ପୂର୍ବତନ ଡଚ ବ୍ୟାଙ୍କର ଭାରତ ମୁଖ୍ୟ ରବନୀତ ଗିଲ ୟେସ ବ୍ୟାଙ୍କର ସିଇଓ ଏବଂ ଏମଡି ଭାବେ ନିଯୁକ୍ତ ହୋଇଛନ୍ତି । ସେ ୨୦୦୪ ମସିହାରୁ ୟେସ ବ୍ୟାଙ୍କର ସଂସ୍ଥାପକ ଥିବା ରଣା କପୁରଙ୍କ ସ୍ଥାନ ଗ୍ରହଣ କରିବେ । ରବନୀତ୍ ମାର୍ଚ୍ଚ ୨୦୧୯ଠାରୁ ୨୦୨୦ ଫେବୃଆରୀ ୨୮ ତାରିଖ ପର୍ଯ୍ୟନ୍ତ ଏହି ପଦ ସମ୍ଭାଳିବେ । ବ୍ୟାଙ୍କର ଅନ୍ତରୀଣ ଏମ୍ଡ଼ି ଓ ସିଇଓ ରହିଥିବା ଅଜୟ କୁମାର ସିଂହ ବର୍ତ୍ତମାନ ନନ୍ ଏଜ୍କ୍ୟୁଟିଭ୍ ନନ୍ ଇଣ୍ଡିପେଣ୍ଡେଡ୍ ନିର୍ଦ୍ଦେଶକ ରୂପେ କାର୍ଯ୍ୟ କରିବେ । ରାଣା କପୁର ବ୍ୟାଙ୍କ୍ର ୧୦.୬୬ ପ୍ରତିଶତ ଅଂଶୀଦାର ଅଟନ୍ତି ଯାହାର ବଜାର ମୂଲ୍ୟ ପ୍ରାୟ ୫୮୦୦ କୋଟି ଟଙ୍କା ହେବ ।