ପୁରୀ: ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶ୍ରୀଜୀୟୁଙ୍କୁ ଦର୍ଶନ କରିବା ପରେ ପୁରୀ ରାଜଭବନରେ ସେ ମହାପ୍ରସାଦ ସେବନ କରିଛନ୍ତି। ସେ ରାଜଭବନର ଚଟଣାରେ ବସି କଦଳୀ ପତ୍ରରେ ମହାପ୍ରସାଦ ସେବନ କରିଛନ୍ତି। ତାଙ୍କ ସହିତ ପୁରୀ ଗଜପତି ଦିବ୍ୟସିଂହଦେବ, ମହାରାଣୀ ଏବଂ ତାଙ୍କ ଝିଅଜୋଇଁ ଏକତ୍ର ଖାଇ ବସିଥିଲେ।
ଏ ନେଇ ରାଜଭବନ ତଥା ମନ୍ଦିର ପ୍ରଶାସନ ତରଫରୁ ବ୍ୟବସ୍ଥା କରାଯାଇଥିଲା। ରାଷ୍ଟ୍ରପତିଙ୍କ ପାଇଁ ବିଭିନ୍ନ ପ୍ରକାରର ମହାପ୍ରସାଦ ମନ୍ଦିରରୁ ଅଣାଯାଇଥିଲା। ସମସ୍ତେ କଦଳୀ ପତ୍ର ସହିତ ମାଟି କୁଡୁଆରେ ଡାଲି ପ୍ରଭୃତି ଜିନିଷ ପରଷା ଯାଇଥିଲା। ଏଥିସହିତ ହାତ ଧୋଇବା ପାଇଁ ସ୍ବତନ୍ତ୍ର ଭାବେ କଂସା ପାତ୍ରର ବ୍ୟବସ୍ଥା କରାଯାଇଥିଲା।