ନୋଏଡା : ହାଇଟେକ ସିଟି କୁହାଯାଉଥିବା ନୋଏଡାର ସେକ୍ଟର 58ରେ ଏକ ଅଭାବନୀୟ ଘଟଣା ଘଟିଯାଇଛି । ମାତ୍ର ପାଞ୍ଚଟଙ୍କା ପାଇଁ ଜଣେ ସିକ୍ୟୁରିଟି ଗାର୍ଡ ଜଣେ ଫଳ ବିକ୍ରେତାଙ୍କୁ ଗୁଳି ମାରି ଦେଇଛନ୍ତି। ଫଳ ବିକ୍ରେତା ଜଣକ ଗୁରୁତର ରୂପେ ଆହତ ହୋଇଛନ୍ତି । ତାଙ୍କୁ ନିକଟସ୍ଥ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଫଳ ବିକ୍ରେତା ଓ ସିକ୍ୟୁରିଟି ଗାର୍ଡଙ୍କ ମଧ୍ୟରେ ମାତ୍ର 5 ଟଙ୍କା ପାଇଁ ମଧ୍ୟରେ ବିବାଦ ସୃଷ୍ଟି ହୋଇଥିଲା । ବିବାଦର ପରିଣତି ସ୍ବରୂପ ସିକ୍ୟୁରିଟି ଗାର୍ଡ ନିଜ ଲାଇସେନ୍ସ ବନ୍ଧୁକରୁ ଫଳ ବିକାଳୀ ଉପରକୁ ଗୁଳି ଚଳାଇଥିଲେ ।
ମିଳିଥିବା ସୂଚନା ଅନୁସାରେ ସେକ୍ଟର 56ରେ ଜଣେ ଫଳ ବିକାଳୀ ଠେଲା ସାହାଯ୍ୟର ଫଳ ବିକ୍ରି କରୁଥିଲେ । ଘରୋଇ କମ୍ପାନୀର ସୁରକ୍ଷା କର୍ମୀ ଭାବେ କାର୍ଯ୍ୟ କରୁଥିବା ସତ୍ୟେନ୍ଦ୍ର ଓ ଫଳ ବିକାଳୀଙ୍କ ମଧ୍ୟରେ ପଇସାକୁ ନେଇ ବିବାଦ ସୃଷ୍ଟି ହୋଇଥିଲା । ବିବାଦ ଏପରି ବଢିଲା ଯେ, ଫଳ ବିକାଳୀ ଜଣକ ନିଜର କିଛି ବନ୍ଧୁମାନଙ୍କ ସହ ମିଶି ସତ୍ୟେନ୍ଦ୍ରଙ୍କ ଉପରକୁ ଆକ୍ରମଣ କରିଥିଲେ । ଏହି ଘଟଣା ପରେ ସତ୍ୟେନ୍ଦ୍ର ରାଗରେ ନିଜ ଲାଇସେନ୍ସ ବନ୍ଧକୁ ଫଳ ବିକାଳୀ ଉପରେ ଗୁଳି ଚଳାଇଥିଲେ। ତେବେ ଏହି ଘଟଣାରେ ଅଭିଯୁକ୍ତ ସତ୍ୟେନ୍ଦ୍ରଙ୍କୁ ଗିରଫ କରାଯାଇଥିବାବେଳେ ବନ୍ଧୁକମଧ୍ୟ ଜବତ କରାଯାଇଛି । (ଏଜେନ୍ସି)