେ ମଧ୍ୟପ୍ରଦେଶ-ରାଜସ୍ଥାନରେ ଏହାର ଉଦାହରଣ ଦେଖିବାକୁ ମିଳିଛି ।

ଗୁଲାମ ନବୀ ଆଜାଦ କହିଛନ୍ତି ଯେ, ରାଜ୍ୟସଭା ନିର୍ବାଚନ ପାଖେଇ ଆସିଲାଣି । ଏଥିପାଇଁ ବିଜେପି ଏହିପରି କାମ କରୁଛି । ଯେବେଠାରୁ ବିଜେପି କ୍ଷମତାକୁ ଆସିଛି, ଏହିପରି କାର୍ଯ୍ୟ କରୁଛି ।

କଂଗ୍ରେସ ନେତା ବିଜେପିକୁ ଟାର୍ଗେଟ କରି କହିଛନ୍ତି ଯେ, ଅରୁଣାଚଳ ପ୍ରଦେଶରେ କଂଗ୍ରେସ ସରକାରକୁ ହଟାଇ ଦିଆଗଲା । ରାଜ୍ୟପାଳଙ୍କ ଶକ୍ତିକୁ ଅପବ୍ୟବହାର କରାଗଲା । ସେହିପରି ମଣିପୁର ଓ ଗୋଆରେ ମଧ୍ୟ ସେହିପରି କରାଗଲା ।

ବିଜେପି ଉପରେ ଅଭିଯୋଗ ଲଗାଇ କଂଗ୍ରେସ ନେତା କହିଛନ୍ତି ଯେ, ବିଜେପିର ନୀତି ହେଉଛି ଯେ, ସେ ରାଜ୍ୟରେ ଅନ୍ୟ ଦଳର ସରକାର ଗଢିବାକୁ ଦେଉ ନାହିଁ । ମଧ୍ୟପ୍ରଦେଶ ଓ ରାଜସ୍ଥାନରେ ଯେବେଠାରୁ କଂଗ୍ରେସର ସରକାର ହୋଇଛି, ସେବେଠାରୁ ବିଜେପି ସେଠାରେ ରାଜନୈତିକ ଅସ୍ଥିର ସୃଷ୍ଟି କରୁଛି । ରାଜ୍ୟସଭାରେ ବିରୋଧୀ ସାଂସଦକୁ ଡରାଇବା ସହିତ ଜାତୀୟ ଏଜେନ୍ସିଗୁଡିକର ମଧ୍ୟ ଅପବ୍ୟବହାର କରାଯାଉଛି । ମଧ୍ୟପ୍ରଦେଶରେ ବିଧାୟକଙ୍କୁ ବିଜେପି କିଣିବାର ଯୋଜନା ପ୍ରସ୍ତୁତ କରୁଛି ବୋଲି କହିଛନ୍ତି କଂଗ୍ରେସ ନେତା । ସୂଚନାଯୋଗ୍ୟ, ମଧ୍ୟପ୍ରଦେଶରେ କଂଗ୍ରେସ ଦଳ ଭାରତୀୟ ଜନତା ଦଳ ଉପରେ ବିଧାୟକ କିଣିବାର ଅଭିଯୋଗ ଲଗାଇଛି ।

Categories
ବିଶେଷ ଖବର

ସଂସଦରେ ମିଛ କହୁଥିବା ମନ୍ତ୍ରୀଙ୍କୁ ଆମର ଶୁଭେଚ୍ଛା, ଗଣତନ୍ତ୍ରର ମନ୍ଦିରରେ ମନ୍ତ୍ରୀଙ୍କର ମିଛ ଆଜି ସାରା ଦେଶ ଦେଖୁଛି

କେଦାର ମିଶ୍ର

ରାଜନେତାମାନେ ମିଛ କହନ୍ତି, ଏକଥା ଆମେ ଜାଣିଛୁ ସେମାନଙ୍କ ମିଛକୁ ବୃତ୍ତିଗତ ଆବଶ୍ୟକତା ବା ପେଷାଦାର ଚାଲାକି ବୋଲି ମଧ୍ୟ ଆମେ ଗ୍ରହଣ କରିନେଇଛୁ ହେଲେ ସଂସଦ ଭିତରେ ମିଛ କହିବାର ଅପସାହସ ବହୁତ କମ ରାଜନେତା କରିଥାନ୍ତିଆଜି ପର୍ୟନ୍ତ ସଂସଦୀୟ ଗରିମା ଭାରତୀୟ ଗଣତନ୍ତ୍ରର ସବୁଠୁ ଗୁରୁତ୍ୱପୂର୍ଣ୍ଣ ଅଙ୍ଗ ବୋଲି ଆମେ ଭାବି ଆସିଥିଲୁହେଲେ ଗତ କିଛିଦିନ ହେଲା ସଂସଦୀୟ ଗରିମା,କେବଳ ଏକ ଶବ୍ଦ ମାତ୍ର ହୋଇ ରହିଯାଇଛି।   ନରେନ୍ଦ୍ର ମୋଦୀ ସରକାରର ଅନେକ ମନ୍ତ୍ରୀ ସଂସଦରେ ସ୍ପଷ୍ଟତଃ ମିଛ କହୁଥିବାର ଅନେକ ଉଦାହରଣ ଆମେ ଦେଖୁଛୁଯେମିତି କାଶ୍ମୀର ରୁ ଧାରା ୩୭୦ ପ୍ରତ୍ୟାହାର କରିବା ପରେ ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲଲାଙ୍କୁ ଅଟକ ରକ୍ଷା ଯାଇନାହିଁ,ସେ ନିଜ ଇଚ୍ଛା ରେ ସଂସଦକୁ ଆସୁନାହାନ୍ତି ବୋଲି ଗୃହମନ୍ତ୍ରୀ ଅମିତ ଶାହ କହିଥିଲେତାର ମାତ୍ର ଅଳ୍ପ ଦିନପରେ ସରକାର ମାନିଲେଯେ ଫାରୁକ ଅବଦୁଲ୍ଲାଙ୍କୁ ସରକାର ଗିରଫ କରିଛନ୍ତିସଂସଦ ଭବନରେ ମିଛ କହିବାର ଏହାଠୁ ବଡ ଉଦାହରଣ ହୁଏତ ନଥିଲା। ମୋଦୀ ସରକାରରେ ସବୁଠୁ ବଡ ବୋଲି କୌଣସି ଘଟଣାକୁ କହିହେବ ନାହିଁକାରଣ କେତେବେଳେ କାହାଠୁ ବଡ ମିଛ ବା ବାହାପିଆମୀ ଏ ସରକାରରେ ଦେଖିବାକୁ ବା ଶୁଣିବାକୁ ମିଳିବ, ତାର କୌଣସି ସ୍ପଷ୍ଟତା ନାହିଁ

ଦୁଇ ଦିନ ତଳେ ଯେତେବେଳେ ନାଗରିକତା ସଂଶୋଧନ ଆଇନ ବିପକ୍ଷରେ ପୂରା ଦେଶ ଜଳୁଛି, ସେହି ସମୟରେ ବରିଷ୍ଠ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ସଂସଦରେ ଅତ୍ୟନ୍ତ ନାଟକୀୟ ଭାବରେ ବିରୋଧୀ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଅତ୍ୟନ୍ତ ଆକ୍ରାମକ ଢଙ୍ଗରେ ସମାଲୋଚନା କରି କହିଲେ ଯେ, ରାହୁଲ ଗାନ୍ଧୀ କୁଆଡେ ଖୋଲାଖୋଲି ଭାରତରେ ଧର୍ଷଣକୁ ପ୍ରୋତ୍ସାହିତ କରୁଛନ୍ତିସଂସଦୀୟ ଇତିହାସରେ କୌଣସି ନିର୍ବାଚନୀ ସଭାର ଭାଷଣକୁ ନେଇ ସଂସଦରେ ଏପ୍ରକାର ଆଲୋଚନା ଅତ୍ୟନ୍ତ ବିରଳଗତ ଗୁଜରାଟ ବିଧାନସଭା ସମୟରେ ଖୋଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଜନୈକ ପାକିସ୍ତାନ ରାଜନେତାଙ୍କୁ ଭେଟିଥିବାର ସୌଜନ୍ୟମୂଳକ ଘଟଣାକୁ ଅତ୍ୟନ୍ତ ବିକୃତ  ଢଙ୍ଗରେ ଉପସ୍ଥାପନ କରିଥିଲେ। ପରେ ସଂସଦରେ ଏହାକୁ ସରକାର ଅସ୍ଵୀକାର କରିଥିଲେ। ତେବେ ସରକାରୀ ଅସ୍ଵୀକାର ପରେ ମନମୋହନ ସିଂ ବା କଂଗ୍ରେସ ଦଳ ଏହାକୁ ଆଉ ଗୁରୁତ୍ଵ ଦେଇନଥିଲେତେବେ ସ୍ମୃତି ଇରାନୀ ରାହୁଲ ଗାନ୍ଧୀଙ୍କ ସମ୍ପର୍କରେ ଖୋଦ ସଂସଦଗୃହରେ ଯାହା କହିଲେ, ତାହା ଅତ୍ୟନ୍ତ ସଙ୍ଗୀନ ଓ ସାଙ୍ଘାତିକବିରୋଧିଦଳର ବରିଷ୍ଠ ନେତା ଧର୍ଷଣକୁ ଉତ୍ସାହିତ କରୁଛନ୍ତି ବୋଲି ଦେଶର ବରିଷ୍ଠ ମନ୍ତ୍ରୀ ଯେତେବେଳେ ସଂସଦରେ କହୁଛନ୍ତି, ଏହା ଆଦୌ ଛୋଟିଆ କଥା ନୁହେଁ। ବିଧିବଦ୍ଧ ଭାବରେ ମନ୍ତ୍ରୀ ହେଉଛନ୍ତି ସରକାର ଓ ତାଙ୍କ ସଂସଦୀୟ ବକ୍ତବ୍ୟ ସତ୍ୟ ଉପରେ ପ୍ରତିଷ୍ଟିତ ହେବାକୁ ବାଧ୍ୟ। ମନ୍ତ୍ରୀ ସ୍ମୃତି ଇରାନୀ କହିଥିବା କଥାଟି ଯଦି ସତ୍ୟ ତାହେଲେ, ସରକାର ରାହୁଲ ଗାନ୍ଧୀଙ୍କ ବିରୋଧରେ ଏତାଲା ଦେଇଛନ୍ତି କି?

ସାରା ଦେଶ ଦେଖିଛି ଓ ଶୁଣିଛି, ଝାଡଖଣ୍ଡରେ ରାହୁଲ ଗାନ୍ଧୀ କଣ କହିଛନ୍ତିଦେଶରେ ବଢି ଚାଲିଥିବା ଧର୍ଷଣ ଘଟନା ପାଇଁ ରାହୁଲ ଗାନ୍ଧୀ ପ୍ରଧାନମନ୍ତ୍ରୀଙ୍କୁ ସମାଲୋଚନା କରିଛନ୍ତିସେ ପ୍ରକାର ସମାଲୋଚନା କରିବା ବିରୋଧିଦଲର ନେତା ଭାବରେ ରାହୁଳଙ୍କର ନୈତିକ ଦାୟିତ୍ଵହେଲେ ରାହୁଳଙ୍କର ଅତ୍ୟନ୍ତ ସ୍ପଷ୍ଟ ମତକୁ ଅତି ଦୟନୀୟ ଭାବରେ କଦର୍ଥ କରି ସ୍ମୃତି ଇରାନୀ ଯାହା କହିଲେ ତାହା ଅତ୍ୟନ୍ତ ଅନୈତିକ କୌଣସି ବରିଷ୍ଠ ମନ୍ତ୍ରୀ ନିଜର ରାଜନୈତିକ ବିରୋଧୀଙ୍କୁ ସାଂସଦ ଭିତରେ ଏପ୍ରକାର ଆଚରଣ ଦେଖାଇଥିବାର ଉଦାହରଣ ଅନ୍ତତଃ ଆମେ ଦେଖିନଥିଲୁ।ସଂସଦରେ କହିଲା ବେଳେ ନେତାମାନେ ଅଧିକ ସଂଯତ, ଶୃଙ୍ଖଳିତ ଓ ତଥ୍ୟନିଷ୍ଠ ହେବା ଆମେ ଦେଖିଆସିଛୁସଂସଦରେ ବିରୋଧୀ ଯେତେ ତୀବ୍ର ଆକ୍ରମଣ କାଲେ ମଧ୍ୟ ସରକାରୀ ଦଳ ସଂଯମ ଓ ଶ୍ରୁଙ୍ଖଳା ହରାଇବାର ଉଦାହରଣ ବହୁତ କମ ରହିଛିହେଲେ ସ୍ମୃତି ଇରାନୀଙ୍କର ରାହୁଲଙ୍କ ପ୍ରତି ଆକ୍ରମଣ କେବଳ ସଂସଦୀୟ  ଗରିମାର ବିରୋଧୀ ନୁହେଁ, ଏହା ଅନେକାଂଶରେ ଅରୁଚିକର ମଧ୍ୟ।

ରାଜନୀତିରେ ନିର୍ବାଚନର ଭାଷା ଓ ସଂସଦର ଭାଷା ସବୁବେଳେ ଅଲଗା ରହି ଆସିଛିପ୍ରଥମଥର ଲାଗି ଆମେ ଦେଖୁଛୁ, ପବିତ୍ର ସଂସଦ ଗୃହ ଏବେ ନିର୍ବାଚନୀ ଭାଷାର ନିକୃଷ୍ଟ ସ୍ତରକୁ ଓହ୍ଲାଇ ଆସୁଛି 

 

Categories
ବିଶେଷ ଖବର ମତାମତ

ଗଣତନ୍ତ୍ର ବି ଛଡେଇ ନେଇପାରେ ସ୍ବାଧୀନତା ଓ କରିପାରେ ବନ୍ଦୀ

ଦେବ ରଞ୍ଜନ

ଗଣତାନ୍ତ୍ରିକ ବିଚାର ନେଇ କାଶ୍ମୀରର ସନ୍ଦର୍ଭରେ ଆଜି କିଛି କହିବା ଅଥବା ଲେଖିବା ନିଜ ଘର ଉପରକୁ ଟେକା ମାରିବା ସଦୃଶ କଥା। ସେ ବନ୍ଧୁ ହେଉ କି ପରିବାର ସମସ୍ତେ ବୁଝି ନେଇଛନ୍ତି ଯେ ଗଣତନ୍ତ୍ରର ଅର୍ଥ ନୁହେଁ ବ୍ୟକ୍ତିକୁ ସ୍ବାଧୀନତା ଦେବା, କାଶ୍ମୀରବାସୀଙ୍କୁ ତ ଆଦୌ ନୁହେଁ। ’ଗୋଟେ ଦେଶ ଗୋଟେ ପତାକା’ ସ୍ଲୋଗାନ ଏଭଳି ଭାବପ୍ରବଣତା ତିଆରି କରିଦେଇଛି ଯେ ଯେମିତି ତୁମେ ଯଦି ବିଜେପି ସରକାରଙ୍କ ସହିତ ନାହଁ ତେବେ ତୁମେ ପାକିସ୍ତାନୀ! ନା ମୁଁ କେବେ କାଶ୍ମୀର ଯାଇପାରିଛି ନା କାଶ୍ମିରୀୟତ ସହିତ ମୋର କୌଣସି ସମ୍ପର୍କ ରହିଛି। କାଶ୍ମୀର ସହିତ ମୋର ସମ୍ପର୍କ ମୋର ଜଣେ ଆଦିବାସୀ ବନ୍ଧୁଙ୍କ ମାଧ୍ୟମରେ ଯିଏ ଜଣେ ଭାରତୀୟ ସେନାବାହିନୀର ଯବାନ। ସେ ସର୍ବଦା ଦୁଇଟି ମଣିଷ ହୋଇଥାଏ। ଗାଁରେ ଥିଲେ କୁହେ, ‘ଏ ପୁଲିସବାଲା ଯାହାକୁ ଇଚ୍ଛା ତାହାକୁ ବାନ୍ଧି ଆଣୁଛନ୍ତି  ନହେଲେ ଏନକାଉଣ୍ଟର କରିଦେଉଛନ୍ତି। ସମସ୍ତେ କ’ଣ ମାଓବାଦୀ ହୋଇଛନ୍ତି ନା ଚୋର?’ ପୁଣି କାଶ୍ମୀର କଥା ପଡ଼ିଲେ କୁହେ, ‘ଟ୍ରିଗର୍‌ ଉପରେ ଆଙ୍ଗୁଳି ରଖିଲେ ଯାଇ ମତେ ଶାନ୍ତି ଲାଗେ। କେତେବେଳେ କୁଆଡୁ ଉଗ୍ରପନ୍ଥୀ ଆସିଯିବେ କିଏ ଜାଣେ ? ଗଲା ବର୍ଷ ତା’ର ହିସାବରେ ପ୍ରାୟେ ୫ ଲକ୍ଷ ଯବାନ ଜଗିଥିଲେ ସମଗ୍ର କାଶ୍ମୀରକୁ। ଏବେ ତାହା ସାତ ଲକ୍ଷ ଅର୍ଥାତ୍‌ ପ୍ରତି ସାତ କି ଆଠ କାଶ୍ମୀରବାସୀଙ୍କ ବିପକ୍ଷରେ ଜଣେ ଆଧୁନିକ ଅସ୍ତ୍ରଧାରୀ ଯବାନ। ଉଭୟ କାଶ୍ମୀରବାସୀ ଓ ନିଯୁକ୍ତି ଯବାନ ସମେସ୍ତ ଅଜଣା ଆତଙ୍କ ମଧ୍ୟରେ। ଧାରା ୩୭୦ର ଉଚ୍ଛେଦ କେବଳ ହେଲା ନାହିଁ  ତା’ ସହିତ କାଶ୍ମୀର ନିଜର ରାଜ୍ୟମାନ୍ୟତା ମଧ୍ୟ ହରାଇଛି। ଆଗକୁ ହୁଏ କୌଣସି ବି ରାଜ୍ୟ ଏପରିକି ଆଦିବାସୀ ବହୁଳ ପଞ୍ଚମ ଅନୁଚ୍ଛେଦ ମଧ୍ୟ ନିଜର ସ୍ବତନ୍ତ୍ର କ୍ଷମତା ଟିକକ ହରାଇପାରେ। ସେତେବେଳେ ହୁଏତ ସ୍ଲୋଗାନ୍‌ ରହିବ ’ଗୋଟେ ଦେଶ ଗୋଟେ ଆଇନ’- ବିଧାନସଭା ହେଉ କି ଗ୍ରାମସଭା କାହାରି ସ୍ବତନ୍ତ୍ର କ୍ଷମତା ରହିବା ଉଚିତ୍‌ ନୁହେଁ।  ଧାରା ୩୭୦ଉଚ୍ଛେଦ ପରଠାରୁ ବନ୍ଧୁପତ୍ନୀ ଜଣକ ନା ଟିଭି ସାମ୍ନାକୁ ଆସୁଛି ନା କାଶ୍ମୀରରୁ କିଛି ଫୋନ୍‌ ଆସୁଛି। ଦେଶର ଆଜି ସାତ ଲକ୍ଷ ଯବାନଙ୍କ ପରିବାର ମଧ୍ୟ ସେହି ଅନିଶ୍ଚିତତା ମଧ୍ୟରେ ଥିବେ ଠିକ୍‌ ମୁଁ, ମୋର ବନ୍ଧୁପତ୍ନୀ ଓ ତା’ ପରିବାର ଲୋକଙ୍କ ପରି। ପ୍ରେମ ଓ ଜାତୀୟତା ମଧ୍ୟରେ ଦୂରତା ଅନେକ, ହୁଏତ ମିଶ୍ରଣ ଅସମ୍ଭବ।

ଏଥର ନିଜ ଦେଶର ନିଜ ଲୋକଙ୍କ ବିପକ୍ଷରେ ନିଜେ ବନ୍ଧୁକ ଧରିଲା ବେଳେ ମୋର ବନ୍ଧୁଟି ସତେରେ କ’ଣ ଭାବୁଥିବ ? ଏହି କଥା ଗଲା ପାଞ୍ଚ ତାରିଖଠାରୁ ମୁଁ ପ୍ରଧାନମନ୍ତ୍ରୀଙ୍କୁ ପଚାରିବାକୁ ଚାହୁଁଛି। ହଁ, ସେ ମୋର ପ୍ରଧାନମନ୍ତ୍ରୀ। ହୁଏତ ମୁଁ ତାଙ୍କର ଅନେକ କଥାରେ ଅସହମତ ହୋଇପାରୁଥାଏ। ପଚାରିବାକୁ ଇଚ୍ଛା କରିବି କ’ଣ ସତେରେ ଏହା ପରେ ମୋର ବନ୍ଧୁ ଜଣକ ଟ୍ରିଗର ଉପରୁ ଆଙ୍ଗୁଳି ଉଠାଇ ନିଶ୍ଚିନ୍ତରେ ଟିକେ ଶୋଇପାରିବ ? ସେ ଆଉ ନିଜ ଦେଶର ସେହି କାଶ୍ମୀର ଲୋକଙ୍କୁ ଏନକାଉଣ୍ଟର କରିବନି, ହରଣଚାଳ କରିବନି, ପେଲେଟ ଗନରେ ମାରିବନି, ରାତି ଅଧରେ ଉଠାଇବନି ତ ଯଦି ତୁମ କଥା ସତ ହୋଇଥାଏ ଯେ କାଶ୍ମୀରରେ ସମ୍ପୂର୍ଣ୍ଣ ଶାନ୍ତି ଚାଲିଆସିଛି ? ସତେରେ କ’ଣ ଏହାପରେ କାଶ୍ମୀରବାସୀ ମୋର ବନ୍ଧୁଙ୍କୁ ହସି ହସି ବିଦାୟ ଦେବେ ଓ ଉଗ୍ରପନ୍ଥୀମାନଙ୍କୁ ନିପାତ କରିପାରିଥିବା ହେତୁ ଧନ୍ୟବାଦ ଜଣାଇବେ ? ବହୁ ବର୍ଷ ତଳେ ଏମିତି ଏକ ଛବି ଟିଭି ପରଦାରେ ଆଫଗାନିସ୍ତାନରେ ଦେଖିଥିଲି। ଛୋଟ ଝିଅଟିଏ ରୁଷ ସଶସ୍ତ୍ର ବାହିନୀର ଟ୍ୟାଙ୍କ ଫେରିଯାଉଥିଲାବେଳେ ଯବାନଟିକୁ ଫୁଲଟିଏ ଆଣି ଦେଉଥିଲା। ବହୁତ ବର୍ଷ ପରେ ଜାଣିଲି ତାହା ସ୍ବତଃ ସ୍ଫୂର୍ତ୍ତ ନଥିଲା, ଛବିଟିକୁ ଟିଭି ପାଇଁ ତିଆରି କରାଯାଇଥିଲା। ଠିକ୍‌ ଅଛି ଯେ କାଶ୍ମୀରବାସୀ ମୋର ବନ୍ଧୁଙ୍କୁ ଏହାପରେ ହସି ହସି ବିଦାୟ ନ ଦେଇପାରନ୍ତି। କାରଣ ପ୍ରତିବାଦ ଓ ପ୍ରତିଶୋଧ ମଧ୍ୟରେ ଅନେକ ଦୂରତା ରହିଛି। ଆମେ ଅଳ୍ପ କିଛି ଜନଗଣ ଆଜି ସରକାରଙ୍କୁ କେବଳ ନିଜର ପ୍ରତିବାଦ ଜଣାଉଛୁ। ସେମାନେ କିନ୍ତୁ ପ୍ରତିଶୋଧ ଓ ପ୍ରତିହିଂସାର ଅଗ୍ନିରେ ଜଳୁଛନ୍ତି, ଠିକ୍‌ ଆଫଗାନିସ୍ତାନ, ପାଲେଷ୍ଟାଇନ୍‌ ଓ ସିରିଆ ଭଳି। ମହାତ୍ମା ଗାନ୍ଧିଙ୍କର ସେହି କଥା ଯେ ତୁମେ ଯଦି ଆଖି ବଦଳରେ ଆଖି ନେବାକୁ ଚାହିଁବ ତେବେ ବିଶ୍ବ ଅନ୍ଧ ପାଲଟିଯାଇଥିବା ଜାଣିବ। ଏହା ଶାସକଙ୍କ ପାଇଁ ଅଧିକ ପ୍ରଯୁର୍ଜ୍ୟ। ସମଗ୍ର ରାଜ୍ୟବାସୀଙ୍କୁ ବିଜେପି ସରକାର ଜଣେ ଜଣେ ଉଗ୍ରପନ୍ଥୀ ଅଥବା ସମ୍ଭାବ୍ୟ ଉଗ୍ରପନ୍ଥ ଭାବରେ ଦେଖିବା ଓ ରାଜ୍ୟକୁ ସଂଘୀୟ ସ୍ଥିତିରୁ ଉଚ୍ଛେଦ କରି କେନ୍ଦ୍ରର ଅଧୀନକୁ ନେଇ ଆସିବା ସମ୍ପୂର୍ଣ୍ଣ ଅଗଣତାନ୍ତ୍ରିକ। ଏହି ଅଗଣତାନ୍ତ୍ରିକ ନିଷ୍ପତ୍ତିକୁ କାର୍ଯ୍ୟକାରୀ କରିବା ଲାଗି କେନ୍ଦ୍ର ସରକାର ରାତିକ ଭିତରେ ହଜାର ହଜାର ଯବାନଙ୍କୁ ଗୋଟେ ଛୋଟ ସ୍ଥାନକୁ ପଠାଇ ସେମାନଙ୍କୁ ଘେରାବନ୍ଦୀ କରିଦେଲେ! ଏଭଳି ଅଗଣତାନ୍ତ୍ରିକ ପଦକ୍ଷେପ କିପରି ଏକ ମହାନ ଜାତୀୟତାବାଦୀ କାର୍ଯ୍ୟ ହୋଇଗଲା କିନ୍ତୁ ଏକ ରାଜ୍ୟ ଉପରେ କେନ୍ଦ୍ର ସରକାର ଲଗାତର ଭାବରେ ସୈନ୍ୟ ପଠାଇ ଅତ୍ୟାଚାର କରିଚାଲିବା ଆମ ଆଲୋଚନାର କେନ୍ଦ୍ର ବିନ୍ଦୁ କେବେ ବି ହୋଇପାରିଲା ନାହିଁ ? ଦୁଃଖର କଥା ଯେ ଆମର ଜାତୀୟତା ଆମର ମାନବିକତାକୁ ଢାଙ୍କିଦେଇଛି ଓ ଏହା ଆମକୁ ଅନେକ ବିଷୟରେ ଅନ୍ଧ କରିଦେଉଛି।

ଧାରା ୩୭୦ ଉଚ୍ଛେଦ ଦ୍ବାରା କାଶ୍ମୀରବାସୀ ଉପକାର ପାଇବେ କି ନାହିଁ ତାହା ମୁଁ କହିପାରୁନି। ଏବେ ତ ବିଭିନ୍ନ ତୁଳନାତ୍ମକ ରିପୋର୍ଟ ଆସିଲାଣି ଯେ କାଶ୍ମୀରର ଶିକ୍ଷା, ଅପପୃଷ୍ଟି, ଶିଶୁ ମୃତ୍ୟୁହାର ଇତ୍ୟାଦି କ୍ଷେତ୍ରରେ ଜାତୀୟ ହାର ଏପରିକି ଗୁଜୁରାଟଠାରୁ ଜାମୁ ଓ କାଶ୍ମୀରର ସ୍ଥିତି ବେଶ୍‌ ଉନ୍ନତ। ତଥ୍ୟ ଜାଣିବାର ଅଧିକାର ୨୦୦୪ ମସିହାରୁ ସେଠାରେ ଲାଗୁ ହୋଇଥିଲା। ବର୍ତ୍ତମାନ ସରକାରଙ୍କ ଜିଏସ୍‌ଟିକୁ ଜାମ୍ମୁ କାଶ୍ମୀର ସରକାର ବିଧାନସଭାରେ ପାସ୍‌ କରିଥିଲେ। ଦ୍ବୈତ ନାଗରିକ ବ୍ୟବସ୍ଥା କେବଳ ମିଥ୍ୟା ପ୍ରଚାର। ଯେକୌଣସି ଭାରତୀୟ ଭିସା ଓ ପାସପୋର୍ଟ ସାହାଯ୍ୟରେ ଯେମିତି ଅନ୍ୟ ଦେଶକୁ ଯାଇପାରିବ ସେମିତି ପାକିସ୍ତାନୀ ଜଣେ ଆସିପାରିବ। କିନ୍ତୁ ସେ କାଶ୍ମୀରରେ ସ୍ଥାୟୀ ବାସିନ୍ଦା ହୋଇପାରିବ ନାହିଁ। କାଶ୍ମୀରର ସମ୍ବିଧାନରେ ଜଣେ ଭାରତୀୟ ‘ସ୍ଥାୟୀ ବାସିନ୍ଦା’ ଓ ସେ କାମ ଅନ୍ବେଷଣରେ କାଶ୍ମୀର ଯାଇପାରିବ। କେବଳ କାଶ୍ମୀରରେ କାହିଁକି ନାଗାଲାଣ୍ଡ, ହିମାଚଳ ପ୍ରଦେଶ, ଅରୁଣାଚଳ ପ୍ରଦେଶ ଓ ଆଣ୍ଡାମାନ ନିକୋବରରେ ଅନ୍ୟ ପ୍ରଦେଶର ଲୋକେ ଜାଗା କିଣିପାରିବେ ନାହିଁ। ବିବାହିତା କାଶ୍ମୀର ଝିଅ ବିବାହ ପରେ ନିଜ ଜମିର ଅଧିକାର ନିଜ ରାଜ୍ୟରେ ହରାଇବା ଯେଉଁ ପ୍ରସ୍ତାବ ଥିଲା ତାହାକୁ ସେଠାର ହାଇକୋର୍ଟ ୨୦୦୧ ମସିହାରୁ ଉଚ୍ଛେଦ କରିସାରିଛି। ଏହାପରେ ବି କ’ଣ ଆମ୍ଭେମାନେ କାଶ୍ମୀରରେ ଚାଲିଥିବା ମାନବିକ ଅଧିକାର ଉଲ୍ଲଂଘନ ବିପକ୍ଷରେ କୌଣସି ସ୍ବର ଉଠାଇବା ନାହିଁ ? ଆଜି ସାଧାରଣ କାଶ୍ମୀର ନାଗରିକ କେତେବେଳେ ଭାରତୀୟ ଯବାନ ତ ପୁଣି କେତେବେଳେ ସ୍ଥାନୀୟ ଉଗ୍ରପନ୍ଥୀ ପୁଣି ସୀମାରେ ପାକିସ୍ତାନୀ ସୈନ୍ୟର ଗୁଳିରେ ମୃତ୍ୟୁବରଣ କରୁଛନ୍ତି। କିନ୍ତୁ ଧାରା ୩୭୦ ଉଚ୍ଛେଦ ପରେ ବିଜେପିର ରାଜ୍ୟ ମୁଖ୍ୟମାନେ ଯେଉଁ ଭଳି ବୟାନ ଦେଉଛନ୍ତି ସେଥିରୁ ଜଣାପଡୁଛି ଯେ ଆମେ କେଉଁ ଅଷ୍ଟାଦଶ ଶତାବ୍ଦୀର ରାଜାଙ୍କ ଯୁଦ୍ଧ ଜୟର କାହାଣୀ ଲେଖୁଛୁ। ସେତେବେଳେ ରାଜାମାନେ ଯୁଦ୍ଧ ଲଢୁଥିଲେ ଭୂଖଣ୍ଡକୁ ଅକ୍ତିଆର କରିବା ଲାଗି ଓ ଅକ୍ତିଆର କରିବା ପରେ ଶତ୍ରୁ ରାଜ୍ୟର ଯୁବକମାନଙ୍କୁ ହତ୍ୟା କରୁଥିଲେ, ନାରୀକୁ ଉପଭୋଗ କରୁଥିଲେ ଓ ଜମିକୁ ନିଜ କବ୍‌ଜାକୁ ଆଣୁଥିଲେ। ହୁଏତ କେହି ସାଧାରଣ ମଣିଷ ଜମି କିଣୁ କି ନକିଣୁ ଏବେ ରିଲାଏନ୍ସ କମ୍ପାନୀ ଘୋଷଣା କରିଛି ସ୍ବତନ୍ତ୍ର ପ୍ୟାକେଜ୍‌ ଦେଇ ସେ କାଶ୍ମୀରରେ ଜମି ଅଧିଗ୍ରହଣ କରିବ ଓ ସେଠାରେ ବିକାଶ କରିବ। ଗଣତନ୍ତ୍ର ଓ  ଗଣ – କର୍ପୋରେଟତନ୍ତ୍ର ମଧ୍ୟରେ ଥିବା ପାର୍ଥକ୍ୟ ଆଉ କିଛି ନାହିଁ। କଂଗ୍ରେସ ପାର୍ଟି ଯେଉଁ ଆର୍ଥିକ କ୍ଷେତ୍ରରେ ସଂଶୋଧନ ପ୍ରକ୍ରିୟା ଆରମ୍ଭ କରିଥିଲା ସେହି ସମାନ ପ୍ରକ୍ରିୟାକୁ ବିଜେପି ଦ୍ରୁତଗତିରେ ଆପଣାଇ ଚାଲିଛି।

ଗଣତନ୍ତ୍ରକୁ ମୁଁ ମୋର ସ୍କୁଲ ବହିରେ ଯାହା ପଢିଛି ଆଜି ତାହା ଗଣତନ୍ତ୍ର ନୁହେଁ ଓ ଆଜି ଗଣତନ୍ତ୍ର କହିଲେ ଯାହା ବୁଝାପଡେ ତାହା କିନ୍ତୁ ସ୍କୁଲ ବହିରେ କେବେ ଲେଖାହୋଇନଥିଲା। ମୁଁ ସ୍ବପ୍ନ ଦେଖୁଥିଲି ୭୦ ବର୍ଷର ସ୍ବାଧୀନତା ଭିତରେ ମୋର ଦେଶ ଏତେ ଉପରକୁ ଉଠିଯାଇଥିବ ଯେ ସାରା ବିଶ୍ବକୁ ସେ କହୁଥିବ ଗଣତନ୍ତ୍ର ମଧ୍ୟରେ ନା ରଙ୍ଗ ନା ଜାତି ନା ଅର୍ଥ (ଆର୍ଥିକ) ନା ଧର୍ମର କୌଣସି ପ୍ରଭେଦ ରହିଛି। ସମସ୍ତେ ଶାନ୍ତି ଓ ସୁଖରେ ଅବସ୍ଥାନ କରିବାର ପଦ୍ଧତି ହେଲା ଏହି ଗଣତନ୍ତ୍ର। କିନ୍ତୁ ବାସ୍ତବତା ହେଲା ଦେଶ ସତରେ ବହୁତ ଉଚ୍ଚକୁ ଚାଲିଯାଇଥିବା ଲାଗୁଛି କାରଣ ଏଥିରେ ଅନେକ ଆଜି ଆଣ୍ଠେଇ ପଡିଛନ୍ତି। ଦେଶ ଯଦି କିଛି ଦେଉଛି ତେବେ ତାହା ଖଜୁରୀ ଗଛର କୋଳି, ନିଶୁଣି ଥିବା ଲୋକ ହିଁ ନେଇପାରୁଛି। ଏବେ ଗାନ୍ଧିଙ୍କ ୧୫୦ତମ ଜନ୍ମତିଥି ପାଳନ କରୁଛେ। କିନ୍ତୁ ଗଣତନ୍ତ୍ରକୁ ସୁଧାରିବାର ପ୍ରୟାସ ଆମେ କରୁନାହୁଁ କାରଣ ଏଭଳି ଗଣତନ୍ତ୍ରକୁ ନେଇ ଭାବପ୍ରବଣ ସାଜିବାର ଅନେକ କାରଣ ରହୁଛି।

Categories
ଆଜିର ଖବର

ସତ୍ୟ ଗଣତନ୍ତ୍ରର ସବୁଠୁ ବଡ ଶତ୍ରୁ : ବିବେକ ଅଗ୍ନିହୋତ୍ରୀ

ଦ ତାଶକେଣ୍ଟ ଫାଇଲ୍ସର ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ଗଣତନ୍ତ୍ର ସତ୍ୟର ସବୁଠୁ ବଡ ଶତ୍ରୁ ବୋଲି ମତବ୍ୟକ୍ତ କରିଛନ୍ତି। ୧୯୬୬ରେ ଋଷରେ ଶାସ୍ତ୍ରୀଙ୍କ ମୃତ୍ୟୁ ଉପରେ ସେ ଏହି ଫିଲ୍ମର ନିର୍ମାଣ କରିଥିବା ବେଳେ ଏନେଇ ଶାସ୍ତ୍ରୀଙ୍କ ଅଣନାତିଙ୍କ ପକ୍ଷରୁ ତାଙ୍କୁ ଏକ ନୋଟିସ୍‌ ପଠାଯାଇଛି। ଫିଲ୍ମ ରିଲିଜ୍‌ ପୂର୍ବରୁ ନୋଟିସ୍‌ ମିଳିଥିବାରୁ ଅସନ୍ତୋଷ ପ୍ରକାଶ କରି ଅଗ୍ନିହୋତ୍ରୀ କହିଛନ୍ତି, ଦେଶରେ ମତପ୍ରକାଶର ଅଧିକାର ଉପରେ ସ୍ବାଧିନତା ରହିବା ଆବଶ୍ୟକ। ଶାସ୍ତ୍ରୀଙ୍କ ମୃତ୍ୟୁ ରହସ୍ୟଜନକ ବୋଲି ସମସ୍ତେ ଅନୁଭବ କରିଥିଲେ ଏହାକୁ ସାମ୍ନାକୁ ଆଣିବାକୁ ଚେଷ୍ଟା କରିବା ଯୋଗୁଁ ନୋଟିସ ପଠାଯିବା ଆଦୌ ସଠିକ୍‌ ନୁହେଁ ବୋଲି ସେ କହିଛନ୍ତି। ସେ କହିଛନ୍ତି ଦିଲ୍ଲୀରେ ଫିଲ୍ମର ସ୍କ୍ରିନିଙ୍ଗ ଅବସରରେ ଶାସ୍ତ୍ରୀଙ୍କ ଅଣନାତି ଫିଲ୍ମକୁ ପସନ୍ଦ କରିଥିଲେ ମାତ୍ର ପରେ ସେ ନୋଟିସ୍‌ ପଠାଇବା ଆଶ୍ଚର୍ଯ୍ୟଜନକ। ଫିଲ୍ମଟିରେ ନାଶିରୁଦ୍ଦିନ ଶାହ, ମିଥୁନ୍‌ ଚକ୍ରବର୍ତ୍ତୀ, ଶ୍ବେତା ବସୁ ପ୍ରସାଦ, ପଲ୍ଲବୀ ଯୋଶୀ ଏବଂ ପଙ୍କଜ ତ୍ରୀପାଠୀ ମୁଖ୍ୟ ଭୂମିକାରେ ରହିଛନ୍ତି ।