Tag: ନୀତା ଅମ୍ବାନି

ମୁମ୍ବାଇ: ମୁମ୍ବାଇରେ ଗୁରୁବାର ଆରମ୍ଭ ହୋଇଥିବା ଆନ୍ତର୍ଜାତିକ ଅଲିମ୍ପିକ୍ କମିଟି (ଆଇଓସି)ର କାର୍ଯ୍ୟନିର୍ବାହୀ ବୋର୍ଡ ବୈଠକର ଉଦ୍‌ଘାଟନ ଅବସରରେ ସମ୍ବୋଧିତ କରି ଆଇଓସିର ସଭାପତି ଥୋମାସ୍ ବାକ୍ ରିଲାଏନ୍ସ ଫାଉଣ୍ଡେସନ ଓ ଏହାର ପ୍ରତିଷ୍ଠାତା ଅଧ୍ୟକ୍ଷା ନୀତା ଅମ୍ବାନିଙ୍କୁ ଭୁୟଶୀ ପ୍ରଶଂସା କରିଛନ୍ତି। ନଭି ମୁମ୍ବାଇ ସ୍ଥିତ ରିଲାଏନ୍ସ ଫାଉଣ୍ଡେସନ ୟଙ୍ଗ ଚାମ୍ପସ୍ ଏକାଡେମି ପରିଦର୍ଶନ କରିବା ପରେ ସେ ଅତ୍ୟନ୍ତ ପ୍ରଭାବିତ ହୋଇଥିବା କହିଛନ୍ତି।

ଶ୍ରୀ ବାକ୍‌ କହିଛନ୍ତି ଯେ, “ ମୁଁ ଆମ ଆଇଓସି ସହଯୋଗୀ ତଥା ବନ୍ଧୁ ନୀତା ଅମ୍ବାନିଙ୍କ ସହିତ ରିଲାଏନ୍ସ ଫାଉଣ୍ଡେସନ ପରିଦର୍ଶନ କରିଥିଲି ଏବଂ ସେମାନେ କ୍ରୀଡ଼ା ଓ ଶିକ୍ଷାକୁ ନେଇ ଶିଶୁ ଓ ଯୁବବର୍ଗଙ୍କୁ ପ୍ରଦାନ କରୁଥିବା କାର୍ଯ୍ୟକ୍ରମ ଦେଖିଥିଲି। ରିଲାଏନ୍ସ ଫାଉଣ୍ଡେସନ ଓ ତାଙ୍କ ଟିମ୍ ଦ୍ୱାରା ମୁଁ ଗଭୀର ଭାବେ ପ୍ରଭାବିତ କାରଣ ସେହି କେନ୍ଦ୍ରରେ ସାରା ଭାରତର ବିଭିନ୍ନ ଅଂଚଳର ପିଲାମାନଙ୍କୁ ଦେଖିବାକୁ ମିଳିଥିଲା। ସେମାନଙ୍କ ମଧ୍ୟରୁ ଅଧିକାଂଶ ଅନଗ୍ରସର ପରିବାରରୁ ଆସିଛନ୍ତି । ସେମାନଙ୍କୁ ପାଠପଢ଼ା ଓ ସ୍କୁଲ ଶିକ୍ଷା ପ୍ରଦାନ ସହିତ ସମାନ ସମୟରେ କ୍ରୀଡ଼ା ତାଲିମର ସୁଯୋଗ ଦିଆଯାଉଛି ଏବଂ ଏକ ଉଚ୍ଚ ମାନର କ୍ରୀଡ଼ାବିତରେ ପରିଣତ ହେବା ଲାଗି ସେମାନଙ୍କୁ ପ୍ରସ୍ତୁତ କରାଯାଉଛି।’’

ଅଲିମ୍ପିକ୍ ମୂଲ୍ୟବୋଧ ଅନୁସାରେ ରିଲାଏନ୍ସ ଫାଉଣ୍ଡେସନ ଓ ଏହାର ଅଧ୍ୟକ୍ଷା ତଥା ଆଇଓସି ସଦସ୍ୟା ଶ୍ରୀମତୀ ଅମ୍ବାନିଙ୍କ କାର୍ଯ୍ୟ ଓ ଦୃଷ୍ଟିକୋଣକୁ ନେଇ ଶ୍ରୀ ବାକ୍ ବେଶ ପ୍ରଭାବିତ ହୋଇଥିବା ପ୍ରକାଶ କରିବା ସହିତ ତାଙ୍କ ମତରେ ତାହା ବାସ୍ତବରେ ଅଲିମ୍ପିକ୍ ମୂଲ୍ୟବୋଧର ପ୍ରତିଫଳନ ବୋଲି କହିଛନ୍ତି।

ଶ୍ରୀ ବାକ୍ କହିଛନ୍ତି ଯେ, “ରିଲାଏନ୍ସ ଫାଉଣ୍ଡେସନର କାର୍ଯ୍ୟ ବାସ୍ତବରେ ଆମ ଅଲିମ୍ପିକ୍ ମୂଲ୍ୟବୋଧ ଓ ଦୃଷ୍ଟିକୋଣକୁ ଦର୍ଶାଉଛି । ଆମ ସହଯୋଗୀଙ୍କ ମାର୍ଗଦର୍ଶନରେ ରିଲାଏନ୍ସ ଫାଉଣ୍ଡେସନ ଭଳି ଏକ ଘରୋଇ ସଂସ୍ଥା ଜରିଆରେ ଯେଉଁଭଳି ବ୍ୟାପକ ଭାବେ କାର୍ଯ୍ୟ ହେଉଛି ତାହା ବେଶ ପ୍ରଶଂସନୀୟ ଏବଂ ଭାରତରେ କ୍ରୀଡ଼ା ଓ ଅଲିମ୍ପିକ୍ କ୍ରୀଡ଼ାର ଭବିଷ୍ୟତ ପାଇଁ ଅତ୍ୟନ୍ତ ଉତ୍ସାହଜନକ ମଧ୍ୟ ।’’

ଭାରତରେ ଅଲିମ୍ପିକ୍ ମୂଲ୍ୟବୋଧ ଶିକ୍ଷା କାର୍ଯ୍ୟକ୍ରମ (ଓଭିଇପି)ର ସଫଳତା ପାଇଁ ଚଳିତ ସପ୍ତାହ ପ୍ରାରମ୍ଭରେ ଆନ୍ତର୍ଜାତିକ ଅଲିମ୍ପିକ୍ କମିଟି (ଆଇଓସି) ପକ୍ଷରୁ ଅଲିମ୍ପିକ୍ ମ୍ୟୁଜିୟମ୍ ସହିତ ମିଳିତ ଭାବରେ ରିଲାଏନ୍ସ ଫାଉଣ୍ଡେସନ ସହ ଏକ ସହଯୋଗିତା ବୁଝାମଣା ସ୍ୱାକ୍ଷର କରାଯାଇଛି । ଯୁବପିଢ଼ିଙ୍କ ମଧ୍ୟରେ କ୍ରୀଡ଼ା ଜରିଆରେ ଅଲିମ୍ପିକ୍ ମୂଲ୍ୟବୋଧର ପ୍ରସାର ଦିଗରେ ଉଭୟ ସଂସ୍ଥାର ମିଳିତ ଉଦ୍ୟମ ଉପରେ ଏଥିରେ ଗୁରୁତ୍ୱାରୋପ କରାଯାଇଛି ।
ମୁମ୍ବାଇସ୍ଥିତ ରିଲାଏନ୍ସ ଫାଉଣ୍ଡେସନ ୟଙ୍ଗ୍ ଚାମ୍ପ୍‌ସ (ଆରଏଫ୍‌ୱାଇସି) ଫୁଟବଲ ଏକାଡେମି ପରିଦର୍ଶନ ସମୟରେ ଏହି ସହଯୋଗିତା ନେଇ ଆଇଓସି ସଭାପତି ଥୋମାସ୍ ବାକ୍ ଓ ଆଇଓସି ସଦସ୍ୟା ତଥା ରିଲାଏନ୍ସ ଫାଉଣ୍ଡେସନର ପ୍ରତିଷ୍ଠାତା ଅଧ୍ୟକ୍ଷା ନୀତା ଅମ୍ବାନି ସହମତି ପ୍ରକାଶ କରିଥିଲେ । ଏ ସମ୍ପର୍କରେ ମଧ୍ୟ ଉଦ୍‌ଘାଟନୀ ଅଭିଭାଷଣରେ ଶ୍ରୀ ବାକ୍ ଉଲ୍ଲେଖ କରିଥିଲେ ।

ଭୁବନେଶ୍ୱର: ବ୍ୟାଙ୍କକରେ ଚାଲିଥିବା ଏସିଆନ ଆଥଲେଟିକ୍ସ ଚାମ୍ପିଅନସିପରେ ରିଲାଏନ୍ସ ଫାଉଣ୍ଡେସନର କ୍ରୀଡ଼ାବିତ ଜ୍ୟୋତି ୟାରାଜି ୧୦୦ ମିଟର ହର୍ଡଲସ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ଜିତି ନୂଆ ଇତିହାସ ସୃଷ୍ଟି କରିଛନ୍ତି। ପ୍ରଥମ ଭାରତୀୟ କ୍ରୀଡ଼ାବିତ ଭାବେ ସେ ଏହି ସଫଳତା ହାସଲ କରିଛନ୍ତି। ଫାଇନାଲ ପ୍ରତିଯୋଗିତାରେ ଜ୍ୟୋତି ୧୩.୦୯ ସେକେଣ୍ଡ ସମୟରେ ଦୌଡ଼ ସମ୍ପୂର୍ଣ୍ଣ କରି ସ୍ୱର୍ଣ୍ଣ ପଦକ ହାସଲ କରିଥିଲେ।

ଓଡିଶା ରିଲାଏନ୍ସ ଫାଉଣ୍ଡେସନ ଆଥଲେଟିକ୍ସ ଏଚପିସିରେ ପ୍ରଶିକ୍ଷଣ ଲାଭ କରିଥିବା ଜ୍ୟୋତିଙ୍କୁ ଏହି ସଫଳତା ପାଇଁ ରିଲାଏନ୍ସ ଫାଉଣ୍ଡେସନର ଅଧ୍ୟକ୍ଷା ନୀତା ଅମ୍ବାନି ଅଭିନନ୍ଦନ ଜଣାଇବା ସହିତ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି। ପ୍ରଥମ ଭାରତୀୟ ଭାବରେ ଜ୍ୟୋତିଙ୍କ ଏହି ସଫଳତା ଦେଶକୁ ଗୌରବାନ୍ୱିତ କରିବା ସହ ସମସ୍ତ ଯୁବ କ୍ରୀଡ଼ାବିତ, ବିଶେଷ କରି କ୍ରୀଡା କ୍ଷେତ୍ରରେ ଉତ୍କର୍ଷ ହାସଲର ସ୍ୱପ୍ନ ଦେଖୁଥିବା ବାଳିକା ମାନଙ୍କ ପାଇଁ ପ୍ରେରଣାର ଉତ୍ସ ବୋଲି ସେ କହିଛନ୍ତି। ଜ୍ୟୋତିଙ୍କ ସଫଳତା ରିଲାଏନ୍ସ ଫାଉଣ୍ଡେସନ ପାଇଁ ଗର୍ବର ବିଷୟ ଭାବେ ବର୍ଣ୍ଣନା କରିବା ସହିତ ଯୁବପିଢ଼ିକୁ କ୍ରୀଡା ପ୍ରତି ଆକର୍ଷିତ କରିବା ଏବଂ ସେମାନଙ୍କ ମନରେ କ୍ରୀଡା ପାଇଁ ରହିଥିବା ଆଗ୍ରହକୁ ଆଗକୁ ବଢାଇବା ପାଇଁ ରିଲାଏନ୍ସ ଫାଉଣ୍ଡେସନର ପ୍ରତିଶୃତିବଦ୍ଧତାକୁ ଦୋହରାଇଛନ୍ତି ନୀତା ଅମ୍ବାନି। ଏଥି ସହିତ ବ୍ୟାଙ୍କକରେ ଚାଲିଥିବା ଏସିଆନ ଆଥଲେଟିକ୍ସ ଚାମ୍ପିଅନସିପରେ ସମସ୍ତ ଭାରତୀୟ କ୍ରୀଡ଼ାବିତ ଓ ରିଲାଏନ୍ସ ଫାଉଣ୍ଡେସନ କ୍ରୀଡ଼ାବିତ ମାନଙ୍କୁ ସେ ଶୁଭକାମନା ଜଣାଇଛନ୍ତି।

ଫାଇନାଲରେ ଶୀର୍ଷ ପ୍ରଦର୍ଶନ ପରେ ଜ୍ୟୋତି ୟାରାଜି ବିଶ୍ୱ ଚାମ୍ପିଅନସିପ ପାଇଁ ଯୋଗ୍ୟତା ହାସଲ କରିଥିବାରୁ ଆନନ୍ଦ ପ୍ରକାଶ କରିଛନ୍ତି ଏବଂ ନିକଟରେ ସମସ୍ତ ପ୍ରତିଯୋଗିତାରେ କ୍ରମାଗତ ଶ୍ରେଷ୍ଠ ପ୍ରଦର୍ଶନ ଜାରି ରଖିପାରିଥିବାରୁ ଖୁସି ଜାହିର କରିଛନ୍ତି। ଜାପାନର ପ୍ରତିଯୋଗୀମାନଙ୍କ ଠାରୁ ସେ ପ୍ରତିଦ୍ୱନ୍ଦିତା ଆଶା କରିଥିଲେ ମଧ୍ୟ ମେଡାଲ ବିଷୟରେ ଅଧିକ ଭାବନା ଛାଡି ନିଜ ଟାଇମିଂକୁ ଉନ୍ନତ କରିବା ଦିଗରେ ସେ ଧ୍ୟାନ କେନ୍ଦ୍ରିତ କରିଥିବା କହିଛନ୍ତି। ସେ କ୍ରମାଗତ ଭାବେ ୧୩ ସେକେଣ୍ଡ ସମୟ ହାସଲ କରିଥିବାରୁ ଆଗକୁ ନିଜର ଲକ୍ଷ୍ୟ ମୁତାବକ ୧୨.୯, ୧୨.୮ ଏବଂ ୧୨.୭ ସେକେଣ୍ଡ ସମୟରେ ପହଞ୍ଚିବା ନେଇ ସେ ଦୃଢ ଆଶାବାଦୀ ଥିବା ଜ୍ୟୋତି କହିଛନ୍ତି।

ଭୁବନେଶ୍ୱର: ଆଇଓସିର ସଦସ୍ୟା ନୀତା ଅମ୍ବାନି ଭାରତୀୟ ଅଲିମ୍ପିକ ସଂଘ (ଆଇଓଏ)ର ସଂଶୋଧିତ ସମ୍ବିଧାନକୁ ସ୍ୱାଗତ କରିଛନ୍ତି ଏବଂ ଏହାକୁ ଭାରତୀୟର ଅଲିମ୍ପିକ ସ୍ୱପ୍ନ ପାଇଁ ଐତିହାସିକ ମୁହୂର୍ତ ଭାବେ ଅଭିହିତ କରିଛନ୍ତି। ଅବସରପ୍ରାପ୍ତ ବିଚାରପତି ଜଷ୍ଟିସ୍ ଏଲ୍ ନାଗେଶ୍ୱର ରାଓ ଏହାକୁ ପ୍ରସ୍ତୁତ କରାଯାଇଛି। ଆଇଓଏର ସଂଶୋଧିତ ସମ୍ବିଧାନରେ କିଛି ମହତ୍ୱପୂର୍ଣ୍ଣ ପରିବର୍ତନ କରାଯାଇଛି। ନଭେମ୍ବର ୧୦ ତାରିଖରେ ହେବାକୁ ଥିବା ସାଧାରଣ ପରିଷଦ ବୈଠକରେ ଏହାକୁ ଆନୁଷ୍ଠାନିକ ସ୍ୱୀକୃତି ମିଳିବ ବୋଲି ଆଶା କରାଯାଉଛି।

ନୂଆ ସଂଶୋଧିତ ଆଇଓଏର ସମ୍ବିଧାନରେ କ୍ରୀଡ଼ାବିତ ଓ ମହିଳାମାନଙ୍କ ଅଧିକ ପ୍ରତିନିଧିତ୍ୱକୁ ପ୍ରଶଂସା କରି ଶ୍ରୀମତୀ ନୀତା ଏମ୍ ଅମ୍ବାନି କହିଛନ୍ତି ଯେ, “ଭାରତର ଅଲିମ୍ପିକ ଆନ୍ଦୋଳନରେ ଏକ ଐତିହାସିକ ପରିବର୍ତ୍ତନ ଲାଗି ମୁଁ ବିଚାରପତି ନାଗେଶ୍ୱର ରାଓଙ୍କୁ ଧନ୍ୟବାଦ ଜଣାଉଛି, କାରଣ ଆମେ ଏକ ଆଶାଭରା ଭବିଷ୍ୟତ ଆଡ଼କୁ ଗତି କରୁଛୁ। ଆଇଓଏର ସଂଶୋଧିତ ସମ୍ବିଧାନରେ ଭାରତୀୟ କ୍ରୀଡ଼ା ପ୍ରଶାସନରେ କ୍ରୀଡ଼ାବିତ ଏବଂ ମହିଳାଙ୍କ ଲାଗି ଅଧିକ ପ୍ରତିନିଧିତ୍ୱ ଦିଗରେ ଗ୍ରହଣ କରାଯାଇଥିବା ପଦକ୍ଷେପକୁ ନେଇ ମୁଁ ଅତ୍ୟନ୍ତ ଆଶାବାଦୀ ରହିଛି।’’

୨୦୨୩ ଭାରତର ଅଲିମ୍ପିକ୍ ଆନ୍ଦୋଳନ ପାଇଁ ଏକ ମହତ୍ୱପୂର୍ଣ୍ଣ ବର୍ଷ କାରଣ ୪୦ ବର୍ଷରେ ପ୍ରଥମ ଥର ପାଇଁ ମୁମ୍ବାଇଠାରେ ଭାରତ ଆଇଓସିର ଅଧିବେଶନ ଆୟୋଜନ କରିବ। ସମ୍ବିଧାନ ସଂଶୋଧନ ବିଷୟରେ ଶ୍ରୀମତୀ ନୀତା ଅମ୍ବାନି କହିଛନ୍ତି ଯେ, “କ୍ରୀଡ଼ାରେ ଭାରତର ବାସ୍ତବ କ୍ଷମତାର ଅଭ୍ୟୁଦୟ ପାଇଁ ପଥକୁ ଏହା ପ୍ରଶସ୍ତ କରିବ ବୋଲି ମୋର ଦୃଢ଼ ବିଶ୍ୱାସ ରହିଛି। ଭାରତର ଅଲିମ୍ପିକ ମହତ୍ୱାକଂକ୍ଷାକୁ ପୂରଣ କରିବା ଲାଗି ଆଇଓଏର ନବନିର୍ବାଚିତ ସଦସ୍ୟମାନଙ୍କ ସହ ମିଶି କାମ କରିବାକୁ ମୁଁ ପ୍ରସ୍ତୁତ ରହିଛି। ୨୦୨୩ରେ ମୁମ୍ବାଇରେ ଆଇଓଏ ଅଧିବେଶନ ସହ ଏହାର ଶୁଭାରମ୍ଭ ହେବ ଏବଂ ୨୦୨୪ ପ୍ୟାରିସ ଅଲିମ୍ପିକ୍ କ୍ରୀଡ଼ାରେ ଇଣ୍ଡିଆ ହାଉସ୍‌ର ସଫଳ ଆୟୋଜନ ଦ୍ୱାରା ତାହା ସମ୍ଭବ ହେବ। ଜୟ ହିନ୍ଦ!’’

ଆଇଓସିର ସଦସ୍ୟା ଏବଂ ରିଲାଏନ୍ସ ଫାଉଣ୍ଡେସନର ପ୍ରତିଷ୍ଠାତା ଅଧ୍ୟକ୍ଷା ଭାବେ ନୀତା ଅମ୍ବାନି “ପ୍ରଥମେ କ୍ରୀଡ଼ାବିତ ନୀତି’ର ଜଣେ ଦୃଢ଼ ସମର୍ଥକ। କ୍ରୀଡ଼ାରେ ଯୁବତୀ ଓ ମହିଳାମାନଙ୍କୁ ଯେଭଳି ଅଧିକ ସୁଯୋଗ ମିଳିବ ତାହାର ମଧ୍ୟ ସେ ପ୍ରସାର କରୁଛନ୍ତି। କ୍ରୀଡ଼ାବିତମାନଙ୍କ ଲାଗି ଜାରି ରହିଥିବା “ସ୍ପୋର୍ଟସ୍ ଫର ଡେଭେଲପ୍‌ମେଂଟ୍‌’ ପ୍ରୋଗ୍ରାମରେ କ୍ରୀଡ଼ାବିତମାନଙ୍କୁ ବିଶ୍ୱସ୍ତରୀୟ ଅନୁଭବ ଏବଂ ସୁବିଧା ପ୍ରଦାନ କରିବା ଉପରେ ରିଲାଏନ୍ସ ଫାଉଣ୍ଡେସନ ଗୁରୁତ୍ୱ ପ୍ରଦାନ କରୁଛି। ଏହି କ୍ରୀଡ଼ା କାର୍ଯ୍ୟକ୍ରମରେ ଯୁବତୀ ଏବଂ ମହିଳା କ୍ରୀଡ଼ାବିତମାନଙ୍କ ଭାଗିଦାରୀ ଏବଂ ସେମାନଙ୍କ ସଫଳତା ହାର ବଢ଼ାଇବା ଲାଗି ବିଶେଷ ଧ୍ୟାନ ଦିଆଯାଉଛି।

ସଂଶୋଧିତ ସମ୍ବିଧାନକୁ ଆଇଓଏରର ନଭେମ୍ବର ୧୦ରେ ହେବାକୁ ଥିବା ସାଧାରଣ ବୈଠକରେ ପ୍ରସ୍ତୁତ କରାଯିବ। ଏହା ପରେ ଆଇଓଏର ନିର୍ବାଚନ ଅନୁଷ୍ଠିତ ହେବ। ଆଇଓସି କାର୍ଯ୍ୟକାରୀ ବୋର୍ଡର ପରବର୍ତ୍ତୀ ବୈଠକ ପୂର୍ବରୁ ୨୦୨୨ ଡିସେମ୍ବର ୫-୭ରେ ଏହି ନିର୍ବାଚନ ହେବ।

ଆଇଓସି ଓ ଭାରତର ସୁପ୍ରିମ୍‌କୋର୍ଟଙ୍କ ନିର୍ଦେଶ ଅନୁସାରେ ଅବସରପ୍ରାପ୍ତ ବିଚରପତି ଜଷ୍ଟିସ୍ ନାଗେଶ୍ୱର ରାଓ ସଂଶୋଧିତ ସମ୍ବିଧାନକୁ ପ୍ରସ୍ତୁତ କରିଛନ୍ତି। ୨୦୨୨ ଅଗଷ୍ଟ ୬ରେ ଦିଲ୍ଲୀ ହାଇକୋର୍ଟ ଏବଂ ଆଇଓସି ପକ୍ଷରୁ କରାଯାଇଥିବା ସୁପାରିସ ଅନୁସାରେ ଏହି ସଂଶୋଧନକୁ ପ୍ରସ୍ତୁତ କରାଯାଇଛି। ଅଲିମ୍ପିକ ଚାର୍ଟର ଓ ଗୁଡ୍ ଗଭର୍ଣ୍ଣାସ୍ ଆଧାରରେ ଏହାକୁ ତିଆରି କରାଯାଇଛି। ଏହାର ସଂଶୋଧନରେ ଉନ୍ନତ ପ୍ରତିନିଧିତ୍ୱ ଉପରେ ଜୋର ଦିଆଯାଇଛି। ଉତ୍କୃଷ୍ଟ ଯୋଗ୍ୟତାର ୮ କ୍ରୀଡ଼ାବିତଙ୍କ ସହିତ ଅଧିକରୁ ଅଧିକ କ୍ରୀଡ଼ାବିତ ଏବଂ ବିଭିନ୍ନ ପ୍ରଶାସନିକ ଏବଂ ମତଦାନ ପଦରେ ମହିଳାଙ୍କ ପ୍ରତିନିଧିତ୍ୱକୁ ବଢ଼ାଇବା ଲାଗି ଏଥିରେ ପ୍ରାରମ୍ଭିକ ପଦକ୍ଷେପ ଗ୍ରହଣ କରାଯାଇଛି।

ମୁମ୍ବାଇ/ଭୁବନେଶ୍ୱର: ଭାୟାକମ୍‌୧୮ ପକ୍ଷରୁ ୨୦୨୩ରୁ ୨୦୨୭ ପର୍ଯ୍ୟନ୍ତ ଭାରତୀୟ ଉପ ମହାଦେଶରେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍‌) ମ୍ୟାଚ୍‌ଗୁଡ଼ିକର ଡିଜିଟାଲ ଷ୍ଟ୍ରିମିଂ ଅଧିକାର ହାସଲ କରାଯାଇଛି। ପ୍ରତି ସିଜନର ୧୮ଟି ମ୍ୟାଚ୍ ପାଇଁ ଏହା ଭାରତ ଡିଜିଟାଲ୍ ଅଧିକାରର ସ୍ୱତନ୍ତ୍ର ପ୍ୟାକେଜ୍ ମଧ୍ୟ ହାସଲ କରିଛି। ବିଶ୍ୱସ୍ତରରେ ଭାୟାକମ୍‌୧୮ ପ୍ରମୁଖ କ୍ରିକେଟ୍ ପ୍ରେମୀ ଦେଶ ସମେତ ପାଂଚ ଆନ୍ତର୍ଜାତିକ ପ୍ରାନ୍ତ ମଧ୍ୟରୁ ତିନିଟିରେ ଟେଲିଭିଜନ ସମେତ ଡିଜିଟାଲ୍ ଅଧିକାର ହାସଲ କରିଛି।

ଏ ସମ୍ପର୍କରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍‌ର ନିର୍ଦେଶିକା ନୀତା ଅମ୍ବାନି କହିଛନ୍ତି ଯେ, “କ୍ରୀଡ଼ା ଆମର ମନୋରଂଜନ କରିବା ସହ ଆମକୁ ଅନୁପ୍ରାଣିତ କରେ ଏବଂ ନିକଟତର କରାଏ। କ୍ରିକେଟ୍ ଓ ଆଇପିଏଲ୍ ଶ୍ରେଷ୍ଠ କ୍ରୀଡ଼ା ଓ ଭାରତର ଶ୍ରେଷ୍ଠତାକୁ ଉପସ୍ଥାପନ କରୁଥିବା ବେଳେ ଏହି କ୍ରୀଡ଼ା ଓ ଆକର୍ଷଣୀୟ ଲିଗ୍ ସହିତ ଆମେ ଆମର ସହଯୋଗିତାକୂୁ ଦୃଢ଼ କରିଥିବାରୁ ବେଶ ଗର୍ବିତ। ଆମେ କରୁଥିବା ପ୍ରତ୍ୟେକଟି ଜିନିଷ ଭଳି ଆମର ଲକ୍ଷ୍ୟ ହେଉଛି ଆଇପିଏଲ୍‌ର ଉଲ୍ଲାସପୂର୍ଣ୍ଣ ଅନୁଭୂତିକୁ ସାରା ଦେଶ ଓ ବିଶ୍ୱର ପ୍ରତିଟି କୋଣ ଅନୁକୋଣରେ ରହିଥିବା ପ୍ରତ୍ୟେକ କ୍ରିକେଟ୍ ପ୍ରେମୀଙ୍କ ପାଖରେ ପହଂଚାଇବା।’’

ବିଡ୍ ପ୍ରକ୍ରିୟାରେ ଲୋକପ୍ରିୟ ପ୍ରସାରଣକାରୀ ଓ ଡିଜିଟାଲ୍ କଂପାନିଗୁଡ଼ିକୁ ପଛରେ ପକାଇ ଭାୟାକମ୍‌୧୮ ନିଜକୁ ଏକ ଅଗ୍ରଣୀ ଡିଜିଟାଲ, ମିଡିଆ, ମନୋରଂଜନ ଓ କ୍ରୀଡ଼ା ପ୍ଲାଟଫର୍ମ ଭାବେ ପ୍ରତିଷ୍ଠିତ କରିପାରିଛି । ବ୍ୟାପକ ଭାବେ ଲୋକମାନଙ୍କ ପାଖରେ ପହଂଚିବା, ଗୁରୁତ୍ୱପୂର୍ଣ୍ଣ ସହଯୋଗିତା ଓ ବୃଦ୍ଧି ପାଉଥିବା ଲୋକପ୍ରିୟ ବିଷୟବସ୍ତୁର ସମ୍ଭାର ସହ ଭାୟାକମ୍‌୧୮ର ଡିଜିଟାଲ୍ ପ୍ଲାଟଫର୍ମ ଭାରତ ସମେତ ବିଶ୍ୱର ବିଭିନ୍ନ ସ୍ଥାନରେ ବସବାସ କରୁଥିବ ଭାରତୀୟଙ୍କ ପସନ୍ଦରେ ନେତୃତ୍ୱ ସ୍ଥାନ ହାସଲ କରିବାକୁ ପ୍ରସ୍ତୁତ ହୋଇଛି। ଆଇପିଏଲ୍ ପ୍ରସାରଣ ଅଧିକାର ହାସଲ ସହ ଭାୟାକମ୍‌୧୮ ଭାରତର ଏହି ସର୍ବବୃହତ କ୍ରୀଡ଼ା କାର୍ଯ୍ୟକ୍ରମକୁ ଦେଶର କୋଣ ଅନୁକୋଣରେ ପହଂଚାଇ ପାରିବ। ବର୍ତ୍ତମାନ ଲୋକପ୍ରିୟ ବିଷୟବସ୍ତୁ ହାସଲ କରିବାର ସୁଯୋଗ ପାଉନଥିବା ୬ କୋଟି ଫ୍ରି ଡିସ୍ ହୋମ୍ ସମେତ ଭାରତର ପ୍ରତିଟି ଅଂଚଳରେ ପ୍ରତି ଭାରତୀୟଙ୍କ ନିକଟରେ ଏହା ଆଇପିଏଲ୍‌କୁ ଉପଲବ୍ଧ କରାଇବ।

ଭାୟାକମ୍‌୧୮ ଏହା ପ୍ରଦର୍ଶନ କରିଛି ଯେ ଏହା ଭବିଷ୍ୟତ ପାଇଁ ଡିଜିଟାଲ୍ ପ୍ଲାଟଫର୍ମ ଗଠନ କରୁଥିବା ବେଳେ ପାରମ୍ପରିକ ଟେଲିଭିଜନ ପ୍ରସାରଣକୁ ଦୃଢ଼ କରିବା ଜାରି ରଖିଛି । ଭାରତ ଓ ବିଶ୍ୱସ୍ତରରେ କୋଟି କୋଟି ଗ୍ରାହକଙ୍କୁ ଶ୍ରେଷ୍ଠ ସମ୍ଭବ ଅନୁଭୂତି ପ୍ରଦାନ କରିବା ଲାଗି ଏହା ପାଖରେ ଷ୍ଟେଟ-ଅଫ୍‌-ଆର୍ଟ ଡିଜିଟାଲ୍ ଅଭିଜ୍ଞତା ରହିଛି। ଏହି ଡିଜିଟାଲ୍ ପ୍ଲାଟଫର୍ମ ଶ୍ରେଷ୍ଠ ମାନର ବିଷୟବସ୍ତୁ ସମେତ ବିଗ୍ ଡାଟା ଆନାଲିଟିକ୍ସ ଓ ପ୍ରେଡିକ୍ଟିଭ୍ ଆଲଗୋରିଦମ୍ ଜରିଆରେ ଡିଜିଟାଲ ଶକ୍ତିର ମିଶ୍ରଣକୁ ବ୍ୟବହାର କରି ପ୍ରତି ଗ୍ରାହକଙ୍କୁ ସେମାନଙ୍କ ପସନ୍ଦର ବିଷୟବସ୍ତୁ ପ୍ରଦାନ କରୁଛି।

ଫୁଟବଲରେ ଫିଫା ବିଶ୍ୱକପ୍‌, ଲା ଲିଗା, ସିରି ଏ ଓ ଲିଗ୍ ୧ ତଥା ବ୍ୟାଡମିଂଟନ, ଟେନିସ ଓ ବାସ୍କେଟବଲ (ଏନବିଏ) ଭଳି କ୍ରୀଡ଼ାର ପ୍ରସାରଣ ଅଧିକାର ହାସଲ କରିବା ପରେ ଭାୟାକମ୍ ୧୮ କ୍ରିକେଟ୍‌ରେ ପ୍ରଥମ ଥର ପାଇଁ ବଡ଼ ଧରଣରେ ପ୍ରବେଶ କରିଛି। ଆଇପିଏଲ୍ ପ୍ରସାରଣ ଅଧିକାର ହାସଲ କରିବା ଦ୍ୱାରା ଭାୟାକମ୍‌୧୮ ଓ ଏହାର ପ୍ଲାଟଫର୍ମ ଦେଶର ସର୍ବବୃହତ କ୍ରୀଡ଼ା ସ୍ଥଳରେ ପରିଣତ ହୋଇପାରିଛି। ବ୍ୟାପକ ଭାବେ ଏକ ବୃହତ, ଯୁବ, ଅଧିକ ଉପଯୋଗୀ ଓ ଗଭୀର ଭାବେ ଜଡ଼ିତ ଦର୍ଶକଙ୍କ ପାଖରେ ପହଂଚିବା ଲାଗି ଏହା ବିଜ୍ଞାପନଦାତାଙ୍କୁ ଅତୁଳନୀୟ ସୁଯୋଗ ପ୍ରଦାନ କରିବ। ଜିଓ ସହିତ ଭାୟାକମ୍‌୧୮ର ଗୁରୁତ୍ୱପୂର୍ଣ୍ଣ ସହଯୋଗିତା ବଳରେ ଏହା ଅତୁଳନୀୟ ସୁଯୋଗ ସୃଷ୍ଟି ଆଣିବ।

ମୁମ୍ବାଇ/ଭୁବନେଶ୍ୱର: ଭାୟାକମ୍‌୧୮ ପକ୍ଷରୁ ୨୦୨୩ରୁ ୨୦୨୭ ପର୍ଯ୍ୟନ୍ତ ଭାରତୀୟ ଉପ ମହାଦେଶରେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍‌) ମ୍ୟାଚ୍‌ଗୁଡ଼ିକର ଡିଜିଟାଲ ଷ୍ଟ୍ରିମିଂ ଅଧିକାର ହାସଲ କରାଯାଇଛି। ପ୍ରତି ସିଜନର ୧୮ଟି ମ୍ୟାଚ୍ ପାଇଁ ଏହା ଭାରତ ଡିଜିଟାଲ୍ ଅଧିକାରର ସ୍ୱତନ୍ତ୍ର ପ୍ୟାକେଜ୍ ମଧ୍ୟ ହାସଲ କରିଛି। ବିଶ୍ୱସ୍ତରରେ ଭାୟାକମ୍‌୧୮ ପ୍ରମୁଖ କ୍ରିକେଟ୍ ପ୍ରେମୀ ଦେଶ ସମେତ ପାଂଚ ଆନ୍ତର୍ଜାତିକ ପ୍ରାନ୍ତ ମଧ୍ୟରୁ ତିନିଟିରେ ଟେଲିଭିଜନ ସମେତ ଡିଜିଟାଲ୍ ଅଧିକାର ହାସଲ କରିଛି।

ବିଡ୍ ପ୍ରକ୍ରିୟାରେ ଲୋକପ୍ରିୟ ପ୍ରସାରଣକାରୀ ଓ ଡିଜିଟାଲ୍ କଂପାନିଗୁଡ଼ିକୁ ପଛରେ ପକାଇ ଭାୟାକମ୍‌୧୮ ନିଜକୁ ଏକ ଅଗ୍ରଣୀ ଡିଜିଟାଲ, ମିଡିଆ, ମନୋରଂଜନ ଓ କ୍ରୀଡ଼ା ପ୍ଲାଟଫର୍ମ ଭାବେ ପ୍ରତିଷ୍ଠିତ କରିପାରିଛି। ବ୍ୟାପକ ଭାବେ ଲୋକମାନଙ୍କ ପାଖରେ ପହଂଚିବା, ଗୁରୁତ୍ୱପୂର୍ଣ୍ଣ ସହଯୋଗିତା ଓ ବୃଦ୍ଧି ପାଉଥିବା ଲୋକପ୍ରିୟ ବିଷୟବସ୍ତୁର ସମ୍ଭାର ସହ ଭାୟାକମ୍‌୧୮ର ଡିଜିଟାଲ୍ ପ୍ଲାଟଫର୍ମ ଭାରତ ସମେତ ବିଶ୍ୱର ବିଭିନ୍ନ ସ୍ଥାନରେ ବସବାସ କରୁଥିବ ଭାରତୀୟଙ୍କ ପସନ୍ଦରେ ନେତୃତ୍ୱ ସ୍ଥାନ ହାସଲ କରିବାକୁ ପ୍ରସ୍ତୁତ ହୋଇଛି। ଆଇପିଏଲ୍ ପ୍ରସାରଣ ଅଧିକାର ହାସଲ ସହ ଭାୟାକମ୍‌୧୮ ଭାରତର ଏହି ସର୍ବବୃହତ କ୍ରୀଡ଼ା କାର୍ଯ୍ୟକ୍ରମକୁ ଦେଶର କୋଣ ଅନୁକୋଣରେ ପହଂଚାଇ ପାରିବ। ବର୍ତ୍ତମାନ ଲୋକପ୍ରିୟ ବିଷୟବସ୍ତୁ ହାସଲ କରିବାର ସୁଯୋଗ ପାଉନଥିବା ୬ କୋଟି ଫ୍ରି-ଡିସ୍ ହୋମ୍ ସମେତ  ଭାରତର ପ୍ରତିଟି ଅଂଚଳରେ ପ୍ରତି ଭାରତୀୟଙ୍କ ନିକଟରେ ଏହା ଆଇପିଏଲ୍‌କୁ ଉପଲବ୍ଧ କରାଇବ।

ଭାୟାକମ୍‌୧୮ ଏହା ପ୍ରଦର୍ଶନ କରିଛି ଯେ ଏହା ଭବିଷ୍ୟତ ପାଇଁ ଡିଜିଟାଲ୍ ପ୍ଲାଟଫର୍ମ ଗଠନ କରୁଥିବା ବେଳେ ପାରମ୍ପରିକ ଟେଲିଭିଜନ ପ୍ରସାରଣକୁ ଦୃଢ଼ କରିବା ଜାରି ରଖିଛି। ଭାରତ ଓ ବିଶ୍ୱସ୍ତରରେ କୋଟି କୋଟି ଗ୍ରାହକଙ୍କୁ ଶ୍ରେଷ୍ଠ ସମ୍ଭବ ଅନୁଭୂତି ପ୍ରଦାନ କରିବା ଲାଗି ଏହା ପାଖରେ ଷ୍ଟେଟ-ଅଫ୍‌-ଆର୍ଟ ଡିଜିଟାଲ୍ ଅଭିଜ୍ଞତା ରହିଛି। ଏହି ଡିଜିଟାଲ୍ ପ୍ଲାଟଫର୍ମ ଶ୍ରେଷ୍ଠ ମାନର ବିଷୟବସ୍ତୁ ସମେତ ବିଗ୍ ଡାଟା ଆନାଲିଟିକ୍ସ ଓ ପ୍ରେଡିକ୍ଟିଭ୍ ଆଲଗୋରିଦମ୍ ଜରିଆରେ ଡିଜିଟାଲ ଶକ୍ତିର ମିଶ୍ରଣକୁ ବ୍ୟବହାର କରି ପ୍ରତି ଗ୍ରାହକଙ୍କୁ ସେମାନଙ୍କ ପସନ୍ଦର ବିଷୟବସ୍ତୁ ପ୍ରଦାନ କରୁଛି।

ଫୁଟବଲରେ ଫିଫା ବିଶ୍ୱକପ୍‌, ଲା ଲିଗା, ସିରି ଏ ଓ ଲିଗ୍ ୧ ତଥା ବ୍ୟାଡମିଂଟନ, ଟେନିସ ଓ ବାସ୍କେଟବଲ (ଏନବିଏ) ଭଳି କ୍ରୀଡ଼ାର ପ୍ରସାରଣ ଅଧିକାର ହାସଲ କରିବା ପରେ ଭାୟାକମ୍ ୧୮ କ୍ରିକେଟ୍‌ରେ ପ୍ରଥମ ଥର ପାଇଁ ବଡ଼ ଧରଣରେ ପ୍ରବେଶ କରିଛି। ଆଇପିଏଲ୍ ପ୍ରସାରଣ ଅଧିକାର ହାସଲ କରିବା ଦ୍ୱାରା ଭାୟାକମ୍‌୧୮ ଓ ଏହାର ପ୍ଲାଟଫର୍ମ ଦେଶର ସର୍ବବୃହତ କ୍ରୀଡ଼ା ସ୍ଥଳରେ ପରିଣତ ହୋଇପାରିଛି। ବ୍ୟାପକ ଭାବେ ଏକ ବୃହତ, ଯୁବ, ଅଧିକ ଉପଯୋଗୀ ଓ ଗଭୀର ଭାବେ ଜଡ଼ିତ ଦର୍ଶକଙ୍କ ପାଖରେ ପହଂଚିବା ଲାଗି ଏହା ବିଜ୍ଞାପନଦାତାଙ୍କୁ ଅତୁଳନୀୟ ସୁଯୋଗ ପ୍ରଦାନ କରିବ। ଜିଓ ସହିତ ଭାୟାକମ୍‌୧୮ର ଗୁରୁତ୍ୱପୂର୍ଣ୍ଣ ସହଯୋଗିତା ବଳରେ ଏହା ଅତୁଳନୀୟ ସୁଯୋଗ ସୃଷ୍ଟି ଆଣିବ।

ଏ ସମ୍ପର୍କରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍‌ର ନିର୍ଦେଶିକା ନୀତା ଅମ୍ବାନି କହିଛନ୍ତି ଯେ, “କ୍ରୀଡ଼ା ଆମର ମନୋରଂଜନ କରିବା ସହ ଆମକୁ ଅନୁପ୍ରାଣିତ କରେ ଏବଂ ନିକଟତର କରାଏ। କ୍ରିକେଟ୍ ଓ ଆଇପିଏଲ୍ ଶ୍ରେଷ୍ଠ କ୍ରୀଡ଼ା ଓ ଭାରତର ଶ୍ରେଷ୍ଠତାକୁ ଉପସ୍ଥାପନ କରୁଥିବା ବେଳେ ଏହି କ୍ରୀଡ଼ା ଓ ଆକର୍ଷଣୀୟ ଲିଗ୍ ସହିତ ଆମେ ଆମର ସହଯୋଗିତାକୁ ଦୃଢ଼ କରିଥିବାରୁ ବେଶ ଗର୍ବିତ। ଆମେ କରୁଥିବା ପ୍ରତ୍ୟେକଟି ଜିନିଷ ଭଳି ଆମର ଲକ୍ଷ୍ୟ ହେଉଛି ଆଇପିଏଲ୍‌ର ଉଲ୍ଲାସପୂର୍ଣ୍ଣ ଅନୁଭୂତିକୁ ସାରା ଦେଶ ଓ ବିଶ୍ୱର ପ୍ରତିଟି କୋଣ ଅନୁକୋଣରେ ରହିଥିବା ପ୍ରତ୍ୟେକ କ୍ରିକେଟ୍ ପ୍ରେମୀଙ୍କ ପାଖରେ ପହଂଚାଇବା।’’