Tag: ନୂଆ ବର୍ଷ

ଭୁବନେଶ୍ଵର: ଓଡ଼ିଶାର ଲୋକପ୍ରିୟ ଓଡ଼ିଆ ଚ୍ୟାନେଲ ଜୀ-ସାର୍ଥକ ଏହି ନୂଆବର୍ଷ ଅବସରରେ ମନୋରଞ୍ଜନର ନୂଆ କାହାଣୀ ଲେଖିବାକୁ ଯାଉଛି କାରଣ ସାର୍ଥକ ପ୍ରସାରିତ ସମସ୍ତ ମେଗା ଧାରାବାହିକରେ ଆସିବ ନୂଆ ବର୍ଷରେ ନୂଆ କାହାଣୀ। ସଂପୂର୍ଣ୍ଣ ନିଆରା ଓ ପାରିବାରିକ କାହାଣୀକୁ ନେଇ ନିର୍ମିତ ‘ସନ୍ଧ୍ୟା ରାଗିଣୀ’ ‘ତୁ ମୋର ସାଥିରେ’, ‘ସୁନା ଝିଅ’, ‘ଶକ୍ତି’, ‘ତୁ ଖରା ମୁଁ ଛାଇ’ ଓ ‘ଖୁସିର ଛୁଙ୍କ’ ରେ ଆସିବ ନୂଆ ମୋଡ। ସବୁବେଳେ ଦର୍ଶକଙ୍କ ମନମୁତାବକ ଭରପୁର ମନୋରଂଜନ ଦେବା ପାଇଁ ପ୍ରତିଶ୍ରୁତିବଦ୍ଧ ଜୀ-ସାର୍ଥକ, ଏଥର ମଧ୍ୟ ନୂଆ ବର୍ଷର ଆରମ୍ଭ ସହ ନୂଆ ପ୍ରକାରର ମନୋରଞ୍ଜନ ଭେଟିଦେବ ତାର ଦର୍ଶକଙ୍କୁ।

ଏକ ଭିନ୍ନ ଧରଣର ଦୁଇ ଭଉଣୀଙ୍କ କାହାଣୀ, ଧାରାବାହିକ ‘ସନ୍ଧ୍ୟା ରାଗିଣୀ’। ସନ୍ଧ୍ୟାର ସ୍ବପ୍ନ ଅଛି କି ଦେଶ ପାଇଁ ହକି ଖେଳିବ ଆଉ ରାଗିଣୀର ଲକ୍ଷ୍ୟ ଅଛି ଘରେ ଘରେ ଶିକ୍ଷା ପହଞ୍ଚେଇବ, ପ୍ରତ୍ୟକ ନାରୀକୁ ସାକ୍ଷର କରେଇବ..ମା ଯଶୋଦା ପଣ କରିଛି ଦୁଇ ଝିଅଙ୍କ ସ୍ବପ୍ନ ପୂରଣ କରିବାରେ…ଯଶୋଦା କଣ ସ୍ବପ୍ନ ପୂରଣ କରେଇ ପାରିବ? ଜାଣିବା ପାଇଁ ଦେଖନ୍ତୁ ଜୀ-ସାର୍ଥକରେ ଧାରାବାହିକ ‘ସନ୍ଧ୍ୟା ରାଗିଣୀ’ ସନ୍ଧ୍ୟା ୬:୩୦ରୁ।

ନୂଆବର୍ଷରେ ଓଡ଼ିଆ ଘରର କାହାଣୀକୁ ନେଇ ପ୍ରସାରିତ ହେଉଥିବା ଏହି ସବୁ ଧାରାବାହିକ ମଧ୍ୟରେ ଦ୍ଵିତୀୟରେ ରହିଛି “ତୁ ମୋର ସାଥିରେ’। କାହାଣୀ ଆଗକୁ ବଢିବା ସହ ଅମ୍ବରର ଅପହରଣ ହୋଇଛି ଜଣେ ଅଜଣା ଲୋକ ଦ୍ବାରା ଓ ତା ସ୍ଥାନରେ ଧାରା ପାଖରେ ପହଞ୍ଚିଛି ନକଲି ଅମ୍ବର ତେବେ ଧାରା ଚିହ୍ନିପାରିଛି ନକଲି ଅମ୍ବରକୁ ତେବେ ସେ ଅସଲି ଅମ୍ବରକୁ କେମିତି ଫେରିପାଉଛି ତାହା ହେଉଛି କାହାଣୀର ମୁଖ୍ୟ ପରିବର୍ତ୍ତନ।

‘ସୁନା ଝିଅ’ , ଗୋଟେ ସ୍ବାଧୀନ ଝିଅ ପ୍ରିୟା ର କାହାଣୀ, ଯିଏ ନିଜ ମା ର ଆତ୍ମସମ୍ମାନ ପାଇଁ କିଭଳି ନିଜକୁ ଗୋଟେ BDO ଅଫିସର ହଵା ପାଇଁ ପ୍ରସ୍ତୁତ କରୁଛି ତାହା ଏହି ମେଗା ଧାରାବାହିକରେ ଦେଖିବାକୁ ମିଳିଛି । ପ୍ରିୟା, ନୂଆ ବର୍ଷରେ ପ୍ରଣ କରୁଛି ଯେ ଭବାନୀର ଅସଲ ଚେହେରା ନିଜ ସ୍ୱାମୀ ବିଷ୍ଣୁ ଆଗରେ ଖୋଲିବ ଓ ନିଜେ ବିଡିଓ ହୋଇ ନିଜ ମା’କୁ ଗର୍ବିତ କରିବ। ତେବେ ଏଠି କାହାଣୀରେ ଆସିଛି ନୂଆ ଆରମ୍ଭ ଦେଖିବେ କେବଳ ଜୀ-ସାର୍ଥକରେ।

ସନ୍ଧ୍ୟା ୮ରୁ ଦେଖିବେ ‘ଶକ୍ତି’, ଯାହାର ମୁଖ୍ୟ ଚରିତ୍ର ଶକ୍ତି ମହାପାତ୍ର ନାମକ ଜଣେ ନିଷ୍ଠାପର ଓ ସ୍ବାଭିମାନୀ ଝିଅର କାହାଣୀ। ବିଦେଶରେ ପାଠପଢି ଓକିଲ ହେବା, ନିଜ ପରିବାରକୁ ସାହାଯ୍ୟ କରିବା ଓ ସ୍ବାଧୀନ ଭାବରେ ଚଳିବାର ସ୍ୱପ୍ନ ଦେଖେ ହେଲେ କାହାଣୀରେ ଆସିଛି ନୂଆ ମୋଡ ସ୍ବାଧୀନତାର ସ୍ବପ୍ନ ଦେଖୁଥିବା ଶକ୍ତି ଫସିଯାଇଛି ରାଜଲକ୍ଷ୍ମୀଙ୍କ ପରିବାର ବାଦରେ ହେଲେ ସେ ପଛକୁ ଫେରିନି ବରଂ ନୂଆ ବର୍ଷରେ କଳା କୋଟ୍ ପିନ୍ଧି ବାହାରିଛି ନିଜ ସ୍ବପ୍ନ ଗଢିବାକୁ ଓ କାହାଣୀରେ ହୋଇଛି ଏକ ନୂଆ ଆରମ୍ଭ।

‘ତୁ ଖରା ମୁଁ ଛାଇ’ ଯାହାର ମୁଖ୍ୟ ଚରିତ୍ର ମାନିନୀର କାହାଣୀକୁ ନେଇ ପ୍ରସ୍ତୁତ ଏହି ଧାରାବାହିକ କାହାଣୀ କ୍ରମେ ନାୟକ ଏଜେର ମାନିନୀ ପ୍ରତି ଭଲପାଇବା ବଢି ଯାଇଛି। ଦୁହେଁ ଚାହିଁଛନ୍ତି ଜୀବନର ନୂଆ ଆରମ୍ଭ ପାଇଁ, ଏଜେ ବହୁ ପ୍ରକାରର ଚେଷ୍ଟା କରିଛି ମାନିନୀକୁ ପ୍ରପୋଜ କରିବା ପାଇଁ ଓ ମାନିନୀ ମଧ୍ୟ ଅନୁଭବ କରୁଛି ହେଲେ ଏମାନଙ୍କ ଯୋଡି ବନିବ ତ? ଯଦି ଦୁଇ ଜଣଙ୍କ ସମ୍ପର୍କ ଯୋଡି ହୋଇ ବିବାହ ହୁଏ ତେବେ କେତେଦୂର ଚିରସ୍ଥାୟୀ ହେବ? ଏହାକୁ ନେଇ “ତୁ ଖରା ମୁଁ ଛାଇ” କାହାଣୀ ଗତିଶୀଳ ଦେଖିବେ ନୂଆ ବର୍ଷରେ।

ଜୀ-ସାର୍ଥକର ଶେଷ ଭେଟି ରହିଛି ‘ଖୁସିର ଛୁଙ୍କ’। କରନକୁ ଜୀବନ ସାଥି କରି ଖୁସି ନିଜର ସ୍ଵପ୍ନର ଘର କରିବାକୁ ବାହାରିଲା ବେଳେ ଗୋଟିଏ ମୁହୂର୍ତରେ ସମୟ ବଦଳି ଯାଇଛି ଦୁହିଙ୍କ ପାଇଁ ଏପରିକି ପୁରା ପରିବାରକୁ ଘର ଛାଡି ଯିବାକୁ ପଡିଛି ହେଲେ ପୁରା ପରିବାର ଏକ ହୋଇ ପ୍ରତିବଦ୍ଧ ହୋଇଛନ୍ତି କିପରି ମହାପାତ୍ର ପରିବାରର ଇଜ୍ଜତ ଫେରାଇ ଆଣିବେ ଓ ସେଥିପାଇଁ କାହାଣୀରେ ଆସିଛି ନୂଆ ପରିବର୍ତନ। ହେଲେ ପୁଣିଥରେ ଭାଂଗିଯାଇଥିବା ମହାପାତ୍ର ପରିବାରକୁ ଖୁସି ନିଜର ଭଲ ପାଇବା, ପ୍ରେମ,ନିଷ୍ଠା ଓ ବିଶ୍ୱାସ ବଳରେ ଗଢି ତୋଳିବାରେ ସଫଳ ହେବ ତ?

ଚ୍ୟାନେଲ ମୁଖ୍ୟ ପ୍ରତୀକ ସିଲ୍ କହିଛନ୍ତି ଯେ, “ପ୍ରଥମରୁ ଆମେ ଆମର ଦର୍ଶକଙ୍କ ଚିନ୍ତାଧାରାକୁ ସମ୍ମାନ ଦେଇ ତାଙ୍କ ମନୋରଞ୍ଜନ ଜାରି ରଖିଛୁ। ଆମ ଧାରାବାହିକ ଗୁଡିକର ପ୍ରତ୍ୟେକ ଚରିତ୍ର ହେଉଛି ନୂତନ ଉଦୀୟମାନ ଓଡିଆ ମହିଳାମାନଙ୍କର ପ୍ରତିଫଳନ, ଯେଉଁମାନେ ନିଜର ତଥା ନିଜ ପରିବାରର ସ୍ୱପ୍ନକୁ ସାକାର କରିବାରେ ସର୍ବଦା ଚେଷ୍ଟାରତ। ତାହା ଏହି ନୂଆବର୍ଷ ୨୦୨୪ରେ ତା’ର ୬ ମେଗା ଧାରାବାହିକର କାହାଣୀ ଗୁଡିକୁ ଆହୁରି ରୁଚି ପୂର୍ଣ କରିଛି ଯେଉଁଥିପାଇଁ ଆପଣ ମାନଙ୍କ ସହ ଆମର ସମ୍ପର୍କ ଆହୁରି ୬ ଗୁଣ ବଢିବ ଓ ପୁଣି ଦର୍ଶକଙ୍କ ମନକୁ ଛୁଇଁବ ବୋଲି ଆମର ଆଶା ବୋଲି ବୋଲି ଜୀ-ସାର୍ଥକ ଚିଫ ଚ୍ୟାନେଲ୍ ଅଫିସର ପ୍ରତୀକ ସିଲ୍ କହିଛନ୍ତି”।

ଭୁବନେଶ୍ଵର: ନୂଆ ବର୍ଷ ଅବସରରେ ଦୀପାଞ୍ଜଳୀ ମ୍ୟୁଜିକ୍ ରେ ବାବୁ ବାବୁଙ୍କ ନିର୍ଦ୍ଦେଶନାରେ ରିଲିଜ୍ ହୋଇଛି ପ୍ରଭୁ ଜଗନ୍ନାଥଙ୍କ ଏକ ସୁନ୍ଦର ଭଜନ “ତୁମେ ଅସୀମ ଅନନ୍ତ ହେ ଜଗନ୍ନାଥ”। ଯେଉଁ ଗୀତ ଟିରେ ଖୁବ୍ ସୁନ୍ଦର ଭାବେ ଅଭିନୟ କରିଛନ୍ତି ଦିବ୍ୟ ଓ ଦୀପାଞ୍ଜଳୀ। ତାହା ସହ ଜୟଦେବ ମିଶ୍ର ଗୀତ ଟିକୁ କଣ୍ଠଦାନ କରିଥିବା ସହ ସଙ୍ଗୀତ ନିର୍ଦ୍ଦେଶନା ମଧ୍ୟ ଦେଇଛନ୍ତି।

ଖୁବ୍ ସୁନ୍ଦର ଭାବେ ଭାବପୂର୍ଣ୍ଣ ହୋଇ ଗୀତଟି କୁ ଲେଖିଛନ୍ତି ଜିତେନ୍ଦ୍ର ଜେନା। ଏଣୁ ନିର୍ଦ୍ଦେଶକ ବାବୁ ବାବୁ ଙ୍କ ବହୁଗୁଡିଏ ସଫଳତା ପରେ ନୂଆ ବର୍ଷ ରେ ଏକ ନୂଆ ପ୍ରୟାସ ଯାହା କି ଦର୍ଶକ ମାନଙ୍କ ହୃଦୟ କୁ ଏହି ଗୀତ ମାଧ୍ୟମରେ ଛୁଇଁ ପାରିବ। ଏଥିସହ ଏହି ଗୀତ ଟି ଶ୍ରୀକ୍ଷେତ୍ର ଧାମ ପୁରୀ ରେ ବିଭିନ୍ନ ସ୍ଥାନରେ ସୁଟିଂ ହେବା ସହ ପୁରୀ ମନ୍ଦିର ସାମ୍ନା ରେ କିଛି ଦୃଶ୍ୟ ଦର୍ଶକ ମାନଙ୍କ ମନକୁ ଜିଣିବ। ଏଣୁ ଖାଲି ଏହି ନୂଆ ବର୍ଷ ନୁହେଁ ସବୁସମୟରେ ଏହି ଭଜନ ଟି ଦର୍ଶକ ମାନଙ୍କ ହୃଦୟ ରେ ରହିବ।

ଭୁବନେଶ୍ବର: ନୂଆ ବର୍ଷର ଆରମ୍ଭ ସହ ଏକ ନୂତନ କାହାଣୀ ସହ ଆସନ୍ତା ଜାନୁଆରୀ ୨ ରୁ ଜୀ-ସାର୍ଥକରେ ଆରମ୍ଭ ହେବାକୁ ଯାଉଛି ଏକ ମେଗା ଧାରାବାହିକ ‘ଖୁସିର ଛୁଙ୍କ’। ଖାଇବା ଓ ଖୁଆଇବା ପାଇଁ ପସନ୍ଦ କରୁଥିବା ଏକ ଚୁଲବୁଲି ଝିଅ ଖୁସି, ପାରମ୍ପରିକ ଓଡ଼ିଆ ଖାଦ୍ୟକୁ ନେଇ ଏକ କ୍ଲାଉଡ କିଚେନ୍ କରିବା ପାଇଁ ସ୍ଵପ୍ନ ଦେଖୁଛି। ସେହି ସ୍ୱପ୍ନକୁ ପୁରା କରିବା ପାଇଁ ଚେଷ୍ଟା କରୁଥିବା ବେଳେ କରନ ସହ ତା’ର ଦେଖା ହୋଇଛି। ଖାଦ୍ୟ ପ୍ରସ୍ତୁତିରେ ରୁଚି ରଖୁଥିବା କରନ ମଧ୍ଯ ତା’ର ସ୍ୱପ୍ନ ପୁରା କରିବା ପାଇଁ ଲାଗିଛି। ସେମାନେ କିପରି ଭାବରେ ସେମାଙ୍କର ସ୍ୱପ୍ନକୁ ପୁରା କରୁଛନ୍ତି ଏବଂ ସ୍ଵପ୍ନ ପୁରା କରିବା ବାଟରେ କ’ଣ ସବୁ ଅସୁବିଧାର ସାମ୍ନା କରୁଛନ୍ତି, ତାକୁ ନେଇ କାହାଣୀଟି ଗତିଶୀଳ ହେବ।

ପ୍ରସ୍ଥାନମ, ମୁଖା , ଲଷ୍ଟ ଇନ୍ ଲଭ ପରି ଚଳଚ୍ଚିତ୍ରରେ ଅଭିନୟର ଛାପ ଛାଡ଼ିବା ସହ ଟେଲିଭିଜନ ଦୁନିଆରେ ବି ବେଶ୍ ସୁନାମ ଅର୍ଜନକରିଥିବା ଶ୍ରଦ୍ଧା ପାଣିଗ୍ରାହୀ ଏହି ମେଗା ଧାରାବାହିକରେ ମୁଖ୍ୟ ଚରିତ୍ର ଖୁସି ଭୂମିକାରେ ଅଭିନୟ କରୁଛନ୍ତି। ସେହିପରି ଦି ଏଣ୍ଡ ଓ ତିତିଲି ଚଳଚ୍ଚିତ୍ର ସହ ଅନେକ ମ୍ୟୁଜିକ ଭିଡିଓ ରେ ନିଜର ଅଭିନୟ ଦକ୍ଷତା ଦେଖାଇଥିବା ତୁଷାର ଏହି ଧାରାବାହିକରେ କରନ ଭୂମିକାରେ ଅଭିନୟ କରୁଛନ୍ତି।

ଚିରାଚରିତ କାହାଣୀରୁ ସମ୍ପୂର୍ଣ୍ଣ ଭିନ୍ନ ତଥା ନୂତନ କଥାବସ୍ତୁକୁ ନେଇ ପ୍ରସାରିତ ହେବାକୁ ଥିବା ଏହି ଧାରାବାହିକଟି ଆଗାମୀ ଜାନୁଆରୀ ୨ ରୁ ପ୍ରତି ସୋମବାରରୁ ଶନିବାର ରାତି ୯ ଟାରେ ଜୀ-ସାର୍ଥକରେ ପ୍ରସାରିତ ହେବ ବୋଲି ଜୀ-ସାର୍ଥକ ଟିମ୍ ପକ୍ଷରୁ ସୂଚନା ଦିଆଯାଇଛି।