ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କୁ ତାଙ୍କ ଜନ୍ମ ବାର୍ଷିକୀରେ ଶ୍ରଦ୍ଧାଞ୍ଜଳି ଜଣାଇଛନ୍ତି।
ଶ୍ରୀ ମୋଦୀ ଏକ୍ସ ରେ ପୋଷ୍ଟ କରିଛନ୍ତି:
“ଆମର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଜୀଙ୍କୁ ତାଙ୍କ ଜନ୍ମବାର୍ଷିକୀରେ ଶ୍ରଦ୍ଧଞ୍ଜଳି।”
Tag: Rajiv Gandhi
ନୂଆଦିଲ୍ଲୀ: ଭାରତୀୟ ଜାତୀୟ କଂଗ୍ରେସର ପୂର୍ବତନ ନେତା ଆଚାର୍ଯ୍ୟ ପ୍ରମୋଦ କୃଷ୍ଣ ରାହୁଲ ଗାନ୍ଧୀଙ୍କ ପିତା ତଥା ଭାରତର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କୁ ସ୍ମରଣ କରିଛନ୍ତି। ଆଚାର୍ଯ୍ୟ ପ୍ରମୋଦ କୃଷ୍ଣ ସୋସିଆଲ ମିଡିଆ ସାଇଟ୍ X ରେ ଏକ ଫଟୋ ସେୟାର କରି ରାଜୀବଙ୍କୁ ମନେ ପକାଇଛନ୍ତି।
ସେ ଲେଖିଛନ୍ତି ଯେ, ଜଣେ ଉତ୍କୃଷ୍ଟ ବ୍ୟକ୍ତିତ୍ୱ ଏବଂ ପ୍ରତ୍ୟେକ ହୃଦୟ ପାଇଁ ପ୍ରିୟ ନେତା, ଭାରତର ପୂର୍ବତନ ପ୍ରଧାନମନ୍ତ୍ରୀ ଭାରତ ରତ୍ନ ଦିବଙ୍ଗତ ରାଜୀବ ଗାନ୍ଧୀ ଜୀଙ୍କ ପୁଣ୍ୟତିଥିରେ ସାଦର ସ୍ମରଣ।
ଏହାପୂର୍ବରୁ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ, ପୂର୍ବତନ ସଭାପତି ସୋନିଆ ଗାନ୍ଧୀ, ରାହୁଲ ଗାନ୍ଧୀ ଏବଂ କଂଗ୍ରେସ ଦଳର ଅନେକ ନେତା ଆଜି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ପୁନୀତିଥିରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସୋନିଆ ଗାନ୍ଧୀ, ଖଡଗେ, ରାହୁଲ ଗାନ୍ଧୀ ଏବଂ ଅନ୍ୟ କିଛି କଂଗ୍ରେସ ନେତା ରାଜୀବ ଗାନ୍ଧୀଙ୍କ ସମାଧିସ୍ଥଳ ‘ବେର ଭୁମି’ ଯାଇ ପୂର୍ବତନ ପ୍ରଧାନମନ୍ତ୍ରୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ନୂଆଦିଲ୍ଲୀ: ଆପର ରାଜ୍ୟସଭା ସାଂସଦ ସଂଜୟ ସିଂହଙ୍କୁ ଅଶାଳୀନ ବ୍ୟବହାର ଅଭିଯୋଗରେ ଗତ ସୋମବାରଠାରୁ ସମ୍ପୂର୍ଣ୍ଣ ଅଧିବେଶନ ପାଇଁ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନକର ନିଲମ୍ବିତ କରିଛନ୍ତି। ଏହି ନିଲମ୍ବନକୁ କଂଗ୍ରେସ ସମେତ ସମସ୍ତ ବିରୋଧୀଦଳଗୁଡ଼ିକ ଏନଡିଏ ସରକାରଙ୍କୁ ସମାଲୋଚନା କରିବା ସହିତ ଗଣତନ୍ତ୍ରର କଣ୍ଠରୋଧ କରାଯାଉଛି ବୋଲି ଅଭିଯୋଗ କରିଛନ୍ତି।
ଯେଉଁମାନେ ଏଭଳି ଅଭିଯୋଗ କରୁଛନ୍ତି ସେମାନଙ୍କ ଶାସନ ସମୟରେ ବିରୋଧୀଦଳଗୁଡ଼ିକର କଣ୍ଠ ରୋଧ କରିବା ବହୁବାର ସଦସ୍ୟମାନଙ୍କୁ ଗୃହରୁ ନିଲମ୍ବିତ କରାଯାଇଛି। ସଂଜୟ ସିଂହଙ୍କର ନିଲମ୍ବନ ପ୍ରଥମ ଘଟଣା ନୁହେଁ। ସେ ଅତୀତରେ ମଧ୍ୟ ଗୃହରେ ଅଶାଳୀନ ବ୍ୟବହାର କରିଥିବାରୁ ତତ୍କାଳୀନ ଅଧ୍ୟକ୍ଷ କେ. ଭେଙ୍କୟା ନାଇଡୁ ତାଙ୍କୁ ଗୃହରୁ ନିଲମ୍ବିତ କରିଥିଲେ।
ତେବେ ସଂସଦୀୟ ଇତିହାସରେ ସବୁଠାରୁ ବଡ଼ ନିଲମ୍ବନ ଘଟଣା ୧୯୮୯ରେ ରାଜୀବ ଗାନ୍ଧୀଙ୍କ ସରକାର ସମୟରେ ହୋଇଥିଲା। ଇନ୍ଦୀରା ଗାନ୍ଧୀଙ୍କ ହତ୍ୟା ଘଟଣାର ତଦନ୍ତ କରୁଥିବା ଜଷ୍ଟିସ ଠକ୍କର କମିଶନ ରିପୋର୍ଟ ଗୃହରେ ଉପସ୍ଥାପିତ କରିବା ପାଇଁ ବିରୋଧୀଦଳ ଦାବି କରି ହଟ୍ଟଗୋଳ କରିଥିଲେ। ବାଚସ୍ପତି ହଟ୍ଟଗୋଳ କରୁଥିବା ୬୩ ଜଣ ସାଂସଦଙ୍କୁ ଗୃହରୁ ନିଲମ୍ବିତ କରିଥିଲେ। ଏହାକୁ ବିରୋଧ କରି ଅନ୍ୟ ୪ଜଣ ବିରୋଧୀ ସାଂସଦ ଗୃହ ତ୍ୟାଗ କରିଥିଲେ।
୨୦୧୪ରେ ସ୍ୱତନ୍ତ୍ର ଥେଲେଙ୍ଗାନା ରାଜ୍ୟ ଗଠନ ଆଲୋଚନାବେଳେ ବାଦାନୁବାଦ ହେବାରୁ ବାଚସ୍ପତି ମୀରାକୁମାର ୧୮ଜଣ ସାଂସଦଙ୍କୁ ଗୃହରୁ ନିଲମ୍ବିତ କରିଥିଲେ। ୨୦୧୯ ଜାନୁଆରୀରେ ବାଚସ୍ପତି ସୁମିତ୍ରା ମହାଜନ ତେଲଗୁ ଦେଶମ ପାର୍ଟି ଓ ଏଆଇଏଡିଏମକେର ୪୯ଜଣ ସାଂସଦଙ୍କୁ ଗୃହରୁ ମଧ୍ୟ ନିଲମ୍ବିତ କରିଥିଲେ।
ଭୁବନେଶ୍ୱର: ଭାରତର ପୂର୍ବତନ ପ୍ରଧାନମନ୍ତ୍ରୀ ଭାରତରତ୍ନ ସ୍ୱର୍ଗତ ରାଜୀବ ଗାନ୍ଧୀଙ୍କର ଶ୍ରାଦ୍ଧ ଦିବସ ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଶରତ ପଟ୍ଟନାୟଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି। ଏହି ଉପଲକ୍ଷେ ସକାଳେ ଭୁବନେଶ୍ୱର ରାଜୀବ ଭବନ ପରିସରରେ ଥିବା ରାଜୀବ ଗାନ୍ଧୀଙ୍କ ପ୍ରତିମୂର୍ତିରେ କଂଗ୍ରେସ ନେତୃ ବୃନ୍ଦ ମାଲ୍ୟର୍ପଣ କରିଥିଲେ।
ପରେ କଂଗ୍ରେସ ଭବନ କାର୍ଯ୍ୟାଳୟ ଠାରେ ରାଜୀବଜୀଙ୍କ ପ୍ରତିମୂର୍ତିରେ ଶ୍ରଦ୍ଧାସୁମନ ଅର୍ପଣ କରାଯାଇଥିଲା। ଏହି ସମସ୍ତ କାର୍ଯ୍ୟ କ୍ରମରେ କଂଗ୍ରେସ ନେତୃବୃନ୍ଦ ସର୍ବଶ୍ରୀ ପୂର୍ବଚନ ପିସିସି ସଭାପତି ଶ୍ରୀ ପ୍ରସାଦ ହରିଚନ୍ଦନ, ରାମଚନ୍ଦ୍ର ଖୁଂଟିଆ, ସୁରେଶ କୁମାର ରାଉତରାୟ, ଅନନ୍ତ ସେଠୀ, ଶିବାନନ୍ଦ ରାୟ, ବିଜୟ ପଟ୍ଟନାୟକ, ସିଏସ ରାଜନ ଏକ୍କା, କିଶୋର ଜେନା, ଲଲାଟେନ୍ଦୁ ମହାପାତ୍ର, ବିଶ୍ୱଜିତ ଦାଶ, ୟାସିର ନୱାଜ, ମନୋରଞ୍ଜନ ଦାଶ, ଶ୍ରୀନିବାସ ରାଉତରାୟ, ମାନସ ଅଚାର୍ଯ୍ୟ ଉପସ୍ଥିତ ଥିଲେ।
ସେହିପରି ତରୁଣ ମିଶ୍ର, ପ୍ରକାଶ ମିଶ୍ର, ସୁଦର୍ଶନ ଦାସ, ସୁବ୍ରତ ମହାପାତ୍ର, ରଣଜିତ ପାତ୍ର, ସଂକୁନା କହଁର, ଅଜୟ ସାହୁ, ଶିଳ୍ପିଶ୍ରୀ ହରଚନ୍ଦନ, ଜୟକୃଷ୍ଣ ସୁବୁଦ୍ଧି, ସଂଜୟ ମିଶ୍ର, ବିରେନ ସେନାପତି, କୈଳାସ ସାହୁ, ମଂଟୁ ମଲ୍ଲିକ, ସେନ ହେମ୍ବ୍ରମ, ପ୍ରଣତି ମିଶ୍ର, ପ୍ରଭାତ ପ୍ରତାପ ସିଂ, ବିନୋଦ ପାଣି, ସୁଧାଂଶୁ ମହାନ୍ତି, ମନୋରଞ୍ଜନ ରାଉତରାୟ, ଅମିତା ବିଶ୍ୱାଳ, ଜ୍ୟୋତିଷ ସାହୁ, ଆଲୋକ ମହାନ୍ତି, ଲିଙ୍ଗରାଜ ସାହୁ, ଖଗେଶ୍ୱର ମଲ୍ଲିକ, ଦେବେନ୍ଦ୍ର ଦାସ, ଗୁଣନିଧି ଶା, ଶ୍ରୀୟାସ୍ମିତା ପଣ୍ଡା ପ୍ରମୁଖ ବହୁ କଂଗ୍ରେସ କର୍ମୀ ଉପସ୍ଥିତ ଥିଲେ ।