କନ୍ଦର୍ପ ବେହେରା
ରେଢ଼ାଖୋଲ: ସରକାର ଗରୀବ ମାନଙ୍କ ପାଇଁ ବହୁ ଯୋଜନା କାର୍ଯ୍ୟକାରୀ କରିଛନ୍ତି। ଗରୀବ ଲୋକମାନଙ୍କର ଚିକିତ୍ସା ପାଇଁ ମଧ୍ୟ ସରକାର ଯୋଜନା କରିଛନ୍ତି ହେଲେ ଗ୍ରାମାଞ୍ଚଳର ଲୋକମାନେ ଏହି ସବୁ ସୁବିଧାସୁଯୋଗରୁ ବଂଚିତ ହେଉଛନ୍ତି।
ନାକ୍ଟିଦେଉଳ ବ୍ଲକ୍ ଜାମୁଯୋରୀ ପଂଚାୟତର କୁଡାନାଳୀ ଗ୍ରାମର କାହ୍ନା ମଲ୍ଲହାର ବୟସ ମାତ୍ର ୩ବର୍ଷ। ମହ୍ଲାର ସାହିର ତପନ ମହ୍ଲାର ଓ ଉତ୍ତମ ମହ୍ଲାରଙ୍କ ପୁଅ। ଜନ୍ମରୁ ମୁହଁରେ ରହିଛି ଗ୍ରହଣ ଖଣ୍ଡିଆ। ପଇସା ପତ୍ର ଅଭାବରୁ ପୁଅକୁ ଚିକିତ୍ସା କରିପାରୁ ନାହାନ୍ତି ବାପା, ମାଆ। ଉଭୟ ମୂଲ ମଜୁରି କାମ କଲେ ଯାଇ ଦି ଓଳି ପେଟକୁ ମୁଠାଏ ପାଆନ୍ତି। ନ ହେଲେ ଭୋକ ଉପାସରେ ଦିନ କଟିଯାଏ। ଚାଳ ଛପର ଘର। ଘର ଖଣ୍ଡେ ମଧ୍ୟ ନାହିଁ।
ହେଲେ ୩ ବର୍ଷର ଗ୍ରହଣ ଖଣ୍ଡିଆ ପୁଅକୁ ପାଇ ବାପା ମା ଦୁଃଶ୍ଚିନ୍ତାରେ। ହାତରେ ପଇସା ପତ୍ର ନ ଥିବାରୁ ଲକ୍ଷାଧିକ ଟଙ୍କା ସାରି ଚିକିତ୍ସା କରିବାରୁ ବଂଚିତ ହେଉଛନ୍ତି। ଗ୍ରହଣ ଖଣ୍ଡିଆ ଦିନକୁ ଦିନ ବଢ଼ିବାରେ ଲାଗିଛି। ସାହାଯ୍ୟ କରିବା ପାଇଁ ବହୁ ବ୍ୟକ୍ତି ଙ୍କୁ ନେହୁରା ହୋଇଥିଲେ ମଧ୍ୟ କୌଣସି ସହଯୋଗ ମିଳି ପାରି ନ ଥିବା ପ୍ରକାଶ କରିଛନ୍ତି। ଗରିବ ଅଶିକ୍ଷିତ ହୋଇଥିବାରୁ ପୁଅର ଚିକିତ୍ସା ପାଇଁ କୋୖଣସି ସରକାରୀ ସାହାଯ୍ୟ ପାଇଁ ଆବେଦନ କରି ପାରୁନାହାନ୍ତି।
ସମ୍ବଲପୁର ଜିଲ୍ଲା ପ୍ରଶାସନ, ସ୍ଵାସ୍ଥ୍ୟ ବିଭାଗ,ବ୍ଲ କ୍ ପ୍ରଶାସନ ଦୃଷ୍ଟି ଦେବାକୁ ସ୍ବେଚ୍ଛାସେବୀ ଅନୁଷ୍ଠାନ ଆଦ୍ୟାଶା ଫାଉଣ୍ଡେସନ ତରଫରୁ ରଶ୍ମିତା ରାଉତ ଓ ସରୋଜ ସାହୁ ଦାବୀ କରିଛନ୍ତି।