Tag: ଜିଓ

ଭୁବନେଶ୍ୱର: ୱାନ୍‌ପ୍ଲସ୍‌, ଶାଓମି ଓ ରେଡ୍‌ମି ପରେ ଏବେ ମୋଟୋରୋଲା ପକ୍ଷରୁ ୫ଜି ସ୍ମାର୍ଟଫୋନ୍‌ର ନୂତନ ବର୍ଗମାଳାକୁ ଉନ୍ମୋଚନ କରାଯାଇଛି ଯାହା ଜିଓର ଟ୍ରୁ-୫ଜି ଷ୍ଟାଣ୍ଡ୍‌-ଏଲୋନ୍ ୫ଜି ନେଟ୍‌ୱର୍କକୁ ସପୋର୍ଟ କରୁଛି। ଦୁନିଆରେ ୫ଜି ସ୍ମାର୍ଟଫୋନ୍‌ର ଶୁଭାରମ୍ଭ କରିଥିବା ପ୍ରଥମ କଂପାନି ହେଉଛି ମୋଟୋରୋଲା। ସେହି ଦୃଷ୍ଟିରୁ ମୋଟୋରୋଲା ଏବଂ ଜିଓ ମଧ୍ୟରେ ଏହି ସହଯୋଗିତା ବେଶ ଗୁରୁତ୍ୱପୂର୍ଣ୍ଣ। ପ୍ରିମିୟମ୍‌ଠାରୁ ଆରମ୍ଭ କରି ମଧ୍ୟମ ଏବଂ ବଜେଟ୍ ୫ଜି ସ୍ମାର୍ଟଫୋନ୍ ଭଳି ସବୁ ଗ୍ରାହକ ବର୍ଗଙ୍କୁ ସୁହାଇବା ଭଳି ବ୍ୟାପକ ୫ଜି ସ୍ମାର୍ଟଫୋନ୍ ବର୍ଗମାଳା ମୋଟୋରୋଲା ପାଖରେ ରହିଛି।

ମୋଟୋରୋଲା ଏଜ୍‌୍ ୩୦ ଅଲ୍‌ଟ୍ରା, ମୋଟୋରୋଲା ଏଜ୍ ୩୦ ଫ୍ୟୁଜ୍‌ନ, ମୋଟୋରୋଲା ଏଜ୍ ୩୦, ମୋଟୋ ଜି୮୨ ୫ଜି, ମୋଟୋରୋଲା ଏଜ୍ ୩୦ ପ୍ରୋ, ମୋଟୋ ଜି୭୧ ୫ଜି, ମୋଟୋ ଜି୫୧ ୫ଜି, ମୋଟୋରୋଲା ଏଜ୍ ୨୦, ମୋଟୋରୋଲା ଏଜ୍ ୨୦ ଫ୍ୟୁଜନ୍ ଏବଂ ମୋଟୋ ଜି୬୨ ୫ଜି ସ୍ମାର୍ଟଫୋନ୍ ରିଲାଏନ୍ସ ଜିଓର ଟ୍ରୁ-୫ଜି ନେଟ୍‌ୱର୍କରେ କାମ କରିବ। ଏହି ଫୋନ୍‌ଗୁଡ଼ିକରେ ଉନ୍ନତ ହାର୍ଡଓୟାର ଓ ସଫ୍ଟଓୟାରର ମିଶ୍ରଣ ରହିିଛି। ଫଳରେ ଗ୍ରାହକମାନେ ଜିଓ ଟ୍ରୁ-୫ଜିର ଉନ୍ନତି ଅନୁଭୂତି ହାସଲ କରିପାରିବେ।

ମୋଟୋରୋଲା ଏସିଆ ପାସିଫିକ୍‌ର କାର୍ଯ୍ୟନିର୍ବାହୀ ନିର୍ଦେଶକ ପ୍ରଶାନ୍ତ ମଣି କହିଛନ୍ତି ଯେ, “ ମୋଟୋରୋଲା ସ୍ମାର୍ଟଫୋନ୍‌ର ବର୍ଗମାଳା ଅତ୍ୟନ୍ତ ବ୍ୟାପକ, ଅସାଧାରଣ ଭାବେ ବିଶ୍ୱସନୀୟ ଏବଂ ହାଇ-ସ୍ପିଡ୍ ୫ଜି ଅନୁଭୂତି ପ୍ରଦାନ କରିବ। ଭାରତୀୟ ଗ୍ରାହକମାନଙ୍କୁ ଟ୍ରୁ-୫ଜି ଅନୁଭୂତି ପ୍ରଦାନ କରିବାକୁ ଆମେ ପ୍ରତିବଦ୍ଧ। ୫ଜିର ୧୩-ବ୍ୟାଣ୍ଡ୍‌ରେ କାମ କରୁଥିବା ଆମ ପାଖରେ ୫ଜି ସ୍ମାର୍ଟଫୋନ୍‌ର ବ୍ୟାପକ ବର୍ଗମାଳା ରହିଛି ଯେଉଁଥିରେ ବିଭିନ୍ନ ମୂଲ୍ୟର ସ୍ମାର୍ଟଫୋନ୍ ରହିଛି । କୋଟି କୋଟି ଭାରତୀୟଙ୍କ ପର୍ଯ୍ୟନ୍ତ ଜିଓର ଅତ୍ୟାଧୁନିକ ଟ୍ରୁ-୫ଜିକୁ ପହଂଚାଇବା ଲକ୍ଷ୍ୟ ନେଇ ରିଲାଏନ୍ସ ଜିଓ ସହିତ ସହଯୋଗିତା ସ୍ଥାପନ କରିଥିବାରୁ ଆମେ ଅତ୍ୟନ୍ତ ଆନନ୍ଦିତ।’’

ଏହି ସହଯୋଗିତା ସମ୍ପର୍କରେ ରିଲାଏନ୍ସ ଜିଓର ସଭାପତି ସୁନିଲ ଦତ କହିଛନ୍ତି ଯେ, “ଭାରତରେ ମୋଟୋରୋଲା ସହିତ ସହଯୋଗିତା ସ୍ଥାପନ କରି ଆମେ ଅତ୍ୟନ୍ତ ଆନନ୍ଦିତ। ଏହା ଦ୍ୱାରା ଟ୍ରୁ-୫ଜି ପରିବ୍ୟବସ୍ଥା ଆହୁରି ସୁଦୃଢ଼ ହେବ। ୫ଜି ସ୍ମାର୍ଟଫୋନ୍‌ର କ୍ଷମତାର ଅନୁଭୂତି କେବଳ ଜିଓ ଭଳି ଟ୍ରୁ-୫ଜି ନେଟ୍‌ୱର୍କ ଜରିଆରେ ହାସଲ କରିହେବ। ଏହା ଏକ ସବୁଠୁ ଉନ୍ନତ ନେଟ୍‌ୱର୍କ। ମୋଟୋରୋଲାରେ ରହିଛି ଉନ୍ନତ ୫ଜି ସୁବିଧା ଏବଂ ଏହା ଭାରତରେ ଅଧିକାଂଶ ୫ଜି ବ୍ୟାଣ୍ଡ୍‌ରେ କାମ କରିବ। ମୋଟୋରୋଲା ସ୍ମାର୍ଟଫୋନ୍‌ର କ୍ଷମତା ଜିଓ ଟ୍ରୁ-୫ଜି ଭଳି ନେଟ୍‌ୱର୍କ ଜରିଆରେ ପୂର୍ଣ୍ଣ ମାତ୍ରାରେ ସାମ୍ନାକୁ ଆସିବ।’’

ମୋଟୋରୋଲାର ୫ଜି ଡିଭାଇସ୍ ବ୍ୟବହାର କରୁଥିବା ସମସ୍ତ ଜିଓ ଗ୍ରାହକଙ୍କୁ “ଜିଓ ୱେଲ୍‌କମ୍ ଅଫର’ ଅଧୀନରେ ଅସୀମିତ ୫ଜି ଇଟଂରନେଟ୍ ଡାଟା ଏବଂ ୧ ଜିବିପିଏସ୍‌ରୁ ଅଧିକ ସ୍ପିଡ୍ ମିଳିବ।

ମୁମ୍ବାଇ: ରିଲାଏନ୍ସ ଜିଓ ପକ୍ଷରୁ ଘୋଷଣା କରାଯାଇଛି ଯେ ୨୦୨୨ ଡିସେମ୍ବର ୧୫ ତାରିଖରୁ ଆଇଫୋନ୍ ୧୨ ଓ ପରବର୍ତ୍ତୀ ଆଇଫୋନ୍ ମଡେଲଗୁଡ଼ିକ୍‌ରେ ଅସୀମିତ ଡାଟା ସହ ଜିଓ ଟ୍ରୁ-୫ଜି ସେବା ଉପଲବ୍ଧ ହେବ।

ବ୍ୟବହାରକାରୀମାନଙ୍କୁ ଆଇଫୋନ୍‌ର ସଦ୍ୟତମ ଆଇଓଏସ୍ ଏବଂ କ୍ୟାରିୟର ସେଟିଂକୁ ଅପ୍‌ଡେଟ୍ କରିବାକୁ ପଡ଼ିବ। ଜିଓ ଟ୍ରୁ-୫ଜି ସେବା ଆରମ୍ଭ ହୋଇସାରିଥିବା ସହରଗୁଡ଼ିକରେ ଅସୀମିତ ୫ଜି ବ୍ୟବହାର ପାଇଁ ଆଇଫୋନ୍ ଗ୍ରାହକମାନଙ୍କୁ ସକ୍ଷମ କରିବା ଲାଗି କଂପାନି ପକ୍ଷରୁ ସେମାନଙ୍କ ନମ୍ବରରେ ଜିଓ ୱେଲ୍‌କମ୍ ଅଫର ପ୍ରଦାନ କରାଯାଇଛି। ଆଇଫୋନ୍ ୧୨ ମିନି, ଆଇଫୋନ୍ ୧୨, ଆଇଫୋନ୍ ୧୨ ପ୍ରୋ, ଆଇଫୋନ୍ ୧୨ ପ୍ରୋ ମ୍ୟାକ୍ସ, ଆଇଫୋନ୍ ୧୩ ମିନି, ଆଇଫୋନ୍ ୧୩, ଆଇଫୋନ୍ ୧୩ ପ୍ରୋ, ଆଇଫୋନ୍ ୧୩ ପ୍ରୋ ମ୍ୟାକ୍ସ, ଆଇଫୋନ୍ ଏସ୍‌ଇ ୨୦୨୨ (ଥାର୍ଡ ଜେନେରେସେନ), ଆଇଫୋନ୍ ୧୪, ଆଇଫୋନ୍ ୧୪ ପ୍ଲସ୍‌, ଆଇଫୋନ୍ ୧୪ ପ୍ରୋ, ଆଇଫୋନ୍ ୧୪ ପ୍ରୋ ମ୍ୟାକ୍ସରେ ଏବେ ଜିଓର ଟ୍ରୁ-୫ଜି ସେବା ହାସଲ କରିହେବ।

ଭାରତରେ ଆଇଫୋନ୍ ଡିଭାଇସ୍‌ରେ ୫ଜି ସେବାକୁ ବ୍ୟବହାର କରିବା ସୁବିଧା ପ୍ରଦାନ କରିବା ଲାଗି ନଭେମ୍ବର ମାସର ପ୍ରଥମ ସପ୍ତାହରେ ଆପଲ୍ ପକ୍ଷରୁ କଂପାନିର ବିଟା ସଫଟଓୟାର ପ୍ଲାଟ୍‌ଫର୍ମରେ ଅପ୍‌ଡେଟ୍ ଜାରି କରାଯାଇଥିଲା।

ଜିଓ ଟ୍ରୁ-୫ଜି ବ୍ୟବହାର କରିବା ପାଇଁ ଆଇଫୋନ୍ ବ୍ୟବହାରକାରୀମାନଙ୍କୁ ସେମାନଙ୍କ ଡିଭାଇସ୍ ସଫ୍ଟଓୟାରକୁ ଆଇଓଏସ୍ ୧୬.୨ କିମ୍ବା ତା’ଠାରୁ ପରବର୍ତୀକୁୁ ଅପ୍‌ଡେଟ୍ କରିବାକୁ ପଡ଼ିବ ଏବଂ ତା’ପରେ ସେଟିଂରେ ୫ଜିକୁ ସକ୍ରିୟ କରିବାକୁ ହେବ ଏବଂ ଶେଷରେ ଷ୍ଟାଣ୍ଡ୍‌-ଏଲୋନ୍ ୫ଜିକୁ ସକ୍ରିୟ କରିବାକୁ ପଡ଼ିବ।

ଭୁବନେଶ୍ୱର: ଦେଶର ସବୁଠୁ ପସନ୍ଦର ଡିଜିଟାଲ୍ ସେବା ପ୍ରଦାନକାରୀ ଭାବେ ଉଲ୍ଲେଖନୀୟ ଯାତ୍ରାକୁ ବଜାୟ ରଖି ରିଲାଏନ୍ସ ଜିଓ ଅଗଷ୍ଟ ମାସରେ ସର୍ବାଧିକ ଗ୍ରାହକ ଯୋଡ଼ିଥିବା ଭାରତୀୟ ଟେଲିକମ୍ ନିୟାମକ ପ୍ରାଧିକରଣ (ଟ୍ରାଇ) ପକ୍ଷରୁ ଜାରି କରାଯାଇଥିବା ସଦ୍ୟତମ ଟେଲିକମ୍ ଗ୍ରାହକ ତଥ୍ୟରୁ ଜଣାପଡ଼ିଛି।

ରିପୋର୍ଟ ଅନୁଯାୟୀ, ରିଲାଏନ୍ସ ଜିଓ ଅଗଷ୍ଟ ମାସରେ ଦେଶରେ ୩୨.୮୧ ଲକ୍ଷ ନୂଆ ଗ୍ରାହକ ଯୋଡ଼ିଥିବା ବେଳେ ଏୟାରଟେଲ୍ ୩.୨୬ ଲକ୍ଷ ଗ୍ରାହକ ଯୋଡ଼ିଛି। ଏହି ମାସରେ ଭୋଡାଫୋନ୍ ଆଇଡିଆ ୧୯.୫୮ ଲକ୍ଷ ଏବଂ ବିଏସ୍‌ଏନ୍‌ଏଲ୍ ୫.୬୭ ଲକ୍ଷ ଗ୍ରାହକଙ୍କୁ ହରାଇଥିବା ଟ୍ରାଇ ତଥ୍ୟରୁ ଜଣାପଡ଼ିଛି।

ତେବେ ଗୁରୁତ୍ୱପୂର୍ଣ୍ଣ ଭାବେ ଅଗଷ୍ଟ ମାସରେ ବିଏସ୍‌ଏନ୍‌ଏଲ୍‌କୁ ପଛରେ ପକାଇ ରିଲାଏନ୍ସ ଜିଓ ଦେଶର ସର୍ବବୃହତ ଫିକ୍ସଡ୍‌ଲାଇନ୍ ସେବା ପ୍ରଦାନକାରୀରେ ପରିଣତ ହୋଇଛି । ଟ୍ରାଇର ଅଗଷ୍ଟ ମାସ ଗ୍ରାହକ ତଥ୍ୟ ଅନୁଯାୟୀ, ଜିଓର ଓୟାରଲାଇନ୍ ଗ୍ରାହକ ସଂଖ୍ୟା ୭୩.୫୨ ଲକ୍ଷରେ ପହଂଚିଥିବା ବେଳେ ବିଏସ୍‌ଏନ୍‌ଏଲ୍‌ର ଓୟାରଲାଇନ ଗ୍ରାହକ ସଂଖ୍ୟା ୭୧.୩୨ ଲକ୍ଷ ରହିଛି। ଏହା ସହିତ ଉଭୟ ଓୟାରଲେସ୍ ଏବଂ ଓୟାରଲାଇନ୍ କ୍ଷେତ୍ରରେ ରିଲାଏନ୍ସ ଜିଓ ଦେଶରେ ଏକ ନମ୍ବର ସ୍ଥାନ ହାସଲ କରିଛି। ଏଠାରେ ଉଲ୍ଲେଖଯୋଗ୍ୟ ଯେ, ବିଏସଏନଏଲ୍ ଦୀର୍ଘ ୨୨ ବର୍ଷ ଧରି ଓୟାରଲାଇନ୍ ସେବା ପ୍ରଦାନ କରୁଥିବା ବେଳେ ତିନି ବର୍ଷ ପୂର୍ବେ ଜିଓ ଏହାର ଓୟରଲାଇନ୍ ସେବା ଜିଓଫାଇବର୍ ଆରମ୍ଭ କରିଥିଲା। ଟ୍ରାଇ ପ୍ରକାଶିତ ଟେଲିକମ୍ ଗ୍ରାହକ ତଥ୍ୟ ଅନୁଯାୟୀ, ୨୦୨୨ ଅଗଷ୍ଟରେ ଜିଓ ଦେଶରେ ସର୍ବାଧିକ ୨.୬୨ ଲକ୍ଷ ନୂଆ ଓୟାରଲାଇନ୍ ଗ୍ରାହକ ଯୋଡ଼ିଛି।

ଟ୍ରାଇ ପକ୍ଷରୁ ଜାରି କରାଯାଇଥିବା ତଥ୍ୟ ଅନୁଯାୟୀ, ଓଡ଼ିଶାରେ ଜିଓ ୨୦୨୨ ଅଗଷ୍ଟ ମାସରେ ସର୍ବାଧିକ ୮୩,୧୪୮ ନୂଆ ଗ୍ରାହକଙ୍କୁ ଯୋଡ଼ି ଏହାର ଏକ ନମ୍ବର ସ୍ଥାନକୁ ଆହୁରି ସୁଦୃଢ଼ କରିଛି। ରାଜ୍ୟରେ ଜିଓର ଓୟାରଲାଇନ୍ ଗ୍ରାହକ ସଂଖ୍ୟାରେ ମଧ୍ୟ ଦ୍ରୁତ ବୃଦ୍ଧି ହୋଇଛି ଏବଂ ଅଗଷ୍ଟ ମାସରେ ଓଡ଼ିଶାରେ ଏହାର ହାଇ ସ୍ପିଡ୍ ବ୍ରଡ୍‌ବ୍ୟାଣ୍ଡ୍ ଜିଓଫାଇବର୍‌ର ମୋଟ ଗ୍ରାହକ ସଂଖ୍ୟା ୧,୬୨,୫୫୬କୁ ବୃଦ୍ଧି ପାଇଛି। ସାରା ରାଜ୍ୟରେ ଏହାର ଦ୍ରୁତ ସମ୍ପ୍ରସାରଣକୁ ଜାରି ରଖି ଜିଓଫାଇବର ଏବେ ଓଡ଼ିଶାର ୩୬ରୁ ଅଧିକ ସହରରେ ଉପଲବ୍ଧ ରହିଛି ଏବଂ ରାଜ୍ୟର ଅନ୍ୟ ପ୍ରମୁଖ ସହରକୁ ଏହା ଦ୍ରୁତ ସମ୍ପ୍ରସାରଣ ଜାରି ରଖିଛି। ନୂଆ ଅଂଚଳ ଏବଂ ସହରର ଉପକଣ୍ଠକୁ ସମ୍ପ୍ରସାରିତ ହୋଇ ଏହା ବ୍ୟକ୍ତିବିଶେଷ, କ୍ଷୁଦ୍ର ଓ ବୃହତ ଉଦ୍ୟୋଗ ଏବଂ ବିଭିନ୍ନ କ୍ଷେତ୍ରର ପ୍ରଫେସନାଲ୍‌ଙ୍କ ସମେତ ହଜାର ହଜାର ଗ୍ରାହକଙ୍କ ଆବଶ୍ୟକତା ପୂରଣ କରିବା ସହ ସେମାନଙ୍କ ପାଖରେ ଅସୀମିତ ମନୋରଂଜନ, ଖବର, ସ୍ୱାସ୍ଥ୍ୟ ଓ ଶିକ୍ଷା ପ୍ଳାଟଫର୍ମ ପହଂଚାଇ ସେମାନଙ୍କୁ ସମୃଦ୍ଧ ଅନୁଭୂତି ପ୍ରଦାନ କରୁଛି।

ଏଠାରେ ଉଲ୍ଲେଖଯୋଗ୍ୟ ଯେ, ଉଭୟ ସର୍ବାଧିକ ସଂଖ୍ୟକ ଗ୍ରାହକ ଓ ସର୍ବାଧିକ ରାଜସ୍ୱ ବଜାର ଅଂଶ ସହ ଓଡ଼ିଶାରେ ଜିଓ ଏକ ନମ୍ବର ଡିଜିଟାଲ୍ ସେବା ପ୍ରଦାନକାରୀ ହୋଇରହିଛି। ଟ୍ରାଇ ପକ୍ଷରୁ ଜାରି କରାଯାଇଥିବା ସଦ୍ୟତମ ଟେଲିକମ୍ ଗ୍ରାହକ ତଥ୍ୟ ଅନୁଯାୟୀ, ରାଜ୍ୟରେ ୪୨%ରୁ ଅଧିକ ଗ୍ରାହକ ବଜାର ଅଂଶ ଓ ରାଜ୍ୟର ଟେଲିକମ୍ କ୍ଷେତ୍ରର ମୋଟ ରାଜସ୍ୱରେ ୫୨%ରୁ ଅଧିକ ବଜାର ଅଂଶ ସହ ଜିଓ ଅଗ୍ରଣୀ ରହିଛି। ଜିଓର ସର୍ବବୃହତ ଟ୍ରୁ-୪ଜି ନେଟ୍‌ୱର୍କ, ଟେଲିକମ୍ ସେବା ପହଂଚିନଥିବା ଅଂଚଳକୁ ଦ୍ରୁତ ସମ୍ପ୍ରସାରଣ ଏବଂ ସୁଲଭ ମୂଲ୍ୟ ସହିତ ସାରା ରାଜ୍ୟରେ ନିରବଚ୍ଛିନ୍ନ ହାଇସ୍ପିଡ୍ ଇଟଂରନେଟ୍ ସଂଯୋଗ ଦ୍ୱାରା ଏହା ଆହୁରି ତ୍ୱରାନ୍ୱିତ ହୋଇଛି। ସର୍ବବୃହତ ୪ଜି ନେଟ୍‌ୱର୍କ ଏବଂ ସର୍ବାଧିକ ସଂଖ୍ୟକ ନେଟ୍‌ୱର୍କ ସାଇଟ୍‌କୁ ନେଇ ଓଡ଼ିଶାରେ ଜିଓ ନିୟୁତାଧିକ ଗ୍ରାହକଙ୍କୁ ଶ୍ରେଷ୍ଠ ଡିଜିଟାଲ୍ ଅନୁଭୂତି ପ୍ରଦାନ କରୁଛି ଏବଂ ରାଜ୍ୟରେ ଖୁବ୍‌ଶୀଘ୍ର ଟ୍ରୁ-୫ଜି ସେବାର ଶୁଭାରମ୍ଭ କରିବା ଲାଗି କଂପାନି ପ୍ରସ୍ତୁତ ହେଉଛି।

ଭୁବନେଶ୍ୱର: ଜିଓ ବ୍ୟବହାରକାରୀମାନଙ୍କ ପାଇଁ ଖୁସି ଖବର। ରିଲାଏନ୍ସ ଜିଓର ଟ୍ରୁ-୫ଜି ସେବାର ବିଟା ପରୀକ୍ଷଣ ଦଶହରାରୁ ଆରମ୍ଭ ହେଉଛି। ଏହି ସେବା ଦେଶର ଚାରି ସହର ଦିଲ୍ଲୀ, ମୁମ୍ବାଇ, କୋଲକାତା ଓ ବାରାଣାସୀରେ ଆରମ୍ଭ କରାଯିବ। ଏହି ସେବା ଏବେ କେବଳ ନିମନ୍ତ୍ରଣ ଆଧାରରେ ପ୍ରଦାନ କରାଯିବ, ଅର୍ଥାତ ନିର୍ଦିଷ୍ଟ କିଛି ଜିଓ ଗ୍ରାହକଙ୍କୁ ଏହି ସେବା ବ୍ୟବହାର କରିବା ଲାଗି ଆମନ୍ତ୍ରଣ କରାଯିବ।

ଗ୍ରାହକମାନଙ୍କୁ ଏହା ସହିତ ୱେଲକମ୍ ଅଫର ବି ମିଳିବ ଯେଉଁଥିରେ ସେମାନଙ୍କୁ ୧ ଜିବିପିଏସ୍ ପର୍ଯ୍ୟନ୍ତର ସ୍ପିଡ୍ ଓ ଅସୀମିତ ୫ଜି ଡାଟା ମିଳିବ। ଆମନ୍ତ୍ରିତ ଗ୍ରାହକମାନେ ଏହି ଜିଓ ଟ୍ରୁ-୫ଜିର ଅନୁଭୂତି ହାସଲ କରିବେ ଏବଂ ସେମାନଙ୍କ ଅନୁଭବ ଆଧାରରେ କଂପାନି ବିସ୍ତୃତ ୫ଜି ସେବାର ଶୁଭାରମ୍ଭ କରିବ।

“ଉଇ କେୟାର’ ଅର୍ଥାତ ଆମେ ଆପଣଙ୍କ ଯତ୍ନ ନେବୁ, ଜିଓ ଟ୍ରୁ-୫ଜି ସେହି ମୂଳ ମନ୍ତ୍ର ଉପରେ ତିଆରି ହୋଇଛି। ଶିକ୍ଷା, ସ୍ୱାସ୍ଥ୍ୟ ସେବା, କୃଷି, କୌଶଳ ବିକାଶ, କ୍ଷୁଦ୍ର, ମଧ୍ୟମ ଓ ବୃହତ଼ ଉଦ୍ୟୋଗ, ଆଇଓଟି, ସ୍ମାର୍ଟ ହୋମ୍ ଓ ଗେମିଂ ଭଳି କ୍ଷେତ୍ରକୁ ଏହା ସମ୍ପୂର୍ଣ୍ଣ ବଦଳାଇ ଦେବ ଏବଂ ୧୪୦ କୋଟି ଭାରତୀୟଙ୍କ ଉପରେ ତାହାର ସିଧାସଳଖ ପ୍ରଭାବ ପଡ଼ିବ।
ଜିଓ ୫ଜି ୱେଲକମ୍ ଅଫରକୁ ଦିଲ୍ଲୀ, ମୁମ୍ବାଇ, କୋଲକାତା ଓ ବାରାଣାସୀରେ ଆମନ୍ତ୍ରଣ ଜରିଆରେ ଜିଓ ଗ୍ରାହକଙ୍କ ପାଇଁ ଉପଲବ୍ଧ କରାଯିବ। ସେହି ଗ୍ରାହକମାନଙ୍କୁ ୧ ଜିବିପିଏସ୍‌ରୁ ଅଧିକ ସ୍ପିଡ୍ ସହ ଅସୀମିତ ୫ଜି ଡାଟା ମିଳିବ। ଯେତେବେଳେ ଅନ୍ୟ ସହରଗୁଡ଼ିକରେ ପ୍ରସ୍ତୁତି ଶେଷ ହେବ ସେହି ସହରଗୁଡ଼ିକୁ ବିଟା ପରୀକ୍ଷଣ ସେବାର ସମ୍ପ୍ରସାରଣ କରିବା ବିଷୟରେ ଘୋଷଣା କରାଯିବ। ସହରର ନେଟୱର୍କ ପର୍ଯ୍ୟାପ୍ତ ଭାବେ ସୁଦୃଢ଼ ନହେବା ପର୍ଯ୍ୟନ୍ତ ବ୍ୟବହାରକାରୀମାନେ ଏହି ବିଟା ପରୀକ୍ଷଣର ଲାଭ ଉଠାଇପାରିବେ। ଆମନ୍ତ୍ରିତ ଜିଓ ୱେଲକମ୍ ଅଫର ବ୍ୟବହାରକାରୀମାନଙ୍କୁ ନିଜ ଜିଓ ସିମ୍ ବଦଳାଇବାକୁ ପଡ଼ିବ ନାହିଁ। କେବଳ ସେମାନଙ୍କ ମୋବାଇଲ୍ ୫ଜି ହୋଇଥିବା ଦରକାର। ଜିଓ ଟ୍ରୁ-୫ଜି ସେବା ସ୍ୱୟଂକ୍ରିୟ ଭାବେ ଅପ୍‌ଗ୍ରେଡ୍ ହୋଇଯିବ। ଚୟନ କରିବା ନିମନ୍ତେ ଗ୍ରାହକମାନଙ୍କ ପାଇଁ ୫ଜି ଡିଭାଇସ୍‌ର ବ୍ୟାପକ ବର୍ଗମାଳା ଉପଲବ୍ଧ କରାଇବା ଲାଗି ସବୁ ହ୍ୟାଣ୍ଡ୍‌ସେଟ୍ ବ୍ରାଣ୍ଡ୍ ସହ ମିଶି ଜିଓ କାର୍ଯ୍ୟ କରୁଛି।

ଏହି ଅବସରରେ ରିଲାଏନ୍ସ ଜିଓ ଇନଫୋକମ୍‌ର ଅଧ୍ୟକ୍ଷ ଆକାଶ ଅମ୍ବାନି କହିଛନ୍ତି ଯେ, “ଆମ ପ୍ରଧାନମନ୍ତ୍ରୀଙ୍କ ଆହ୍ୱାନକ୍ରମେ ଭାରତ ଭଳି ଏକ ବଡ଼ ଦେଶରେ ସବୁଠୁ ଦ୍ରୁତ ଗତିରେ ୫ଜି ସେବା ଆରମ୍ଭ କରିବା ଲାଗି ଜିଓ ଯୋଜନା ପ୍ରସ୍ତୁତ କରିଛି। ଜିଓ ୫ଜି ଏକ ଟ୍ରୁ-୫ଜି ହେବ ଏବଂ ଆମେ ଭାବୁଛୁ ଯେ ଟ୍ରୁ-୫ଜି ଠାରୁ କମ୍ ପାଇଁ ଭାରତ ହକଦାର ନୁହେଁ। ଜିଓ ୫ଜି ଦୁନିଆର ସବୁଠୁ ଉନ୍ନତ ୫ଜି ନେଟ୍‌ୱର୍କ ହେବ ଯାହାକୁ ଭାରତୀୟମାନେ ଭାରତୀୟମାନଙ୍କ ଲାଗି ପ୍ରସ୍ତୁତ କରିଛନ୍ତି। ୫ଜି ଏଭଳି ଏକ ସେବା ହେବ ଯାହା କେବଳ କିଛି ବିଶିଷ୍ଟ ଲୋକଙ୍କ ପାଇଁ କିମ୍ବା କିଛି ବଡ଼ ସହର ମଧ୍ୟରେ ଉପଲବ୍ଧ ହେବାରେ ସୀମିତ ରହିବ ନାହିଁ। ଏହା ସାରା ଦେଶର ସବୁ ନାଗରିକ, ସବୁ ଘର ଏବଂ ସବୁ ବ୍ୟବସାୟ ପାଇଁ ଉପଲବ୍ଧ ହେବା ଦରକାର। ତାହା ହେଲେ ଆମେ ସମ୍ପୂର୍ଣ୍ଣ ଆର୍ଥିକ ବ୍ୟବସ୍ଥାରେ ଉତ୍ପାଦକତା, ଆୟ ଏବଂ ଜୀବନ ଧାରଣ ମାନରେ ପରିବର୍ତନ ଆଣିପାରିବା।’’

ଜିଓ ଟ୍ରୁ-୫ଜିର ତିନି ବଡ଼ ବୈଶିଷ୍ଟ୍ୟ:

ଷ୍ଟାଣ୍ଡ୍‌-ଏଲୋନ୍ ୫ଜି

ଷ୍ଟାଣ୍ଡ୍‌-ଏଲୋନ୍ ନେଟ୍‌ୱର୍କର ଅର୍ଥ ହେଉଛି ଏହି ଉନ୍ନତ ୫ଜି ନେଟୱର୍କର ୪ଜି ନେଟୱର୍କ ସହ କୌଣସି ସମ୍ପର୍କ ନାହିଁ। ଅନ୍ୟ ଅପରେଟରମାନେ କିନ୍ତୁ ୪ଜି-ଭିତିକ ନେଟ୍‌ୱର୍କ ଆରମ୍ଭ କରିବାକୁ ଉଦ୍ୟମ କରୁଛନ୍ତି। ଏହାର ସିଧା ଲାଭ ଜିଓର ଟ୍ରୁ-୫ଜିକୁ ମିଳିବ। ଏଥିରେ ଲୋ ଲାଟେନ୍‌ସି, ବଡ଼ ଧରଣର ମେସିନ୍‌ରୁ ମେସିନ୍ ଯୋଗାଯୋଗ, ୫ଜି ଭଏସ୍‌, ଏଜ୍ କମ୍ପ୍ୟୁଟିଂ ଏବଂ ନେଟୱର୍କ ଷ୍ଟାଇଲିଂ ଭଳି ଚମତ୍କାର ସୁବିଧା ସୁଯୋଗ ରହିିଛି।

ସ୍ପେକ୍ଟ୍ରମ୍‌ର ସବୁଠୁ ବଡ଼ ଓ ଉନ୍ନତ ମିଶ୍ରଣ

୭୦୦ ମେଗାହର୍ଜ, ୩୫୦୦ ମେଗାହର୍ଜ ଓ ୨୬ ଗିଗାହର୍ଜ ୫ଜି ସ୍ପେକ୍ଟ୍ରମ୍ ବ୍ୟାଣ୍ଡ୍‌ର ସବୁଠୁ ବଡ଼ ଏବଂ ସବୁଠୁ ଉପଯୁକ୍ତ ମିଶ୍ରଣ ଯାହା ଜିଓ ଟ୍ରୁ ୫ଜିକୁ ଅନ୍ୟ ଅପରେଟରମାନଙ୍କଠାରୁ ସ୍ୱତନ୍ତ୍ର କରିଛି। ଦ୍ୱିତୀୟତଃ ସବୁଠୁ ମହତ୍ୱପୂର୍ଣ୍ଣ ହେଉଛି ୭୦୦ ମେଗାହର୍ଜ ଲୋ-ବ୍ୟାଣ୍ଡ୍ ସ୍ପେକ୍ଟ୍ରମ୍ ରଖିଥିବା ଏକମାତ୍ର ଅପରେଟର ହେଉଛି ଜିଓ। ଏହା ଦ୍ୱାରା ବହୁତ ଭଲ ଇନଡୋର୍ କଭରେଜ୍ ମିଳିବ। ୟୁରୋପ, ଆମେରିକା ଓ ବ୍ରିଟେନ୍‌ରେ ଏହି ବ୍ୟାଣ୍ଡ୍‌କୁ ୫ଜି ପାଇଁ ପ୍ରିମିୟମ୍ ବ୍ୟାଣ୍ଡ୍ ବିଚାର କରାଯାଉଛି।

କ୍ୟାରିୟର ଏଗ୍ରିଗେସନ

କ୍ୟାରିୟର ଏଗ୍ରିଗ୍ରେସନ ନାମକ ଉନ୍ନତ ପ୍ରଯୁକ୍ତି ୫ଜିକୁ ଅଲଗା ଅଲଗା ଫ୍ରିକ୍ୟୁଏନ୍ସିର ଏକ ମଜଭୁତ “ଡାଟା ହାଇୱେ’ରେ ପରିଣତ କରୁଛି। ତାହା ବ୍ୟବହାରକାରୀମାନଙ୍କ ପାଇଁ କଭରେଜ, କ୍ଷମତା, ଗୁଣବତା ଓ ସୁଲଭତାର ଏକ ଅତି ଚମତ୍କାର ପ୍ୟାକେଜ୍।

ଭୁବନେଶ୍ୱର: ଦେଶର ସବୁଠୁ ବଡ଼ ଟେଲିକମ୍ କଂପାନି ରିଲାଏନ୍ସ ଜିଓ ଦେଶର ପ୍ରାୟ ୧,୦୦୦ ସହରରେ ୫ଜି ସେବା ଆରମ୍ଭ କରିବା ଲାଗି ଏହାର ଯୋଜନାକୁ ଚୂଡ଼ାନ୍ତ କରିଛି। ଏଥି ସହିତ କଂପାନି ସ୍ୱଦେଶରେ ବିକଶିତ ୫ଜି ଟେଲିକମ୍ ଉପକରଣର ପରୀକ୍ଷଣ ମଧ୍ୟ ଶେଷ କରିଛି। ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (ଆର୍‌ଆଇଏଲ୍‌) ବାର୍ଷିକ ରିପୋର୍ଟ ୨୦୨୧-୨୨ରେ ଜଣାଇଛି ଯେ ଏହାର ଟେଲିକମ୍ କଂପାନି ଜିଓ ୨୦୨୧-୨୨ ଆର୍ଥିକ ବର୍ଷରେ ଶତ ପ୍ରତିଶତ ସ୍ୱଦେଶୀ ପ୍ରଯୁକ୍ତି ଜ୍ଞାନକୌଶଳ ସହିତ ୫ଜି ସେବା ଲାଗି ନିଜକୁ ପ୍ରସ୍ତୁତ କରିବା ପାଇଁ ଅନେକ ପଦକ୍ଷେପ ଗ୍ରହଣ କରିଛି। ନିକଟରେ ଶେଷ ହୋଇଥିବା ୫ଜି ସ୍ପେକ୍ଟ୍ରମ୍ ନିଲାମରେ କଂପାନି ସର୍ବାଧିକ ସ୍ପେକ୍ଟ୍ରମ କିଣିଛି। ମୋଟ ୧.୫୦ ଲକ୍ଷ କୋଟି ଟଙ୍କାର ସ୍ପେକ୍ଟ୍ରମ୍ ନିଲାମ କରାଯାଇଥିବା ବେଳେ ଜିଓ ଏକାକୀ ୮୮,୦୭୮ କୋଟି ଟଙ୍କାର ସ୍ପେକ୍ଟ୍ରମ୍ କିଣିବାକୁ ବିଡ୍ ଦାଖଲ କରିଥିଲା।

ଆର୍‌ଆଇଏଲ୍‌ର ବାର୍ଷିକ ରିପୋର୍ଟ ଅନୁଯାୟୀ, ଦେଶର ୧୦୦୦ ସହରରେ ୫ଜି ସେବା ପ୍ରଦାନ କରିବା ଲାଗି ଯୋଜନାକୁ ପ୍ରସ୍ତୁତ କରିଛି ଜିଓ। ଏହି ସମୟରେ ଆର୍ଟିଫିସିଆଲ ଇଟେଂଲିଜେନ୍ସ (ଏଆର୍‌), ଭର୍ଚୁଆଲ୍ ରିଅଲିଟି (ଭିଆର୍‌), କ୍ଲାଉଡ୍ ଗେମିଂ, ଟିଭି ଷ୍ଟ୍ରିମିଂ, ହସ୍ପିଟାଲ୍ ଓ ଉଦ୍ୟୋଗରେ ବ୍ୟବହାର ଲାଗି ଏହାକୁ କଂପାନି ପରଖି ସାରିଛି।

ଟେଲିକମ୍ ବିଭାଗ ଅନୁଯାୟୀ ୪ଜି ତୁଳନାରେ ୫ଜିରେ ଡାଉନ୍‌ଲୋଡ୍ ସ୍ପିଡ୍ ୧୦ ଗୁଣା ଅଧିକ ରହିଥାଏ ଏବଂ ସ୍ପେକ୍ଟ୍ରମ୍‌ର କ୍ଷମତା ମଧ୍ୟ ତିନି ଗୁଣା ବୃଦ୍ଧି ପାଇଥାଏ।

ରିଲାଏନ୍ସ ଜିଓ ଅତି ଗୁରୁତ୍ୱପୂର୍ଣ୍ଣ ୭୦୦ ମେଗାହର୍ଜ ବ୍ୟାଣ୍ଡ୍‌ର ସ୍ପେକ୍ଟ୍ରମ୍ ହାସଲ କରିଛି ଯାହାର ଗୋଟିଏ ଟାୱାର ୬-୧୦ କିଲୋମିଟର ବ୍ୟାପୀ ଅଂଚଳକୁ ସିଗ୍‌ନାଲ୍ ପ୍ରଦାନ କରିଥାଏ। କଂପାନି ଦେଶର ସମସ୍ତ ୨୨ ଟେଲିକମ୍ ସର୍କଲ୍ ଓ ଜୋନ୍‌ରେ ୫ଜି ସେବା ପ୍ରଦାନ କରିବା ଲାଗି ଉତମ ଆଧାର ପ୍ରସ୍ତୁତ କରିପାରିଛି।

୬ଜି ସେବାର ଗବେଷଣାକୁ ତ୍ୱରାନ୍ୱିତ କରିବା ଲାଗି ବିଶ୍ୱର ପ୍ରଥମ ପ୍ରମୁଖ ୬ଜି ଗବେଷଣା କାର୍ଯ୍ୟକ୍ରମ ପାଇଁ ଫିନ୍‌ଲ୍ୟାଣ୍ଡ୍‌ର ୟୁନିଭର୍ସିଟି ଅଫ୍ ଓୟୁଲୁସହିତ ଜିଓ ହାତ ମିଳାଇଛି।

ଭୁବନେଶ୍ୱର: ସବୁଠୁ ପସନ୍ଦର ଡିଜିଟାଲ୍ ସେବା ପ୍ରଦାନକାରୀ ଭାବେ ନିଜର ଏକ ନମ୍ବର ସ୍ଥିତିକୁ ଆହୁରି ସୁଦୃଢ଼ କରି ରିଲାଏନ୍ସ ଜିଓ ୨୦୨୨ ଏପ୍ରିଲ୍ ମାସରେ ପ୍ରାୟ ୭୧,୦୦୦ ନୂଆ ମୋବାଇଲ୍ ଗ୍ରାହକ ଓ ୮୧୦୦ରୁ ଅଧିକ ଜିଓଫାଇବର ହାଇସ୍ପିଡ୍ ବ୍ରଡ୍‌ବ୍ୟାଣ୍ଡ୍ ଗ୍ରାହକ ଯୋଡ଼ିଥିବା ଟ୍ରାଇ ପକ୍ଷରୁ ଜାରି କରାଯାଇଥିବା ସଦ୍ୟତମ ଟେଲିକମ୍ ଗ୍ରାହକ ତଥ୍ୟରୁ ଜଣାପଡ଼ିଛି। ଏହା ସହିତ ଓଡ଼ିଶାରେ ଜିଓର ମୋଟ ମୋବାଇଲ ଗ୍ରାହକ ସଂଖୃା ୧.୩୪ କୋଟିକୁ ବୃଦ୍ଧି ପାଇଥିବା ବେଳେ ରାଜ୍ୟରେ କଂପାନି ମୋଟ ଉପରେ ୪୧.୩ ପ୍ରତିଶତ ଗ୍ରାହକ ବଜାର ଅଂଶ ହାସଲ କରିଛି। ଏଥି ସହିତ ଗୁରୁତ୍ୱପୂର୍ଣ୍ଣ କ୍ରମରେ ସକ୍ରିୟ ମୋବାଇଲ୍ ଗ୍ରାହକ ସଂଖ୍ୟାରେ ଜିଓ ଉଲ୍ଲେଖନୀୟ ବୃଦ୍ଧି ହାସଲ କରିବା ସହ ୨୦୨୨ ଏପ୍ରିଲ୍ ସୁଦ୍ଧା ଏହା ୯୯.୯୧ ପ୍ରତିଶତରେ ପହଂଚିଛି। ରାଜ୍ୟର ମୋଟ ସକ୍ରିୟ ମୋବାଇଲ ଗ୍ରାହକଙ୍କ ମଧ୍ୟରୁ ଜିଓ ପ୍ରାୟ ୪୫% ବଜାର ଅଂଶ ହାସଲ କରିଛି।

ଟ୍ରାଇ ପକ୍ଷରୁ ଜାରି କରାଯାଇଥିବା ଟେଳିକମ୍ ଗ୍ରାହକ ତଥ୍ୟରୁ ଅନୁସାରେ ଏପ୍ରିଲ୍‌ରେ ରାଜ୍ୟରେ ନୂଆ ମୋବାଇଲ୍ ଗ୍ରାହକ ସଂଖ୍ୟାରେ ୪୩,୦୦୦ ବୃଦ୍ଧି ସହିତ ମୋଟ ମୋବାଇଲ୍ ଗ୍ରାହକ ସଂଖ୍ୟା ୩.୨୫ କୋଟିରେ ପହଂଚିଛି। ଜିଓ ସର୍ବାଧିକ ୭୧,୦୦୦ ନୂଆ ଗ୍ରାହକ ଯୋଡିଥିବା ବେଳେ ଏହା ପଛକୁ ବିଏସଏନଏଲ୍ ସେହି ମାସରେ ୧୭,୦୦୦ ନୂଆ ଗ୍ରାହକ ଯୋଡ଼ିଛି। ଉଭୟ ଏୟାରଟେଲ୍ ଓ ଭୋଡାଫୋନ୍ ଏପ୍ରିଲ ମାସରେ ରାଜ୍ୟରେ ସେମାନଙ୍କ ହଜାର ହଜାର ମୋବାଇଲ୍ ଗ୍ରାହକ ହରାଇଛନ୍ତି ବୋଲି ଟ୍ରାଇ ଜାରି କରିଥିବା ତଥ୍ୟରୁ ଜଣାପଡ଼ିଛି।

ଜାତୀୟ ସ୍ତରରେ ମଧ୍ୟ ଜିଓ ଏପ୍ରିଲ୍ ମାସରେ ସର୍ବାଧିକ ସଂଖ୍ୟକ ୧୬.୮୨ ଲକ୍ଷରୁ ଅଧିକ ନୂଆ ଗ୍ରାହକ ଯୋଡ଼ିଛି ଯାହା ନିକଟତମ ପ୍ରତିଦ୍ୱନ୍ଦ୍ୱୀଙ୍କ ତୁଳନାରେ ଦୁଇ ଗୁଣାରୁ ଅଧିକ।
ଟ୍ରାଇ ପକ୍ଷରୁ ଜାରି କରାଯାଇଥିବା ଓୟାରଲାଇନ୍ ଗ୍ରାହକ ତଥ୍ୟ ଅନୁଯାୟୀ, ଓଡ଼ିଶାରେ ଏପ୍ରିଲ ମାସରେ ଜିଓ ସର୍ବାଧିକ ୮୧୦୦ ନୂଆ ଜିଓଫାଇବର ହାଇ-ସ୍ପିଡ୍ ବ୍ରଡବ୍ୟାଣ୍ଡ୍ ଗ୍ରାହକ ଯୋଡ଼ିବା ସହିତ ରାଜ୍ୟରେ ଜିଓଫାଇବର ଗ୍ରାହକ ସଂଖ୍ୟା ୧.୩୫ ଲକ୍ଷକୁ ବୃଦ୍ଧି ପାଇଛି ଏବଂ ହାଇସ୍ପିଡ୍ ବ୍ରଡବ୍ୟାଣ୍ଡ୍ କ୍ଷେତ୍ରରେ କଂପାନି ଏହାର ସ୍ଥିତିକୁ ଆହୁରି ସୁଦୃଢ଼ କରିପାରିଛି। ଦେଶର ସବୁଠୁ ଲୋକପ୍ରିୟ ହାଇସ୍ପିଡ୍ ବ୍ରଡବ୍ୟାଣ୍ଡ୍ ସେବା ଜିଓଫାଇବରକୁ ଦ୍ରୁତ ଗତିରେ ଓଡ଼ିଶାର ବିଭିନ୍ନ ପ୍ରମୁଖ ସହର ଓ ନଗରରେ ସମ୍ପ୍ରସାରଣ କରାଯାଉଥିବାରୁ ଏହା ସମ୍ଭବ ହୋଇଛି। ଜିଓଫାଇବର ଏବେ ଭୁବନେଶ୍ୱର, କଟକ, ପୁରୀ, ଜଟଣୀ, ଅନୁଗୁଳ, ସମ୍ବଲପୁର, ରାଉରକେଲା, ଝାରସୁଗୁଡ଼ା, ବେଲପାହାଡ଼, ବ୍ରଜରାଜନଗର, ସୁନ୍ଦରଗଡ଼, ବଲାଙ୍ଗୀର, କେନ୍ଦୁଝର, ଭବାନୀପାଟଣା, କୋରାପୁଟ, ରାୟଗଡ଼ା, କେନ୍ଦ୍ରାପଡ଼ା, ଜଗତସିଂହପୁର, ଯାଜପୁର ରୋଡ, ଭଦ୍ରକ, ତାଳଚେର, ଖୋର୍ଦ୍ଧା, ବ୍ରହ୍ମପୁର, ବାଲେଶ୍ୱର, ଜୟପୁର, ରାଜଗାଙ୍ଗପୁର, ଢ଼େଙ୍କାନାଳ, ସେମିଳିଗୁଡ଼ା ଓ ବରଗଡ଼ ଭଳି ଓଡ଼ିଶାର ୨୯ଟି ପ୍ରମୁଖ ସହର ଓ ନଗରରେ ଉପଲବ୍ଧ ରହିଛି ଏବଂ ରାଜ୍ୟର ଅନ୍ୟ ପ୍ରମୁଖ ସହର ଓ ନଗରକୁ ଏହାର ସେବାକୁ ଦ୍ରୁତ ଗତିରେ ସମ୍ପ୍ରସାରଣ କରାଯାଉଛି।

ଭୁବନେଶ୍ୱର: ଭାରତର ସର୍ବବୃହତ ଟେଲିକମ୍ ଅପରେଟର ରିଲାଏନ୍ସ ଜିଓ ପକ୍ଷରୁ ୨୫୯ ଟଙ୍କିଆ ପ୍ଲାନ୍‌ର ଶୁଭାରମ୍ଭ କରାଯାଇଛି ଯାହା କ୍ୟାଲେଣ୍ଡର ମାସର ବୈଧତା ସହ ଆସିଥିବା ବେଳେ ପ୍ରିପେଡ୍ ଗ୍ରାହକମାନଙ୍କୁ ପ୍ରତି ମାସରେ ମାତ୍ର ଗୋଟିଏ ରିଚାର୍ଜ ତାରିଖ ମନେ ରଖିବାରେ ସହାୟକ ହେବ।

ଜିଓ ହେଉଛି ଭାରତୀୟ ଟେଲିକମ୍ ଶିଳ୍ପର ପ୍ରଥମ କଂପାନି ଯାହା “କ୍ୟାଲେଣ୍ଡର ମାସ ବୈଧତା’ ଥିବା ପ୍ରିପେଡ୍ ପ୍ଲାନ୍‌ର ଶୁଭାରମ୍ଭ କରିଛି।

ଜିଓର ଏହି ୨୫୯ ଟଙ୍କିଆ ପ୍ଲାନ୍‌ରେ ଦୈନିକ ୧.୫ ଜିବି ହାଇ ସ୍ପିଡ୍ ଡାଟା ଓ ଅସୀମିତ କଲ୍ ସୁବିଧା ସହିତ ସ୍ପଷ୍ଟ ଭାବେ ଗୋଟିଏ ମାସ, ତାହା ୩୦ ଦିନିଆ କିମ୍ବା ୩୧ ଦିନିଆ ହୋଇଥାଉ ନା କାହିଁକି, ସମ୍ପୂର୍ଣ୍ଣ ମାସର ବୈଧତା ଭଳି ସୁବିଧା ରହିଛି। ତେଣୁ ସେହି ଅନୁସାରେ, ପ୍ରତି ମାସରେ ରିଚାର୍ଜ କଲେ ବର୍ଷକୁ ରିଚାର୍ଜ ସଂଖ୍ୟା କେବଳ ୧୨ ହିଁ ରହିବ।

ପ୍ରତି ମାସର ସମାନ ତାରିଖରେ ରିଚାର୍ଜ ସମୟ ଆସିବ। ତେଣୁ, ଜଣେ ଗ୍ରାହକ ମାର୍ଚ୍ଚ ୫ରେ ନୂଆ ୨୫୯ ଟଙ୍କିଆ ମାସିକ ପ୍ଲାନ୍ ରିଚାର୍ଜ କଲେ, ପରବର୍ତୀ ରିଚାର୍ଜ ତାରିଖ ଆଗାମୀ ମାସଗୁଡ଼ିକର ସେହି ପଂଚମ ଦିନରେ (ଏପ୍ରିଲ୍ ୫, ମେ’ ୫, ଜୁନ୍ ୫ ଓ ସେହିଭଳି) ପଡ଼ିବ।

ଅନ୍ୟ ଜିଓ ପ୍ରିପେଡ୍ ପ୍ଲାନ୍ ଭଳି ୨୫୯ ଟଙ୍କିଆ ପ୍ଲାନ୍‌କୁ ଏକ ସମୟରେ ଏକାଧିକ ଥର ରିଚାର୍ଜ କରିହେବ।

ଅଗ୍ରୀମ ରିଚାର୍ଜ ପ୍ଲାନଗୁଡ଼ିକ ଧାଡ଼ିରେ ରହିବ ଏବଂ ଚାଲୁ ରହିଥିବା ବର୍ତମାନର ସକ୍ରିୟ ପ୍ଲାନ୍‌ର ସମୟ ସୀମା ଶେଷ ହେବା ପରେ ସେଗୁଡ଼ିକ ସ୍ୱୟଂକ୍ରିୟ ଭାବେ ସକ୍ରିୟ ହୋଇଯିବ, ଫଳରେ ବ୍ୟବହାରକାରୀଙ୍କ ପାଇଁ ସୁବିଧାଜନକ ଓ ସହଜ ହେବ।

ସମସ୍ତ ଅନଲାଇନ୍ ଓ ଅଫଲାଇନ୍ ଚ୍ୟାନେଲ୍‌ରେ ଉଭୟ ନୂଆ ଓ ପୁରୁଣା ବ୍ୟବହାରକାରୀଙ୍କ ପାଇଁ ଏହି ପ୍ଲାନ୍ ଉପଲବ୍ଧ ରହିବ।

ଚଳିତ ବର୍ଷ ପ୍ରାରମ୍ଭରେ ଟେଲିକମ୍ କ୍ଷେତ୍ରର ନିୟାମକ ସଂସ୍ଥା ଟ୍ରାଇ ପକ୍ଷରୁ ୩୦ ଦିନ ବୈଧତା ଥିବା ପ୍ରିପେଡ୍ ମୋବାଇଲ୍ ରିଚାର୍ଜ ପ୍ଲାନ୍ ସୁବିଧା ଉପଲବ୍ଧ କରାଇବା ଲାଗି ଟେଲିକମ୍ କଂପାନିଗୁଡ଼ିକୁ କୁହାଯାଇଥିଲା। ଏହା ଏଭଳି ଏକ ପଦକ୍ଷେପ ଯାହା ଗ୍ରାହକମାନଙ୍କ ବାର୍ଷିକ ରିଚାର୍ଜ ସଂଖ୍ୟାକୁ ବାସ୍ତବରେ ହ୍ରାସ କରିବ।

ଭୁବନେଶ୍ୱର: ଦେଶର ସର୍ବବୃହତ ଟେଲିକମ୍ ଅପରେଟର ଜିଓ ପକ୍ଷରୁ ଆଇପିଏଲ୍ ପ୍ରେମୀଙ୍କ ପାଇଁ ଉତ୍ସର୍ଗୀକୃତ ଦୁଇଟି ନୂଆ ପ୍ଲାନ୍ ଘୋଷଣା କରାଯାଛି । ଡିଜ୍‌ନି+ହଟ୍‌ଷ୍ଟାର୍ ମୋବାଇଲ୍ ସବ୍‌ସ୍କ୍ରିପ୍‌ସନ୍ ସହିତ ଦୁଇଟି ନୂଆ ମୋବାଇଲ୍ ପ୍ଲାନର ଶୁଭାରମ୍ଭ କରାଯାଇଛି, ୫୫-ଦିନିଆ ବୈଧତା ସହିତ ୫୫୫ ଟଙ୍କିଆ ଜିଓ କ୍ରିକେଟ୍ ଡାଟା ଆଡ୍‌-ଅନ୍ ପ୍ଲାନ୍ ଓ ୨୯୯୯ ଟଙ୍କିଆ ବାର୍ଷିକ ପ୍ଲାନ୍।

ନୂଆ ୫୫୫ ଟଙ୍କିଆ ଜିଓ କ୍ରିକେଟ୍ ଆଡ୍‌-ଅନ୍ ପ୍ୟାକ୍‌ରେ ବ୍ୟବହାରକାରୀମାନେ ଅସୀମିତ ଭଏସ୍‌, ୫୫ ଜିବିର ଅସୀମିତ ଡାଟା ସହିତ ଏକ ବର୍ଷର ଡିଜ୍‌ନି+ହଟ୍‌ଷ୍ଟାର୍ ମୋବାଇଲ୍ ସବ୍‌ସ୍କ୍ରିପ୍‌ସନ୍ ପାଇପାରିବେ। ବ୍ୟବହାରକାରୀମାନେ ସମସ୍ତ ଜିଓ ଆପ୍‌ର ମାଗଣା ବ୍ୟବହାର ସୁବିଧା ମଧ୍ୟ ପାଇପାରିବେ।

ଅନ୍ୟ ନୂଆ ପ୍ଲାନଟି ହେଉଛି ୨୯୯୯ ଟଙ୍କିଆ ବାର୍ଷିକ ପ୍ଲାନ୍ ଯେଉଁଥିରେ ବ୍ୟବହାରକାରୀମାନେ ଦୈନିକ ୨.୫ ଜିବି ଡାଟା ସହିତ ଅସୀମିତ ଭଏସ୍ ଓ ଦୈନିକ ୧୦୦ ଏସ୍‌ଏମ୍‌ଏସ୍ ପାଇପାରିବେ। ୩୬୫ ଦିନର ବୈଧତା ସହିତ ଏଥିରେ ଜିଓ ଆପ୍ ଓ ଡିଜ୍‌ନି+ହଟ୍‌ଷ୍ଟାର ମୋବାଇଲ୍ ସବ୍‌ସ୍କ୍ରିପ୍‌ସନ୍ ୧ ବର୍ଷ ପାଇଁ ମାଗଣାରେ ମିଳିବ। ଡିଜ୍‌ନି+ହଟ୍‌ଷ୍ଟାର୍ ସହ ସହଯୋଗିତାରେ ଜିଓ ପକ୍ଷରୁ ବହୁ ସୁଲଭ ପ୍ରିପେଡ୍ ପ୍ଲାନର ଶୁଭାରମ୍ଭ କରାଯାଇଛି। ଏହି ପ୍ଳାନ୍ ନେଇଥିବା ବ୍ୟବହାରକାରୀମାନେ ମୋବାଇଲ୍‌, ଟିଭି ଓ ଅନ୍ୟାନ୍ୟ ଡିଭାଇସ୍‌ରେ ମ୍ୟାଚ୍‌ଗୁଡ଼ିକର ସିଧାସଳଖ ପ୍ରସାରଣ ଦେଖିପାରିବେ।

ଡିଜ୍‌ନି+ହଟଷ୍ଟାର୍ ମୋବାଇଲ୍ ପ୍ଲାନ୍‌ରେ ବିନା କୌଣସି ଅତିରିକ୍ତ ଖର୍ଚରେ ଡିଜନି+ହଟ୍‌ଷ୍ଟାର୍ ମୋବାଇଲ୍ ସବ୍‌ସ୍କିପ୍‌ସନ୍ ଯୋଡ଼ି ହୋଇରହିଛି। ଡିଜ୍‌ନି+ହଟଷ୍ଟାର୍ ପ୍ରିମିୟମ୍ ସବ୍‌ସ୍କ୍ରିପ୍‌ସନ୍ ସହିତ ମଧ୍ୟ କିଛି ନିର୍ଦିଷ୍ଟ ପ୍ଲାନ୍ ଉପଲବ୍ଧ ରହିଛି। ବଡ଼ ପରଦାରେ ଆଇପିଏଲ୍ ମାଚ୍‌ର ସିଧା ପ୍ରସାରଣ ଦେଖିବାକୁ ପସନ୍ଦ କରୁଥିବା ଜିଓ ମୋବାଇଲ୍ ବ୍ୟବହାରକାରୀମାନଙ୍କ ପାଇଁ ୧୪୯୯ ଟଙ୍କା ଓ ୪,୧୯୯ ଟଙ୍କିଆ ପ୍ଲାନ୍ ସହ ମାଗଣାରେ ଡିଜ୍‌ନି+ହଟଷ୍ଟାର୍ ପ୍ରିମିୟମ୍ ସବ୍‌ସ୍କ୍ରିପ୍‌ସନ୍‌କୁ ନେଇ ଜିଓ ପକ୍ଷରୁ ପ୍ଲାନ୍ ଘୋଷଣା କରାଯାଇଛି।

୯୯୯ ଟଙ୍କିଆ ଓ ତା’ଠାରୁ ବଡ଼ ପ୍ଲାନ୍ ନେଇଥିବା ଜିଓ ଫାଇବର୍ ବ୍ୟବହାରକାରୀମାନେ ବିନା କୌଣସି ଅତିରିକ୍ତ ଖର୍ଚ୍ଚରେ ଡିଜ୍‌ନି+ହଟ୍‌ଷ୍ଟାର୍ ଆପ୍ ଜରିଆରେ ସେମାନଙ୍କ ଟିଭି ସ୍କ୍ରିନ୍‌ରେ ସମସ୍ତ ମ୍ୟାଚ୍ ଦେଖିପାରିବେ।

ଶନିବାର ଠାରୁ କ୍ରିକେଟ୍ ଋତୁ ଆରମ୍ଭ ହେଉଥିବା ବେଳେ ଜିଓ ହେଉଛି ଏକମାତ୍ର ବ୍ରାଣ୍ଡ୍ ଯାହା ଦୁଇଟି ନୂଆ ଟିମ୍‌-ଅହମ୍ମଦାବାଦ ଓ ଲକ୍ଷ୍ନୌ ସହିତ ସମସ୍ତ ଦଶ ଟିମ୍ ସହିତ ସହଯୋଗିତା ସ୍ଥାପନ କରିଛି। ଆଇପିଏଲ୍‌ର ୨୦୨୨ ସଂସ୍କରଣ ନୂତନ ଅବତାରରେ ପ୍ରତ୍ୟାବର୍ତନ କରିଛି ଯେଉଁଥିରେ ଏବେ ୧୦ଟି ଟିମ୍ ରହିଛନ୍ତି। ଜିଓ ଏହି ଖେଳ ସହିତ ନିବିଡ଼ ଭାବେ ଜଡ଼ିତ ରହିଛି। ଶୁଭାରମ୍ଭ ହେବା ପରଠାରୁ ଜିଓ ଏହାର ସମସ୍ତ ବ୍ୟବହାରକାରୀଙ୍କୁ ଅଦ୍ଭୂତପୂର୍ବ ମୂଲ୍ୟ ଓ ମନୋରଂଜନ ପ୍ରଦାନ କରିବା ଲାଗି ସମସ୍ତ ଆଇପିଏଲ୍ ଟିମ୍‌ର ଅଫିସିଆଲ୍ ପାର୍ଟନର ହୋଇରହିଛି।

ଆଇପିଏଲ୍ ପ୍ରେମୀଙ୍କ ପାଇଁ ଜିଓର ଇଟଂରଆକ୍ଟିଭ୍ ଗେମ୍‌, ଜିଓ କ୍ରିକେଟ ପ୍ଲେ ଏଲଙ୍ଗ (ଜେସିପିଏ) ଆଇପିଏଲ୍ ୨୦୨୨ ପାଇଁ ଏହାର ଅଂଶଗ୍ରହଣକାରୀମାନଙ୍କ ନିମନ୍ତେ ବର୍ଦ୍ଧିତ ଓ ଉନ୍ନତ ରିୱାର୍ଡ ସହିତ ପ୍ରତ୍ୟାବର୍ତନ କରିଛି। ସମସ୍ତଙ୍କ ପାଇଁ ମାଗଣା ରହିଥିବା ଏକ ଗେମ୍ ଯେଉଁଥିରେ କ୍ରିକେଟ୍ ପ୍ରେମୀମାନେ ଗେମ୍‌ର ସ୍ୱତନ୍ତ୍ର ଚାଟ୍ ବାର୍‌ରେ ରହିଥିବା ଇମୋଜି ଷ୍ଟିକରଗୁଡ଼ିକ ଜରିଆରେ ନିଜର ଆବେଗ ପରିପ୍ରକାଶ କରିପାରିବେ। ତଥ୍ୟ (ଟ୍ରିଭିଆ) ପ୍ରେମୀମାନଙ୍କ ପାଇଁ କ୍ରିକେଟ୍ ଭିତିକ ପଜଲ୍‌ର ସୁବିଧା ରହିଛି।