ଭୁବନେଶ୍ବର: ପବନ ବେଗରେ ଗାଡି ଧରି ଭୁବନେଶ୍ବର ଆଡକୁ ମୁହାଁବାରେ ଲାଗିଛନ୍ତି ତିନିଜଣ ନେତା। ସେମାନେ ହେଲେ ଗଂଜାମର ବିକ୍ରମ ଆରୁଖ, ବରଗଡର ସୁଶାନ୍ତ ସିଂ ଏବଂ ସ୍ନେହାଙ୍ଗିନୀ ଛୁରିଆ। ଏମାନଙ୍କ ପାଖକୁ ନବୀନ ନିବାସରୁ ଫୋନ କଲ ଯାଇଥିଲା। ସେଥିପାଇଁ ସେମାନେ ଭୁବନେଶ୍ବର ଆସୁଛନ୍ତି ବୋଲି କୁହାଯାଉଛି।
ସୂଚନା ଅନୁସାରେ ନବୀନ ତିନି ଜଣଙ୍କୁ ମନ୍ତ୍ରୀ ମଣ୍ଡଳରେ ସାମିଲ କରିବେ। କାରଣ ବର୍ତ୍ତମାନ ତିନୋଟି ମନ୍ତ୍ରୀ ପଦ ଖାଲି ରହିଛି। ନବ ଦାସଙ୍କ ହତ୍ୟା ପରେ ସ୍ବାସ୍ଥ୍ୟ ବିଭାଗ, ସମୀର ଦାସଙ୍କ ଇସ୍ତଫା ପରେ ଗଣଶିକ୍ଷା ବିଭାଗ ଏବଂ ଶ୍ରୀକାନ୍ତ ସାହୁଙ୍କ ଇସ୍ତଫା ପରେ ଶ୍ରମ ବିଭାଗ ଖାଲି ଅଛି।