Tag: ବ୍ରହ୍ମପୁର ରେଳଷ୍ଟେସନ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ରେଳଷ୍ଟେସନ ୧ ନଂ ପ୍ଲାଟଫର୍ମରେ ଜଣେ ଅଜଣା ବ୍ୟକ୍ତି ରେଳ ସମ୍ମୁଖକୁ ଡେଇଁ ଆତ୍ମହତ୍ୟା କରିଥିବା ଜଣାପଡିଛି। ବ୍ରହ୍ମପୁର ରେଳଷ୍ଟେସନ ୧ ନଂ ପ୍ଲାଟଫର୍ମରେ ଛିଡ଼ା ହୋଇଥିବା ଜନୈକ ବ୍ୟକ୍ତି ସିକନ୍ଦରବାଦ୍ ହାୱଡା ଫାଲକନାମା ଏକ୍ସପ୍ରେସ ଗାଡ଼ି ଆସିବା ବେଳେ ରେଳ ଆଗକୁ ଡେଇଁ ଆତ୍ମହତ୍ୟା କରିଛନ୍ତି ଓ ତାଙ୍କର ପରିଚୟ ମିଳିନାହିଁ। ରେଳବାଇ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଆରମ୍ଭ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ରେଳ ଷ୍ଟେସନ ନିକଟରୁ ଏକ ବଡ ଖବର ଆସିଛି। ଟ୍ରେନରେ ଧୂଆଁ ବାହାରିବାରୁ ଷ୍ଟେସନ ନିକଟରେ ଭୟର ବାତାବରଣ ସୃଷ୍ଟି ହୋଇଛି। ବ୍ରହ୍ମପୁର ରେଳଷ୍ଟେସନ ନିକଟ ଲାଞ୍ଜିପଲୀ ଓଭରବ୍ରିଜ୍ ତଳେ ବିବେକ ଏକ୍ସପ୍ରେସ ଟ୍ରେନରେ ନିଆଁ ଲାଗି ଧୁଆଁ ବାହାରୁଛି।

ଦିବ୍ରୁଗଡ ଠାରୁ କନ୍ୟାକୁମାରୀ ଅଭିମୁଖେ ଯାଉଥିବା ଏହି ଟ୍ରେନରେ ଗୋଟିଏ ବଗିରେ ଧୂଆଁ ବାହାରିବାରୁ ଯାତ୍ରୀ ଭୟଭୀତ ହୋଇ ଟ୍ରେନରୁ ଓହ୍ଲାଇ ପଡିଛନ୍ତି। ଖବର ପାଇ ରେଳ ସୁରକ୍ଷା ବଳ ଓ ଅଗ୍ନି ନିରାପତ୍ତା କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଆଜି ଜଣେ ଯୁବକ ବ୍ରହ୍ମପୁର ରେଳଷ୍ଟେସନ ମଧ୍ୟରେ ଟ୍ରେନ ଆଗକୁ ଡ଼େଇଁ ଆତ୍ମହତ୍ୟା କରିଥିବା ଭଳି ଏକ ଦୁଃଖଦାୟକ ଘଟଣା ଘଟିଯାଇଛି। ମୃତ ଯୁବକ ଜଣକ ହେଲେ ପାଟପୁର ଥାନା ଅନ୍ତର୍ଗତ ଗାଙ୍ଗପୁର ଜୁରା ଗ୍ରାମର ଡ଼ମ୍ବୁରୁ ଭୀମ ସାହୁ (୩୬)।

ଘଟଣାରୁ ପ୍ରକାଶ ଯେ ଡ଼ମ୍ବୁରୁ ଗ୍ରାମର କିଛି ବ୍ୟକ୍ତିଙ୍କ ସହ ଆନ୍ଧ୍ରପ୍ରଦେଶର ଏରଙ୍ଗଲ୍‌କୁ କାମ କରିବାକୁ ଯିବାକୁ କୋଣାର୍କ ଟ୍ରେନ ଧରିବାକୁ ଆସିଥିଲା। ଷ୍ଟେସନ ମଧ୍ୟରେ ଟ୍ରେନକୁ ସମସ୍ତେ ଅପେକ୍ଷା କରିଥିବାବେଳେ ଟ୍ରେନ ପହଞ୍ଚିବା ପୂର୍ବରୁ ଟ୍ରେନ ଆଗକୁ ଡ଼େଇଁ ପଡ଼ିଥିଲେ। ଫଳରେ ଘଟଣାସ୍ଥଳରେ ହିଁ ତା’ର ମୃତ୍ୟୁ ଘଟିଛି।

ରେଲୱେ ପୋଲିସ୍ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବାବେଳେ ଏକ ଥାନାରେ ଏକ ମାମଲା ରୁଜୁ ହୋଇଛି। ତେବେ ଦୁଃଖଦ ଘଟଣା କ୍ରମେ ଜଣେ ଦାଦନ ଖଟିବାକୁ ଯାଉଥିବା ଶ୍ରମିକ କେଉଁ କାରଣରୁ ଆତ୍ମହତ୍ୟା କରିଛି ତାହା ଅସ୍ପଷ୍ଟ ରହିଛି।