ନୂଆଦିଲ୍ଲୀ : କିସ୍ ବା ଚୁମ୍ବନ ପ୍ରେମ ପରିପ୍ରକାଶ କରିବାର ଅନ୍ୟ ଏକ ମାଧ୍ୟମ । ପ୍ରେମୀ ପ୍ରେମିକାକୁ, ସ୍ବାମୀ ସ୍ତ୍ରୀଙ୍କୁ ଚୁମ୍ବନ କରିଥା’ନ୍ତି । ବନ୍ଧୁମାନେ ମଧ୍ୟ ବନ୍ଧୁତ୍ବ କିସ୍ ଦେଇ ନିଜର ଭାବ ପରିପ୍ରକାଶ କରିଥା’ନ୍ତି । କିନ୍ତୁ ଆପଣ କେବେ ଶୁଣିଛନ୍ତି ଯେ, ଜଣେ କିସ୍ କରି ଲକ୍ଷ ଟଙ୍କା ଓ ହୀରାର ମୁଦି ଜିତିପାରିଛନ୍ତି ବୋଲି । ଥାଇଲାଣ୍ଡରେ ରହୁଥିବା ଏକ କପଲ୍ ପୂରା 58 ଘଣ୍ଟା କିସ୍ କରି ନିଜ ନାମରେ ଏକ ଅନନ୍ୟ ରେକର୍ଡ କରିଛନ୍ତି। ଏହା ସହିତ ଆକର୍ଷଣୀୟ ଉପହାର ମଧ୍ୟ ପାଇଛନ୍ତି ।
ଥାଇଲାଣ୍ଡର ଏହି କପଲ୍ 10 -15 ମିନିଟ୍ ନୁହେଁ, ପୂରା 58 ଘଣ୍ଟା 35 ମିନିଟ୍ 58 ସେକେଣ୍ଡ ପର୍ଯ୍ୟନ୍ତ ଦୁହେଁ ଦୁହିଁଙ୍କୁ ଚୁମ୍ବନ ଦେଇ ରେକର୍ଡର ଅଧିକାରୀ ହୋଇଛନ୍ତି । ଏହି ଚୁମ୍ବନକୁ ଦୁନିଆର ସବୁଠୁ ଦୀର୍ଘ ଚୁମ୍ବନ ବା କିସ୍ ବୋଲି ଅଭିହିତ କରାଯାଇଛି । ଏପରିକି ଦୁହେଁ ଟଏଲଟ୍ ଯିବା ସମୟରେ ମଧ୍ୟ କିସ୍ କରିବା ବନ୍ଦ କରିନଥିଲେ । ଦୀର୍ଘ ସମୟ ଧରି କିସ୍ କରିଥିବା ଏହି କପଲ୍ ରେକର୍ଡର ଅଧିକାରୀ ହେବା ସହ 2 ଲକ୍ଷ ଟଙ୍କା ଓ ଦୁଇଟି ହୀରା ମୁଦି ଜିତିଛନ୍ତି । (ଏଜେନ୍ସି)
