Tag: ଜିଓ

ପ୍ରୟାଗରାଜ: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ ପକ୍ଷରୁ ମହାକୁମ୍ଭରେ ପ୍ରତିଦିନ ଲକ୍ଷ ଲକ୍ଷ ତୀର୍ଥଯାତ୍ରୀଙ୍କ ସେବା କାର୍ଯ୍ୟ ହାତକୁ ନିଆଯାଇଛି। ପୁଷ୍ଟିକର ଭୋଜନ, ଆବଶ୍ୟକ ସ୍ୱାସ୍ଥ୍ୟସେବା, ସୁରକ୍ଷିତ ପରିବହନ ଏବଂ ଯୋଗାଯୋଗ ସଂଯୋଗ ପରି ଅନେକ ସେବା ତୀର୍ଥଯାତ୍ରୀଙ୍କୁ ରିଲାଏନ୍ସ ପକ୍ଷରୁ ପ୍ରଦାନ କରାଯାଉଛି। ‘ତୀର୍ଥଯାତ୍ରୀ ସେବା’ ମାଧ୍ୟମରେ ରିଲାଏନ୍ସ ଯାତ୍ରାକୁ ସୁରକ୍ଷିତ, ଆରାମଦାୟକ ଏବଂ ଆଧ୍ୟାତ୍ମିକ ଭାବରେ ସମୃଦ୍ଧ କରିବାକୁ ପ୍ରୟାସ କରୁଛି।

ତୀର୍ଥଯାତ୍ରୀଙ୍କୁ ୮ଟି ପ୍ରମୁଖ ଉପାୟରେ ସେବା ଯୋଗାଇ ଦିଆଯାଉଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି। ଏଥିମଧ୍ୟରୁ ସବୁଠାରୁ ବଡ ହେଉଛି ଅନ୍ନସେବା, ଯାହା ଅଧୀନରେ ପ୍ରତିଦିନ ହଜାର ହଜାର ତୀର୍ଥଯାତ୍ରୀଙ୍କୁ ମାଗଣା ଭୋଜନ ପରିବେଷଣ କରାଯାଉଛି। ରିଲାଏନ୍ସ ସ୍ବେଚ୍ଛାସେବୀମାନେ ବିଭିନ୍ନ ଆଖଡାଗୁଡିକରେ ମାଗଣା ଭୋଜନ ଏବଂ ଜଳ ପରିବେଷଣ କରୁଛନ୍ତି। ରିଲାଏନ୍ସ ଫାଉଣ୍ଡେସନ୍ ପକ୍ଷରୁ ସ୍ୱାସ୍ଥ୍ୟସେବାରେ ପୁରୁଷ ଏବଂ ମହିଳାମାନଙ୍କ ପାଇଁ ସ୍ୱତନ୍ତ୍ର ୱାର୍ଡ, ଓପିଡି ଏବଂ ଦନ୍ତଚିକିତ୍ସା ସେବା ଭଳି ସୁବିଧା ଦିନ ରାତି ଦିନ ରାତି ୨୪ ଘଣ୍ଟା ଉପଲବ୍ଧ କରାଯାଇଛି। ମହିଳାମାନଙ୍କୁ ମାଗଣା ସାନିଟାରୀ ନାପକିନ୍ ବଣ୍ଟନ କରାଯାଉଛି। ଏହା ବ୍ୟତୀତ ଯାତ୍ରାକୁ ସହଜ, ସୁଗମ ଏବଂ ନିରାପଦ କରିବା ପାଇଁ ଆହୁରି ଅନେକ ଉଦ୍ୟମ ମଧ୍ୟ କରାଯାଉଛି।

ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ନିର୍ଦ୍ଦେଶକ ଅନନ୍ତ ଅମ୍ବାନୀ କହିଛନ୍ତି, “କୁହାଯାଏ ଯେ ଯେତେବେଳେ ଆମେ ତୀର୍ଥଯାତ୍ରୀମାନଙ୍କ ସେବା କରୁ, ସେତେବେଳେ ଆମେ ମଧ୍ୟ ଆଶୀର୍ବାଦ ପ୍ରାପ୍ତ ହୋଇଥାଉ। ସହସ୍ରାବ୍ଦୀରେ ଗୋଟିଏ ଥର ହେଉଥିବା ଏହି ଆୟୋଜନରେ ତୀର୍ଥଯାତ୍ରୀମାନଙ୍କୁ ଆମର ସେବା ଯୋଗାଇଦେବା ସେମାନଙ୍କ ଆବଶ୍ୟକତା ପୂରଣ କରିବା ପାଇଁ ଉଦ୍ଦିଷ୍ଟ। ଆମେ ଆମର ‘ଯତ୍ନ ନେବା’ ଦର୍ଶନରେ ବିଶ୍ୱାସ କରୁ। ବିଶ୍ୱର ସର୍ବବୃହତ ଧାର୍ମିକ ଓ ସାଂସ୍କୃତିକ ସମାବେଶ ମହାକୁମ୍ଭରେ ଲକ୍ଷ ଲକ୍ଷ ତୀର୍ଥଯାତ୍ରୀଙ୍କ ସ୍ୱାସ୍ଥ୍ୟ, କଲ୍ୟାଣ ଏବଂ ନିରାପତ୍ତାକୁ ଉନ୍ନତ କରିବା ସହିତ ସେମାନଙ୍କର ଯାତ୍ରାକୁ ସୁରକ୍ଷିତ ଏବଂ ସହଜ କରିବା ତଥା ସେମାନଙ୍କ ସେବା କରିବା ପାଇଁ ଆମେ ସୁଯୋଗ ପାଇଛୁ।”

ରିଲାଏନ୍ସ ଜିଓ ମଧ୍ୟ ପ୍ରୟାଗରାଜରେ ଟେଲି ଯୋଗାଯୋଗ ସଂଯୋଗକୁ ସୁଦୃଢ କରିଛି ଏବଂ ନୂତନ ୪ଜି ଓ ୫ଜି ବିଟିଏସ ସ୍ଥାପନ କରିଛି। ଭିତ୍ତିଭୂମିର ଉନ୍ନତିକରଣ ସହିତ ମହତ୍ତ୍ୱପୂର୍ଣ୍ଣ ସ୍ଥାନ ଗୁଡିକରେ ଟାୱାର ଏବଂ ଛୋଟ ସେଲ ନିୟୋଜିତ କରାଯାଇଛି। ସମସ୍ତଙ୍କ ପାଇଁ ନିରବଚ୍ଛିନ୍ନ ଯୋଗାଯୋଗ ସୁନିଶ୍ଚିତ କରିବାକୁ ପ୍ରମୁଖ କ୍ଷେତ୍ରଗୁଡିକରେ ନୂତନ ଅପ୍ଟିକାଲ୍ ଫାଇବର ମଧ୍ୟ ବିଛାଯାଇଛି।

ଅଧିକରୁ ଅଧିକ ତୀର୍ଥଯାତ୍ରୀଙ୍କ ନିକଟରେ ପହଞ୍ଚିବା ପାଇଁ ରିଲାଏନ୍ସ ଶାରଦା ପୀଠ ମଠ ଟ୍ରଷ୍ଟ ଦ୍ୱାରକା, ଶ୍ରୀ ଶଙ୍କରାଚାର୍ଯ୍ୟ ଉତ୍ସବ ସେବାଳୟ ଫାଉଣ୍ଡେସନ, ନିରଞ୍ଜନୀ ଆଖଡ଼ା, ପ୍ରଭୁ ପ୍ରେମୀ ସଂଙ୍ଘ ଚାରିଟେବୁଲ ଟ୍ରଷ୍ଟ ଏବଂ ପରମାର୍ଥ ନିକେତନ ଆଶ୍ରମ ସମେତ ପ୍ରସିଦ୍ଧ ଆଧ୍ୟାତ୍ମିକ ସଂଗଠନଗୁଡିକ ସହିତ ମିଳିତ ଭାବରେ ସେବା କାର୍ଯ୍ୟ ଜାରି ରଖିଛି।

ଭୁବନେଶ୍ୱର: ବ୍ରାଣ୍ଡ୍ ଫାଇନାନ୍ସ ଦ୍ୱାରା ପ୍ରକାଶିତ ସଦ୍ୟତମ ରିପୋର୍ଟ ‘ଗ୍ଲୋବାଲ ୫୦୦ – ୨୦୨୪’ ରେ ଏଲ୍‌‌ଆଇସି ଏବଂ ଏସ୍‌‌ବିଆଇ ଭଳି ବହୁ ଦଶନ୍ଧି ପୁରୁଣା ଭାରତୀୟ ବ୍ରାଣ୍ଡକୁ ପଛରେ ପକାଇ ଅପେକ୍ଷାକୃତ ନବାଗତ ବ୍ରାଣ୍ଡ୍ ‘ଜିଓ’ ଭାରତର ସବୁଠାରୁ ଶକ୍ତିଶାଳୀ ବ୍ରାଣ୍ଡ ଭାବରେ ସ୍ୱୀକୃତି ପାଇଛି । ୨୦୨୩ ବ୍ରାଣ୍ଡ ଫାଇନାନ୍ସ ମାନ୍ୟତାରେ ମଧ୍ୟ ଜିଓ ଭାରତର ଶକ୍ତିଶାଳୀ ବ୍ରାଣ୍ଡ୍‌‌ ତାଲିକାର ଶୀର୍ଷରେ ରହିଥିଲା ।

୨୦୨୪ ପାଇଁ ବିଶ୍ୱର ସବୁଠାରୁ ଶକ୍ତିଶାଳୀ ବ୍ରାଣ୍ଡ୍ ମଧ୍ୟରେ ଜିଓ ୧୭ତମ ସ୍ଥାନରେ ରହିଛି ଏବଂ ଏହାର ବ୍ରାଣ୍ଡ୍‌‌ ଦୃଢ଼ତା ସୂଚୀ ୮୮.୯ ରହିଛି । ଏହା ତାଲିକାରେ ୱି-ଚାଟ୍‌‌, ଗୁଗୁଲ୍‌‌, ୟୁଟ୍ୟୁବ୍‌‌, ଡେଲଏଟ୍‌‌, କୋକାକୋଲା ଏବଂ ନେଟଫ୍ଲିକ୍ସ ଭଳି ବ୍ରାଣ୍ଡ୍ ପଛରେ ରହିଛି ଏବଂ ଇ-ୱାଇ, ଏଲ୍‌‌ଆଇସି, ଏସବିଆଇ ଏବଂ ଇନଷ୍ଟାଗ୍ରାମ୍ ଭଳି ବ୍ରାଣ୍ଡ୍ ଠାରୁ ଆଗରେ ରହିଛି ।

ରିପୋର୍ଟରେ କୁହାଯାଇଛି ଯେ ଟେଲିଯୋଗାଯୋଗ କ୍ଷେତ୍ରରେ ଅପେକ୍ଷାକୃତ ନୂତନ ଭାବେ ପ୍ରବେଶ କରିଥିବା ଜିଓର ବ୍ରାଣ୍ଡ୍ ମୂଲ୍ୟରେ ଉଲ୍ଲେଖନୀୟ ଭାବେ ୧୪% ବୃଦ୍ଧି ପାଇ ୬.୧ ବିଲିୟନ ଡଲାରରେ ପହଞ୍ଚିଛି । ଉଚ୍ଚ ବ୍ରାଣ୍ଡ୍ ଦୃଢ଼ତା ଇଣ୍ଡେକ୍ସ ସ୍କୋର ୮୯ ଏବଂ ଆସୋସିଏଟେଡ଼ ଏଏଏ ବ୍ରାଣ୍ଡ୍ ରେଟିଂ ସହିତ ଜିଓ ଆଗରେ ରହିଛି । ଟେଲିକମ୍ ଶିଳ୍ପରେ ଜିଓର ଉତ୍‌‌ଥାନ ରିଲାଏନ୍ସ ଇଣ୍ଡଷ୍ଟ୍ରିଜ୍ ପକ୍ଷରୁ ବ୍ରାଣ୍ଡରେ କରାଯାଇଥିବା ବ୍ୟାପକ ପୁଞ୍ଜିନିବେଶ ଏବଂ ଦ୍ରୁତ ଗ୍ରାହକ ଅଭିବୃଦ୍ଧି ଓ ରାଜସ୍ୱ ଅଭିବୃଦ୍ଧି ହାସଲର ଫଳସ୍ୱରୂପ ସମ୍ଭବ ହୋଇଛି । ଜିଓ ବ୍ରାଣ୍ଡ୍‌‌ର ଉଚ୍ଚ ବ୍ରାଣ୍ଡ୍ ଶକ୍ତି ସୂଚକାଙ୍କ ଏବଂ ଏଏଏ ରେଟିଂ ଏହାର ଦ୍ରୁତ ଗ୍ରାହକ ଅଭିବୃଦ୍ଧି, ବଜାର ଅଭିନବତା ଏବଂ ଦୃଢ଼ ବ୍ରାଣ୍ଡ୍ ସମର୍ଥନରେ ପ୍ରତିଫଳିତ ହୋଇଛି ।

ବ୍ରାଣ୍ଡ ଦୃଢ଼ତା ସୂଚୀ ଗଣନା କରିବା ପାଇଁ ବ୍ରାଣ୍ଡ ଫାଇନାନ୍ସର ପଦ୍ଧତି ଏକ ସାଧାରଣ ଢାଞ୍ଚା ଅନୁସରଣ କରିଥାଏ ଯେଉଁଥିରେ ତିନିଟି ପ୍ରମୁଖ ସ୍ତମ୍ଭ ରହିଛି ଯଥା ବ୍ରାଣ୍ଡ୍ ଇନପୁଟ, ବ୍ରାଣ୍ଡ ଇକ୍ୱିଟି ଏବଂ ବ୍ରାଣ୍ଡ ପ୍ରଦର୍ଶନ । ବିଭିନ୍ନ କ୍ଷେତ୍ର ଲାଗି ସାମିଲ ହେଉଥିବା ଗୁଣ ଭିନ୍ନ ଭିନ୍ନ ରହିଥାଏ । ବ୍ରାଣ୍ଡ ଇକ୍ୱିଟି ବଢାଇବାରେ ବ୍ରାଣ୍ଡ ନିବେଶ ପଦକ୍ଷେପ ସମୂହ; ବ୍ରାଣ୍ଡ-ସମ୍ବନ୍ଧୀୟ ବ୍ୟବସାୟ ପ୍ରଦର୍ଶନ ପରିମାପ ପାଇଁ ବ୍ରାଣ୍ଡ ଇକ୍ୱିଟି ପଦକ୍ଷେପ; ଏବଂ ଶେଷରେ ବ୍ୟବସାୟ ମୂଲ୍ୟ ଅଭିବୃଦ୍ଧି ପାଇଁ ବ୍ରାଣ୍ଡ-ସମ୍ବନ୍ଧୀୟ ବ୍ୟବସାୟ ପ୍ରଦର୍ଶନ ପଦକ୍ଷେପର ପ୍ରାସଙ୍ଗିକତା ଅନୁସାରେ ଏହି ଗୁଣଗୁଡ଼ିକର ଗୁରୁତ୍ୱ ବିଚାର କରାଯାଉଛି ।

ମୁମ୍ବାଇ: ରିଲାଏନ୍ସ ଜିଓ ଓ ଟିଏମ୍ ଫୋରମ୍‌‌ର ମିଳିତ ସହଯୋଗରେ ନଭି ମୁମ୍ବାଇ ସ୍ଥିତ ରିଲାଏନ୍ସ କର୍ପୋରେଟ୍ ଆଇଟି ପାର୍କଠାରେ ପ୍ରଥମ ଟିଏମ୍ ଫୋରମ୍ ଇନୋଭେସନ୍ ହବ୍‌‌ର ଶୁଭାରମ୍ଭ କରାଯାଇଛି। ଏହି ଶିଳ୍ପର ପ୍ରଥମ ଧରଣର ଏହି ଇନୋଭେସନ ହବ୍ ଜେନେରେଟିଭ୍ ଏଆଇ (ଆର୍ଟିଫିସିଆଲ ଇଂଟେଲିଜେନ୍ସ), ଲାର୍ଜ ଲାଙ୍ଗୁଏଜ୍ ମଡେଲ୍ (ଏଲ୍‌‌ଏଲ୍‌‌ଏମ୍‌‌) ଓ ଓପନ୍ ଡିଜିଟାଲ୍ ଆର୍କିଟେକ୍‌‌ଚର ବିକାଶ ପ୍ରକ୍ରିୟାକୁ ତ୍ୱରାନ୍ୱିତ କରିବା ଉପରେ ଗୁରୁତ୍ୱାରୋପ କରିବ ଯାହା ଦ୍ୱାରା ସମଗ୍ର ଶିଳ୍ପ ଜଗତ ଉପକୃତ ହେବ।

ଏହ କାର୍ଯ୍ୟକ୍ରମରେ ଆସେଂଚର, ଡ୍ୟୁସ୍ ଟେଲିକମ୍‌‌, ଗୁଗୁଲ କ୍ଲାଉଡ ଅରେଂଜ୍‌‌, ଟେଲିନର ଓ ଭୋଡାଫୋନର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ। ବିଶ୍ୱସ୍ତରରୀୟ ସଫ୍ଟୱେର ପ୍ରତିଭାଙ୍କ କେନ୍ଦ୍ର ସ୍ଥଳ ହୋଇଥିବାରୁ ପ୍ରଥମ ଇନୋଭେସନ ହବ୍ ଲାଗି ମୁମ୍ବାଇକୁ ଚୟନ କରାଯାଇଥିଲା। ଏହି ହବ୍‌‌ରେ ଟେଲିକମ୍ ଓ ପ୍ରଯୁକ୍ତି ଶିଳ୍ପର ପ୍ରତିଭାମାନେ ହାଇବ୍ରିଡ୍ ଟିମ୍ ଭାବେ କାମ କରି ଶିଳ୍ପର ଏହି ସବୁଠୁ ବଡ଼ ଆହ୍ୱାନ ଲାଗି ଉପାୟ ଓ ସମାଧାନ ବିକାଶ କରିବେ। ଭାରତରେ ଟିଏମ୍ ଫୋରମ୍‌‌ର ୩୭୦୦୦ରୁ ଅଧିକ ସଦସ୍ୟ ରହିଛନ୍ତି।

ଏହି ଇନୋଭେସନ ହବ୍ ଜେନେରେଟିଭ୍ ଏଆଇ ଓ ଲାର୍ଜ ଲାଙ୍ଗୁଏଜ ମଡେଲ୍‌‌କୁ ଟେଲିକମ୍ ଶିଳ୍ପରେ ପ୍ରୟୋଗ ଉପରେ ଗୁରୁତ୍ୱ ପ୍ରଦାନ କରିବା ସହ ନିରାପତ୍ତା, ଗୋପନୀୟତା, ସଠିକତା, ପ୍ରଦର୍ଶନ ଓ ବ୍ୟାପକତା ଉପରେ ଗୁରୁତ୍ୱାରୋପ କରିବ। ଏହା ବ୍ୟତୀତ ଟିଏମ୍ ଫୋରମ୍‌‌ର ଓପନ୍ ଡିଜିଟାଲ ଆର୍କିଟେକ୍‌‌ଚ‌ର୍କୁ ତ୍ୱରାନ୍ୱିତ କରିବା ଏବଂ ବିକାଶ କରିବା ଉପରେ ଏହା ଗୁରୁତ୍ୱାରୋପ କରିବ।

ଏହି ଅବସରରେ ରିଲାଏନ୍ସ ଜିଓ ଇନ୍‌‌ଫୋକମ୍ ଲିମିଟେଡ୍‌‌ର ଅଧ୍ୟକ୍ଷ ଆକାଶ ଅମ୍ବାନି କହିଛନ୍ତି ଯେ, “ଟିଏମ୍ ଫୋରମ୍ ଇନୋଭେସନ ହବ୍ ବାସ୍ତବ ଦୁନିଆର ସମାଧାନ ପ୍ରଦାନ କରିବ ଯାହା ଶିଳ୍ପରେ ବ୍ୟାପକ ପରିବର୍ତନ ଆଣିବ। ଆହ୍ୱାନଗୁଡ଼ିକର ମୁକାବିଲା କରିବା ସହିତ ଭବିଷ୍ୟତର ପ୍ରତିବନ୍ଧକଗୁଡ଼ିକୁ ଅତିକ୍ରମ କରିବା ଲାଗି ଉତ୍ତମ ଉପାୟ ବାହାର କରିବା ପାଇଁ ସମଗ୍ର ଶିଳ୍ପ ଜଗତର ପ୍ରତିଭାମାନଙ୍କୁ ବ୍ୟବହାର କରିବାଠାରୁ ଭଲ ବାଟ ଆଉ କଣ ହୋଇପାରେ। ଆମ ମୁମ୍ବାଇ କ୍ୟାମ୍ପସରେ ପ୍ରଥମ ଇନୋଭେସନ ହବ୍ ଖୋଲାଯାଇଥିବାରୁ ଆମେ ଉଲ୍ଲସିତ କାରଣ ଆମର ବିଶ୍ୱାସ ରହିଛି ଯେ ନବସୃଜନକୁ ସୁଦୃଢ଼ କରିବା ଲାଗି ମୁମ୍ବାଇ ହେଉଛି ଉପଯୁକ୍ତ ସ୍ଥାନ। ଜିଓ, ଟିଏମ୍ ଫୋରମ୍ ଓ ସମଗ୍ର ଟେଲିକମ୍ ଶିଳ୍ପ ପାଇଁ ଏହା ହେଉଛି ଏକ ଆକର୍ଷଣୀୟ ସମୟ ଏବଂ ଏହି ପ୍ରକଳ୍ପର ଏକ ଅଂଶ ହୋଇଥିବାରୁ ଆମେ ବେଶ ଗର୍ବିତ।’’

ପ୍ରଥମ ଇନୋଭେସନ ହବ୍ ଶୁଭାରମ୍ଭକୁ ନେଇ ଟିଏମ୍ ଫୋରମ୍‌‌ର ଅଧ୍ୟକ୍ଷ ଡକ୍ଟର ଷ୍ଟିଫେନ୍ ରୋହେନ ଓ ସିଇଓ ନିକ୍ ୱିଲେଟ୍ ଉତ୍ସାହ ପ୍ରକଟ କରିଛନ୍ତି।

ଭୁବନେଶ୍ୱର: ବନ୍ୟା, ଅଗ୍ନିକାଣ୍ଡ, ଭୂକମ୍ପ ଭଳି ପ୍ରାକୃତିକ ବିପର୍ଯ୍ୟୟର ମୁକାବିଲା କରିବା ବେଳେ ଯୋଗାଯୋଗ ବ୍ୟବସ୍ଥା ବିଫଳ ହେଲେ ସରକାର ଓ ପ୍ରଶାସନକୁ କଠିନ ପରିସ୍ଥିତି ସାମ୍ନା କରିବାକୁ ପଡ଼ିଥାଏ ଯାହା ଫଳରେ ଜରୁରୀ ଓ ସଠିକ୍ ସମୟରେ ସହାୟତା ପ୍ରଦାନ କରିବା କଷ୍ଟକର ହୋଇପଡ଼େ। ରିଲାଏନ୍ସ ଜିଓ ପକ୍ଷରୁ ଇଣ୍ଡିଆ ମୋବାଇଲ୍ କଂଗ୍ରେସ-୨୦୨୩ରେ ନିଜର “ଜରୁରୀକାଳୀନ ପ୍ରଶମନ ଯୋଗାଯୋଗ ବ୍ୟବସ୍ଥା”କୁ ପ୍ରଦର୍ଶିତ କରାଯାଇଛି ଯାହା ଜୀବନ ବଂଚାଇବାରେ ସହାୟକ ହୋଇପାରିବ।

ଜିଓର ଟ୍ରୁ-୫ଜିରେ ଚାଲୁଥିବା ଏହି “ଜରୁରୀକାଳୀନ ପ୍ରଶମନ ଯୋଗାଯୋଗ ବ୍ୟବସ୍ଥା” ବିଭିନ୍ନ ସ୍ତରରେ ଯୋଗାଯୋଗକୁ ସୁଦୃଢ଼ କରିବ। ସ୍ଥାନୀୟ ଟେଲିକମ୍ ବ୍ୟବସ୍ଥା ଅଚଳ ହୋଇପଡ଼ିଲେ ଏହି ବ୍ୟବସ୍ଥାରେ ଉପଗ୍ରହ ସହ ଯୋଡ଼ି ହୋଇଥିବା ଟାୱାର ଅନ୍ ହ୍ୱିଲ୍ କାମ କରିବ ଯାହାକୁ ଯେକୌଣସି ସମୟରେ, ଯେକୌଣସି ସ୍ଥାନରେ ଏବଂ ଯେକୌଣସି ସ୍ଥିତିରେ ମୂତୟନ କରାଯାଇପାରିବ।

ସହାୟତା ପ୍ରଦାନ କରୁଥିବା ଟିମ୍‌ର କମାଣ୍ଡ୍ ସେଂଟର ପାଇଁ ରିଲାଏନ୍ସ ଜିଓ ପକ୍ଷରୁ “ଏକ୍ସଆର୍ କମ୍ପାନିୟନ୍‌’ ନାମକ ଏକ ଶକ୍ତିଶାଳୀ ଆପ୍ ପ୍ରସ୍ତୁତ କରାଯାଇଛିି। ଏହି ଆପ୍ ସହାୟତା ଟିମ୍ ସହ ବାସ୍ତବ ସମୟରେ ଯୋଡ଼ିହୋଇରହିବ। ଆପ୍ ଜରିଆରେ କମାଣ୍ଡ୍ ସେଂଟରରେ କାର୍ଯ୍ୟ ବଂଟନ, ଉଭୟ ପାଶ୍ୱର୍ରୁ ଅଡିଓ ଭିଡିଓ କଲିଙ୍ଗ୍‌, ଜରୁରୀକାଳୀନ ଆମ୍ବୁଲାନ୍ସ କଲିଙ୍ଗ୍‌, ଟିମ୍‌ର ଗତିବିଧି, କାର୍ଯ୍ୟ ପ୍ରଗତି ରିପୋର୍ଟ ଉପରେ ବାସ୍ତବ ସମୟରେ ନଜର ରଖାଯାଇପାରିବ। ଏବେ ଏହି ଆପ୍‌ରେ ୨୦ଟି ଟିମ୍‌କୁ ଯୋଡ଼ିହେବ। ଆବଶ୍ୟକ ସ୍ଥଳେ ଟିମ୍ ସଂଖ୍ୟା ବଢ଼ାଇ ହେବ।

ଦୂରଦୂରାନ୍ତ ସ୍ଥାନରେ ଥିବା ଏନ୍‌ଡିଆର୍‌ଏଫ୍ କିମ୍ବା ସହାୟତା ଅଧିକାରୀ ୫ଜି ସହ ଯୋଡ଼ି ହୋଇଥିବା ଡ୍ରୋନ୍ ଜରିଆରେ ଦୁର୍ଗମ ସ୍ଥାନରେ ହୋଇଥିବା କ୍ଷତିର ଅନୁଧ୍ୟାନ କରିପାରିବେ। ଏହା ବ୍ୟତୀତ ସହାୟତା ପ୍ରଦାନ କରୁଥିବା କର୍ମୀମାନେ ପରସ୍ପର ସହିତ ଭଏସ୍ ଆକ୍ଟିଭେଟେଡ୍ ୫ଜି ଡିଭାଇସ୍‌ର ବ୍ୟବହାର କରି କଥାବାର୍ତା ହୋଇପାରିବେ। ହେଲ୍‌ମେଟ୍‌ରେ ଲାଗି ପାରୁଥିବା ଏହି ୫ଜି ଡିଭାଇସ୍‌ରେ କ୍ୟାମେରା, ଫ୍ଲାସ୍ ଲାଇଟ୍ ଏବଂ ଲେଜର ବିମ୍ ଭଳି ସୁବିଧା ରହିଛି ଯାହା ଫଳରେ ଶୀଘ୍ର ସହାୟତା ପହଂଚାଇ ହେବ।

ବିପର୍ଯ୍ୟୟ ସମୟରେ ଜିଓ ପକ୍ଷରୁ ଡିଜିଟାଲ୍ କମ୍ୟୁନିକେସନ ହାଇୱେରେ ନେଟ୍‌ୱର୍କ ସ୍ଲାଇସିଂ ଜରିଆରେ ଏକ ଉତ୍ସର୍ଗୀକୃତ ଓ ଅତ୍ୟଧିକ ସୁରକ୍ଷିତ ଯୋଗାଯୋଗ ଲେନ୍ ତିଆରି କରାଯିବ ଯାହା ଦ୍ୱାରା ବିନା କୌଣସି ପ୍ରତିବନ୍ଧକରେ ସମ୍ପର୍କିତ ଗୁରୁତ୍ୱପୂର୍ଣ୍ଣ ଟେଲିକମ୍ ଆବଶ୍ୟକତା ପୂରଣ କରାଯାଇପାରିବ। ପୁସ୍ ଟୁ ଟକ୍‌, ଡ୍ରୋନ୍ ନିରୀକ୍ଷଣ, ବାସ୍ତବ ସମୟ ଭିଡିଓ ଷ୍ଟ୍ରିମିଂ, ହାଇ-ବ୍ୟାଣ୍ଡ୍‌ୱିଡ୍‌ଥ ଆପ୍ଲିକେସନ ଭଳି ସୁବିଧା ଉତ୍ତମ ସମନ୍ୱୟ ଓ ନିଷ୍ପତି ଗହଣ କରିବାରେ ସହାୟକ ହେବ।

ବିପର୍ଯ୍ୟୟ ସମୟରେ ନିୟୋଜିତ ହେଉଥିବା ଏନ୍‌ଡିଆର୍‌ଏଫ୍‌କୁ ନିରବଚ୍ଛିନ୍ନ ହାଇ ସ୍ପିଡ୍ ସଂଯୋଗ ପ୍ରଦାନ କରିବା ଲକ୍ଷ୍ୟ ନେଇ ଏହି ଜରୁରୀକାଳୀନ ବ୍ୟବସ୍ଥାର ବିକାଶ କରାଯାଇଛି। ବଡ଼ ଉଦ୍ୟୋଗରେ ହେଉଥିବା ଦୁର୍ଘଟଣାରେ ମଧ୍ୟ ଏହି ବ୍ୟବସ୍ଥାକୁ ବ୍ୟବହାର କରାଯାଇପାରିବ। ଏସ୍‌ଇଏସ୍ ସହିତ ସହଯୋଗିତାରେ ଜିଓ ପକ୍ଷରୁ ଏହି ଜରୁରୀକାଳୀନ ପ୍ରଶମନ ଯୋଗାଯୋଗ ବ୍ୟବସ୍ଥା ବିକାଶ କରାଯାଇଛିି। ଅତ୍ୟନ୍ତ ଭୟଙ୍କର ବିପର୍ଯ୍ୟୟ ସମୟରେ ମଧ୍ୟ ଜିଓର ଏହି ଜରୁରୀକାଳୀନ ବ୍ୟବସ୍ଥା କାର୍ଯ୍ୟ କରିପାରିବ।

ଭୁବନେଶ୍ୱର: ଜିଓ ହେଉଛି ଭାରତର ସର୍ବଶ୍ରେଷ୍ଠ ନେଟ୍‌ୱର୍କ। ବିଶ୍ୱସ୍ତରୀୟ ଏଜେନ୍ସି ଓକ୍‌ଲା ପକ୍ଷରୁ ଏହା ସ୍ପଷ୍ଟ କରାଯାଇଛି। ଓକ୍‌ଲା ପକ୍ଷରୁ କରାଯାଇଥିବା ସ୍ପିଡ୍ ପରୀକ୍ଷା ଆୱାର୍ଡରେ ରିଲାଏନ୍ସ ଜିଓ ସବୁ ପୁରସ୍କାର ଜିତି ବାଜିମାରିନେଇଛି। ୨୦୨୩ର ପ୍ରଥମ ଓ ଦ୍ୱିତୀୟ ତ୍ରୈମାସିକ ପ୍ରଦର୍ଶନ ଆଧାରରେ ଏହି ପୁରସ୍କାର ପ୍ରଦାନ କରାଯାଇଛି।

ଦ୍ରୁତ ମୋବାଇଲ୍ ନେଟ୍‌ୱର୍କ, ଶ୍ରେଷ୍ଠ ମୋବାଇଲ୍ କଭରେଜ୍‌, ଶ୍ରେଷ୍ଠ ମୋବାଇଲ୍ ନେଟ୍‌ୱର୍କ, ଶ୍ରେଷ୍ଠ ମୋବାଇଲ୍ ଗେମିଂ ଅନୁଭୂତି, ଶ୍ରେଷ୍ଠ ମୋବାଇଲ୍ ଭିଡିଓ ଅନୁଭୂତି, ଶ୍ରେଷ୍ଠ ମାନ୍ୟତାପ୍ରାପ୍ତ ମୋବାଇଲ୍ ନେଟ୍‌ୱର୍କ, ଦ୍ରୁତ ୫ଜି ମୋବାଇଲ୍ ନେଟ୍‌ୱର୍କ, ଶ୍ରେଷ୍ଠ ୫ଜି ମୋବାଇଲ୍ ଗେମିଂ ଅନୁଭୂତି ଓ ଶ୍ରେଷ୍ଠ ମୋବାଇଲ୍ ଭିଡିଓ ଅନୁଭୂତି ଶ୍ରେଣୀରେ ଜିଓ ପୁରସ୍କାର ଜିତିଛି।

ଜିଓ ପୁରସ୍କାର ହାସଲ କରିବା ଉପରେ ଖୁସି ବ୍ୟକ୍ତ କରି ରିଲାଏନ୍ସ ଜିଓର ଅଧ୍ୟକ୍ଷ ଆକାଶ ଅମ୍ବାନି କହିଛନ୍ତି ଯେ, “ଭାରତରେ ଏକ ଡିଜିଟାଲ ସମାଜ ଗଠନ କରିବା ଲାଗି ଜିଓ ପରିକଳ୍ପନା ପ୍ରସ୍ତୁତ କରିଛି ଯାହା ଆମ ଜୀବନର ପ୍ରତିଟି କ୍ଷେତ୍ରରେ ସକାରାତ୍ମକ ପ୍ରଭାବ ଆଣିବ। ଏହି ବିପ୍ଳବରେ ଯୋଗଦାନ ଦେବା ଆମ ପାଇଁ ସୌଭାଗ୍ୟର ବିଷୟ। ଯେଉଁ ଦ୍ରୁତ ଗତିରେ ଜିଓ ୫ଜିର ଶୁଭାରମ୍ଭ (ରୋଲ୍‌ଆଉଟ୍‌) କରିଛି ଯାହାକୁ ନେଇ ଆମେ ଗର୍ବିତ। ଭାରତରେ ଯେତେସବୁ ୫ଜି ନେଟ୍‌ୱର୍କର ଶୁଭାରମ୍ଭ କରାଯାଇଛି ସେଥିରେ ୮୫ ପ୍ରତିଶତ ଭାଗ ଜିଓର ରହିଛି। ଆମେ ପ୍ରତି ୧୦ ସେକେଣ୍ଡରେ ଗୋଟିଏ ଲେଖାଏଁ ୫ଜି ସେଲ୍ ସ୍ଥାପନ କରୁଛୁ।’’

ପୁରସ୍କାର ସମ୍ପର୍କରେ ଓକ୍‌ଲାର ସଭାପତି ଓ ସିଇଓ ଷ୍ଟିଫେନ୍ ବାୟ କହିଛନ୍ତି ଯେ, “ଗ୍ରାହକମାନଙ୍କୁ ଉତମ ସେବା ପ୍ରଦାନ କରିବା ଲାଗି ଓକ୍‌ଲାରେ ଆମେ ପ୍ରତିବଦ୍ଧ ରହିଛୁ। ଗ୍ରାହକମାନଙ୍କୁ ସ୍ପିଡ୍‌, ଭିଡିଓ ଓ ଗେମିଂରେ ଶ୍ରେଷ୍ଠ ଅନୁଭବ ପ୍ରଦାନ କରିବା ଲାଗି ଜିଓର ପ୍ରୟାସ ବେଶ ଚମତ୍କାର। ଏହି ପୁରସ୍କାର ଜିଓକୁ ଭାରତର ସବୁଠୁ ସମ୍ମାନିତ ନେଟ୍‌ୱର୍କର ମାନ୍ୟତା ପ୍ରଦାନ କରୁଛି ଏବଂ ନିଜ ଉପଭୋକ୍ତାମାନଙ୍କୁ ଶ୍ରେଷ୍ଠ ନେଟୱର୍କ ପ୍ରଦାନ କରିବା ଲାଗି ଜିଓର ମହତ୍ୱକାଂକ୍ଷାକୁ ସ୍ପଷ୍ଟ କରୁଛି।