ନୂଆଦିଲ୍ଲୀ,28/11 : ଭୋପାଳର ସାଂସଦ ପ୍ରଜ୍ଞା ସିଂ ଠାକୁରଙ୍କୁ ପ୍ରତିରକ୍ଷା ସଂସଦୀୟ କମିଟିରୁ ବାଦ ଦିଆଯାଇଛି । ମହାତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗଡ୍ସେକୁ ଦେଶଭକ୍ତ ବୋଲି କହିଥିବା କାରଣରୁ ପ୍ରଜ୍ଞାଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ବୁଧବାର ସଂସଦରେ ଏସ୍ପିଜି ବିଲ୍ ସମ୍ବନ୍ଧରେ ଆଲୋଚନା ସମୟରେ ପ୍ରଜ୍ଞା ଏହି ମତ ଦେଇଥିଲେ । ଏହି ମତ ପରେ ସମଗ୍ର ଦେଶବାସୀଙ୍କ ପକ୍ଷରୁ ଏହାକୁ ବିରୋଧ କରାଯାଇଥିଲା । ଟ୍ବିଟ୍ଟରରେ ଏଡା ବିରୋଧରେ ଏକ ଟ୍ରେଣ୍ଡ ଆରମ୍ଭ ହୋଇଥିଲା । ବିଭିନ୍ନ ମହଲରୁ ବିରୋଧ ପରେ ଲୋକସଭାର ପ୍ରତିରକ୍ଷା ସଂସଦୀୟ କମିଟିରୁ ପ୍ରଜ୍ଞାଙ୍କୁ ହଟାଯାଇଛି । ଏହା ସହିତ ବିଜେପିର ସଂସଦୀୟ ବୈଠକରେ ପ୍ରଜ୍ଞାଙ୍କ ଉପସ୍ଥିତି ଉପରେ ରୋକ୍ ଲଗାଇଛନ୍ତି ବିଜେପି କାର୍ଯ୍ୟକାରୀ ସଭାପତି ଜେପି ନଡ୍ଡା ।
