ସମୀକ୍ଷା ବ୍ୟୁରୋ
ଭୁବନେଶ୍ବର: ଅବସର ଘୋଷଣା କରିଛନ୍ତି ଓଡ଼ିଆ କ୍ରିକେଟର ପ୍ରଜ୍ଞାନ ଓଝା। ସମସ୍ତ ପ୍ରକାର ଫର୍ମାଟ୍ରୁ ଅବସର ଘୋଷଣା କଲେ ପ୍ରଜ୍ଞାନ। ହାଇଦ୍ରାବାଦ କ୍ରିକେଟ୍ ଆସୋସିଏସନ୍ ପାଇଁ 14 ବର୍ଷ ଖେଳିଥିଲେ। 2009 ମସିହାରେ ଶ୍ରୀଲଙ୍କା ବିପକ୍ଷରେ ପ୍ରଥମ ଟେଷ୍ଟ୍ ମ୍ୟାଚ୍ ଖେଳିଥିଲେ ପ୍ରଜ୍ଞାନ। ପ୍ରଜ୍ଞାନ ମୋଟ 24ଟି ଟେଷ୍ଟରେ 113ଟି ଓ୍ବିକେଟ୍ ନେଇଥିବାବେଳେ 2008 ମସିହାରେ ବାଂଲାଦେଶ ବିପକ୍ଷରେ ପ୍ରଥମ ଦିନିକିଆରେ ଖେଳିଥିଲେ ପ୍ରଜ୍ଞାନ। 18ଟି ଦିନିକିଆରେ ମୋଟ 21ଟି ଓ୍ବିକେଟ୍ ନେଇଛନ୍ତି ପ୍ରଜ୍ଞାନ ଓଝା। ସେହିପରି 92ଟି ଆଇପିଏଲ୍ ଖେଳି 89ଟି ଓ୍ବିକେଟ୍ ହାସଲ କରିଥିଲେ ପ୍ରଜ୍ଞାନ। ଏହି ଅବସରରେ ଭିଏସଏସ୍ ଲକ୍ଷ୍ମଣ, ଭେଙ୍କଟପତି ରାଜୁ, ମହେନ୍ଦ୍ର ସିଂ ଧୋନି ପ୍ରମୁଖଙ୍କୁ କୃତଜ୍ଞତା ଜଣାଇଛନ୍ତି।