ଚୀନ/ନୂଆଦିଲ୍ଲୀ :ଚୀନ୍ରେ କରୋନା ଭାଇରସ୍ କାରଣରୁ ହାହାକାର ମଚିଥିବାବେଳେ ଏଥିରେ 500ରୁ ଉର୍ଦ୍ଧ୍ବ ଲୋକଙ୍କର ମୃତ୍ୟୁ ହୋଇସାରିଥିବାବେଳେ ସତେଇଶିହଜାରରୁ ଉର୍ଦ୍ଧ୍ବ ଏଥିରେ ସଂକ୍ରମିତ ହୋଇଛନ୍ତି । ଏପରି ସମୟରେ ଏକ ଭିଡିଓ ସାମ୍ନାକୁ ଆସିଛି, ଯେଉଁ ଭିଡିଓରେ ଚୀନ୍ରେ ରହିଥିବା ପାକିସ୍ତାନୀ ଛାତ୍ର ଭାରତକୁ ସାହାଯ୍ୟ ଭିକ୍ଷା କରୁଛନ୍ତି । ସୋସିଆଲ ମିଡିଆ ଜରିଆରେ ଏହି ଭିଡିଓଟି ଆସିଛି । ତେବେ ଏହି ଭିଡିଓକୁ ନେଇ ଭାରତ ବିଦେଶ ମନ୍ତ୍ରାଳୟ ପ୍ରବକ୍ତା ରବୀଶ୍ କୁମାର କହିଛନ୍ତି ଯେ, ଆମକୁ ପାକିସ୍ତାନ ସରକାରଙ୍କଠାରୁ ଏନେଇ କିଛି ଅନୁରୋଧ ମିଳିନାହିଁ । କିନ୍ତୁ ଯଦି ଏପରି କିଛି ପରିସ୍ଥିତି ଉତ୍ପନ୍ନ ହେଉଛି, ତେବେ ଆମ ପାଖରେ ଏହା ସଂସାଧନ ରହିଛି, ଆମେ ଏହା ଉପରେ ବିଚାର କରିବୁ ବୋଲି କହିଛନ୍ତି । ସୂଚନାଯୋଗ୍ୟ, ଚୀନ୍ରେ ରହିଥିବା ଭାରତୀୟଙ୍କୁ ଭାରତ ସରକାର ଏୟାର ଇଣ୍ଡିଆର ଏକ ସ୍ବତନ୍ତ୍ର ଡବଲ ଡେକର ବିମାନରେ ସ୍ବଦେଶ ଫେରାଇ ଅଣାଯାଇଥିବାବେଳେ ତାଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା କରିଛନ୍ତି ସରକାର ।
