Tag: ଚୋରା ଚାଲାଣ

ଟାଙ୍ଗୀ (ସୀତାରାମ ଅଗ୍ରୱାଲ): ଦାମୀ ଗାଡ଼ିରେ ଗଞ୍ଜେଇ ଚୋରା ଚାଲାଣ କରୁଥିବା ବେଳେ ଟାଙ୍ଗୀ ପୋଲିସ ଧରିବାରେ ସଫଳ ହୋଇଛି। ଚାଲାଣକାରୀମାନେ ନୂଆ ଉପାୟରେ ଗଞ୍ଜେଇ ଚାଲାଣ କରି ବେଆଇନ ଭାବେ ମୋଟା ଅଙ୍କର ଟଙ୍କା ରୋଜଗାର କରିବାକୁ ଚେଷ୍ଟା କରୁଥିଲେ। ହେଲେ କୁହୁଡି ନିକଟ ୧୬ ନମ୍ବର ଜାତୀୟ ରାଜପଥରେ ଟାଙ୍ଗୀ ପୋଲିସର ଗାଡି ମୋଟର ତନଖି ବେଳେ ସେମାନେ ଧରା ପଡିଥିଲେ।

ସେମାନଙ୍କ ନିକଟରୁ ୫୩ କେଜି ଗଞ୍ଜେଇ ଜବତ କରାଯାଇଛି। ଏବଂ ସେଥିରେ ସାମିଲ ଥିବା ଦୁଇ ମହିଳାଙ୍କ ସମେତ ୪ ପୁରୁଷଙ୍କୁ ପୋଲିସ ଗିରଫ କରିଛି। ତେବେ ଚାଲାଣକାରୀମାନଙ୍କ ନିକଟରୁ ଟାଙ୍ଗୀ ପୋଲିସ ୩ ହଜାର ଟଙ୍କା ଓ ୭ ଟା ମୋବାଇଲ ଫୋନ ଜବତ କରିଛି।

ଗିରଫ ଅଭିଯୁକ୍ତମାନେ ହେଲେ ଉତ୍ତମ ସାହୁ (୨୯ ବର୍ଷ), ନାରାୟଣ ସାହୁ (୩୯ବର୍ଷ), ଅଜୟ ସାହୁ (୨୧ବର୍ଷ), ଶଙ୍କର ପ୍ରଧାନ (୩୧ବର୍ଷ), ଅନିତା ପଣ୍ଡା (୩୩ବର୍ଷ), ପିଙ୍କୁ ପ୍ରଧାନ (୨୧ବର୍ଷ)। ସମସ୍ତ ଅଭିଯୁକ୍ତମାନେ ଗଞ୍ଜାମରୁ ଭୁବନେଶ୍ୱରକୁ ଗଞ୍ଜେଇ ଚୋରା ଚାଲାଣ କରୁଥିବା ଜଣାପଡିଛି। ସେମାନେ ବ୍ୟବହାର କରିଥିବା ଦାମୀ କାରଟିକୁ ମଧ୍ୟ ପୋଲିସ ଜବତ କରିଛି।

ଏ ନେଇ ଟାଙ୍ଗୀ ଥାନା ପରିସରରେ ଟାଙ୍ଗୀ ଥାନା ଆଇ ଆଇ ସି ସୁଶାନ୍ତ କୁମାର ବେହେରଙ୍କ ଉପସ୍ଥିତରେ SDPO ଅନିଲ କୁମାର ମହାନ୍ତି ପ୍ରେସ ମିଟରେ ସୂଚନା ଦେଇଛନ୍ତି।

କନ୍ଦର୍ପ ବେହେରା

ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ ଅନ୍ତର୍ଗତ ଲୁହାପଙ୍କ ଗ୍ରାମ ପଞ୍ଚାୟତ ବୈଷ୍ଣବଝୁଲି ଗ୍ରାମ ୫୫ ନଂ ଜାତୀୟ ରାଜପଥ ରାସ୍ତା କଡ଼ରେ ବେଆଇନ ଗ୍ୟାସ ଚୋରା ଚାଲାଣ ହେଉଥିବା ବେଳେ ରେଢାଖୋଲ ପୋଲିସ୍ ଖଵର ପାଇ ୫ ଟି ଗ୍ୟାସ ବୋଝେଇ ଟେଙ୍କର୍ ସହିତ ୪୦ ରୁ ୪୫ ଟି ଗ୍ୟାସ ସିଲିଣ୍ଡର ଜବତ କରାଯାଇଥିବା ବେଳେ ଏଥିରେ ୭ ଜଣ ଅଭିଯୁକ୍ତ କୁ ଗିରଫ କରିଛି। ଅଭିଯୁକ୍ତ ମାନେ ହେଲେ ରାଉରକେଲା ଅଞ୍ଚଳର ଦୁର୍ଗା ଚରଣ ପୁଲେଇ, ଗଞ୍ଜାମ ଜିଲ୍ଲା ର କବିରାଜ ନାଏକ, ଆଲାଉଦିନ ଖାଁ, ଅନ୍ତର୍ଯ୍ୟାମୀ ପଣ୍ଡା, ବିନୟ ସିଂ, ହନିଫ ଖାଁ, ରାଜ କିଶୋର ବେହେରା।

ପୋଲିସ୍ ସୂତ୍ରରୁ ପ୍ରକାଶ ଯେ, ୫୫ ନଂ ଜାତୀୟ ରାଜପଥ ରାସ୍ତା କଡ ଓ ରାସ୍ତା କଡ ଢ଼ାବା ଗୁଡି଼କରେ ବେଆଇନ ଭାବରେ ଗ୍ୟାସ ଚୋରା ଚାଲାଣ ଦିନକୁ ଦିନ ବଢ଼ିବାରେ ଲାଗିଛି। ଏହାକୁ ନେଇ ପୋଲିସ ପାଖରେ ବାରମ୍ବାର  ଅଭିଯୋଗ ହେଉ ଆସୁଥିଲା। ଏଥିରେ ବିଳମ୍ବିତ ରାତ୍ରୀରେ ଗ୍ୟାସ ଚୋରା ଚାଲାଣ ହେଉଥିବା ନେଇ ପୋଲିସ ଖବର ପାଇ ସମ୍ବଲପୁର ଜିଲ୍ଲା ଏସପି ମୁକେଶ କୁମାର ଭାମୁ ଙ୍କ ନିର୍ଦ୍ଦେଶ କ୍ରମେ ରେଢ଼ାଖୋଲ ପୋଲିସ ଏକ ସ୍ବତନ୍ତ ଟିମ ଗଠନ କରି ୫୫ ନଂ ଜାତୀୟ ରାଜପଥ ବୈଷ୍ଣବଝୁଲି ରାସ୍ତା କଡ଼ ଢ଼ାବା ରେ ଅତର୍କିତ ଭାବେ ଚଢ଼ାଉ କରି ୫ ଟି ଗ୍ୟାସ ବୋଝେଇ ବଡ଼ ଟେଙ୍କର ଟିଏସ ୧୨ ସି ୮୧୩୭, ଟିଏସ ୧୨ ୟୁବି ୬୩୫୧, ଏନଏଲ୍ ୦୧ ଏନ ୮୫୯୦, ଓଡି ୧୫ ଏମ ୩୩୦୧, ଏନଏଲ ୦୧ ଏଲ୍ ୫୧୧୧ ବିଶିଷ୍ଟ ଗ୍ୟାସ ବୋଝେଇ ଟେଙ୍କର ସହିତ ୪୦ ରୁ ୪୫ ଗ୍ୟାସ ସିଲିଣ୍ଡର ବୋଝେଇ ପିକଅପ ଭ୍ୟାନ ଜବତ କରିବା ସହିତ ଉକ୍ତ ୭ ଜଣ ଅଭିଯୁକ୍ତ ଙ୍କୁ ଗିରଫ କରିଛି।

ଗିରଫ ଅଭିଯୁକ୍ତମାନଙ୍କୁ ଆଜି କୋର୍ଟ ଚାଲାଣ କରାଯାଇଛି।

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଅଞ୍ଚଳରେ ପିଡ଼ିଏସ ସାମଗ୍ରୀର ଚୋରା ଚାଲାଣ ସନ୍ଦେହରେ ପୋଲିସ ଏକ ଟାଟା ଏସି ଗାଡ଼ିକୁ ଜବତ କରିଛି। ଉକ୍ତ ଗାଡିଟି ଭେଟେଶ୍ୱର ଆଡୁ ବାଣପୁରକୁ ଆସୁଥିବାର ପୋଲିସ ଖବର ପାଇଥିଲା। ତେଣୁ ସନ୍ଦିଗ୍ଧ ଗାଡିଟିକୁ ପୋଲିସ ଅଟକ ରଖିବା ପରେ ସେଥିରୁ ପିଡ଼ିଏସ ସାମଗ୍ରୀ ଦେଖିବାକୁ ପାଇଥିଲା। ଗାଡିଟିକୁ ଜବତ କରି ପୋଲିସ ଥାନାକୁ ନେଇ ଆସିଥିବା ବେଳେ ଏହା ଉପରେ ତଦନ୍ତ ଜାରି ରହିଛି। ଏନେଇ ବାଲୁଗାଁ ଏସଡ଼ିପିଓ ମାନସ ରଞ୍ଜନ ବାରିକ ସୂଚନା ଦେଇଛନ୍ତି।

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲା ମଦନପୁର ରାମପୁର ଥାନା ଅଞ୍ଚଳରୁ ବିପୁଳ ପରିମାଣର ଗଞ୍ଜେଇ ଜବତ କରିଛି ପୋଲିସ। ମୋହନଗିରି ଅଞ୍ଚଳରୁ ଏକ ପିକ୍ଅପ ଭ୍ୟାନରେ ଗଞ୍ଜେଇ ଚୋରା ଚାଲାଣ ହେଉଥିବା ନେଇ ମଦନପୁର ରାମପୁର ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇ ଚଢ଼ଉ କରିଥିବା ପ୍ରକାଶ।

ମୋହନଗିରି ଅଞ୍ଚଳରୁ ଏକ ପିକ୍ଅପ ଭ୍ୟାନର ଗୁପ୍ତ ଚ୍ୟାମ୍ବରରେ ଗଞ୍ଜେଇ ଚୋରା ଚାଲାଣ ହେଉଥିବା ନେଇ ଏମ୍. ରାମପୁର ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇଥିଲା। ଏହାପରେ ଏକ ସ୍ୱତନ୍ତ୍ର ଟିମ୍‌ ଗଠନ କରିଥିଲା ପୋଲିସ୍। ଏହି ଟିମ୍ ଏମ୍. ରାମପୁର ନିକଟରେ ପିକ୍ଅପ ଭ୍ୟାନକୁ କାବୁ କରିବାକୁ ସକ୍ଷମ ହୋଇଥିଲା। ପିକ୍‌ଅପ ଭ୍ୟାନରୁ ପୋଲିସ ବିପୁଳ ପରିମାଣରେ ଗଞ୍ଜେଇ ଜବତ କରିବା ସହ ଏଥିରେ ସମ୍ପୃକ୍ତ ଦୁଇଜଣ ଅଭିଯୁକ୍ତଙ୍କୁ ଗିରଫ କରିଛି।

ପିକ ଅପ ଭ୍ୟାନର ଗୁପ୍ତ ଚ୍ୟାମ୍ବରରୁ ୭୦ ଟି ପ୍ୟାକେଟରେ ୬୯.୭୩ କେଜି ଗଞ୍ଜେଇ ଜବତ କରାଯାଇଛି। ଜବତ ଗଞ୍ଜେଇର ଆନୁମାନିକ ବଜାର ମୁଲ୍ୟ ଲକ୍ଷାଧିକ ଟଙ୍କା ହେବ ବୋଲି ପୋଲିସ ସୂତ୍ରରୁ ପ୍ରକାଶ।

ବାରାମ୍ବାର କଳାହାଣ୍ଡି ଜିଲ୍ଲାରେ ଗଞ୍ଜେଇ ଚାଲାଣ ହେଉଥିବା ବେଳେ କୌଣସିମତେ ପୋଲିସ ସେମାନଙ୍କୁ ଗିରଫ କରିଥିବା ନଜିର ରହିଛି। ଏହାସତ୍ତ୍ବେ ଜିଲ୍ଲାରେ ଗଞ୍ଜେଇ ଚାଲାଣକାରୀଙ୍କ ମନରେ ଭୟ ନଥିବା ଦେଖାଯାଇଛି। ସେମାନଙ୍କ ବିରୋଧରେ କଡ଼ା କାର୍ଯ୍ୟାୁନୁଷ୍ଠାନ ନିଆଯିବ ବୋଲି କଳାହାଣ୍ଡି ପୋଲିସ ଏସପି ଶ୍ରବଣ ବିବେକ ଏମ ପ୍ରକାଶ କରିଛନ୍ତି।

ପୋଲିସ ଏ ସମ୍ପର୍କରେ ମ ରାମପୁର ଥାନା କେଶ ନଂ ୧୮୪/୧୧.୦୯.୨୧ ଏନଡିପିଏସ ଆଇନ ଧାରା ୨୦(ii)(C) ଅନୁସାରେ କେଶ ରୁଜୁ କରି ଏସ ଆଇ ଜୟ ଦେବ ତାରିଣୀ ତଦନ୍ତ କରୁଥିବା ଜଣା ପଡ଼ିଛି। ମ ରାମପୁର ଥାନା ଅଞ୍ଚଳରୁ ରାୟପୁର କୁ ଚାଲାଣ କରାଯାଇ ସେଠାରେ ଏହି ଗଞ୍ଜେଇ ବିକ୍ରି କରା ଯିବାର ଯୋଜନା ହୋଇଥିବାର ପ୍ରାଥମିକ ତଦନ୍ତରୁ ପୋଲିସ ଜାଣି ପାରିଥିବା ପ୍ରକାଶ।

ସୀତାରାମ ଅଗ୍ରୱାଲ

ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ତହସିଲ ଅନ୍ତର୍ଗତ ବୃଷବନ୍ଧ ପାହାଡରେ ମାଫିଆମାନେ ବେଆଇନ ପଥର କାରବାର ଜାରି ରଖିଛନ୍ତି। ସରକାରୀ ଆଇନ୍ କାନୁନକୁ ବେଖାତିର କରି ସେମାନେ ନିଜ ନିଜର ବେଆଇନ ପଥର କାରାବରରେ ଲାଗିପଡିଛନ୍ତି। ବେଆଇନ ଭାବେ ବ୍ଲାଷ୍ଟି କରି କଳା ମୁଗୁନି ପଥରକୁ ମାଫିଆମାନେ ଚଢା ଦରରେ ଚୋରା ଚାଲାଣ କରୁଛନ୍ତି। ଯେଉଁଥିରେ ମଫିଆମାନେ ଲକ୍ଷ ଲକ୍ଷ ଟଙ୍କା କମାଇଚାଲିଛନ୍ତି। ଯାହାଫଳରେ ସରକାରୀ ରାଜସ୍ୱ ହାନି ହେଉଛି।

ତେବେ ଆଜି ବୃଷବନ୍ଧ ପାହାଡର ୩ ନଂ ଖଣିରେ ବେଆଇନ କାରବାର ଚାଲିଥିବା ନେଇ ଟାଙ୍ଗୀ ତହସିଲ ପ୍ରଶାସନ ଖବର ପାଇଥିଲା। ଏହାପରେ ଟାଙ୍ଗୀ ପୋଲିସ୍ ସହାୟତାରେ ଟାଙ୍ଗୀ ତହସିଲ ପ୍ରଶାସନ ଉକ୍ତ ଖଣିରେ ଚଢାଉ କରିଥିଲା। ଚଢାଉ ସମୟରେ ଚୋରା ଚାଲାଣ ହେବାକୁ ଥିବା କଳା ମୁଗୁନି ପଥର ବୋଝେଇ ୭ ଟି ହାଇୱା ଗାଡିକୁ ପ୍ରଶାସନ ଜଵତ କରିଛି। ଗୋଟିଏ ଗୋଟିଏ କଳା ମୁଗୁନି ପଥର ବୋଝେଇ ଗାଡିର ମୂଲ୍ୟ ଲକ୍ଷାଧୀକ ଟଙ୍କା ବୋଲି ଜଣା ପଡିଛି। ଉକ୍ତ ଚଢାଉରେ ଟାଙ୍ଗୀ ତହସିଲ ଦାର ସ୍ମୁତି ରଂଜନ ଶତପଥୀ, ଅତିରିକ୍ତ ତହସିଲ ଦାର ଶରତ ଦେହୁରୀ ଓ ସ୍ଥାନୀୟ ପୋଲିସ୍ ସାମିଲ ଥିଲେ।

ନିରାକାରପୁର: ଖୋର୍ଦ୍ଧା ଜିଲ୍ଲାରେ ଦିନକୁ ଦିନ ବେଆଇନ ଲଘୁ ଖଣିଜ ଦ୍ରବ୍ୟର ଚୋରା ଚାଲାଣ ବୃଦ୍ଧିପାଉଛି। ଏହାକୁ ଦେଖି ଜିଲ୍ଲା ପ୍ରଶାସନ ପକ୍ଷରୁ ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ କରାଯାଇ ଖୋର୍ଦ୍ଧା ଉପଖଣ୍ଡ ଅଞ୍ଚଳର ସମସ୍ତ ଥାନାଧିକାରୀଙ୍କୁ ଏ ଦିଗରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାପାଇଁ ନିର୍ଦ୍ଦେଶ ଦିଆଯାଇଥିଲା।

ଏହି ପରିପ୍ରେକ୍ଷୀରେ ଆଜି ସକାଳେ ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଅଞ୍ଚଳରେ ଥାନାଧୀକାରିଣୀ ଗୀତାଞ୍ଜଳି ନାୟକ ଲଘୁ ଖଣିଜ ଦ୍ରବ୍ୟର ଚୋରା ଚାଲାଣ ରୋକିବା ନିମନ୍ତେ ପାଟ୍ରୋଲିଂ କରୁଥିବା ବେଳେ ନିରାକାରପୁର ବଜାର ନିକଟରେ ୪ ଟି ବେଆଇନ ମାଙ୍କଡା ବୋଝେଇ ଟ୍ରକ ଯାଉଥିବାର ଦେଖିବାକୁ ପାଇଥିଲେ। ସଙ୍ଗେ ସଙ୍ଗେ ଉକ୍ତ ଗାଡ଼ିଗୁଡିକର ପିଛା କରିବା ସହ ସମସ୍ତ ଗାଡିକୁ ଆଇଆଇସି କାବୁ କରିନେଇଥିଲେ।

ଉକ୍ତ ଘଟଣାରେ ତିନି ଜଣ ଗାଡ଼ି ଚାଳକ ଧରା ପଡ଼ିଥିବାବେଳେ ଅନ୍ୟ ଜଣେ ଘଟଣାସ୍ଥଳରୁ ଖସିପଳେଇବାରେ ସକ୍ଷମ ହୋଇଥିଲା। ତେବେ ଚାରି ଗୋଟି ଗାଡ଼ିକୁ ଜବତ କରିବା ସହ ସମସ୍ତ ଅଭିଯୁକ୍ତଙ୍କ ବିରୋଧରେ ନିରାକାରପୁର ଥାନା କେସ ନମ୍ବର ୧୦୮ଏବଂ ୧୦୯ ରେ ଦୁଇ ଗୋଟି ମାମଲା ରୁଜୁକରି ଆଜି କୋର୍ଟଚାଲାଣ କରାଯାଇଥିବାର ଆଇଆଇସି ଶ୍ରୀମତୀ ନାୟକ ସୂଚନା ଦେଇଛନ୍ତି।