Tag: sachintendulkar

Categories
ଆଜିର ଖବର ଖେଳ

ଲାରାଙ୍କ ଅପେକ୍ଷା ସଚିନ୍‌ଙ୍କୁ ଆଉଟ୍‌ କରିବା କଷ୍ଟସାଧ୍ୟ : ଗିଲେସ୍ପୀ

ନୂଆଦିଲ୍ଲୀ : ଭାରତୀୟ କ୍ରିକେଟ୍‌ କିମ୍ବଦନ୍ତୀ ସଚିନ୍‌ ତେନ୍ଦୁଲକରଙ୍କ ପ୍ରଶଂସାରେ ଶତମୁଖ ହୋଇଛନ୍ତି ପୂର୍ବତନ ଅଷ୍ଟ୍ରେଲୀୟ ଫାଷ୍ଟ ବୋଲର ଜାସନ୍‌ ଗିଲେସ୍ପୀ । ଉଭୟ ଲାରା ଏବଂ ତେନ୍ଦୁଲକର କ୍ରିକେଟ୍‌ର ମହାନତମ ବ୍ୟାଟ୍ସମ୍ୟାନ୍‌ । ଉଭୟ ବ୍ୟାଟ୍ସମ୍ୟାନ୍‌ଙ୍କୁ ଆଉଟ୍‌ କରିବା କଷ୍ଟସାଧ୍ୟ ମାତ୍ର ଲାରାଙ୍କୁ ଆଉଟ୍‌ କରିବା ଅପେକ୍ଷାକୃତ ସହଜ । ଉଭୟ ଖେଳାଳିଙ୍କ ମଧ୍ୟରେ ସଚିନ୍‌ଙ୍କ ଡିଫେନ୍ସ ଅଧିକ ଶକ୍ତିଶାଳୀ । ଏକାଧିକ ଥର ସଚିନ୍‌ଙ୍କୁ ଆଉଟ୍‌ କରିବା କେବଳ କଷ୍ଟସାଧ୍ୟ ହୋଇନଥାଏ ବରଂ ଅସମ୍ଭବ ପ୍ରତୀୟମାନ ହୋଇଥାଏ । ଉଭୟଙ୍କ ଖେଳାଳିଙ୍କ ମଧ୍ୟରେ ଆଲୋଚନା କରିବା ପାଇଁ ସୁଯୋଗ ମିଳିଥିବାରୁ ଫ୍ୟାନ୍‌ ମାନଙ୍କୁ ଧନ୍ୟବାଦ ଜ୍ଞାପନ କରିଥିଲେ । (ଏଜେନ୍ସି)

Categories
ଆଜିର ଖବର ଖେଳ

ଲରେସ୍‌ ଓ୍ବାର୍ଲ୍ଡ ସ୍ପୋର୍ଟସ୍‌ ଆଓ୍ବାର୍ଡରେ ତେନ୍ଦୁଲକରଙ୍କ ବିଶ୍ବକପ୍‌ ବିଜୟକୁ ଶ୍ରେଷ୍ଠ କ୍ଷଣର ପୁରସ୍କାର

ମୁମ୍ବାଇ : ଲରେସ୍‌ ଓ୍ବାର୍ଲ୍ଡ ସ୍ପୋର୍ଟସ୍‌ ଆଓ୍ବାର୍ଡରେ ବିଜୟୀଙ୍କ ତାଲିକା ଘୋଷଣା କରାଯାଇଛି । ଭାରତୀୟ କିମ୍ବଦନ୍ତୀ କ୍ରିକେଟର ସଚିନ୍‌ ତେନ୍ଦୁଲକରଙ୍କ ବିଶ୍ବକପ୍‌ ବିଜୟ କ୍ଷଣକୁ ଦଶନ୍ଧିର ଶ୍ରେଷ୍ଠ କ୍ଷଣ ଭାବରେ ଘୋଷଣା କରାଯାଇଛି । ଲୁଇସ୍‌ ହାମିଲ୍‌ଟନ୍‌ ଏବଂ ଲିଓନେଲ୍‌ ମେସିଙ୍କୁ ଯୁଗ୍ମ ଭାବରେ ବର୍ଷର ଶ୍ରେଷ୍ଠ ପୁରୁଷ ଖେଳାଳି ଭାବରେ ମନୋନୀତ କରାଯାଇଥିବା ବେଳେ ଆମେରିକୀୟ ଜିମ୍ନାଷ୍ଟ ସିମୋନ୍‌ ବାଲିସ୍‌ଙ୍କୁ ଶ୍ରେଷ୍ଠ ମହିଳା ଖେଳାଳି ଘୋଷଣା କରାଯାଇଛି । ଉଲ୍ଲେଖଯୋଗ୍ୟ ଯେ, ପୁରୁଷ ବର୍ଗରେ ରୋଜର ଫେଡେରର ଏହି ପୁରସ୍କାର 5 ଥର ହାସଲ କରିଥିବା ବେଳେ ସେରେନା ଓ୍ବିଲିୟମ୍ସ 4 ଥର ଏହି ପୁରସ୍କାର ହାସଲ କରିଛନ୍ତି ।

ଲରେସ୍‌ ଓ୍ବାର୍ଲ୍ଡ ସ୍ପୋର୍ଟସ୍‌ ଆଓ୍ବାର୍ଡ 2020ର ସମ୍ପୂର୍ଣ୍ଣ ତାଲିକା :
ଲରେସ୍‌ ଓ୍ବାର୍ଲ୍ଡ ଶ୍ରେଷ୍ଠ ପୁରୁଷ ଖେଳାଳି : ଲୁଇସ୍‌ ହାମିଲଟନ୍‌ ଏବଂ ଲିଓନେଲ୍‌ ମେସି
ଲରେସ୍‌ ଓ୍ବାର୍ଲ୍ଡ ଶ୍ରେଷ୍ଠ ମହିଳା ଖେଳାଳି : ସିମୋନ୍‌ ବାଲିସ୍‌
ଲରେସ୍‌ ଓ୍ବାର୍ଲ୍ଡ ଶ୍ରେଷ୍ଠ ଦଳ : ଦକ୍ଷିଣ ଆଫ୍ରିକା ରଗ୍‌ବୀ ଦଳ
ବ୍ରେକ୍‌ଥ୍ରୁ ଅଫ୍‌ ଦ ଇୟର : ଏଗାଲ୍‌ ବର୍ଣ୍ଣାଲ୍‌
କମ୍‌ବ୍ୟାକ୍‌ ଅଫ୍‌ ଦ ଇୟର : ସୋଫିଆ ଫ୍ଲୋର୍ସ୍ଚ
ଲରେସ୍‌ ଓ୍ବାର୍ଲ୍ଡ ଶ୍ରେଷ୍ଠ ଦିବ୍ୟାଙ୍ଗ ଖେଳାଳି : ଓକ୍‌ସାନା ମାଷ୍ଟର୍ସ
ଲରେସ୍‌ ଓ୍ବାର୍ଲ୍ଡ ଦଶନ୍ଧିର ଶ୍ରଷ୍ଠ ମୂହୁର୍ତ୍ତ : ସଚିନ୍ ତେନ୍ଦୁଲକର୍‌
ଲାଇଫ୍‌ ଟାଇମ୍‌ ଆଚିଭ୍‌ମେଣ୍ଟ ଆଓ୍ବାର୍ଡ : ଡିର୍କ ନୋଓ୍ବିଜ୍‌କି

Categories
ଆଜିର ଖବର ଖେଳ

ବୁସ୍‌ଫାୟାର୍‌ ଲିଗ୍‌ରୁ 7.7 ମିଲିୟନ୍‌ ଡଲାର ସଂଗୃହୀତ

ମେଲବୋର୍ଣ୍ଣ : ଅଷ୍ଟ୍ରେଲିଆର ଜଙ୍ଗଲ ନିଆଁ ସହାୟତା ପ୍ରଦାନ ପାଇଁ ଖେଳାଯାଇଥିବା କ୍ରିକେଟ୍‌ ମ୍ୟାଚ୍‌ରେ 7.7 ମିଲିୟନ୍‌ ଡଲାରର ଅର୍ଥରାଶି ସଂଗୃହୀତ ହୋଇଛି । ଏହି ମ୍ୟାଚ୍‌ ପାଇଁ ସଚିନ ତେନ୍ଦୁଲକର, ବ୍ରାୟାନ୍‌ ଲାରା, ଓ୍ବାସିମ୍‌ ଆକ୍ରମ୍‌, ରିକି ପଣ୍ଟିଂ, ଆଡାମ ଗିଲକ୍ରିଷ୍ଟ ଏବଂ ଯୁବରାଜ ସିଂଙ୍କ ପରି ଖେଳାଳି ଫେରିଥିଲେ । ଏହା ସହିତ ଏହି ମ୍ୟାଚ୍‌ରେ ଅଷ୍ଟ୍ରେଲିଆ ମହିଳା ଦଳର କିଛି ସଦସ୍ୟ ମଧ୍ୟ ଏହି ମ୍ୟାଚ୍‌ ଖେଳିଥିଲେ । ଏହି ମ୍ୟାଚ୍‌ ବ୍ୟତିତ ସଚିନ୍‌ ଅଷ୍ଟ୍ରେଲିଆ ମହିଳା ଦଳ ସହିତ ଏକ ମ୍ୟାଚ୍‌ ଖେଳିଥିଲେ । (ଏଜେନ୍ସି)

Categories
ଆଜିର ଖବର ଖେଳ

32 ବର୍ଷରେ ପାଦ ଦେଲେ ଭାରତର ଟେଷ୍ଟ କ୍ରିକେଟ ସ୍ପେସିଆଲିଷ୍ଟ

ମୁମ୍ବାଇ : ଭାରତୀୟ କ୍ରିକେଟର ଟେଷ୍ଟ ସ୍ପେସିଆଲିଷ୍ଟ ଚେତେଶ୍ବର ପୂଜାର 32 ବର୍ଷରେ ପାଦ ଦେଇଛନ୍ତି । ଶନିବାର ପୂଜାରା 32 ବର୍ଷରେ ପାଦ ଦେଇଥିବା ବେଳେ ଅନେକ ଭାରତୀୟ ଖେଳାଳି ତାଙ୍କୁ ଶୁଭକାମନା ଜଣାଇଛନ୍ତି । ଅଷ୍ଟ୍ରେଲିଆ ବିପକ୍ଷରୁ ନିଜର ଟେଷ୍ଟ କ୍ୟାରିୟର ଆରମ୍ଭ କରିଥିବା ପୂଜାର ଉକ୍ତ ସିରିଜ୍‌ରେ 521 ରନ୍‌ କରି ଚର୍ଚ୍ଚାକୁ ଆସିଥିଲେ । ଏହାପରେ ନିୟମିତ ଭାବରେ ଭାରତୀୟ ଟେଷ୍ଟ ଦଳର ସଦସ୍ୟ ରହିଥିବା ପୂଜାରାଙ୍କୁ ଦ୍ରାବିଡଙ୍କ ଶ୍ରେଷ୍ଠ ବିକଳ୍ପ ଭାବରେ ବିବେଚନା କରାଯାଏ । ବିସିସିଆଇ ସମେତ ଅନେକ ଭାରତୀୟ ଖେଳାଳି ପୂଜାରାଙ୍କୁ ଜନ୍ମଦିନ ଶୁଭେଚ୍ଛା ପ୍ରଦାନ କରାଯାଇଛି । ଟେଷ୍ଟ କ୍ରିକେଟର ଅନ୍ୟତମ ଶ୍ରେଷ୍ଠ ଖେଳାଳି ଚେତେଶ୍ବର ପୂଜାରାଙ୍କୁ ଜନ୍ମଦିନର ଶୁଭେଚ୍ଛା ବୋଲି ବିସିସିଆଇ ପକ୍ଷରୁ ଟ୍ବିଟ୍‌ କରାଯାଇଛି । ସେହିପରି ମରାଠୀରେ ଟ୍ବିଟ୍‌ କରି ଶୁଭେଚ୍ଛା ଜଣାଇଥିଲେ କିମ୍ବଦନ୍ତୀ ସଚିନ୍‌ ତେନ୍ଦୁଲକର । ପୂଜାରାଙ୍କୁ ଆଉଟ କରିବା ପାଇଁ ଭଗବାନଙ୍କ ଆଶୀର୍ବାଦ ଆବଶ୍ୟକ, ଜନ୍ମଦିନର ଅନେକ ଅନେକ ଶୁଭେଚ୍ଛା ବୋଲି ସଚିନ ଟ୍ବିଟ୍ କରିଥିଲେ । ସଚିନ୍‌ଙ୍କ ବ୍ୟତିତ ମହମ୍ମଦ କୈଫ୍‌, ମୟଙ୍କ ଅଗ୍ରଓ୍ବାଲ. ଶ୍ରେୟସ୍‌ ଆୟାର, ରିଦ୍ଧିମାନ ଶାହା ପ୍ରମୁଖ ପୂଜାରାଙ୍କୁ ଜନ୍ମ ଦିନର ଶୁଭେଚ୍ଛା ଜଣାଇଥିଲେ । ପୂଜାରା ଭାରତ ପାଇଁ 75ଟି ଟେଷ୍ଟ ମ୍ୟାଚ୍‌ ଖେଳି 49.48 ହାରରେ 5740 ରନ୍‌ ସଂଗ୍ରହ କରିଛନ୍ତି । ଏହା ମଧ୍ୟରେ 18ଟି ଶତକ ଏବଂ 24 ଟି ଅର୍ଦ୍ଧଶତକ ସାମିଲ ରହିଛି ।

Categories
ଆଜିର ଖବର ଖେଳ

ନବମ ଖେଳାଳି ଭାବରେ 150 ତମ ଟେଷ୍ଟ ଖେଳିଲେ ଜେମ୍‌ସ ଆଣ୍ଡରସନ୍‌

ନୂଆଦିଲ୍ଲୀ,26/12 : ନବମ ଖେଳାଳି ଭାବରେ ଟେଷ୍ଟରେ 150 ତମ ଟେଷ୍ଟ ଖେଳିବାର ଗୌରବ ହାସଲ କରିଛନ୍ତି ଇଂଲଣ୍ଡର ଜେମ୍‌ସ ଆଣ୍ଡରସନ୍‌ । ଗୁରୁବାର ଦକ୍ଷିଣ ଆଫ୍ରିକା ବିପକ୍ଷ ବକ୍ସିଂ ଡେ ଟେଷ୍ଟ ଖେଳି ଆଣ୍ଡରସନ୍‌ ଏହି ମାଇଲଖୁଣ୍ଟ ହାସଲ କରିଛନ୍ତି । ମେ 22, 2003ରେ ଲର୍ଡସ୍‌ରେ ପଦାର୍ପଣ କରିଥିବା ଆଣ୍ଡରସନ୍‌ ଏହି ମ୍ୟାଚ୍‌ ପୂର୍ବରୁ 149 ଟେଷ୍ଟରୁ 29.64 ହାରରେ 575 ଓ୍ବିକେଟ୍‌ ଅକ୍ତିଆର କରିଛନ୍ତି । ବକ୍ସିଂ ଡେ ଟେଷ୍ଟର ପ୍ରଥମ ବଲ୍‌ରେ ଆଣ୍ଡରସନ୍‌ ଡିନ୍‌ ଏଲ୍‌ଗାରଙ୍କୁ ଆଉଟ କରି ସଫଳତା ହାସଲ କରିଥିଲେ । 200 ଟେଷ୍ଟ ସହିତ ସଚିନ୍‌ ତେନ୍ଦୁଲକର ଏହି ତାଲିକାର ଏକନମ୍ବର ସ୍ଥାନରେ ରହିଛନ୍ତି । ଅନ୍ୟତମ ଇଂଲଣ୍ଡ ଖେଳାଳି ଆଲେଷ୍ଟେୟାର କୁକ୍‌ 161 ଟେଷ୍ଟ ସହିତ ପଞ୍ଚମ ସ୍ଥାନରେ ରହିଛନ୍ତି । (ଏଜେନ୍ସୀ)