ସୀତାରାମ ଅଗ୍ରୱାଲ
ବାଣପୁର: ଆଜି ପୂର୍ବାହ୍ନରେ ଜଣେ ବ୍ୟକ୍ତିଙ୍କ ଠାରୁ ଦୁଇଜଣ ଯୁବକ ନବେ ହଜାର ଟଙ୍କା ଝାମ୍ପି ନେଇ ଯାଇଥିବା ବାଣପୁର ଥାନାରେ ଅଭିଯୋଗ କରିଛନ୍ତି। ଖବରରୁ ପ୍ରକାଶ ବାଣପୁର ଥାନା ଅନ୍ତର୍ଗତ ଶଙ୍କର ଦଳାଇ ବୟସ ୪୬ ବର୍ଷ ବାଣପୁର ଷ୍ଟେଟ ବ୍ୟାଙ୍କ ଶାଖାରୁ ତାଙ୍କ ମା’ଙ୍କ ଆକାଉଣ୍ଟରୁ ନବେ ହାଜର ଟଙ୍କା ଉଠାଇ ସାଇକେଲରେ ଘରକୁ ଫେରୁଥିଲେ। ସେହି ସମୟରେ ଗାଲୁଆ ଛକ ନିକଟରେ ଦୁଇଜଣ ଯୁବକ ମଟର ସାଇକେଲରେ ପଛଆଡ଼ୁ ଆସି ପଛରେ ବସିଥିବା ଯୁବକ ଶଙ୍କରଙ୍କ ଠାରୁ ଟଙ୍କା ବ୍ୟାଗଟିକୁ ଝାମ୍ପି ନେଇଯାଇଥିଲେ।
ଥାନାରେ ଶଙ୍କର ଅଭିଯୋଗ କଲା ପରେ ପୋଲିସ ୭୨/୨୦୨୩ ରେ ମକଦମା ରୁଜୁ କରି ତଦନ୍ତ ଜାରି ରଖିଛି।