ଭାରତର ବୃହତମ ଟେଲିକମ୍ ସଂସ୍ଥାନ ଭାରତୀ ଏୟାରଟେଲ ଏହାର ଆଫ୍ରିକୀୟ କମ୍ପାନୀ ପାଇଁ ଆଇପିଓ ଜରିଆରେ ୫ ହଜାର କୋଟି ନିବେଶ ହାସଲର ଲକ୍ଷ୍ୟ ରଖିଛି। ମଙ୍ଗଳବାର ଜୁନ୍ ୪ ତାରିଖରେ ଏୟାରଟେଲ୍ ପକ୍ଷରୁ ଏହି ଘୋଷଣା କରାଯାଇଛି। କମ୍ପାନୀ ନିଜକୁ ଲଣ୍ଡନ ଷ୍ଟକ୍ ଏକ୍ସଚେଞ୍ଜରେ ନିଜର ପଞ୍ଜୀକରଣ କରାଇବା ସହିତ ୭୫୦ ମିଲିୟନ୍ ଡଲାର ବା ୫ ହଜାର ୧୮୯ କୋଟି ଟଙ୍କା ହାସଲର ଲକ୍ଷ୍ୟ ରଖିଛି। ଏହା ସହିତ ନାଇଜେରିଆର ଷ୍ଟକ୍ ଏକ୍ସଚେଞ୍ଜରେ ମଧ୍ୟ ନିଜକୁ ପଞ୍ଜୀକୃତ କରିବାର ଲକ୍ଷ୍ୟ ରଖିଛି। ନିଜର ସମୁଦାୟ ଅଂଶଧନର ୧୫ ପ୍ରତିଶତ ଆଇପିଓ ଜରିଆରେ ବିକ୍ରି କରିବ ଏୟାରଟେଲ। ଏହି ଅର୍ଥ ଜରିଆରେ କମ୍ପାନୀ ନିଜର ଋଣ ଶୁଝିବ ବୋଲି ଜଣାପଡିଛି।
