ଦିଲ୍ଲୀ : ଦିଲ୍ଲୀର ବିଷ୍ଣୁ ଗାର୍ଡେନ୍ ଅଞ୍ଚଳରେ ଏକ ଫ୍ୟାକ୍ଟ୍ରିର ଛାତ ଭୁଷୁଡି ପଡିବାରୁ ଚାରିଜଣଙ୍କର ମୃତ୍ୟୁ ହୋଇଛି । ମିଳିଥିବା ସୂଚନା ଅନୁସାରେ ଛାତ ଖସି ପଡିବାରୁ ଧ୍ବସାଂବଶେଷ ତଳେ ଛଅ ଜଣ ଚାପି ହୋଇ ରହିଯାଇଥିଲେ । ସେମାନଙ୍କୁ ଉଦ୍ଧାର କରାଯାଇ ନିକଟସ୍ଥ ଗୁରୁ ଗୋବିନ୍ଦ ସିଂ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ସେମାନଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଡିଡିୟୁ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା, ତେବେ ଚାରିଜଣଙ୍କର ମୃତ୍ୟୁ ହୋଇଯାଇଛି ।
ସୂଚନାଯୋଗ୍ୟ ଭୁଶୁଡି ପଡିଥିବା କୋଠାଟି ବହୁ ପୁରୁଣା ହୋଇଥିବାବେଳେ ଏଥିରେ ଏକ ଫ୍ୟାକ୍ଟି ଚାଲୁଥିଲା । ତେବେ ଘଟଣାସ୍ଥଳରେ ପୋଲିସ୍ ଓ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଥିଲେ । ନଭେମ୍ବର 10 ତାରିଖରେ ଦିଲ୍ଲର କେଶବପୁରମ୍ ଅଞ୍ଚଳରେ ତିନି ମହଲା କୋଠା ଭୁଷୁଡି ପଡିଥିଲା । ଏହି ଘଟଣାରେ ଜଣେ ଶ୍ରମିକଙ୍କର ମୃତ୍ୟୁ ହୋଇଥିଲା । (ଏଜେନ୍ସି)
