ଭୁବନେଶ୍ବର: ୪୯ ତମ କରୋନା ଆକ୍ରାନ୍ତଙ୍କ ଯାତ୍ରା ବିବରଣୀ ଜାରି କଲା ସ୍ୱାସ୍ଥ୍ୟ ବିଭାଗ। ଉକ୍ତ ୩୫ ବର୍ଷୀୟ ମହିଳା ଜଣକ ମାର୍ଚ୍ଚ ୨୦ ତାରିଖରୁ ଏପ୍ରିଲ ୩ ତାରିଖ ଯାଏଁ ନିଜ ଘର ମଧୁସୂଦନ ନଗରରେ ଥିଲେ। ଏପ୍ରିଲ ୪ ତାରିଖ ଦିନ ରେଡ କ୍ରସ ଭବନ ନିକଟକୁ ଆସିଥିଲେ। ଏପ୍ରିଲ ୬ ତାରିଖ ଦିନ ସେ କ୍ୟାପିଟାଲ ହସ୍ପିଟାଲକୁ ଯାଇଥିଲେ। ୭ ତାରିଖ ଠାରୁ ୧୦ ତାରିଖ ପର୍ଯ୍ୟନ୍ତ ନିଜ ଘରେ ସଙ୍ଘରୋଧରେ ରହିଥିଲେ। ୧୦ ତାରିଖ ଦିନ ତାଙ୍କର ନମୁନା ପରୀକ୍ଷା ପରେ ସେ କରୋନା ପଜିଟିଭ ଥିଲେ ବୋଲି ଜଣାପଡିଥିଲା। ତାପରେ ତାଙ୍କୁ କିମ୍ସ କୋଭିଡ-୧୯ ହସ୍ପିଟାଲ କୁ ଚିକିତ୍ସା ପାଇଁ ପଠାଗଲା।
