ଭୁବନେଶ୍ବର: ରାଜ୍ୟସଭାରେ ୱାକଫ ବିଲକୁ ନେଇ ବିଜେଡି ମଧ୍ୟରେ ବଡ ଫାଟ ସୃଷ୍ଟି ହୋଇଛି। ବିଜେଡି ସାଂସଦ ମୁନ୍ନା ଖାନ ବିଲ ବିରୋଧରେ ଭୋଟ ଦେଇଥିବା ବେଳେ ସସ୍ମିତ ସମର୍ଥନ କରିଛନ୍ତି। ତେବେ ଦଳର ଏପରି ଆଭିମୁଖ୍ୟ ନେଇ ବିଧାୟକ ତଥା ଦଳର ବରିଷ୍ଠ ନେତା ବଦ୍ରୀ ପାତ୍ର ବିସ୍ପୋରକ ତଥ୍ୟ ଦେଇଛନ୍ତି। ଯାହା ଦଳ ଭିତରେ ଭୂକମ୍ପ ସୃଷ୍ଟି ହୋଇଛି।
ବଦ୍ରି ପାତ୍ର କହିଛନ୍ତି ଯେ, ବିଲକୁ ବିରୋଧ କରିବା ପାଇଁ ପୂର୍ବରୁ ଦଳର ସଭାପତି ନିଷ୍ପତି ଗ୍ରହଣ କରିଥିଲେ। ହେଲେ ପରେ କିପରି ତାହା ପ୍ରତ୍ୟାହାର ହେଲା ଆଉ ବିବେକ ଅନୁମୋଦିତ ଭୋଟ ଦେବା ପାଇଁ କୁହାଗଲା। ତେବେ ଏହା ଭିତରେ ଏକ ବଡ ଖେଳ ହୋଇଛି ବୋଲି ବଦ୍ରୀ ପାତ୍ର କହିଛନ୍ତି। ବିଜେଡି କାହାର ଚାପରେ ଏପରି କରିଛି ବୋଲି ସେ ସ୍ପଷ୍ଟ ଭାବେ ମତ ରଖିଛନ୍ତି।