Tag: ଅପରାଧିକ ମାମଲା

କୁଜଙ୍ଗ: ଜନୈକ ଯୁବକକୁ ମରଣାନ୍ତକ ଆକ୍ରମଣର ଅଭିଯୋଗରେ ଗତକାଲି ପୋଲିସ ଜନୈକା ମହିଳାଙ୍କୁ ଗିରଫ କରିଥିଲା। ମହିଳା ଜଣଙ୍କ ହେଲେ କୁଜଙ୍ଗ ଥାନା ବଡ଼ଗବପୁର ଗ୍ରାମର ସଂଯୁକ୍ତା ଜେନା। ଉକ୍ତ ମହିଳାକୁ ଆଜି କୁଜଙ୍ଗ କୋର୍ଟରେ ହାଜର କରାଯାଇଥିଲା ମାତ୍ର ସେଠାରେ ତାର ଜାମିନ୍ ନାମଞ୍ଜୁର ହେବାରୁ ତାକୁ ସମାଗୋଳସ୍ଥିତ ବିଚାରବିଭାଗୀୟ ହାଜତକୁ ପଠାଇଦିଆଯାଇଥିବା ଜଣାପଡିଛି।

ପ୍ରକାଶ ଯେ, ଗତ ମେ ମାସ ୧୧ ତାରିଖରେ କୁଜଙ୍ଗ ଥାନା ବଡ଼ଗବପୁର ଗ୍ରାମର ଅଶୋକ କୁମାର ଖଟୁଆକୁ ପୂର୍ବ ଶତୃତାକୁ କେନ୍ଦ୍ରକରି ସେହି ଗ୍ରାମର ସୁରେନ୍ଦ୍ର ଜେନାଙ୍କ ପତ୍ନୀ ସଂଯୁକ୍ତା ଜେନା (୫୦) ଓ ତାର ପୁଅ ରାକେଶ ଜେନା (୨୫) ଯୋଜନାବଦ୍ଧ ଭାବେ ଏକ ଧାରୁଆ ଛୁରିରେ ଆକ୍ରମଣ କରିଥିଲେ। ଏଥିରେ ଆଶୋକର ପାଟି ଓ ବାମ ବାହୁରେ ଗଭୀରଭାବେ କ୍ଷତ ହୋଇଥିଲା। ସ୍ଥାନିୟ ଲୋକ ଉଦ୍ଧାର କରି ଅଶୋକକୁ ପ୍ରଥମେ ଗୋଷ୍ଠିସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା କରାଇଥିଲେ। ମାତ୍ର ସେଠାରେ ତାର ଅବସ୍ଥା ସଂକଟାପନ୍ନ ହେବାରୁ ତାକୁ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା। ଏହି ଘଟଣା ପରେ ଅଶୋକ ମେଡ଼ିକାଲରୁ ଫେରି କୁଜଙ୍ଗ ଥାନାରେ ଲିଖିତ ଭାବେ ଅଭିଯୋଗ କରିଥିଲେ।

ଅଭିଯୋଗ ଆଧାରରେ କୁଜଙ୍ଗ ପୋଲିସ୍ ୨୨୮/୨୩ ରେ ମାମଲା ରୁଜ୍ଜୁ କରି ସଂଯୁକ୍ତା ଜେନାର ପୁଅ ରାକେଶକୁ ଗିରଫକରି କୋର୍ଟ ଚାଲାଣ କରିଥିଲା। ସେହିଦିନୁ ସଂଯୁକ୍ତା ପୋଲିସ୍ ଭୟରେ ଫେରାର ହୋଇଯାଇଥିଲା। ଗତକାଲି ସଂଯୁକ୍ତା ଘରକୁ ଆସିଥିବା କୁଜଙ୍ଗ ପୋଲିସ୍ ବିଶେଷ ସୂତ୍ରରୁ ଖବର ପାଇ ତାର ଘରେ ଚଢ଼ାଉ କରିଥିଲା। ମାତ୍ର ସେଠାରେ ସଂଯୁକ୍ତା ମହିଳା ପୋଲିସକୁ ଏକ କଟୁରୀ ଦେଖାଇ ପୋଲିସ ସହିତ ଧସ୍ତାଧସ୍ତି କରି ଫେରାର ହୋଇଯିବାକୁ ଉଦ୍ୟମ କରିଥିଲା। ହେଲେ କୁଜଙ୍ଗ ପୋଲିସ ଟିମ୍ ଏସ୍‌ଆଇ ସୌଦାମିନୀ ପଣ୍ଡା, ବିଶ୍ୱଜିତ୍ ଗଡ଼ନାୟକ, ବିବେକାନନ୍ଦ ସାହୁ ତାକୁ କାବୁ କରିନେଇଥିଲେ। ମଙ୍ଗଳବାର ଉକ୍ତ ମହିଳାକୁ କୁଜଙ୍ଗ କୋର୍ଟରେ ହାଜର କରାଯାଇଥିଲା। ସେଠାରେ ତାର ଜାମିନ୍ ନାମଞ୍ଜୁର ହେବାରୁ ତାକୁ ବିଚାରବିଭାଗୀୟ ହାଜତକୁ ପଠାଇଦିଆଯାଇଥିବା ଥାନା ଅଧିକାରୀ ଶ୍ରୀଯୁକ୍ତ ରଶ୍ମୀରଞ୍ଜନ ଦାଶ କହିଛନ୍ତି।

ସୂଚନାଯୋଗ୍ୟ କି ରାକେଶ ଜେନା କୁଜଙ୍ଗ ଥାନା ଅଂଚଳରେ ବିଭିନ୍ନ ଗ୍ରାମରେ ଥିବା ବିଭିନ୍ନ ଗାଡ଼ିରୁ ନିୟମିତ ଭାବେ ବ୍ୟାଟେରୀ ଚୋରି କରିଥାଏ। ଏହି ଘଟଣାରେ ପୋଲିସ୍ ତାକୁ ପୂର୍ବରୁ ବହୁବାର ଗିରଫ କରିଥିବା କହିଛି।

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ପୋଲିସ ବିଭିନ୍ନ ଅପରାଧିକ ମାମଲାରେ ଏକାଧିକ ଅଭିଯୁକ୍ତଙ୍କୁ ଗିରଫ କରିଛି। ସୂଚନା ମୁତାବକ ଗତକାଲି ରାତିରେ ବାଲୁଗାଁ ଥାନା ଗୋପୀନାଥପୁର ଅଞ୍ଚଳରେ ଜୁଆ ଆଡ୍ଡା ଚାଲିଥିବାର ଆଇଆଇସି ରଶ୍ମିରଞ୍ଜନ ଦାସ ଖବର ପାଇଥିଲେ। ସଙ୍ଗେସଙ୍ଗେ ସମ୍ପୃକ୍ତ ସ୍ଥାନରେ ଚଢ଼ାଉ କରି ଆଇଆଇସି ୯ ହଜାର ନକଦ ଟଙ୍କା ଜବତ କରିବା ସହ ଚାରି ଜଣ ଅଭିଯୁକ୍ତଙ୍କୁ ଗିରଫ କରିଛନ୍ତି।

ସେମାନଙ୍କ ବିରୁଦ୍ଧରେ ୩ ଓପିଜି ଅଧିନିୟମ ଅନୁଯାୟୀ କେସ ନମ୍ବର ୧୮୦/୨୨ ରେ ମାମଲା ରୁଜୁ କରାଯାଇଛି।

ସେହିପରି ଭାବେ ଗତକାଲି ରାତିରେ ଆଙ୍କୁଲା ଗ୍ରାମରେ ବେଆଇନ ଦେଶୀ ବିଦେଶୀ ମଦ ସମେତ ଜଣେ ଅଭିଯୁକ୍ତଙ୍କୁ ବାଲୁଗାଁ ପୋଲିସ ଗିରଫ କରିଛି। ଅଭିଯୁକ୍ତଙ୍କ ନିକଟରୁ ସମୁଦାୟ ୧୨.୫ ଲିଟର ଆସ୍କା ୪୦ ଓ ବିଦେଶୀ ମଦ ଜବତ କରିବା ସହ ତାଙ୍କ ବିରୁଦ୍ଧରେ କେସ ନମ୍ବର ୧୮୧/୨୨ ରେ ମାମଲା ରୁଜୁ କରାଯାଇଛି।

ଅନୁରୂପ ଭାବେ ବାଲୁଗାଁ ପୋଲିସ ଗତକାଲି ୬ ଗୋଟି ଏନବିଡବ୍ଲୁ ୱାରେଣ୍ଟ ମଧ୍ୟ ଗିରଫ କରିଛି।

ସୂଚନା ଥାଉ କି ବିଗତ ୧୦ ଦିନ ମଧ୍ୟରେ ବାଲୁଗାଁ ପୋଲିସ ବିଭିନ୍ନ ଅପରାଧିକ ମାମଲାରେ ସମୁଦାୟ ୨୫ ଜଣ ଅଭିଯୁକ୍ତଙ୍କୁ ଗିରଫ କରିଛି। ବାଲୁଗାଁ ଥାନା ଅଞ୍ଚଳର କୌଣସି ସ୍ଥାନରେ ମଦ, ଜୁଆ, ଗଞ୍ଜେଇ କାରବାର ଚାଲୁଥିବାର ଯଦି କୌଣସି ବ୍ୟକ୍ତିବିଶେଷ ସୂଚନା ପାଆନ୍ତି, ତେବେ ସେ ନିର୍ଦ୍ବନ୍ଦରେ ଆଇଆଇସିଙ୍କ ବ୍ୟକ୍ତିଗତ ନମ୍ବର ୭୦୦-୮୩୨-୩୮୦୭ ରେ ସୂଚନା ଦେବାକୁ ଶ୍ରୀ ଦାସ ଅନୁରୋଧ କରିଛନ୍ତି। ସୂଚନା ଦାତାଙ୍କ ନାମକୁ ସମ୍ପୂର୍ଣ୍ଣ ଗୋପନୀୟ ରଖାଯିବ ବୋଲି ଆଇଆଇସି କହିଛନ୍ତି।

କନ୍ଦର୍ପ ବେହେରା

ରେଢାଖୋଲ: ଆଜି ନାକଟିଦେଉଳ ପୋଲିସ୍ ପୁରୁଣା ଅପରାଧିକ ମାମଲାରେ କେଲୋବେନୀ ଗ୍ରାମର ଜୟନ୍ତ ସେଠ୍ କୁ ଜଙ୍ଗଲରୁ ଗିରଫ କରିବାରେ ସଫଳ ହୋଇଛି।

ପୋଲିସ୍ ସୂତ୍ରରୁ ପ୍ରକାଶ ଯେ, ନାକଟିଦେଉଳ ଥାନା କେଲୋବେନୀ ଗ୍ରାମର ଜୟନ୍ତ ସେଠ୍‌ (୪୦) ନାମକ ଯୁବକ ବିଭିନ୍ନ ସମୟରେ ବହୁ ଅପରାଧିକ କାର୍ଯ୍ୟକଳାପରେ ସଂଶ୍ଳିଷ୍ଟ ଥିବାର ଅଭିଯୋଗ ହୋଇଥିଲା। ତା ନାମରେ କୁଚିଣ୍ଡା, ଛେଣ୍ଡିପଦା, ଦେବଗଡ, ରିଆମାଳ, ଅନୁଗୁଳ, ତାଳଚେର ଆଦି ଥାନାରେ ଚୋରି, ଡକାୟତି, ହତ୍ୟା ଆଦି ମାମଲା ଥିବା ଅଭିଯୋଗ ଥିଲା।

୨୦୧୦ ମସିହାରେ ଛେଣ୍ଡିପଦା ଥାନାର ଥାନାଧିକାରୀଙ୍କୁ ଯେଉଁ ଟିମ୍ ହାଣି ପକାଇଥିଲେ ସେ ମଧ୍ୟ ସେଥିରେ ସାମିଲ୍ ଥିବା ଅଭିଯୋଗ ହୋଇଥିଲା। ସେଇ ଦିନ ଠାରୁ ସେ ଫେରାର୍ ହୋଇଯାଇଥିଲା। ତା ନାମରେ ସେଇ ଦିନ ଠାରୁ ବିଭିନ୍ନ ଥାନାରେ ମାମଲା ରୁଜୁ ମଧ୍ୟ ହୋଇଥିଲା। କୋର୍ଟରେ ତା ନାମରେ ୭ଟି ମାମଲା ଥିବା ଜଣା ପଡିଛି। ସେ ଫେରାର୍ ଥିବାରୁ ତାକୁ ପୋଲିସ୍ ଧରିପାରି ନ ଥିଲା। ଏପରିକି ସେଇ ଦିନ ଠାରୁ ନାକଟିଦେଉଳ ପୋଲିସ୍ ତାକୁ ଗିରଫ କରିବାକୁ ଜାଲ ବିଛାଇଥିଲା।

ଗତ ତା ୧୮/୯/୨୦୨୧ (ଶନିବାର) ରେ ରାତିରେ ଚେନ୍ନାଇରୁ ସେ ଘରକୁ ଆସିଥିବା ନାକଟିଦେଉଳ ପୋଲିସ୍ କୁ ଖବର ଆସିଥିଲା। ଦୁଇ ଦିନ ହେଲା ନାକଟିଦେଉଳ ପୋଲିସ୍ ତାକୁ ଧରିବାକୁ ଉଦ୍ୟମ କରିଥିଲା। ସେ ଜଙ୍ଗଲରେ ଦୁଇ ଦିନ ହେଲା ରହୁଥିବାରୁ ପୋଲିସ୍ ଧରିବାରେ ବିଫଳ ହେଉଥିଲା। ଆଜି ନାକଟିଦେଉଳ ପୋଲିସ୍ ରହୁଥିବା ଜଙ୍ଗଲକୁ ଯାଇ ଅଭିଯୁକ୍ତ ଜୟନ୍ତ ସେଠ୍‌କୁ ଧରିବାରେ ସଫଳ ହୋଇଥିଲା। ତାକୁ ଆଜି କୋର୍ଟ ଚାଲାଣ କରାଯାଇଥିବା ନାକଟିଦେଉଳ ଥାନାଧିକାରୀ ବିଧୂଭୂଷଣ ମିଶ୍ର ପ୍ରକାଶ ରେିଛନ୍ତି।