ଆଜି ପରଦାକୁ ଆସିଛି କରନ୍ ଜୋହରଙ୍କ ବହୁ ପ୍ରତିକ୍ଷୀତ ଫିଲ୍ମ ‘କଲଙ୍କ’। ଦୀର୍ଘ ଦିନ ଧରି ଚର୍ଚ୍ଚାରେ ରହିଥିବା ଏହି ମଲ୍ଟି ଷ୍ଟାରର ଫିଲ୍ମରେ ବରୁନ୍ ଧୱନ, ଆଲିଆ ଭଟ୍ଟ, ସଞ୍ଜୟ ଦତ୍ତ, ସୋନାକ୍ଷୀ ସିହ୍ନା, ମାଧୁରୀ ଦିକ୍ଷୀତ୍ ଓ ଆଦିତ୍ୟ ରୟ କପୁର ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଏହା ଏକ ପିରିୟଡିକ୍ ଡ୍ରାମ୍ ଫିଲ୍ମ। ଏହି ଫିଲ୍ମକୁ ନେଇ ସିନେ ପ୍ରେମୀଙ୍କ ମଧ୍ୟରେ ଜବରଦସ୍ତ କ୍ରେଜ୍ ଦେଖିବାକୁ ମିଳିଛି। ଅଭିଷେକ ବର୍ମନଙ୍କ ନିର୍ଦ୍ଦେଶିତ ଏହି ଫିଲ୍ମରେ ବିଗତ ଦିନର ଯୋଡ଼ି ସଞ୍ଜୟ ଦତ୍ତ ଓ ମାଧୁରୀଙ୍କୁ ପୁଣି ଥରେ ଦେଖିବାକୁ ମିଳିଛି। ପୂର୍ବରୁ ଫିଲ୍ମର ଟ୍ରେଲର୍କୁ ଦର୍ଶକେ ବହୁତ ପସନ୍ଦ କରିଥିବାବେଳେ ଏହାର ଗୀତଗୁଡ଼ିକ ମଧ୍ୟ ହିଟ୍ ରହିଛି। ଫିଲ୍ମରେ କ୍ରିତି ସାନନ୍ ଓ କିଆରା ଆଡ୍ଭାନୀ ପ୍ରମୁଖ ଅତିଥି କଳାକାର ଭାବେ ନଜର ଆସିଛନ୍ତି। କରନ୍ଙ୍କ ଡ୍ରିମ୍ ପ୍ରୋଜେକ୍ଟ ରୂପେ ଏହି ଫିଲ୍ମକୁ ନେଇ ଦର୍ଶକେ ବହୁତ ଆଶାବାଦୀ ରହିଛନ୍ତି।
