ନୂଆଦିଲ୍ଲୀ: ସାହାରା ଇଣ୍ଡିଆ ଗ୍ରୁପ୍ ଚେୟାରମ୍ୟାନ୍ ସୁବ୍ରତ ରୟ ଆଉ ନାହାଁନ୍ତି। ଦୀର୍ଘ ଦିନ ଧରି ଅସୁସ୍ଥ ହେବା ପରେ ସାହାରା ଭାରତର ପ୍ରତିଷ୍ଠାତାଙ୍କର ଆଜି ରାତି ୧୦.୩୦ରେ ହୃଦଘାତ ଯୋଗୁଁ ଦେହାନ୍ତ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୭୫ ବର୍ଷ ହୋଇଥିଲା। ଗତ କିଛି ଦିନ ତଳେ ତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ସେଠାରେ ସେ କୋକିଲାବେନ ଧୀରବାଇ ଅମ୍ବାନୀ ହସ୍ପିଟାଲରେ ଚିକିତ୍ସିତ ହେଉଥିଲେ।
ଏ ନେଇ ସାହାର ଇଣ୍ଡିଆ ପରିବାର ତରଫରୁ ସୂଚନା ପ୍ରଦାନ କରାଯାଇଛି। ଏଥିରେ କୁହାଯାଇଛି ଯେ, ” ଗଭୀର ଦୁଃଖର ଜଣାଉଛୁ ଯେ,ସାହାରା ଇଣ୍ଡିଆ ପରିବାର ଆମର ମାନ୍ୟବର ‘ସାହାରାଶ୍ରୀ’ ସୁବ୍ରତ ରୟ ସାହାରାଙ୍କ ଦେହାନ୍ତ ହୋଇଯାଇଛି। ସାହାରାଶ୍ରୀ ଜୀ ଜଣେ ପ୍ରେରଣାଦାୟକ ବ୍ୟକ୍ତିତ୍ବ ତଥା ଦୂରଦୃଷ୍ଟି ସମ୍ପନ୍ନ ବ୍ୟକ୍ତି ଥିଲେ।
୧୪ ନଭେମ୍ବର ୨୦୨୩ ରେ ରାତି ୧୦.୩୦ ରେ ତାଙ୍କର ଦେହାନ୍ତ ହୋଇଯାଇଛି। ସୁବ୍ରତ ରୟଙ୍କ ଦେହାନ୍ତ ସମଗ୍ର ସାହାରା ଇଣ୍ଡିଆ ପରିବାର ଦୁଃଖ ପ୍ରକାଶ କରିଛନ୍ତି। ତାଙ୍କ ସହ କାମ କରିବାର ସୌଭାଗ୍ୟ ପାଇଥିବା ସମସ୍ତଙ୍କ ପାଇଁ ସାହାରାଶ୍ରୀ ଜୀ ଏକ ମାର୍ଗଦର୍ଶକ, ପରାମର୍ଶଦାତା ତଥା ପ୍ରେରଣା ଉତ୍ସ ଥିଲେ ବୋଲି ଜଣାଇଛନ୍ତି। ତେବେ ତାଙ୍କର ଶେଷକୃତ୍ୟ କେତେବେଳେ ହେବ ତାହା ଏ ପର୍ଯ୍ୟନ୍ତ ନିଷ୍ପତି ହୋଇ ନାହିଁ।
