ଜିଏସ୍ କାଲ୍ଟେକ୍ସ ଭାରତୀୟ କ୍ରିକେଟର ଶିଖର ଧଓ୍ବନ୍ଙ୍କୁ ନିଜର ବ୍ରାଣ୍ଡ ଆମ୍ବାସାଡର ଭାବରେ ନିଯୁକ୍ତ କରିଛି। ଦକ୍ଷିଣ କୋରିଆର ଏହି ଲୁବ୍ରିକାଣ୍ଟ କମ୍ପାନୀ ଭାରତୀୟ ବଜାରରେ ନିଜର ପ୍ରଚାର ପ୍ରସାର କରିବା ପାଇଁ ଧଓ୍ବନ୍ଙ୍କୁ ନିଯୁକ୍ତ କରିଛି। ଭାରତରେ ନିକଟରେ ପ୍ରବେଶ କରିଥିବା ଏହି କମ୍ପାନୀ ନିଜର ନୂତନ ଉତ୍ପାଦ ଗୁଡିକର ବିଜ୍ଞାପନ ପାଇଁ ଧଓ୍ବନ୍ଙ୍କ ଚେହେରା ବ୍ୟବହାର କରିବ। କମ୍ପାନୀ ସହିତ ନିଜର ଚୁକ୍ତି ବିଷୟରେ ଧଓ୍ବନ୍ କହିଛନ୍ତି, ଏହି କମ୍ପାନୀ ବିଶ୍ବରେ ନିଜକୁ ପ୍ରତିଷ୍ଠିତ କରି ପାରିଛି। ଭାରତୀୟ ବଜାର ପାଇଁ କମ୍ପାନୀ ସହିତ ଜୋଡି ହୋଇଥିବାରୁ ଖୁସି ଜାହିର କରିଛନ୍ତି ଧଓ୍ବନ୍।
