The Samikhsya Odia
ପୁରୀ: ପୁରୀ ଶ୍ରୀମନ୍ଦିର ଭିତରେ ଭିଡ଼ିଓ ଭାଇରାଲ ହୋଇଥିବା ଘଟଣାରେ ବୃନ୍ଦାବନ ନିବାସୀ ଅନନ୍ତ ଗୋସ୍ୱାମୀ ପୋଲିସ ନିକଟରେ ହାଜର ହୋଇଛନ୍ତି। ଗତ କିଛି ମାସ ତଳେ ଶ୍ରୀମନ୍ଦିର ଭିତର ବେଢା ଆଉ ଗରୁଡ଼ ସ୍ତମ୍ଭରୁ ଗର୍ଭଗୃହର ଦୃଶ୍ୟକୁ ବୃନ୍ଦାବନର ଭକ୍ତ ବାଙ୍କେ ବିହାରୀ ଅନନ୍ତ ନିଜ ଇନଷ୍ଟାଗ୍ରାମ ଓ ଫେସ୍ବୁକରେ ଭିଡ଼ିଓ ଅପ୍ଲୋଡ କରିଥିଲେ। ଏହି ବିଷୟକୁ ଗଭୀର ଭାବେ ପୁରୀ ପୋଲିସ ନେଇଥିବା ସହ ଅନନ୍ତ ଗୋସ୍ୱାମୀଙ୍କୁ ନୋଟିସ କରିଥିଲା।
ତେବେ ପୋଲିସ ନୋଟିସ ପାଇବା ପରେ ଆଜି ସେ ପୁରୀ ପୋଲିସ ନିକଟରେ ହାଜିର ହୋଇଛନ୍ତି। ସିଂହଦ୍ୱାର ପୋଲିସ ଘଟଣାକୁ ନେଇ ଅଧିକ ପଚାର ଉଚରା ଜାରି ରଖିଛି।
ନୂଆଦିଲ୍ଲୀ: ଯଦି ଭାରତରେ ପାକିସ୍ତାନ ସ୍ଲୋଗାନ ଉଠାଇବା ଆରମ୍ଭ ହୁଏ ତେବେ ଏହା ନିଶ୍ଚିତ ଭାବେ ଏକ ବଡ ପ୍ରସଙ୍ଗ ହୋଇଯିବ। ପାକିସ୍ତାନ ଏବଂ ଶ୍ରୀଲଙ୍କା ବିପକ୍ଷ ବିଶ୍ୱକପ୍ର ଅଷ୍ଟମ ମ୍ୟାଚ୍ରେ ଏଭଳି ଏକ ଘଟଣା ଘଟିଛି। ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ଶ୍ରୀଲଙ୍କା ଦେଇଥିବା ଏକ ବଡ଼ ଟାର୍ଗେଟକୁ ପାକିସ୍ତାନ କ୍ରିକେଟ୍ ଦଳ ପିଛା କରୁଥିଲା। ଏହି ସମୟରେ “ଜିତେଗା ଭାଇ ଜିତେଗା ପାକିସ୍ତାନ ଜିତେଗା” ଭଳି ସ୍ଲୋଗାନ ଷ୍ଟାଡିୟମରେ ଲାଗିଥିଲା, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି କାରଣ ପାକିସ୍ତାନର କୌଣସି ପାକିସ୍ତାନୀ ସମର୍ଥକ ଏହି ମ୍ୟାଚ୍ ଦେଖିବାକୁ ଆସିନାହାଁନ୍ତି, କାରଣ ଭାରତ ସରକାର ପାକିସ୍ତାନର କୌଣସି ବ୍ୟକ୍ତିଙ୍କୁ ଭିସା ଦେଇନାହାଁନ୍ତି। ଏଭଳି ପରିସ୍ଥିତିରେ ପାକିସ୍ତାନ ସମର୍ଥନରେ ସ୍ଲୋଗାନ ଦେଇଥିବା ଲୋକମାନେ ଭାରତୀୟ ବୋଲି ନିଶ୍ଚିତ।
ଏହି ମ୍ୟାଚରେ ଶ୍ରୀଲଙ୍କା ପ୍ରଥମେ ପାକିସ୍ତାନ ବିପକ୍ଷରେ ବ୍ୟାଟିଂ କରି ୫୦ ଓଭରରେ ୯ ୱିକେଟ୍ ହରାଇ ୩୪୪ ରନ୍ ସଂଗ୍ରହ କରିଥିଲା। ବିଶ୍ୱକପ ଇତିହାସରେ ଏଭଳି ଏକ ବଡ଼ ଲକ୍ଷ୍ୟ କେବେ ବି ପୂରଣ ହୋଇ ନଥିଲା, ତେଣୁ ପାକିସ୍ତାନର ବର୍ତ୍ତମାନର ଫର୍ମକୁ ବିଚାର କରି ପ୍ରଥମେ ଏହି ଲକ୍ଷ୍ୟ ସେମାନଙ୍କ ପାଇଁ ଅସମ୍ଭବ ମନେହୁଏ। ପାକିସ୍ତାନୀ ଇନିଂସ ଆରମ୍ଭରେ ଇମାମ-ଉଲ-ହକ ଏବଂ ବାବର ଆଜାମଙ୍କ ୱିକେଟ୍ ଖସିଯିବା ପରେ ଲାଗୁଥିଲା ଯେ, ବର୍ତ୍ତମାନ ପାକିସ୍ତାନ ଦଳ କୌଣସି ପରିସ୍ଥିତିରେ ଏହି ମ୍ୟାଚ୍ ଜିତିବାରେ ସମର୍ଥ ହେବ ନାହିଁ।
What a ground support they Pakistan had in Hyderabad. Never expected this from Indian crowd. #PAKVSL #CWC2023 pic.twitter.com/qNHqrjhKNb
— Nibraz Ramzan (@nibraz88cricket) October 11, 2023
ତଥାପି, ଏହା ହେଲା ନାହିଁ। ଏହା ପରେ ଓପନର୍ ଅବଦୁଲ୍ଲା ଶାଫିକ୍ ଏବଂ ମହମ୍ମଦ ରିଜୱାନ୍ ଙ୍କ ମଧ୍ୟରେ ୧୭୬ ରନ୍ ର ଏକ ଉତ୍କୃଷ୍ଟ ଭାଗିଦାରୀ ହୋଇଥିଲା। ଏହି ଉଭୟ ବ୍ୟାଟ୍ସମ୍ୟାନ୍ ଶତକ ହାସଲ କରିଥିଲେ ଏବଂ ରିଜୱାନ୍ କେବଳ ୧୩୧ ରନ୍ର ଅପରାଜିତ ଇନିଂସ ଖେଳି ନିଜ ଦଳକୁ ବିଜୟରେ ପହଞ୍ଚାଇ ନଥିଲେ ବରଂ ବିଶ୍ୱକପ ଇତିହାସରେ ସର୍ବାଧିକ ସ୍କୋରକୁ ସଫଳତାର ସହ ପୂରଣ କରିଥିଲେ।
ମ୍ୟାଚ୍ ପରେ ରିଜୱାନ୍ ଏବଂ ବାବର ଆଜାମ ହାଇଦ୍ରାବାଦବାସୀଙ୍କୁ ମ୍ୟାଚ୍ ସମୟରେ ସମର୍ଥନ କରିଥିବାରୁ ଧନ୍ୟବାଦ ଜଣାଇଛନ୍ତି ଏବଂ ପାକିସ୍ତାନ ଦଳ ହାଇଦ୍ରାବାଦ କ୍ରିକେଟ୍ ଗ୍ରାଉଣ୍ଡ କର୍ମଚାରୀଙ୍କୁ ପାକିସ୍ତାନ ଦଳର ଜର୍ସି ପ୍ରଦାନ କରିଛି ଏବଂ ସେମାନଙ୍କ ସହ ଫଟୋଗ୍ରାଫ୍ ମଧ୍ୟ କରିଛି। ତେବେ ହାଇଦ୍ରାବାଦରେ ପାକିସ୍ତାନକୁ ସମର୍ଥନ କରି ଭାରତୀୟ ଲୋକଙ୍କ ଦ୍ୱାରା ଉଠାଯାଇଥିବା ସ୍ଲୋଗାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ଲୋକମାନେ ଏହା ଉପରେ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି।
ନୂଆଦିଲ୍ଲୀ: ନୁହ ହିଂସା ପରେ ହରିୟାଣା ସମେତ ପଶ୍ଚିମ ଉତ୍ତରପ୍ରଦେଶର ପୋଲିସ-ପ୍ରଶାସନ ସତର୍କ ମୋଡରେ ଅଛି। ଏହି ହିଂସା ସମ୍ପର୍କରେ ଦେଶର ବିଭିନ୍ନ ନେତାଙ୍କଠାରୁ ବିବୃତ୍ତି ଆସିଛି। ଏହି ସମୟରେ ଭାରତୀୟ କ୍ରିକେଟର ସଚିନ ତେନ୍ଦୁଲକରଙ୍କ ଏକ ପୁରୁଣା ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି। ବାସ୍ତବରେ, ସଚିନ ତାଙ୍କ କ୍ରିକେଟ୍ କ୍ୟାରିଅର୍ ଆରମ୍ଭ କରିବାବେଳେ ଏହି ଭିଡିଓ କରିଥିଲେ। ସଚିନଙ୍କ ବ୍ୟତୀତ ଅମିତାଭ ବଚ୍ଚନ, ଅନୁପମ ଖେରଙ୍କ ସମେତ ଅନେକ ଚଳଚ୍ଚିତ୍ର ବ୍ୟକ୍ତିତ୍ୱ ମଧ୍ୟ ଏହି ଭିଡିଓରେ ନଜର ଆସିଛନ୍ତି। ଏହି ଭିଡିଓ ମାଧ୍ୟମରେ ହିନ୍ଦୁ-ମୁସଲମାନ ଏକତାର ବାର୍ତ୍ତା ଦିଆଯାଉଛି। ବର୍ତ୍ତମାନ ନୁହ ହିଂସା ପରେ ଏହି ଭିଡିଓ ପୁଣି ଭାଇରାଲ ହେବାରେ ଲାଗିଛି।
ସଚିନ ତେନ୍ଦୁଲକରଙ୍କ ପୁରୁଣା ଭାଇରାଲ୍ ଭିଡିଓ:
ଏହି ଭିଡିଓ ଆରମ୍ଭରେ କ୍ରିକେଟର ସଚିନ ତେନ୍ଦୁଲକର କହୁଛନ୍ତି ଯେ, ‘ଯେତେବେଳେ ଆମେ ଭାରତ ପାଇଁ ଖେଳୁ, ସେତେବେଳେ ଆମେ ଏକ ଦଳ। ଆପଣ ଜଣେ ହିନ୍ଦୁ ହୁଅନ୍ତୁ କିମ୍ବା ମୁସଲମାନ ହୁଅନ୍ତୁ, ଏହା ପଡ଼ିଆରେ ଗୁରୁତ୍ୱ ରଖେ ନାହିଁ। ଏହା ପରେ ସେ କହିଛନ୍ତି ଯେ, ‘ମୁଁ ସଚିନ ତେନ୍ଦୁଲକର ଏବଂ ସର୍ବପ୍ରଥମେ ମୁଁ ଜଣେ ଭାରତୀୟ’। ଏହା ପରେ ଅନେକ ବଲିଉଡ ସେଲିବ୍ରିଟି ମଧ୍ୟ ଏହି ଭିଡିଓରେ ନଜର ଆସିଛନ୍ତି।
Many celebrities from Bollywood & Indian Cricket including Sachin Tendulkar and Amitabh Bachchan have spoken over violence in Manipur & Haryana.
We are INDIANS.. pic.twitter.com/MYR4rvOuHc
— Shantanu (@shaandelhite) August 2, 2023
ଭିଡିଓରେ ଅଭିଷେକ ବଚ୍ଚନ, ତବୁ, ଅନୁପମ ଖେର, ଶବାନା ଆଜମିଙ୍କ ସମେତ ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିର କଳାକାରମାନେ ମଧ୍ୟ ଜଣେ ଭାରତୀୟ ବୋଲି କହୁଥିବା ଶୁଣିବାକୁ ମିଳୁଛି। ୨୯ ସେକେଣ୍ଡର ଭିଡିଓ ଅଭିନେତା ଅମିତାଭ ବଚ୍ଚନଙ୍କ ସହ ‘ହିନ୍ଦୁସ୍ତାନୀଓଁ ପେ ଜୁଲମ ସାରେ ଦେଶ ପେ ଜୁଲମ’ ସହିତ ଶେଷ ହୋଇଛି।
ନୂଆଦିଲ୍ଲୀ: ମଣିପୁରରେ ଦୁଇଜଣ ମହିଳାଙ୍କ ଉଲଗ୍ନ ଅବସ୍ଥାରେ ଚାଲିଥିବାର ଭିଡିଓ ଭାଇରାଲ ହେବା ପରେ ସାରା ଦେଶ କ୍ରୋଧିତ ହୋଇଛି। ଆଜି କ୍ରୋଧିତ ଜନତା ମଣିପୁରର ମୁଖ୍ୟ ଅଭିଯୁକ୍ତ ହୁଇରେମ ହେରାଦାସ ସିଂଙ୍କ ଘର ଜାଳି ଦେଇଛନ୍ତି। ଭାଇରାଲ ଭିଡିଓରେ ଦୁଇଜଣ ମହିଳାଙ୍କୁ ଅଭିଯୁକ୍ତମାନେ ଉଲଗ୍ନ କରି ପ୍ୟାରେଡ କରୁଥିବା ଦେଖିବାକୁ ମିଳିଥିଲା। କେବଳ ଏତିକି ନୁହେଁ, ଏହା ମଧ୍ୟ ଅଭିଯୋଗ ହୋଇଛି ଯେ ଏହି ମହିଳା ଦ୍ୱୟଙ୍କ ମଧ୍ୟରୁ ଜଣଙ୍କୁ ନିର୍ଦ୍ଦୟତା କରାଯାଇଥିଲା। ଭିଡିଓ ଭାଇରାଲ ହେବା ପରେ ପୋଲିସ କହିଛି ଯେ, ଏହି ଘଟଣା ମେ ୪ ତାରିଖରେ ଘଟିଥିଲା।
କୁହାଯାଉଛି ଯେ, ମୁଖ୍ୟ ଅଭିଯୁକ୍ତଙ୍କ ଘରେ ଉତ୍ତ୍ୟକ୍ତ ଜନତା ନିଆଁ ଲଗାଇ ଦେଇଥିଲେ ଯେଉଁଥିରେ ଅଧିକାଂଶ ମହିଳା ସମ୍ପୃକ୍ତ ଥିଲେ। ଏହି ମାମଲାରେ ପୋଲିସ ଏପର୍ଯ୍ୟନ୍ତ ଚାରି ଅଭିଯୁକ୍ତଙ୍କୁ ଗିରଫ କରିଛି। ମେ ୪ ତାରିଖରେ ମହିଳାଙ୍କ ସହ ଘଟିଥିବା ଏହି ଘଟଣାକୁ ସମସ୍ତେ ନିନ୍ଦା କରୁଛନ୍ତି।
ମେରଠ: ମେରଠର ଏକ କଲେଜରେ ଦ୍ୱାଦଶ ଶ୍ରେଣୀର ଛାତ୍ରମାନେ ସେମାନଙ୍କ ଶିକ୍ଷୟତ୍ରୀଙ୍କ ସହ ଅସଦାଚରଣ କରିଥିବା ଭିଯୋଗ ହୋଇଛି। ଛାତ୍ରମାନଙ୍କ ଏହି କାର୍ଯ୍ୟର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି। ଏହା ପରେ ଶିକ୍ଷୟତ୍ରୀଜଣଙ୍କ ଥାନାରେ ଅଭିଯୋଗ କରିଛନ୍ତି।
ଶିକ୍ଷୟତ୍ରୀଙ୍କ ଅଭିଯୋଗ ଅନୁଯାୟୀ ୪ ଜଣ ଛାତ୍ରଙ୍କ ବିରୋଧରେ ମାମଲା ରୁଜୁ ହୋଇଛି। ଶିକ୍ଷୟତ୍ରୀଙ୍କୁ ଅସଦାଚରଣ କରିଥିବା ତିନିଜଣ ଛାତ୍ରଙ୍କୁ କଲେଜରୁ ବହିଷ୍କାର କରାଯାଇଛି। ଏହି ମାମଲାରେ ଅଭିଯୁକ୍ତମାନଙ୍କ ମଧ୍ୟରେ ଜଣେ ଭାଇ ଓ ଭଉଣୀ ମଧ୍ୟ ଅଛନ୍ତି। ସେମାନଙ୍କ ବିରୋଧରେ ହତ୍ୟା ଧମକ, ଛାତ୍ରୀଙ୍କ ଉପରେ ଅଶ୍ଳୀଳ ମନ୍ତବ୍ୟ ଦେବା ଅଧୀନରେ ମାମଲା ରୁଜୁ ହୋଇଛି।
ଏହି ଘଟଣାର ଦୁଇଟି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏହି ମାମଲାରେ ଚାରିଜଣଙ୍କୁ ପୋଲିସ ଅଟକ ରଖିଛି। ପୋଲିସର ସୂଚନାନୁସାରେ, ଏହି ମାମଲା କିଠୋର ପୋଲିସ ଷ୍ଟେସନ ପରିସରରେ ଥିବା ରାଧନା ଇନାୟତପୁର ଗାଁର ଏକ କଲେଜ ସହ ଜଡିତ। ପୋଲିସ ସୂତ୍ରରୁ ପ୍ରକାଶ ଯେ, ରବିବାର ଦିନ ଦିଆଯାଇଥିବା ଲିଖିତ ଅଭିଯୋଗରେ ୨୭ ବର୍ଷୀୟ ଶିକ୍ଷୟତ୍ରୀ ଅଭିଯୋଗ କରିଛନ୍ତି ଯେ, କିଛି ଦ୍ୱାଦଶ ଶ୍ରେଣୀ ଛାତ୍ର ଦୀର୍ଘ ଦିନ ଧରି ତାଙ୍କୁ ହଇରାଣ କରୁଥିଲେ।
ଶିକ୍ଷୟତ୍ରୀଙ୍କ ଅଭିଯୋଗ କରିଛନ୍ତି ଯେ, “ଜୁନ୍ ୨୪ ତାରିଖରେ ଯେତେବେଳେ ଛାତ୍ରଛାତ୍ରୀମାନେ ମୋତେ ସ୍କୁଲ ପରିସରରେ ‘ମୁଁ ତୁମକୁ ଭଲ ପାଏ’ କହିଥିଲେ ଏବଂ ସେତେବେଳେ ସେମାନେ ଏହାର ଏକ ଭିଡିଓ ରେକର୍ଡ କରିଥିଲେ। ପରେ ସେମାନେ ଏହି କ୍ଲିପ୍ ସୋସିଆଲ ମିଡିଆରେ ପୋଷ୍ଟ କରିଥିଲେ। ସେ କହିଛନ୍ତି ଯେ, ‘ଶ୍ରେଣୀଗୃହ ଭିତରେ ମୋ ବିରୋଧରେ ଅପମାନଜନକ ଶବ୍ଦ ବ୍ୟବହାର କରୁଥିବା ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା।’ ଏସଏଚଓ ଅରବିନ୍ଦ ମୋହନ ଶର୍ମା କହିଛନ୍ତି ଯେ, ଛାତ୍ରମାନଙ୍କ ବିରୋଧରେ ମାମଲା ରୁଜୁ ହୋଇଛି, ଯାହାଙ୍କର ବୟସ ପ୍ରାୟ ୧୬ ବର୍ଷ। ଏହି ଚାରିଜଣ ଛାତ୍ରଙ୍କୁ ଗିରଫ କରାଯାଇ ନାବାଳକ ଜଷ୍ଟିସ ବୋର୍ଡ ସମ୍ମୁଖରେ ହାଜର କରାଯାଇଥିବା ମେରଠ ପୋଲିସ ରବିବାର ଟ୍ୱିଟ କରିଛି।
ଖୋର୍ଦ୍ଧା/ବେଗୁନିଆ: ପୁଣି ଥରେ ଚର୍ଚ୍ଚାକୁ ଆସିଛନ୍ତି ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ। ଏଥର ମଞ୍ଚରେ ନାଚୁଥିବାର ଭିଡିଓକୁ ନେଇ ଚର୍ଚ୍ଚା ହେଉଛି। ଯାହାର ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି।
ସୂଚନା ଅନୁଯାୟୀ, ଖୋର୍ଦ୍ଧା ଜିଲ୍ଲା ବେଗୁନିଆର ପରିଛଳ ବାଣିଜ୍ୟ ବିକାଶ ବଣିକ ସଂଘ ତରଫରୁ ଗଜଲକ୍ଷ୍ମୀ ମହୋତ୍ସବ ଆରମ୍ଭ ହୋଇଥିଲା। କିନ୍ତୁ ଦୁଇ ବର୍ଷ କରୋନା ମହାମାରୀ ଯୋଗୁଁ ମହୋତ୍ସବ ବନ୍ଦ ଥିବା ବେଳେ ଚଳିତ ବର୍ଷ ଏହି ମହୋତ୍ସବ ଧୁମଧାମରେ ପାଳନ କରାଯାଇଥିଲା। ଆୟୋଜିତ ଉତ୍ସବରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ତେଣୁ ମଞ୍ଚରେ ନାଚ ଗୀତର ଆୟୋଜନ କରାଯାଇଥିଲା।
ତେବେ ଏହି ମଞ୍ଚରେ ହଠାତ ଚିଲିକା ବିଧାୟକଙ୍କ ଉପସ୍ଥିତି ଏବଂ କଳାକାରଙ୍କ ମେଳରେ ନାଚିବାର ଦୃଶ୍ୟ ଦେଖିବାକୁ ମିଳିଥିଲା। ଯାହାର ଭିଡିଓ ଭାଇରାଲ ହେବାରେ ଲାଗିଛି।
ଉଲ୍ଲେଖ ଯୋଗ୍ୟ ଯେ, ଏହି କାର୍ଯ୍ୟକ୍ରମ ପାଇଁ ବେଗୁନିଆ ବିଧାୟକ ରାଜେନ୍ଦ୍ର ସାହୁଙ୍କୁ ମୁଖ୍ୟ ଅତିଥି ଭାବେ ନିମନ୍ତ୍ରଣ କରାଯାଇଥିଲା। ହେଲେ ବିଧାୟକ ଶ୍ରୀ ସାହୁ ଏହି ଉତ୍ସବରେ ଯୋଗ ଦେଇନଥିବାରୁ ଆୟୋଜକଙ୍କ ମନରେ ଅସନ୍ତୋଷ ପ୍ରକାଶ ପାଇଥିବା ଜଣାପଡିଛି। ସେପଟେ ମଞ୍ଚ ଉପରେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବଙ୍କ ନାଚକୁ ସ୍ଥାନୀୟ ଲୋକେ ବେଶ ଉପଭୋଗ କରିଛନ୍ତି।
ସୀତାରାମ ଅଗ୍ରୱାଲ
ବାଲୁଗାଁ: ନିର୍ବାଚନରେ ପ୍ରତ୍ୟକ୍ଷ ଭାବେ ଶାସକ ଦଳକୁ ସରକାରୀ କର୍ମଚାରୀମାନେ ସହଯୋଗ କରୁଥିବାର ବିରୋଧୀମାନେ ଅଭିଯୋଗ କରିଆସୁଛନ୍ତି। ତେବେ ଖୋର୍ଦ୍ଧା ଜିଲ୍ଲା ବାଲୁଗାଁ ଏନଏସି ଅଞ୍ଚଳରେ ଏପରି ଏକ ଭିଡିଓ ଭାଇରାଲ ହେଉଛି, ଯାହା ପରେ ବିରୋଧୀ ଦଳକୁ ଅଭିଯୋଗ କରିବାର ଏକ ସୁଯୋଗ ମିଳିଯାଇଛି।
ଖବର ମୁତାବକ ସୋସିଆଲ ମିଡିଆରେ ବାଲୁଗାଁ ଏନଏସି ୧୧ ନମ୍ବର ୱାର୍ଡ ସରଳାପଦର ଗ୍ରାମର ଏକ ଭିଡିଓ ଭାଇରଲ ହେବାରେ ଲାଗିଛି। ଯେଉଁଥିରେ ସଦ୍ୟ ଶେଷ ହୋଇଥିବା ବାଲୁଗାଁ ଏନଏସି ଉପାଧ୍ୟକ୍ଷ ନିର୍ବାଚନରେ ନିର୍ବାଚିତ ହୋଇଥିବା ଉପାଧ୍ୟକ୍ଷ ଭଗବାନ ପ୍ରଧାନଙ୍କ ବିଜୟ ଶୋଭାଯାତ୍ରାର ଭିଡିଓ ଦେଖିବାକୁ ମିଳୁଛି। ଏହି ଭିଡିଓରେ ତାଙ୍କ ସମର୍ଥକ ମାନେ ନାଚରେ ମସଗୁଲ ଅଛନ୍ତି।
ତେବେ ଉକ୍ତ ନାଚରେ ଗୀତର ତାଳେ ତାଳେ ଜଣେ ସରକାରୀ କର୍ମଚାରୀ ମଧ୍ୟ ନାଚୁଥିବା ଦେଖିବାକୁ ମିଳିଛି। ବାଲୁଗାଁ ଏନଏସିର ଟାକ୍ସ କଲେକ୍ଟର ଭାବେ କାର୍ଯ୍ୟରତ ସରକାରୀ କର୍ମଚାରୀ ପ୍ରକାଶ ମହାପାତ୍ର ଉକ୍ତ ଶୋଭାଯାତ୍ରାରେ ସାମିଲ ହୋଇ ଗୀତର ତାଳେ ତାଳେ ନାଚୁଥିବାର ଦେଖାଯାଇଛି।
ଗୋଟାଏ ପଟେ ମୁଖ୍ୟ ଶାସନ ସଚିବ ସରକାରୀ କର୍ମଚାରୀମାନେ ନିର୍ବାଚନରେ ନିରପେକ୍ଷତା ଅବଲମ୍ବନ କରିବା ପାଇଁ ନିର୍ଦ୍ଦେଶ ଦେଉଥିବା ବେଳେ ଅପରପକ୍ଷେ ଏଠି ଖୋଦ ସରକାରୀ କର୍ମଚାରୀ ସର୍ବସାଧାରଣ ସ୍ଥାନରେ ଏକ ନିର୍ଦ୍ଦିଷ୍ଟ ଦଳର ବିଜୟ ଉତ୍ସବରେ ଖୋଲାଖୋଲି ଭାବେ ସାମିଲ ହୋଇ ସରକାରଙ୍କ ଅସଲ ମୁଖା ଖୋଲିଦେଇଛନ୍ତି।
ଓଡ଼ିଶା ସର୍ଭିସ କଣ୍ଡକ୍ଟ ରୁଲ ୧୯୫୯ ଧାରା ୫ ମୁତାବକ କୌଣସି ସରକାରୀ କର୍ମଚାରୀ ରାଜନୈତିକ ଦଳ ସହ ଜଡ଼ିତ ହୋଇପାରିବେ ନାହିଁ। କିମ୍ବା ରାଜନୈତିକ କାର୍ଯ୍ୟକ୍ରମରେ ଅଂଶଗ୍ରହଣ କରିପାରିବେ ନାହିଁ। କିନ୍ତୁ ଏ ନେଇ ବାଲୁଗାଁ ଏନଏସି କାର୍ଯ୍ୟନିର୍ବାହୀ ଅଧିକାରୀ ପ୍ରାଣନାଥ ସେଠଙ୍କୁ ଯୋଗାଯୋଗ କରିବାରୁ ସେ ଏ ବିଷୟରେ ଅଭିଯୋଗ ପାଇଛନ୍ତି ଏବଂ ଏହାର ତଦନ୍ତ କରିବେ ବୋଲି କହିଛନ୍ତି।
ନୂଆଦିଲ୍ଲୀ: ଗତକାଲି କୋଷ୍ଟାରିକାରେ ଜରୁରୀକାଳୀନ ଅବତରଣ ସମୟରେ ଏକ କାର୍ଗୋ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଫଳରେ ସନ ଜୋସରେ ଏକ ଅନ୍ତର୍ଜାତୀୟ ବିମାନ ବନ୍ଦର ସାମୟିକ ଭାବେ ବନ୍ଦ ହୋଇଯାଇଛି। ଏହି ହଳଦିଆ ରଙ୍ଗର ବିମାନରୁ ଧୂଆଁ ବାହାରୁଥିଲା। କାରଣ ଏହା ଅବତରଣ ବେଳେ ରନୱେରୁ ଖସିଯାଇଥିଲା। ଏହାପରେ ପଛ ଚକା ଭାଙ୍ଗି ଯାଇଥିଲା। ତେବେ ପରିସ୍ଥିତି ସମ୍ପର୍କରେ ସୂଚନା ଦେଇ କୋଷ୍ଟାରିକା ଅଗ୍ନିଶମ ମୁଖ୍ୟ କହିଛନ୍ତି ଯେ, ଦୁଇ ଜଣ କର୍ମଚାରୀଙ୍କ ଅବସ୍ଥା ଭଲ ଅଛି। ପାଇଲଟଙ୍କ ଯୋଡିଙ୍କୁ ଡାକ୍ତରୀ ପରୀକ୍ଷା ପାଇଁ ସତର୍କତାମୂଳକ ଭାବେ ଡାକ୍ତରଖାନା ପଠାଯାଇଛି।
A much clearer version of the crash landing has emerged!
Source: Unknown#DHL #AvGeek pic.twitter.com/FCYbgFaW0H
— AviationSource (@AvSourceNews) April 7, 2022
ସକାଳ ୧୦.୩୦ରେ ଏହି ଦୁର୍ଘଟଣା ଘଟିଥିଲା। ଯେତେବେଳେ ବୋଇଙ୍ଗ ବିମାନ ନମ୍ବର-୭୫୭ ସନ ଜୋସର ଜୁଆନ ସାନ୍ତାମାରିଆ ଅନ୍ତର୍ଜାତୀୟ ବିମାନବନ୍ଦରରୁ ଉଡ଼ିବା ଆରମ୍ଭ କରିଥିଲା। ଯାନ୍ତ୍ରିକ ତ୍ରୁଟି ଯୋଗୁଁ ପ୍ରାୟ ୨୫ ମିନିଟ୍ ପରେ ଜରୁରୀକାଳୀନ ଅବତରଣ ପାଇଁ ପାଇଲେଟ ଅନୁମତି ମାଗିଥିଲେ। ବୋଧହୁଏ ବିମାନ ବନ୍ଦରରେ ସ୍ଥାନୀୟ ଅଧିକାରୀମାନଙ୍କୁ ହାଇଡ୍ରୋଲିକ୍ ସମସ୍ୟା ସମ୍ପର୍କରେ ସଚେତନ କରାଇଥିଲେ। ଏହି ଘଟଣା ପରେ ବିମାନବନ୍ଦର ସନ୍ଧ୍ୟା ୬ ଟା ପର୍ଯ୍ୟନ୍ତ ବନ୍ଦ ରହିଥିଲା।
କେନ୍ଦ୍ରାପଡା: ବୁଲା କୁକୁରକୁ ଜନୈକ ବ୍ୟକ୍ତି ପିଟିପିଟି ମାରିଦେଇଥିବା ଅଭିଯୋଗ ହୋଇଛି। ଏନେଇ ଅଭିଯୁକ୍ତକୁ ପୋଲିସ ଗିରଫ କରିଛି। କେନ୍ଦ୍ରାପଡା ଜିଲ୍ଲାରେ ଏଭଳି ଏକ ଘଟଣା ସାମ୍ନାକୁ ଆସିଛି।
ସୂଚନା ଅନୁଯାୟୀ, ପ୍ରହରାଜପୁର ଗ୍ରାମରେ ବାବୁଲା ସିଂହ (୫୦) ନାମକ ବ୍ୟକ୍ତିଙ୍କ ବିରୋଧରେ ବୁଲା କୁକୁରକୁ ମାରିଥିବା ଅଭିଯୋଗ ହୋଇଥିଲା। ପାଳିତ ଦୁଇଟି କୁକୁଡାକୁ ବୁଲା କୁକୁରଟି ମାରିଥିବାରୁ ବାବୁଲା କ୍ରୋଧାନ୍ଵିତ ହୋଇଯାଇଥିଲା। ସେ ଉକ୍ତ କୁକୁରଟି କୁ ପିଟିପିଟି ମାରିଦେଇଥିଲା।
ବାବୁଲା କୁକୁରଟିକୁ ମାରିଥିବାର ଏକ ଭିଡିଓ ଭାଇରାଲ ହେବା ପରେ ପୋଲିସ କାର୍ଯ୍ୟାନୁଷ୍ଠାନ ନେଇଥିଲା। ତାଙ୍କ ବିରୋଧରେ ଆଇପିସି ଧାରା ୪୨୯ ଅନୁଯାୟୀ ଅଭିଯୋଗ ହୋଇଛି। ବାବୁଲାଙ୍କୁ ଏହି ଘଟଣାରେ ପୋଲିସ ଗିରଫ କରି ଜେଲ ପଠାଇଦେଇଛି।
ନୂଆଦିଲ୍ଲୀ: ହୋଲି ଉପଲକ୍ଷେ ବାହୁବଳୀ ଅଭିନେତା ପ୍ରଭାସଙ୍କ କିଛି ଭିଡିଓ ସାମାଜିକ ଗଣମାଧ୍ୟମରେ ବହୁତ ଭାଇରାଲ ହେବାରେ ଲାଗିଛି।
#Prabhas First Ride on New Lamborghini
— Prabhas Trends ™ (@TrendsPrabhas) March 28, 2021
ଖବର ମିଳୁଛି କି, ପ୍ରଭାସ ଏକ ଲେମ୍ବୋର୍ଗିନୀ ଏବେନଟେଡ଼ର ରୋଡ଼ଷ୍ଟାର କାର କିଣିଛନ୍ତି। ଏହି ବିଳାସପୂର୍ଣ୍ଣ କାରର ଦାମକୁ ନେଇ ସାମାଜିକ ଗଣମାଧ୍ୟମରେ ବହୁତ ଭାଇରାଲ ହେଉଛି। ଏହି କାରର ମୂଲ୍ୟ ପାଖାପାଖି ୬ କୋଟି ଟଙ୍କା ବୋଲି କୁହାଯାଉଛି। ଏହି ବିଳାସପୂର୍ଣ୍ଣ କାରଟିକୁ ପ୍ରଭାସ ରାସ୍ତାରେ ଦୌଡାଉଥିବା ଭିଡ଼ିଓ ସାମାଜିକ ଗଣମାଧ୍ୟମରେ ଭାଇରାଲ ମଧ୍ୟ ହେଉଛି।
ଲକ୍ଷ୍ନୌ: ଉତ୍ତର ପ୍ରଦେଶ ବାରଣାସୀରେ ଅସଦାଚରଣ ଅଭିଯୋଗରେ ବିଜେପିର ପୂର୍ବ ବିଧାୟକଙ୍କୁ ସ୍ଥାନୀୟ ଲୋକେ ମାଡ ମାରିଛନ୍ତି। ଏହା ସହିତ ବିଜେପିର ପୂର୍ବ ବିଧାୟକ କାନ ଧରି କ୍ଷମା ମଧ୍ୟ ମାଗିଛନ୍ତି। ଏହି ଘଟଣାର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେଉଛି।
ସୂଚନା ଯୋଗ୍ୟ ଯେ, ବାରଣାସୀର ଚୌବେପୁର ଥାନା ଅନ୍ତର୍ଗତ ଭଗତୁଆ ଗାଁର ଏକ ଇଣ୍ଟର କଲେଜରେ ଜଣେ ଛାତ୍ରୀ ସେହି କଲେଜର ଅଧ୍ୟକ୍ଷ ତଥା ବିଜେପିର ପୂର୍ବ ବିଧାୟକଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି।
ତାଙ୍କର ଅଭିଯୋଗ ଅନୁଯାୟୀ, କଲେଜର ଅଧ୍ୟକ୍ଷ ମାୟା ଶଙ୍କର ପାଠକ ତାଙ୍କୁ କାର୍ଯ୍ଯାଳୟକୁ ଡାକି ଅସଦାଚରଣ କରିଥିଲେ। ଏନେଇ ସେ ତାଙ୍କ ପରିବାର ଲୋକଙ୍କୁ ସୂଚନା ଦେଇଥିଲେ। ପରିବାର ଲୋକ ଉତକ୍ଷିପ୍ତ ହୋଇ ମାୟା ଶଙ୍କରଙ୍କୁ ମାଡ ମାରିବା ସହ ତାଙ୍କୁ କ୍ଷମା ମଗାଇଥିଲେ।
ଅରବିନ୍ଦ କର
ଖଇରା: ପୁଣି କାନ୍ଧରେ ବୁହାହେଲେ ଗର୍ଭବତୀ ମହିଳା। ଏନେଇ ଏକ ଭିଡିଓ ଭାଇରାଲ ହେବା ପରେ ଘଟଣାଟି ସାମ୍ନାକୁ ଆସିଛି। ସରକାରୀ ଜନନୀ ସୁରକ୍ଷା ଲାଗି ବହୁ ଯୋଜନା ପ୍ରଣୟନ କରିଥିବାବେଳେ ଆଜି ବି ପ୍ରସୂତୀ ମହିଳାମାନେ କାନ୍ଧରେ ବୁହା ହେଉଛନ୍ତି। ଏପରି ଏକ ଅଭାବନୀୟ ଘଟଣା ବାଲେଶ୍ବର ଜିଲ୍ଲା ସାରକୋଣା ପଞ୍ଚାୟତ କଣ୍ଡିରାଗଢିଆ ଗ୍ରାମରେ ଦେଖିବାକୁ ମିଳିଛି।
ଏହି ଗ୍ରାମର ବିଦ୍ୟାପତି ଦାସଙ୍କର ସ୍ତ୍ରୀ ଭାରତୀ ଦାସ ପ୍ରସବ ଯନ୍ତ୍ରଣା ହେବାରୁ ପରିବାର ଲୋକ ୧୦୨ ଆମ୍ବୁଲାନ୍ସ କୁ ଫୋନ କରିଥିଲେ। ଆମ୍ବୁଲାନ୍ସ ଆସି ଅଧା ବାଟରେ ରହିଥିଲା।ରାସ୍ତା ନଥିବାରୁ ଆମ୍ବୁଲାନ୍ସ ମହିଳାଙ୍କ ଘର ଠାରୁ ୧କିମି ଉର୍ଦ୍ଧ୍ବ ହେବ ଦୂରତାରେ ରହିଥିଲା।ପରିବାର ଲୋକ କୌଣସି ଉପାୟ ନପାଇ ଶେଷରେ ଗାଁ ଲୋକଙ୍କ ସହଯୋଗରେ ମହିଳାଙ୍କୁକାନ୍ଧରେ ବୁହାଇ ଆଣୁଥିବାର ଦୃଶ୍ୟ ଭାଇରାଲ ହେବାର ଲାଗିଥିଲା। ଏ ବିଷୟରେ ସ୍ଥାନୀୟ ସରପଞ୍ଚଙ୍କ ପ୍ରତିନିଧିକୁ ପଚାରିବାରୁ ରାସ୍ତା କାମ ଟଙ୍କା ଆସିଛି ବହୁ ଶୀଘ୍ର କାମ ଆରମ୍ଭ ହେବ ବୋଲି କହିଥିଲେ।