The Samikhsya Odia
ଭୁବନେଶ୍ବର: ଆଜି ହେଉଛି ଚିତାଲାଗି ଅମାବାସ୍ୟା। ଆଜି ପ୍ରଭୃଙ୍କ ମସ୍ତକରେ ରତ୍ନ ଚିତା ଲାଗି ହେବା ସହିତ ଚିତାଉ ପିଠା ଭୋଗ କରାଯିବ। ଏହି ସେବା ଗୁପ୍ତ ସେବା ହୋଇଥିବାରୁ ଶ୍ରୀମନ୍ଦିର ବନ୍ଦ ରହିବ। ଶ୍ରୀମନ୍ଦିର ପ୍ରଶାସନ ଅନୁସାରେ ଆଜି ଅପରାହ୍ନ ୨ଟାରୁ ୬ଟା ପର୍ଯ୍ୟନ୍ତ ଶ୍ରୀମନ୍ଦିର ବନ୍ଦ ରହିବ।
ପରଂପରା ଅନୁସାରେ ମହାପ୍ରଭୃ ଯେତେବେଳେ ସ୍ନାନ ମଣ୍ଡପକୁ ବିଜେ କରନ୍ତି ସେତେବେଳେ ତାଙ୍କ ମଥାରୁ ରତ୍ନଚିତା ବାହାର କରାଯାଇ ରତ୍ନ ଭଣ୍ଡାରରେ ରଖାଯାଏ। ସେହି ଚିତାକୁ ଶ୍ରାବଣ ମାସ ଅମବାସ୍ୟାରେ ଏହି ଚିତା ଲାଗି କରାଯାଇଥାଏ। ସେଥିପାଇଁ ଏହାକୁ ଚିତାଲାଗି ଅମବାସ୍ୟା ବୋଲି କୁହାଯାଏ।
ଭୁବନେଶ୍ବର: ଆଜି ହେଉଛି ପବିତ୍ର ରଥଯାତ୍ରା। ଲୋକାରଣ୍ୟ ହୋଇପଡିଛି ବଡ ଦାଣ୍ଡ। ପ୍ରଭୃ ଜଗନ୍ନାଥ ଭାଇ ଭଉଣୀଙ୍କୁ ସାଥିରେ ଧରି ବାହାରିବେ ଶ୍ରୀଗୁଣ୍ଡିଚା ମନ୍ଦିର। ସେଥିପାଇଁ ସିଂହଦ୍ବାରରେ ତିନିରଥ ଶ୍ରୀଜୀୟୁଙ୍କୁ ଅପେକ୍ଷା କରି ରହିଛନ୍ତି।
ଏହି ଉପଲକ୍ଷେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ କହିଛନ୍ତି ଯେ, ପବିତ୍ର ରଥଯାତ୍ରା ଅବସରରେ ସମସ୍ତଙ୍କୁ ମୋର ହାର୍ଦ୍ଦିକ ଶୁଭକାମନା।ମହାପ୍ରଭୁଙ୍କ ଆଶୀର୍ବାଦ ଓ ଆପଣମାନଙ୍କ ସହଯୋଗରେ ବିକାଶର ନନ୍ଦିଘୋଷ ନୂଆ ଓଡ଼ିଶାର ପଥକୁ ସୁଗମ କରୁ। ଜୟ ଜଗନ୍ନାଥ।
ପୁରୀ, ଶେଷରେ ଘଡଘଡ ନାଦରେ ବଡଦାଣ୍ଡରେ ଚାଲିଛି ରଥ। ଭକ୍ତ ନ ଥିଲେ ମଧ୍ୟ ସେବକମାନେ ରଥକୁ ଟାଣି ଟାଣି ନେଉଛନ୍ତି। ଆଶ୍ଚର୍ଯର କଥା ପୂର୍ବ ନିର୍ଦ୍ଧାରିତ ସମୟର ଯଥେଷ୍ଠ ପୂର୍ବରୁ ରଥଟଣା ଆରମ୍ଭ ହୋଇଯାଇଛି। ଅର୍ଥାତ ପ୍ରାୟ ଦୁଇ ଘଣ୍ଟା ପୂର୍ବରୁ ଏହି ରଥଟଣା ଆରମ୍ଭ ହୋଇଛି।
ଶ୍ରୀମନ୍ଦିର ପ୍ରଶାସନ ଅନୁସାରେ ରଥଟଣା ଆଜି ଅପରାହ୍ନ 3ଟାରେ ଆରମ୍ଭ କରିବାକୁ ନିର୍ଦ୍ଧାରିତ ହୋଇଥିଲା। ହେଲେ ଆଜି ପ୍ରଭୃଙ୍କ ସମସ୍ତ ନୀତିକାନ୍ତି ଯଥେଷ୍ଠ ପୂର୍ବରୁ ଆରମ୍ଭ ହୋଇଛି।
ଆଜି ସକାଳୁ 8ଟା 30ରେ ଆରମ୍ଭ ହୋଇ 11ଟା 30 ପର୍ଯ୍ୟନ୍ତ ଠାକୁରଙ୍କ ପହଣ୍ଡି ବିଜେ ହେବ ବୋଲି ନିର୍ଦ୍ଧାରିତ ହୋଇଥିଲା। ହେଲେ ପହଣ୍ଡି ବିଜେ ଦିନ 10ଟା ଭିତରେ ଶେଷ ହୋଇଯାଇଥିଲା। ସେହିପରି ଛେରା ପହଁରା ଦିନ 12ଟାରୁ 2ଟା 45 ମିନଟ ଭିତରେ ହେବ ବୋଲି କୁହାଯାଇଥିଲା। ହେଲେ ଛେରା ପହଁରା ଦିନ 12ଟା 30 ରେ ଶେଷ ହୋଇଯାଇଛି।
ଛେରା ପହଁରା ଶେଷ ହେବା ପରେ ରଥ ଟଣା ପାଇଁ ଆରମ୍ଭ ହୋଇଥିଲା ପ୍ରସ୍ତୁତି। ନିର୍ଦ୍ଧାରିତ ସମୟ ଥିଲା ଦିନ 3 ଟାରେ ରଥଟଣା ଆରମ୍ଭ କରାଯିବ। ହେଲେ ଏହାର ଦୁଇ ଘଣ୍ଟା ପୂର୍ବରୁ ଅର୍ଥାତ ଦିନ ପ୍ରାୟ 1 ଟା ବେଳେ ରଥଟଣା ଆରମ୍ଭ ହୋଇଯାଇଛି। ବର୍ତ୍ତମାନର ରିତିନୀତି ଅନୁସାରେ ଆଜି ଅପରାହ୍ନ 3 ଟା ସୁଦ୍ଧା ଗୁଣ୍ଡିଚା ମନ୍ଦିରରେ ତିନି ରଥ ଲାଗିଯିବ।