ଭୁବନେଶ୍ବର: ଓଡିଶା ସ୍ବାସ୍ଥ୍ୟ ବିଭାଗର ୪୭ଟି ପଦବୀ ପାଇଁ ନିଯୁକ୍ତି ସୂଚନା ପ୍ରକାଶ ପାଇଛି। ଏହି ପଦବୀ ଗୁଡିକ ରାଜ୍ୟ ପବ୍ଲିକ ସର୍ଭିସ କମିସନ ମାଧ୍ୟମରେ ଚୟନ କରାଯିବ। ସେଥିପାଇଁ ଓପିଏସସି ଏକ ନିଯୁକ୍ତି ବିଜ୍ଞାପନ ପ୍ରକାଶ କରିଛି। ଏହି ମନୋନିତ ପ୍ରାର୍ଥୀମାନେ ସ୍ବାସ୍ଥ୍ୟ ବିଭାଗ ଅଧିନରେ ଥିବା ଓଡିଶା ଡ୍ରଗସ କଣ୍ଟ୍ରୋଲରରେ ଡ୍ରଗସ ଇନସ୍ପେକ୍ଟର ଭାବେ ନିଯୁକ୍ତି ପାଇବେ।
ସୂଚନା ଅନୁସାରେ ଏହି ପ୍ରାର୍ଥୀମାନଙ୍କର ବୟସ ୨୧ ବର୍ଷରୁ ୩୮ ବର୍ଷ ମଧ୍ୟରେ ହୋଇଥିବ। ସେମାନେ ଫାର୍ମାସୀରେ ଡକ୍ଟରେଟ ବା ଡି ଫାର୍ମା ବା ଏମ ଫାର୍ମ କରିଥିବା ଆବଶ୍ୟକ। ଏମାନେ ରାଜ୍ୟ ସରକାରଙ୍କ ଗ୍ରୁପ ବି ସ୍ଲାବରେ ଆସିବେ। ଫଳରେ ଏମାନଙ୍କର ଦରମା ୪୪୯୦୦ ରୁ ଆରମ୍ଭ ହୋଇ ୧,୪୨୪୦୦ ଟଙ୍କା ପର୍ୟ୍ୟନ୍ତ ପାଇପାରିବେ। ଏ ସଂପର୍କରେ ବିସ୍ତୁତ ତଥ୍ୟ www.opsc.gov.in କୁ ଲଗଅନ କରି ଜାଣିପାରିବେ। ତେବେ ଆସନ୍ତା ୧୫ ତାରିଖରୁ ପ୍ରାର୍ଥିମାନେ ଆବେଦନ କରିବେ। ଏହି ଆବେଦନ ଅକ୍ଟୋବର ୧୦ ତାରିଖରେ ଶେଷ ହେବ।