Tag: ଗଞ୍ଜେଇ ଚାଲାଣ

କନ୍ଦର୍ପ ବେହେରା
ରେଢାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲରେ ଦିନକୁ ଦିନ ଗଂଜେଇ ଚୋରାଚାଲାଣ ବଢିଚାଲିଛି। ପୋଲିସ୍ ଓ ଅବକାରୀ ବିଭାଗ ବହୁ ସମୟରେ ଚୋରା ବେପାରୀମାନଙ୍କୁ ଧରିବାରେ ବିଫଳ ହେଉଛି।

ଗତକାଲି ବିଳମ୍ବିତ ରାତ୍ରିରେ ବୌଦ୍ଧ ରେଢ଼ାଖୋଲ ରାସ୍ତା କଦଳିଗଡ ଟୋଲଗେଟ ନିକଟରେ ବେଆଇନ ଗଂଜେଇ ଚୋରାଚାଲାଣ ପାଇଁ ସଜବାଜ ହେଉଥିବା ବେଳେ ଅବକାରୀ ବିଭାଗ ଧରିବାରେ ସଫଳ ହୋଇଛି। ଉଇଙ୍ଗର୍ ଗାଡ଼ିର ସିଟ ତଳେ ଏକ ଭିନ୍ନ ଧରଣର ଚେମ୍ବର ତିଆରିକରି ଗଞେଇ ଲୋଡିଙ୍ଗ ଚାଲୁଥିବାବେଳେ ରେଢ଼ାଖୋଲ ଅବକାରୀ ବିଭାଗ ଖବର ପାଇ ଗାଡିକୁ ଚଢ଼ାଉ କରି ୧୦୫ କେଜି ଗଂଜେଇ ଜବତ କରିବା ସହ ୨ ଜଣଙ୍କୁ ଅଟକ ରଖିଥିବା ଜଣାପଡିଛି। ଗଂଜେଇ ର ଆନୁମାନିକ ମୂଲ୍ୟ ହେବ ୧୧ଲକ୍ଷ ବୋଲି ଅବକାରୀ ବିଭାଗ କହିଛି। ଗିରଫ ବ୍ୟକ୍ତି ଦୁଇ ଜଣ ହେଲେ ବିହାର ଅଂଚଳର ଗୌତମ କୁମାର(୨୮) ଓ ଲବକୁସ ରାମ(୨୩)।

ଚଢ଼ାଉ ସମୟରେ ଅନ୍ୟ ଏକ ହିରୋ ବାଇକ ରୁ (ଓଆର୧୫କ୍ୟୁ ୦୪୨୯) ୫ କେଜି ଗଞ୍ଜେଇ ଜବତ କରିଛି ଅବକାରୀ ବିଭାଗ ା ବୌଦ୍ଧ ରୁ ରେଢ଼ାଖୋଲ ରାସ୍ତାରେ ଯାଉଥିବାବେଳେ ବାଇକରେ ଯାଉଥିବା ଗଞେଇ ବେପାରୀ ଧରା ପଡିଯାଇଥିଲା।  ରେଢ଼ାଖୋଲ ଆମ୍ବଝୁରି ଗ୍ରାମର ପଙ୍କଜ ପ୍ରଧାନ(୫୫) କୁ ଅବକାରୀ ବିଭାଗ ଗିରଫ କରିଛି। ଅବକାରି ଇନ୍ସପେକ୍ଟର ପବିତ୍ର ମୋହନ ମାଝୀ ଙ୍କ ନିର୍ଦ୍ଦେଶରେ ଏଏସ ଆଇ ସଞ୍ଜୟ ବରିହା, ବନମାଳୀ ନାଏକ ସମେତ ଅବକାରୀ ବିଭାଗର ସମସ୍ତ ଟିମ୍ ସାମିଲ୍ ହୋଇଥିଲେ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ତପ୍ତପାଣି ନିକଟରେ ୨୧ କିଲୋ ଗଞ୍ଜେଇ ଜବତ ହୋଇଥିବା ବେଳେ ୩ ନାବାଳକଙ୍କୁ ପୋଲିସ ଅଟକ ରଖିଛି।

ସୂଚନା ଅନୁଯାୟୀ, ପାଟପୁର ଥାନା ପୋଲିସ ଏସ୍ ଆଇ ମିଲନ୍ ପ୍ରଧାନ ସଦଳବଳେ ପେଟ୍ରୋଲିଂ କରୁଥିବା ସମୟରେ ତପ୍ତପାଣି ନିକଟରେ ସନ୍ଦେହ ଜନକ ଭାବେ ୩ ନାବାଳକଙ୍କୁ ଅଟକାଇଥିଲା। ୨ ଟି ମୋଟରସାଇକେଲକୁ ଅଟକାଇ ଯାଞ୍ଚ କରିବା ପରେ ସେମାନେ ଧରିଥିବା ୨ ଟି ବ୍ୟାଗ୍ ରୁ ୨୧ କିଲୋ ଗଞ୍ଜେଇ ଜବତ କରିଥିଲା। ଅଟକ ୩ ନାବାଳକଙ୍କୁ ପୋଲିସ ବାଳସୁଧାର ଗୃହକୁ ପଠାଇଦେଇଛି।

ଭୁବନେଶ୍ଵର: କନ୍ଧମାଳରୁ ନୟାଗଡ଼ ଦେଇ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ଏସଟିଏଫ ମାଡି ବସିଛି। ଦୁଇ ଜଣ ଗିରଫ। ନୟାଗଡ଼ ଜିଲ୍ଲା ଇଟାମାଟି ଥାନା ଅଞ୍ଚଳରେ ଏହି ଘଟଣା ଘଟିଛି।  ପୁର୍ବରୁ ଖବର ପାଇ ଇଟାମାଟି ପୋଲିସ ସହାୟତାରେ ଏସଟିଏଫ ବିଭିନ୍ନ ସ୍ଥାନରେ ଚଢ଼ାଉ କରିଥିଲା।

ତେବେ ପରିଶେଷରେ ଏକ ନିର୍ଦ୍ଦିଷ୍ଟ ଇନୋଭା କାରକୁ ଠାବ କରି ତାଲାସି ନେଇଥିଲା ଏସଟିଏଫ। ତାଲାସି ବେଳେ ଉକ୍ତ କାରରୁ ୧୦୬ କେଜିରୁ ଉର୍ଦ୍ଧ୍ଵ ଗଞ୍ଜେଇ ଜବତ ହୋଇଥିବା ବେଳେ ଦୁଇ ଅଭିଯୁକ୍ତ ଗିରଫ ହୋଇଛନ୍ତି।

ଗିରଫ ଅଭିଯୁକ୍ତ ଦ୍ବୟ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅଞ୍ଚଳର ଯୁଗଳ ନାୟକ (୨୯) ଏବଂ ଫୁଲବାଣୀ ଥାନା ଅଞ୍ଚଳର ରଞ୍ଜିତ ଭୋଇ (୨୪)। ଏ ସଂକ୍ରାନ୍ତରେ ଇଟାମାଟି ଥାନାରେ କେସ ନମ୍ବର ୧୨୯/୨୩ ରେ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଥିବା ଜଣାପଡିଛି।

ଖୋର୍ଦ୍ଧା: ଆଜି ଖୋର୍ଦ୍ଧା ଟାଉନ ଥାନା ପୋଲିସ ଲକ୍ଷାଧିକ ଟଙ୍କାର ଗଞ୍ଜେଇ ଜବତ କରିବା ସହ ଦୁଇ ଜଣ ଅଭିଯୁକଙ୍କୁ ଗିରଫ କରିଛି। ସୂଚନା ମୁତାବକ ଏକ କାର ଯୋଗେ କନ୍ଧମାଳ ଜିଲ୍ଲାରୁ ବିପୁଳ ପରିମାଣର ଗଞ୍ଜେଇ ଖୋର୍ଦ୍ଧା ଦେଇ ଭୁବନେଶ୍ୱର ଅଭିମୁଖେ ଚାଲାଣ ହେଉଥିବାର ଖବର ପାଇଥିଲା ପୋଲିସ। ଏସପି ଙ୍କ ନିର୍ଦେଶକ୍ରମେ ଏବଂ ସଦର ଏସଡିପିଓ ଏବଂ ଟାଉନ ଥାନା ଆଇଆଇସିଙ୍କ ତତ୍ୱାବଧାନ ରେ ଏକ ଟିମ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା ।

ପରିଶେଷରେ ଉକ୍ତ କାରକୁ ଠାବ କରିବାରେ ସଫଳ ହୋଇଥିଲା ପୋଲିସ । କାରର ତଲାସି ନେବାରୁ ସେଥିରୁ ୨୮.୨୦୦ କେଜି ଗଞ୍ଜେଇ ଜବତ ହୋଇଛି ଯାହାର ଆନୁମାନିକ ମୂଲ୍ୟ ୦୨ ଲକ୍ଷ ୮୦ ହଜାର ଟଙ୍କା ହେବ । ଏହି ବାବଦରେ ଦୁଇ ଅଭିଯୁକ୍ତ ମଧ୍ୟ ଗିରଫ ହୋଇଛନ୍ତି । ଗିରଫ ଅଭିଯୁକ୍ତ ମାନେ ହେଲେ କନ୍ଧମାଳ ଜିଲ୍ଲା ସାରଙ୍ଗଗଡ଼ ଥାନା ଅଞ୍ଚଳର ସମିଳନ ପ୍ରଧାନ (୨୮) ଏବଂ ଗୌତମ ପ୍ରଧାନ (୨୯) । ଗିରଫ ଅଭିଯୁକ୍ତମାନଙ୍କୁ ଆଜି କୋର୍ଟଚାଲାଣ କରାଯାଇଛି ।

ସୀତାରାମ ଅଗ୍ରୱାଲ

ବାଲୁଗାଁ: ଫୁଲବାଣୀରୁ ବାଇକରେ ଗଞ୍ଜେଇ ଚାଲାଣ କରୁଥିବା ବେଳେ ବାଟରେ ମାଡି ବସିଲା ପୋଲିସ। ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅଞ୍ଚଳରେ ଏଭଳି ଘଟଣା ଘଟିଛି। ସୂଚନା ମୁତାବକ ଫୁଲବାଣୀ ଜିଲ୍ଲାରୁ ଏକ ନିର୍ଦ୍ଦିଷ୍ଟ ବାଇକ ଯୋଗେ ଗଞ୍ଜେଇ ଚାଲାଣ ହେଉଥିବାର ପୋଲିସକୁ ଖବର ମିଳିଥିଲା। ଖୋର୍ଦ୍ଧା ଏସପି ଏବଂ ବାଲୁଗାଁ ଏସଡିପିଓଙ୍କ ନିର୍ଦ୍ଦେଶକ୍ରମେ ବାଲୁଗାଁ ଆଇଆଇସି ରଶ୍ମିରଞ୍ଜନ ଦାସଙ୍କ ନେତୃତ୍ୱରେ ଏକ ଟିମ ଗଠନ କରାଯାଇ ବିଭିନ୍ନ ଅଞ୍ଚଳରେ ନାକାବନ୍ଦୀ ଜାରି ରହିଥିଲା।

ତେବେ ନାଭାଲ ଫାଣ୍ଡି ନୂଆଗଡ଼ ଓଭରବ୍ରିଜ ନିକଟରେ ଏକ ବାଇକ ଦୃତଗତିରେ ପୋଲିସ କଟକଣାକୁ ନମାନି ଭୁବନେଶ୍ୱର ଅଭିମୁଖେ ଯାଉଥିଲା। ବାଲୁଗାଁ ପୋଲିସ ଉକ୍ତ ବାଇକକୁ ଗୋଡ଼ାଇ ପରିଶେଷରେ ଧୂଁଆଳ ନିକଟରେ କାବୁ କରିଥିଲା ଏବଂ ବାଇକର ତଲାସି ନେଇଥଲା।

ତାଲାସି ବେଳେ ପୋଲିସ ଉକ୍ତ ବାଇକରୁ ଏକ ବ୍ୟାଗ ଜବତ କରିଛି ଯେଉଁଥିରେ ୨୭ କେଜି ଗଞ୍ଜେଇ ମିଳିଛି। ଅଭିଯୁକ୍ତ ଜଣକ କୋଦଳା ଥାନା ଅଞ୍ଚଳର ଅକ୍ଷୟ ଜେନା ବୋଲି ଜଣାପଡିଛି। ଅକ୍ଷୟ ଗଞ୍ଜେଇଗୁଡିକ ଫୁଲବାଣୀ ଜଙ୍ଗଲରୁ ଆଣି କେଜି ୧୫ ହଜାର ଟଙ୍କା ଦରରେ ଗୁଜୁରାଟ ସୁରଟକୁ ଟ୍ରେନ ଯୋଗେ ଚାଲାଣ ପାଇଁ ଉଦ୍ୟତ ହେଉଥିଲେ। ଜବତ ଗଞ୍ଜେଇର ମୂଲ୍ୟ ପାଖାପାଖି ୩ ଲକ୍ଷ ଟଙ୍କାରୁ ଉର୍ଦ୍ଧ୍ଵ ହେବ ବୋଲି ଜଣାପଡିଛି।

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲାର ଜାତୀୟ ରାଜପଥ ୨୬ ଗଞ୍ଜେଇ ଚାଲାଣର ମୂଖ୍ୟ ରାଜପଥ ପାଲଟିଛି। ଗତକାଲି ବୋଇତି କଖାରୁ ବୋଝେଇ ସ୍ୱରାଜ ମଜଡା ମିନି ଟ୍ରକ ଭିତରେ ୫୭୩ କେଜି ଗଞ୍ଜେଇ ଉତ୍ତର ପ୍ରଦେଶ ଚାଲାଣ କରାଯାଉଥିବା ବେଳେ କେସିଙ୍ଗା ପୋଲିସ ଦ୍ୱାରା ଜବତ କରାଯାଇ ସୁବାସ ଚୌଧୂରୀ ଓ ନିତିନ ଚୌଧୂରୀ ନାମକ ଦୁଇଜଣ ଅଭିଯୁକ୍ତକୁ ଗିରଫ କରାଯାଇଥିଲା। ରାୟଗଡା ଜିଲ୍ଲା ପଦମପୁର ଠାରୁ ଉତ୍ତରପ୍ରଦେଶ ସ୍ଥିତ ଗଜିଆବାଦକୁ ଯାଉଥିବା ବୋଇତିକଖାରୁ ଭର୍ତ୍ତି ମିନିଟ୍ରକ ଭିତରେ ୨୮୦ ପାକେଟରେ ଗଞ୍ଜେଇ ଭର୍ତ୍ତି କରାଯାଇ ଚାଲାଣ କରାଯାଉଥିବା ବେଳେ ପୋଲିସ ଜବତ କରିଥିବା ପ୍ରକାଶ।

ସେହିପରି ଏକ ବୋଲେରୋ ପିକଅପ ଭେନରେ ମକା ବୋଝେଇ କରାଯାଇ ସେମଧ୍ୟରେ ୧୧୯ ଟି ପାକେଟ କରାଯାଇ ୬୧୯ କେଜି ଗଞ୍ଜେଇ ଚାଲାଣ ସମୟରେ କେସିଙ୍ଗା ପୋଲିସ ଜବତ କରିଥିବା ଜଣାପଡିଛି। ଏକ ଫର୍ଜୀ ନମ୍ବର ଲଗାଯାଇଥିବା ବୋଲେରୋ ପିକଅପ ଭ୍ୟାନ ଦ୍ଵାରା ମକା ବସ୍ତା ମଧ୍ୟରେ ଗଞ୍ଜେଇକୁ ପୋଲିଥିନ ଗୁଡାଇ ବିହାର ଚାଲାଣ କରାଯାଉଥିବା ସମୟରେ କେର୍ସି୍ଗା ପୋଲିସ ଜବତ କରି ଅଭିଯୁକ୍ତ ବିହାର ଗୋପାଲଗଞ୍ଜ ଜିଲ୍ଲାର ସୋନୁ ରୟ ନାମକ ବ୍ୟକ୍ତିକୁ ଗିରଫ କରିଥିବା ପୋଲି ଅଧିକ୍ଷକଙ୍କ ସୂତ୍ରରୁ ପ୍ରକାଶ।

ପୋଲିସ ନଜରରୁ ବଂଚିବା ପାଇଁ ଅଭିଯୁକ୍ତମାନେ ବିଭିନ୍ନ ଉପାୟରେ କଳାହାଣ୍ଡି ମଧ୍ୟ ଦେଇ ଏନଏଚ୨୬ ଉପରେ ଗଞ୍ଜେଇ ଚାଲାଣ ହେଉଥିବା ବେଳେ କଳାହାଣ୍ଡି ଏସପି ଶ୍ରବଣ ବିବେକ ଙ୍କ କଡା ନିର୍ଦ୍ଦେଶରେ ସେସବୁ ଚୋରାଚାଲାନକୁ ପୋଲିସ ଝବତ କରି ଏନଡିପିଏସ ଆଇନ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରୁଥିବା ଜଣାପଡିଛି।

ନୟାଗଡ଼: ରଣପୁର ଥାନା ପୋଲିସକୁ ମିଳିଛି ଏକ ବଡ ସଫଳତା। ବିପୁଳ ପରିମାଣର ଗଞ୍ଜେଇ ସହ ଏକ ୧୦ ଚକିଆ ଟ୍ରକ୍ ପୋଲିସ ଜବତ କରିଛି। ଏହାସହ ଆନ୍ତରାଜ୍ୟ ଚୋରା ଗଞ୍ଜେଇ ଚାଲାଣ ର‌୍ୟାକେଟକୁ ଧରିବାରେ ମଧ୍ୟ ପୋଲିସ ସଫଳ ହୋଇଛି।

ନୟାଗଡ଼ ଜିଲ୍ଲା ରଣପୁର ଥାନା ପୋଲିସ ଏକ ଆନ୍ତରାଜ୍ୟ ଗଞ୍ଜେଇ ଚୋରାଚାଲାଣ ର‌୍ୟାକେଟକୁ ଗିରଫ କରିବା ସହ ବ୍ୟବହାର ହୋଇଥିବା ଏକ ୧୦ ଚକିଆ ଟ୍ରକ୍ ଓ ସେଥିରୁ ୩ କୁଇଣ୍ଟାଲ ୬୬ କେଜି ଗଞ୍ଜେଇ ଜବତ କରିଛି। ଗିରଫ ଅଭିଯୁକ୍ତମାନଙ୍କୁ ରଣପୁର ପୋଲିସ ଆଜି କୋର୍ଟ ଚାଲାଣ କରିଥିବା ରଣପୁର ଆଇଆଇସି ଜ୍ୟୋତିପ୍ରକାଶ ପଣ୍ଡା ସୂଚନା ଦେଇଛନ୍ତି।

ପୋଲିସ ସୂତ୍ରରୁ ମିଳିଥିବା ଖବର ଅନୁସାରେ ବିପୁଳ ପରିମାଣର ଗଞ୍ଜେଇ ଚାଲାଣ ହେଉଥିବା ବିଶ୍ୱସ୍ତ ସୂତ୍ରରୁ ଖବର ପାଇ ଆଇଆଇସି ଶ୍ରୀ ପଣ୍ଡା, ଏସଆଇ ପ୍ରୀତି ପ୍ରକାଶ ମହାନ୍ତି ସଦଳବଳେ ରାଜସୁନାଖଳା କୋଟଗଡ ଘାଟି ନିକଟରେ ଜଗି ରହିଥିଲେ। ମଙ୍ଗଳବାର ସନ୍ଧ୍ୟା ୭ଟାରେ ସଂନ୍ଦିଗ୍ଧ ୧୦ଚକିଆ ଟ୍ରକ୍‌କୁ ଘାଟି ନିକଟରେ ଅଟକାଇ ଯାଞ୍ଚ କରିବାରୁ ସେଥିରେ ଗଞ୍ଜେଇ ଥିବା ଦେଖି ଗଞ୍ଜେଇ ସହ ଟ୍ରକ୍‌କୁ ଜବତ କରିଥିଲେ।

ଗିରଫ ଅଭିଯୁକ୍ତମାନେ ହେଲେ ଆଠଗଡ ଜେନାପଦାର କାଳନ୍ଦିଚରଣ ରଣା, ଗୁଣ୍ଠୁଣିର ପବିତ୍ର କୁମାର ନାୟକ, ବେଗୁନିଆର ନାରାୟଣ ପରିଡା, ଭଞ୍ଜଗର ତାରିସେଣି ର ଭିକାରୀ ସେଠୀଙ୍କ ସମେତ ଉତ୍ତରପ୍ରଦେଶ ବାରଣାସୀ ଅଞ୍ଚଳର ଆରେଖ କୁମାର ଓ ବିନୟ କୁମାର।

ଏହି ଗଞ୍ଜେଇ ବିଶାଖାପାଟଣା ଅଞ୍ଚଳରୁ ଉତ୍ତରପ୍ରଦେଶ ବାରଣାସୀ ଯାଉଥିଲା ବୋଲି ପୋଲିସ ଗିରଫ ଅଭିଯୁକ୍ତମାନଙ୍କୁ ଜେରା କଲାବେଳେ ଜାଣିବାକୁ ପାଇଛି। ଏହି ଆନ୍ତରାଜ୍ୟ ଗଞ୍ଜେଇ ଚୋରା ଚାଲାଣରେ ଓଡ଼ିଶାର କିଛି ଗଞ୍ଜେଇ ବେପାରୀ ସାମିଲ୍ ଥିବାର ଅନୁମାନ କରାଯାଉଛି।

କିଶୋର ପଟ୍ଟନାୟକ

ନବରଙ୍ଗପୁର: ନବରଙ୍ଗପୁର ପୋଲିସକୁ ମିଳିଛି ବଡ଼ ସଫଳତା। ଗତକାଲି ନବରଙ୍ଗପୁର ପୋଲିସ ୧୫୨ କିଲୋ ଗଞ୍ଜେଇ, ୯୦ହଜାର ଟଙ୍କା ସହ ୩ ଟି ଗାଡି ଜବତ ଓ ୬ ଜଣକୁ ଗିରଫ କରିଥିଲା। ଆଜି ପୁଣି ଏକ କଣ୍ଟେନରରେ ଜୟପୁରରୁ ଉତ୍ତର ପ୍ରଦେଶକୁ ପ୍ରାୟ ୨୫ ଲକ୍ଷରୁ ଉର୍ଦ୍ଧ୍ଵ ଟଙ୍କାର ଗଞ୍ଜେଇ ଚାଲାଣ ହେଉଥିବା ବେଳେ ନବରଙ୍ଗପୁର ପୋଲିସ ଚଢ଼ାଉ କରି ଡ୍ରାଇଭର ସମେତ ତାର ସହଯୋଗୀକୁ ଅଟକ ରଖିଛି।

ନବରଙ୍ଗପୁର ଏସ.ପି ନିତିନ କୁଶଳକରଙ୍କ ନିର୍ଦ୍ଦେଶକ୍ରମେ ନବରଙ୍ଗପୁର ଥାନା ଅଧିକାରୀ ପ୍ରତ୍ୟୁଷ ମହାପାତ୍ରଙ୍କ ପ୍ରତ୍ୟେକ୍ଷ ତତ୍ତ୍ବାବଧାନରେ କୌଣସି ସୂତ୍ରରୁ ଖବର ପାଇଁ ନବରଙ୍ଗପୁର ପୋଲିସ ଇନ୍ଦ୍ରାବତୀ ନଦୀ ନିକଟରୁ କଣ୍ଟେନର କୁ ପିଛା କରି ନବରଙ୍ଗପୁର ଥାନା ପାଖରେ ଅଟକାଇ ତଦନ୍ତ କରିଥିଲେ। କଣ୍ଟେନର ର ବିଭିନ୍ନ ଜାଗାରେ ଗଞ୍ଜେଇ ଲୁଚାଇ ରଖିଥିବା ଦେଖିବା ପରେ ତୁରନ୍ତ କଣ୍ଟେନର ଓ ଗଞ୍ଜେଇକୁ ସିଜ କରିବା ସହ ଡ୍ରାଇଭର ଓ ତାର ସହଯୋଗୀଙ୍କୁ ଅଟକ ରଖିଛି। ଡ୍ରାଇଭର ଜଣକ ଉତ୍ତର ପ୍ରଦେଶର ହୋଇଥିବା ବେଳେ ସହଯୋଗୀ କୋରାପୁଟ ଜିଲ୍ଲାର ବୋଲି ସୂଚନା ମିଳିଛି।

ବର୍ତ୍ତମାନ ଜଣେ ମାଜିଷ୍ଟ୍ରେଟଙ୍କ ଉପସ୍ଥିତିରେ ସିଜ ହୋଇଥିବା ଗଞ୍ଜେଇ ଗୁଡିକ ଓଜନ କରାଯାଉଛି। କିନ୍ତୁ, ଜବତ ଗଞ୍ଜେଇ ଗୁଡିକର ଆନୁମାନିକ ମୂଲ୍ୟ ୨୫ ଲକ୍ଷରୁ ଉର୍ଦ୍ଧ୍ଵ ହେବ ବୋଲି ପ୍ରାଥମିକ ତଦନ୍ତ ପରେ ନବରଙ୍ଗପୁର ପୋଲିସ ସୂଚନା ଦେଇଛି।

ପ୍ରକାଶ ଥାଉଁ ଯେ କରୋନାରେ ଲକଡାଉନ ଓ ସଟଡାଉନ ଯୋଗୁଁ ଅଧିକାଂଶ ଗଞ୍ଜେଇ ଚାଲାଣ ହେଉଥିବାର ଖବର ଆସୁଥିଲା। କିନ୍ତୁ, ବର୍ତ୍ତମାନ ନବରଙ୍ଗପୁର ଥାନାରେ ନୂତନ ଭାବେ ଯୋଗ ଦେଇଥିବା ଥାନା ଅଧିକାରୀ ପ୍ରତ୍ୟୁଷ ମହାପାତ୍ର ଗଞ୍ଜେଇ ଚାଲାଣକୁ ରୋକିବାରେ ସଫଳ ହୋଇଛନ୍ତି।